位於尖東小巷嘅隱世泰菜，坐得舒服，有好多特色cocktail揀但今次冇試到🥲 整體嚟講份量偏細，如果同朋友一齊嚟可以叫多幾樣試吓！ . 🎐 泰式香煎帶子 $138 (3.5/5) 賣相💯！帶子口感嫩滑，煎得香口 . 🎐 老媽手打蝦餅 $88 (3/5) 份量大而且啖啖蝦肉，入面加咗啲爽口嘅食材，但比較油 . 🎐 雞肉鑊氣炒河 $98 (4.1/5) 幾有驚喜嘅炒河！一上菜已經覺得好香，食落河粉咬落唔油而且好彈牙煙靭，同平時食開嘅河粉質感好唔同👍🏻 配上雞肉同蛋絲好惹味，加埋泰式辣醬嘅酸辣令味道更加有層次✨ . 🎐 即燒豬頸肉 $88 (3.7/5) 真係即燒，上菜嘅時候仲熱辣辣🥵 豬頸肉入味，但燒得比較乾身，配酒一流 . 🎐 可麗露（椰子）$48 (2.8/5) 外層香脆，但椰子味較淡，整體上較甜，食落有啲似焦糖奶皇包味🤔

咁啱去到錦田，上網見到呢間泰國菜好多好評所以就入去試吓。 小店職員好nice，服務好好，而環境亦算好坐，如果係去開呢區或者住附近嘅朋友，絕對值得一試✨ . 🎐 泰式黃咖哩 (雞)配薄餅 $58 (3.3/5) 咖哩味道香而唔算辣，雞肉入味，吸收到咖哩汁，但略嫌薄餅偏油 . 🎐 泰式炒金邊粉 $58 (3.8/5) 炒得乾身唔油，味道層次豐富，調味都適中 . 🎐 濕炒河粉 (豬) $58 (2.8/5) 濕炒河粉整體上油膩，冇乜太大驚喜

香港真係好少地方有得食gnocchi所以朋友話想食嘅時候就去咗呢間有gnocchi食嘅小店！餐廳面積唔大所以建議先訂位～ . 🎐 Gnocchi Rosso $138 因為gnocchi本身口感偏軟，食得多可能會滯，但配蕃茄醬就可以平衡返🤏🏻 推薦俾鍾意食gnocchi嘅朋友! 🎐 Spatzle Cream and Bacon $98 推✨ 用咗每日新鮮嘅北意手工粉，麵嘅質感好彈牙，醬汁都好creamy，同黑椒味好夾 🎐 Tortellini al Ragu $149 唔係好食得辣嘅我表示呢個真心辣😂 肉醬好入味，但就唔係太大驚喜

黃埔新開嘅cafe，座位寬敞，裝修係小清新木系風格，適合朋友小聚同埋打卡之餘，有寵物嘅朋友都可以坐喺室外位置！ . 🎐 士多啤梨拿破崙抹茶芭菲 $98 好足料而且賣相精緻嘅芭菲，雪糕配上鬆化嘅拿破崙、綠茶蕨餅、蒟蒻同粒粒士多啤梨，味道層次豐富，而且唔算太甜，推薦🤌🏻 . 🎐 香煎刺身帶子明太子忌廉汁意粉 $148 刺身品質嘅帶子口感嫩滑，而且煎到表面略帶金黃色，意粉彈牙掛汁，整體有驚喜，值得一試✨ . 🎐 巴拿馬火腿蕃茄醬薄餅 $98 薄餅係薄批，但係唔太脆，正常發揮 . 🎐 芒果慕斯 唔太準確記得菜式嘅名😂 食落覺得味道好artificial，唔太推薦 . 去嗰日係週末，人流比平日多但係店員數量都偏少，餐廳面積有啲大所以有幾次都等咗好耐先至有店員見到🥲 不過整體而言服務態度都好好☺️

北京道一號嘅無敵大海景餐廳，前身係Aqua，環境同服務都好優秀，好適合情侶嚟食！ . 🎐 薄切西西里紅蝦配碎魚子醬及開心果 $295 推薦，呢個配搭能夠更帶出紅蝦嘅鮮味，清爽開胃 . 🎐 水牛芝士配意大利火腿及自家製蕃茄醬 $245 . 🎐 鹽焗海鱵魚配西西里燉菜及香草油醋 $495 平時好少食焗魚，但出乎意料地覺得魚肉好嫩滑亦唔腥，配香草好夾 . 🎐 澳洲300g肉眼牛扒伴紅酒汁 $450 Keep到肉汁，肉質嫩滑而且幾有牛味，同紅酒汁好配 . 🎐 龍蝦青檸意大利扁麵 $340 番茄汁酸甜適宜，扁麵al dente好彈牙🤌🏻 . 🎐 開心果意大利芝士蛋糕 $148 招牌菜即整打卡一流嘅tiramisu！可選原味、開心果同埋榛子✨ 蛋糕嘅質感好軟滑，開心果亦可以中和返比較重嘅咖啡味，值得一試

K11新開嘅喫茶店分店，長期大排長龍😂 咁啱有日放lunch經過冇人排隊就入咗去試吓！木系裝修好適合打卡，店員都好細心會俾你影完相先幫你切開蛋包飯隻蛋😂 . 🎐 日式紅酒燉牛肉蛋包飯 $115 (3.5/5) 蛋係半熟切開嘅時候係流心，份量非常大，牛肉都燉得好冧同入味 . 🎐 明太子蛋包意粉 $96 (3.2/5) 蛋包意粉真係第一次食😂 同上 ，蛋汁嫩滑，但略嫌調味稍淡，意粉亦較軟身 . 🎐 日式布甸 $38 (3.7/5) 彈口但又滑嘅布甸！甜度適中唔會太甜，同忌廉一齊食更加順滑，鍾意食布甸唔好錯過^^

見到openrice訂位有88折同埋送甜品所以就book咗！ 環境舒適，但座位比較少所以建議先book位會好啲 . 🎐 自家制免治雞肉軟骨 $55 (3.5/5) 肉質較鬆軟，配爽脆嘅軟骨同蛋汁令口感更豐富，但感覺調味唔太突出 . 🎐 厚切牛利 $78 (4.5/5) 大推！好juicy，厚切有牛味但唔韌，質感係balance到彈牙爽口同軟熟，好有驚喜✨ . 🎐 紐西蘭羊架 $78 (4/5) 同樣係好厚肉同有肉汁，肉質嫩滑而且唔太羶

週末大西北好去處！ 去嗰日咁啱落大雨所以冇乜人，好適合去chill吓✨ 但距離地鐵站有段距離，可能揸車入去會比較方便～ 環境係文青風格，店面分開兩邊，一邊係下單同埋烹調食物，而另一邊就主要係沖咖啡，兩邊嘅座位都幾舒服🌸 . 🎐 伯爵茶戚風蛋糕 (3/5) 當日嘅Homemade cake of the day，賣相一流，醬汁調味都啱啱好唔會太甜，但整體上蛋糕質感比較硬 . 🎐 Piccolo latte $32 有附送nuts同原味expresso可以試返原本個shot嘅味！ . 🎐 Iced latte $43

k11新開嘅台灣餐廳，地鐵站D出口一轉入商場就見到，而且啲位幾好坐，有卡位，適合同朋友小聚～ 燈光都好適合打卡，影上去啲食物都非常吸引！ 平日約12點半到嘅時候仲有位，但食完出去就見到需要等位了 . 🎐 紅燒牛肉麵 $92 (3/5) 麵用咗刀削麵，幾有咬口但唔太吸收到湯汁，牛肉軟熟唔靭，但份量比較少 🎐 麻吉珍珠奶茶 $42 (2.8/5) 比較失望，奶茶味道較淡，珍珠煙靭但味道同樣唔太出 整體感覺食物無太大驚喜，值得一提牛肉麵上菜嘅時候發現碗邊及碗底都黏有食物🥲 可能想去嘅朋友可以留意下

Elements水區嘅一間文青風cafe，座位比較多係榻榻米，好適合打卡而且性價比喺同區嚟講都算高！ . 🎐 原味炸雞 $115 啱啱炸好熱辣辣🥹 炸粉香脆而且唔厚，dipping sauce好清新帶少少金橘味，好有驚喜✨ . 🎐 牛肉紫菜包飯 $88 第一次食咁大卷嘅紫菜包飯😂 比例係蔬菜>>>烤牛肉>紫米飯，所以口感好清爽同埋健康啲！但略嫌烤牛肉嘅味唔太突出，紫菜較淋同會食得有啲狼狽😂 . 🎐 辣炒年糕 $82 調味比較甜，但年糕都幾入味，炸物較淋