今日落雨，最岩就喺嚟荃灣喱個天橋城市行街，全程由港鐵站行到嚟千色匯都唔洗淋雨。 柚想蝦你$55 柚子、中華沙律、沙律菜、車厘茄、蘋果、牛油果、甜蝦組成，有少少港式fusion味道。整體感覺都好fresh，作為開胃茶一流。 金龍卷$98 三文魚、炸蝦🍤及芝士，推獎無理由唔試試，食落口感好豐富，外層嘅三文魚入口溶化，配上內層嘅炸蝦芝士又係另一番口感。 蜘蛛$96 炸軟殼蟹、青瓜、蟹柳、牛油果 呢一個每一次食都覺得好味，因為本人鍾意食牛油果同軟殼蟹，打卡影相又好靚。 鹽燒白鰻$38 今次叫咗白鰻試試，其實真係好鍾意食鰻魚，呢一種鹽燒嘅感覺口感比較彈呀，同平時食開嘅炭燒鰻魚好唔同。 鹿兒島黑豚荔枝卷串燒$32 呢個都特別推薦，甜甜地又鹹鹹地，呢個配搭唔錯幾新鮮。

今日終於約到閨密出嚟行街shopping,喺尖沙咀行完街，好耐之前就已經好想試呢間裝修風格好宮廷式嘅餐廳，原本諗住下午茶時段過嚟，但係shopping得太過投入唔記得咗，咁真係試吓晚餐啦。 白松露薯條 $78 基本上薯條對於我哋嚟講都係開胃菜，喺美食正餐之前有啲小食咬下傾吓偈，白松露醬味道都好唔錯，薯條好似仲有少少芝士定洋蔥喺面，所以影相影落都好精緻。 法式大蒜蘑菇忌廉烤雞 $238 呢個真係要大贊，估唔到真係咁好味，配上考得剛剛好嘅麵包多士，點醬真係好好味。但係麵包真係要趁熱食，喺脆卜卜嘅時候加香濃嘅忌廉大蒜醬汁，真係好想食多幾塊。蘑菇同雞都好入味，所以都好夾。 蟹肉忌廉汁扁意粉$168 其實就冇乜特別，口味比較清淡少少，可能比起一般忌廉意粉嚟講冇咁濃郁。 焗蘋果金寶配雲呢拿醬$78 呢個係熱辣辣焗出嚟嘅AppleCrumble，真係超鍾意佢酸酸甜甜熱辣辣嘅感覺，其實呢道菜我成日都覺得唔係甜，每次食完都覺得好開胃。10分推薦熱式甜品～ 呢度嘅環境打卡真係好，真係好適合女仔喺度坐低傾偈，去到就嚟收舖嘅時候特登等啲人走晒，終於可以影到呢個冇人嘅環境，係咪有少少嗰種返返去維多利亞時期嘅感覺？

一早就已經上嚟朝聖，好多朋友都話呢度嘅多士同埋芭菲雪糕超好食。今日終於有時間可以過嚟試吓，其實都已經係行完街嘅晚上。🤣 兩個女仔有少少肚餓，所以都叫得比較多。 九州漢堡扒 $158 講真，好豐富，好惊喜。漢堡扒好juice好嫩滑，咬落去係爆汁。然後有一隻温泉蛋，入邊的蛋王是5成熟。然後有少量沙律+蘑菇+車厘茄，中和返啲蛋同牛的油脂。最後有一個French Toast上邊有竹少忌廉+士多啤梨，呢個多士好正，吸滿蛋漿再去焗，好香濃，外脆內軟。 博多明太子PIZZA$118 呢個係一個pizza,超級無敵香。一擺上嚟，好香濃的芝士味，芝士下邊是一層明太子，最底係脆香餅底，每啖都有拉絲芝士+咸香明太子+脆香餅底。三層享受，每層都好夾。好正呀 吉士忌廉芒果 $88 好鐘意呢個。一開始仲擔心又芒果又吉士又忌廉，會唔會又甜又漏咖！…no,no,no..結果係店主將吉士同忌廉打成沙𣲙+芒果的清甜。最後一啲都唔漏，係清新，係清甜。 博多甜草莓梳打。$48 是酸酸甜甜的加埋㧧打同𣲙，又開胃又啱曬夏天享用 拿鐵咖啡。$45 咖啡同奶的比例啱啱好，係一杯好咖啡，啱曬食完仲要工作的拼搏精神香港人。

大埔街坊推介嘅海南雞飯！ 由九龍市區特登搭車入嚟大埔試一試喱間暢和號，叫咗個二人餐，超豐富。 $178會半包隻雞，任選一款配菜、小食、兩個飯、再包兩碗湯，當然某啲特別菜式要額外加錢。 首先佢嚟嘅半隻雞真係好足料，嚟到都已經知道兩個人未必食得哂，再加上佢一大兜嘅菜，果然大埔食嘢真係特別唔同啲好有街坊人情味。 但係值得一提嘅就係佢嘅秘製芝麻蝦多士，真係要趁熱食，同埋超級脆，每一啖呢你會見到啲蝦呢係鋪滿喺個多士上面，每一個位置都會有蝦肉，加上芝麻配搭起上嚟特別香口，嚟到一定要必點必試。 都係各自加咗少少錢，轉左杯特飲，同埋泰式奶茶同龍眼茶。飲品方面就不過不失啦都唔錯。 當我食到已經飽到上心口嘅時候唔記得咗原來仲有甜品，就係椰汁西米糕，佢呢個椰汁真係好濃郁，配搭個西米超好味，椰汁真係好正好正，大致上$200，食到好飽之餘仲要打包走，果然係大埔街坊推薦嘅餐廳。

其實真喺好耐都無行過西九龍中心，大多時都喺直衝上頂樓美食廣場，但原來喱到有間臥虎藏龍嘅港式西餐。之前喺鑽石山返工，記得嗰邊都有間紅蔥頭，lunch成日過去食，因為真係好有人情味，通常都會有啲打工仔午餐，價錢經濟實惠性價比較高。 嚟到呢一度喺門口就見到有好多返工人士同穿着校服嘅學生優惠，其實呢啲特別優惠係香港真係買少見少，突然覺得返返去想當年做學生嘅時候，特登搵啲學生餐。 見到咁有港式風味，今晚一於試吓佢嘅鐵板餐，分別叫咗西冷同肉眼，都叫咗三成熟，果然鐵板就一定要生啲唔好太熟，上檯吱吱喳喳多幾嘢都變咗五成。肉質都好鮮嫩，纜對唔馬虎。 餐飲轉咗特飲：紅茶香茅七喜&七喜雲呢拿雪糕，轉特飲每杯加$18。成個套餐大概$200左右，有齊餐湯蒜蓉包飲品再加鐵板，基本上係港式操作。 環境的確係好過樓上美食廣場好多，坐得舒服，又可以慢慢食，同埋以前食開到而家，都仍然keep到港式風味西餐嘅水準，的而且確係唔錯。

其實好少嚟屯門呢一邊，不過今日行完山體力透支，決定食返餐好嘅，發現呢度新商場，有間任食火鍋嘅餐廳，晚餐時段$328， 仲要包埋刺身（雖然冇得再order）同埋海鮮時令拼盤。 一開始上過海鮮拼盤嘅時候都已經眼前一亮，有鮑魚、蝦同大蜆。打卡影相真係一流。蜆都喺隻隻肥嘟嘟，真喺好好味。 叫咗個花膠雞湯底，再有半隻醉雞，一嚟到落咗先，煲好湯底慢慢打邊爐。 另外，最值得一讚嘅喺個雞軟骨同個醬，超級脆口同埋送啤酒一流，講起啤酒，喱到喺啤酒任飲，仲有黑啤都喺。想飲生啤放題都好似喺$48。 任食menu 包括黑豚豬梅肉、豬頸肉、牛舌心、牛板腱，丸類有：墨魚丸、鮮蝦丸、豬肉丸。雲吞餃子都有好幾款，仲有好多蔬菜任你揀。

原本想坐外面的，不過今日天氣唔係咁好又落雨出面真係比較多蚊，都係入返室內比較好啲。一嚟到門口就已經深深吸引，完全就係打卡嘅好地方。花卉配上大理石，簡直少女心大爆發。 今晚其實都係普通嚟食個晚餐，估唔到都要等位，好多人都揀嚟呢度慶祝生日，成晚聽咗好幾次生日歌。 叫咗個手工黑松露雲吞配野菌黑松露忌廉汁，呢個小雲吞真係好好食，佢唔會好滯，食落好Creamy味道剛剛好，同埋每一粒小雲吞都細細粒，啱啱好放到入口一粒過。 另外個法式紅酒燴牛面頰肉意大利飯，醬汁上味道都好夾，特別欣賞佢哋用嗰啲小配菜，條長長嘅小紅蘿蔔好可愛，影相打卡真係好適合。 最後嚟到甜品時間叫咗個提拉米蘇同埋巴斯克芝士蛋糕配雪糕，兩個甜品都不過不失，正常操作，甜度剛剛好唔係太，比較出面啲甜品嚟講都真係比較低糖。

記得以前呢間餐廳要派晒隊，疫情過後可能大家都已經有另一種生活模式，喺屋企食飯嘅日子可能會多咗。 難得同啲舊同事敘舊，估唔到依家真係唔使點等，而家都會有啲套餐亦都有有散叫，如果人多嘅話其實又真係幾抵食，係啲嘢飲比較貴，啤酒$58，其他罐裝韓國嘢飲都成$30，汽水都好似$30罐，可以的話其實飲水都夠。大致上每人叫一杯嘢飲，又叫下啲小食麵啦煎餅，跟住嗌多兩三碟肉，大概每人三百幾幾。如果兩個人食嘅話又真係比較困難，因為份量都比較大，冇辦法試多啲菜式。

睇完戲方便順路，見副喱間泰國菜又幾多人，等咗一陣位肚餓就試下。 叫咗個咖喱炸軟殼蟹配法包🥖，喱個上菜模式又幾細心，一路煲住個搞咖喱，喺佢滾嘅時候就可以落法包，咁個包就可以更加索到啲汁。 仲有叫咗個生菜包，份量都幾多，每一片生菜都大大啖肉包落去都食唔哂啲肉碎。 最後叫咗個椰青海鮮飯，叫喱個飯主要喺因為有啲想食甜品，但又未食飽嘅感覺。所以叫咗喱個椰汁甜底嘅飯似甜品，開頭有啲覺得佢好似玩具，因為個椰漿喺好濃郁個隻，如果想搵樣嘢打卡都好推介叫嚟影下相。

嚟到諾士佛台，始終都係比較鍾意樓上舖，樓下實在太嘈了，靜靜地同個friend飲杯食吓小食，紓緩吓一整日嘅工作煩惱同壓力。 主要happy hour嘅時候叫啤酒，可以留定幾杯慢慢飲，happy hour 60幾蚊又真係幾抵。同埋呢間酒吧仲有啲超抵食嘅串燒，低至$10一串，$10一串雞髀菇又真係唔錯，雞皮都超爽口脆脆，串燒嚟講又真係幾唔錯，同埋有啲特色燒丸（我諗就係類似甜品，甜甜地嗰啲丸子） 額外亦都叫咗水牛城雞翼同埋薯條，雞翼份量都好大份，晚餐嚟講其實真係好足夠，再配埋薯條喱兜澱粉質，我哋兩個女仔真係食到有啲飽。 大致上環境都唔錯，今日唔係太熱都比較鍾意坐露台，靜靜地談吓心傾吓偈。