同朋友gathering、想飲下酒、食下串燒、hea下傾計，都係幾適合既聚腳點😋 分別點左杯Pina Colada🍍&Apple Cider🍎 兩杯都好易入口，都係果味重既酒😊 串燒有得揀大辣🌶️中辣🌶小辣🌶BB辣或唔辣，好fit俾唔食辣既我地都可以好好食串燒🤭 一坐低叫左個白松露薯條來送酒，$98勁大份，超抵！ 叫左一堆肉肉包括：牛吞、和牛串、芝士雞髀肉、雞腎、炭燒豬頸肉、土匪雞翼 一盆咁樣上菜，眼闊肚窄🤣係燒得好正既！ 🐂🐖🐓🐂🐖🐓🐂🐖🐓 芝士控必點：芝士牛肉漢堡 半熟的芝士夾心好正😋😋 再叫左一堆草：燒菠蘿🍍、雞髀菇、芝士黑松露大啡菇、都係芝士控情不自禁點既，都係冇令人失望既！😆 再叫左一堆魚魚：多春魚、咖喱魷魚、原隻魷魚、芝士燒大虎蝦 好夠味，而且魷魚好爽口彈牙👍🏻👍🏻 整體來講，係一個好有氣氛，好適合gathering嘅聚腳點，燈光暗暗地，有音樂、食物同酒都唔錯，性價比亦都高，真心正！

舊區中央的小小寧靜，被極簡的裝潢吸引，小店入面亦是極簡的佈置和座位，但就好自成一角，好自在👍🏻 鐵觀音珍珠鮮奶茶 & 楊枝甘露 茶味夠香濃👍🏻 楊枝甘露入面勁多爆珠🫢🫢每一啖都好多野咬😊 紐約芝士蛋糕🍰 & 柚子芝士蛋糕🍰 作為芝士控既叫法🫢 New York cheesecake 做得好夠硬，個人認為呢個係精髓，超滿意！😊 柚子味亦非常出色，好清新好鮮甜👍🏻 整體黎講，呢到係一個好chill、舊區中既小小寧靜空間，飲品同cake質素都好高，價錢亦都好平，好適合想買小食hea一hea的人😊

平時都有去開呢了食韓燒，今次見佢出左個《魷魚遊戲》套餐，好過癮又來試下有幾大條魷魚🦑😆 無限任添芝士粟米&泡菜蛋 呢個都係其中一個吸引之處🫢半紫芝士&半煮蛋最完美😍添足3次🤭 一大堆前菜 叫咩餐都會有的大堆前菜，開胃👍🏻 高質豬牛雞🐷🐮🐔 份量多、肉質靚，仲可以用生菜包住食，正😋 魷魚遊戲巨大魷魚🦑 真係好大條😂😂😂而且好肥美，略略偏咸，用菜菜包或送酒比較正👍🏻 紅燈沙冰&綠燈沙冰 韓燒熱氣配沙冰係正既！兩杯野打卡好sharp😊 碰碰糖雪糕甜品 好入戲🫢🫢有得玩又好食！呢塊係餅乾，用咬既方法玩😆 整體黎講，呢個套餐真心豐富，個人認為夠三個人食，而且食物都非常多種類，座位亦都舒服，闊落，店員亦不斷幫手換鐵板，好適合三五知己gathering既地方！😊

今個聖誕開party，又發掘了屯門一間外賣食材小店！多左個外賣好選擇😊 叫咗個細刺身拼盤&帶子裙邊 出奇地個拼盤都好大盤！而且係件件新鮮肥美，特別讚三文魚同蝦，係靚料😋😋 辣味三文魚卷 8大卷好滑亦好Creamy，飽肚感十足 芝士年糕 芝士控一流，因為裏面係流心芝士，而且係多既！😊 豬骨湯烏冬+炸豬扒 估唔到個湯入面有好多櫻花蝦，令到成件事好香，炸豬扒亦都做得好好，外脆內軟正正😋😋 整體黎講，店舖雖小，但食物質素高，而且店內仲有好多其他國家的代購產品，算係幾特別的存在。

好欣賞呢間小店西餐廳，對自己餐廳的佈置、食物同服務都好講究亦好有要求👍🏻 🥓西班牙辣肉腸炒馬尼拉蜆 酸酸味味，蜆肉好入味，好香甜😋仲同餐包一齊上，可以用餐包點汁，都好夾！ 🥔薯仔麵團配蕃茄蘿勒醬 好特別呢個第一次食🫢都係酸酸味味好夾而家天氣👍🏻 🐽西斑牙燒乳豬配薯蓉燴煙肉薯菜 ⭐️⭐️⭐️⭐️⭐️五星星推介 超級皮脆肉嫩，薯蓉亦都勁滑，食完已經即刻想encore！好特色既做法👍🏻 🍰巴伐洛娃蛋白餅 真心第一次食到😋好豐富口感，上面的水果都係酸酸地，夾個淡淡地既餅心一齊食非常match👍🏻👍🏻好開心係屯門試到咁特色既甜品！ 🍎蘋果汁&🍊橙汁 整體黎講，餐廳每樣野都高質！今次天氣涼坐左出outdoor好正👍🏻有裝飾之下好有氣氛，而且傾計都好有私人空間。欣賞老闆們對食物做法的講究！會再黎😊

諗唔到食乜之下揀左呢間冰室，因為見佢餐牌乜都有得食，入去可以慢慢揀🤣 雖然冰室一般都期望係比較隨便及快食，但呢間冰室入面絕大部份座位都係卡位，一個人食都坐得好舒服～ 有燒臘燒味、有扒餐、有小菜⋯⋯⋯勁多選擇！ 揀左：海鮮湯花甲泡飯 個湯好好飲，好入味，連帶個飯都變得好好食😋花甲到出奇地多，有10幾廿隻！正正😋😋 餐飲：熱蜂皇柑桔蜜 好養生飲落好溫和舒服👍🏻 整體黎講，係冰室黎講係一間幾好既選擇👍🏻無論餐廳內的環境，職員態度、餐牌的選擇，同埋食物質素都係好符合性價比👍🏻

V city一樓勁多好野食，今次揀左呢間京川菜，都係幾唔錯既體驗😋👍🏻餐廳夠大，就算多人都容易等到位，而且大部分都係好闊落既卡位，坐得都好舒服😊 🐟金湯酸菜魚💲268 勁大煲😵😵好多好多魚，而且係滑既！😋 🦐黃金大蝦球💲138 鹹蛋黃味勁出，冇得輸！蝦肉都好爽口👍🏻 🐔花雕醉雞（例）💲88 例都好夠過下口癮，酒味少少濃，雞都夠滑～ 🧄上海小籠包💲45 每隻都多湯汁👍🏻Ok既！ 另外仲想讚下個茶都幾香醇，配埋呢餐比較重口味黎講攞到個平衡👍🏻 整體黎講，咁樣連埋加一總數💲600，性價比算係幾高既選擇，食物質素都OK，職員服務態度友善，座位舒服，幾高質既餐廳👍🏻

《冇人排隊好快拎得》 旺角算係香港最熱鬧最人來人往的區域，幾乎次次同朋友來食飯或飲野，大部分餐廳或茶飲店都要排隊或攞飛等，咁岩想飲下凍野，見呢間唔洗排隊，就同朋友試下。由order到拎得前後都唔洗3分鐘（3杯） - 叫左一杯寒天愛玉小紫蘇、一杯翡翠檸檬綠茶同埋一杯金桔愛玉冰梅綠 愛玉個兩杯都OK，有野咬下，而且唔算太甜 店內亦有d用熊仔裝起既飲品樽可以借來打卡 整體黎講，都算正常發揮，最大賣點係唔洗排隊和等。

深水埗多美食就街知巷聞，今次一個人食野，想有少少me time，又想唔好太貴，就揀左呢間台灣餐廳，因為有一人餐👍🏻😋 座位唔係特別闊落，但裝修好聰明，利用左本身的直樑去做左隔板，一個人坐都非常舒服、有私隱👍🏻 ⭐️一人餐⭐️ 鹽酥大雞扒 配 牛骨湯米粉 塊雞扒好大塊！皮脆肉嫩，好夠林，好好咬，鹽酥真係冇得輸，非常夠味👍🏻 米粉亦都入晒牛骨味，好香濃好入味，連湯都好好飲👍🏻 套餐小食揀咗台灣腸 又係卜卜脆的皮，兩肥條夠晒食😋 套餐飲品任揀 所有台式特色飲品都可以揀，揀左鳳梨蘆薈多多 本身睇名覺得佢奇怪，所以揀來試試，點知出奇地Perfect match😍 鳳梨味都幾出，蘆薈係滿滿一杯，是但一口都已經係好多蘆薈，而且出點係超級大杯，大到飲唔晒😂 整體黎講，餐廳裝修簡單但舒服自在，職員態度係深水埗式既街坊feel，再加自然又有禮貌，食物質素都高質既👍🏻值得再去！

在九龍城赫赫有名的泰國菜，原來在美食雲集的元朗，都有佢的分店。是口袋內數一數二的泰菜館。來呢度野食泰國菜，所以都是即叫即做。絕對信心保證。 菠蘿海鮮炒飯 用菠蘿外殼來盛載炒飯，相當吸引眼球。店家落足本，有帶子、蝦仁、魷魚、新鮮菠蘿、提子乾、肉鬆及雞蛋等等，是以黃薑粉炒至黃金色炒飯。味道很不錯，是食完一碗想到食多杯果隻。 鹽燒盲鰽 條魚份量唔少，在燒之前，魚腹塞有香葉南薑香茅，經這程泰式風味食鮮烤出來的魚，相當juicy美味，令天食指大動。 馬拉戔炒通菜 喜歡食東南亞菜的朋友，都不會陌生的馬拉戔醬～咸香惹味，裡頭有蝦米薑蒜辣椒豆辦醬。而且炒通菜是得易變黑，這樣睇得出廁廚房師傅熱油快炒的功架。風味十足。 青木瓜沙律 地度又好味的青木瓜沙律，隔著玻璃，在廚房見到新鮮製造的。可以調整大中小辣度，是否走花生，大讚。 泰式生蝦 新鮮即製，不會有雪藏味，是大隻尺寸的海蝦。爽口彈牙，沾上特製的醬汁，酸爽開胃。 龍眼冰 食辛辣野，配杯龍眼杯，大大杯夠晒滋潤及解辣。而且遇到店家買一送一的推廣(留意是要同樣飲品)。唔飲真係對唔住自己。我同我個friend，一人一杯岩岩好。 絕對無介紹錯，來呢度食泰國菜，你絕對唔會錯，物超所值。