呢間壽喜燒店已經book mark咗好耐，見有人推介亦都好吸引，所以就嚟試吓。 呢間餐廳主打食壽喜燒同埋串燒，好有日式風味。餐廳入邊亦都有兩間獨立嘅房，可以嗌埋杯嘢飲同一班friend一齊傾偈。侍應們亦都好有禮貌同貼心咁樣介紹食物同埋幫我哋燒和牛。整個用餐體驗都好舒服同埋滿足。 我哋兩個人嗌咗個壽喜燒二人餐同埋兩杯嘢飲 A5鹿兒島黑毛和牛西冷肉眼 每塊A 5和牛都好大塊，油花均勻，而且好厚。所以食落牛嘅油脂味濃郁，而且非常之嫩滑。一啖將塊牛放落口入邊，成個口都充滿着和牛非常之滿足。 職員亦都有介紹和牛嘅幾種食法，可以齋食、加蛋、加京蔥、或者配飯。個人就鍾意齋食可以食到牛嘅油脂香味。 壽喜燒汁亦都調校得啱啱好，唔會過甜或者過咸。壽喜燒入邊嘅甜味系列至於棉花糖非常之特別。 季節野菜盛合 食完晒啲牛之後就會用剩返嘅壽喜燒汁煮野菜。入邊有好多款蔬菜，加埋烏冬吸晒啲汁非常好味。烏冬亦到好好味，好彈牙。 巨峰提子乳酸梳打

呢間壽喜燒小店係係銅鑼灣鵝頸橋附近嘅細行入邊，食物質素高，好值得嚟試吓！晚市套餐有五款肉可以諫，A4 同A5和牛各兩款。唔食牛都可以揀豚肉。散嗌餐牌仲有更加多唔同牛、豚肉同海鮮選擇。套餐會包埋前菜，野菜拼盤，日本白米飯。白飯亦都可以加$15轉拉麵或者烏冬。 極尚A4黑毛和牛，關東風壽喜燒湯底 $458 和牛啲油脂雪花分布得好平均，而且色澤鮮艷，望落好新鮮。食落亦都好香牛味，而且食到和牛嘅鮮甜味。口感好細緻好滑。關東風嘅壽喜燒湯底會有少少甜甜地而且味道濃郁同和牛好夾。啲蔬菜同烏冬亦都朔晒個湯汁好好味！ A5黑毛和牛肉眼，日式昆布上湯湯底 $608 前菜係青瓜同埋鮮淮山，鮮淮山食落好清甜而且爽口。和牛肉眼油脂會多少少，但係肉味香濃而且鮮甜，牛味會再重少少，份量都幾多下食到好飽。椰菜拼盤都有好多唔同種類嘅蔬菜，有冬菇，金針菇，白菇，栗子南瓜，芋絲皇帝菜，白菜，同埋蟹柳。而昆布湯味道清甜仲有一絲絲昆布。

想同friend 喝杯野，睇到呢間啲嘢飲主題都好新，所以上嚟試吓一入到去裝修好靚，而且食物質素都好高。✨ 圖書館羊架二重奏 $288🐑 羊架肉質好淋，食落有羊臊味，唔好望落以為好生好紅，其實熟度啱啱好，識落完全唔會硬，上面仲撒咗少少炸蒜同埋生蘿蔔粒，食落好有層次。下面亦都有一絲絲嘅羊肩。羊肩用咗羊腩煲嘅概念，用咗一啲中式嘅香料一齊煮，例如月桂葉。側邊仲有用腐乳整成嘅醬汁。 牡丹蝦意大利粉 $268 🦐 意粉個汁係蕃茄汁，雖然用料好簡單，但係食到蝦嘅鮮味。蝦係有唔同嘅，有啲生有啲熟，而且切到一口大小。生蝦食落好creamy同熟蝦同埋意粉一齊食口感好有層次。 椰殼 $128🥥 一上到嚟個擺盤好靚，椰子外殼用咗朱古力脆皮，中間個椰子肉係椰子雪糕，中間加咗熱情果啫喱同西米，識落酸酸甜甜。側邊仲有朱古力脆脆做泥土。好特別！ Book Cover $90📚 飲落偏甜，而且好有橘子嘅香味，同紅蘿蔔亦都意外好夾。飲落好fresh。 Book Mark $108 🔖 呢個會飲落清啲，而且茶味重。最底會加咗珍珠，珍珠外邊銀色嘅糖衣會慢慢溶化，令到嘢飲入邊有銀色閃粉，望落好靚。

呢間啲串燒全部都好好味🤤尤其係白鱔‼️同牛舌‼️十分推介！ 鮮鮑魚 $時價 🐚 鮑魚係用鮮鮑魚嚟燒，口感Q彈，我而且調味到位，食到鮑魚嘅鮮味，🌶️最後先食到七味粉嘅辣。大推👍🏻 月見免治雞肉棒 $48🐓 雞肉打到好滑，入邊仲加咗少少雞軟骨打到碎晒，食落口感好脆🤤。加埋蛋黃🍳，濃郁嘅蛋黃同醬油味同雞肉好夾。🤩👍🏻 牛舌芯$68🐄 牛舌好林好滑👅，淨係用咗鹽同埋胡椒調味🧂，但係都食到牛嘅香味，而且厚切，大大槐。好滿足。🤤超級推介‼️ 鮮白鱔$98 🐟 白鱔個皮燒得好香脆👍🏻，食嘅時候好似食緊薯片咁有脆嘅聲音🗣️。魚肉好肥，肉質好滑，入口即溶，好香魚油味。🐠一定要試‼️ 日本牛油扇貝 $時價🐚 上碟用扇貝個殼裝住，仲配埋日本壽喜菇，同鮮冬菇。扇貝切咗薄片，上面撒左芝麻同埋少少辣椒增添風味。🤩扇貝食落有鮮味而帶有咬口，同菇嘅爽脆完全相反，食落好有層次。最後用咗鮮冬菇薦底，炒過嘅菇真係好香牛油味。🤤 日本紅豆綠茶蕨餅 $48🫘 蕨餅口感好軟，挺身，Q彈。外邊果上綠茶粉🍵上面再加左日本紅豆蓉同埋金箔，賣相好吸引。🤩紅豆蓉嘅甜味可以中和左綠茶粉嘅苦澀味。而且凍凍地，好refreshing。👍🏻 奶黃鯛魚燒 $36🐟 鯛魚燒即叫即整，嚟到嘅時候外面仲係好脆。🤤佢個粉漿唔係好似pancake咁鬆軟嗰隻而係，有啲有嗰的Q彈。👍🏻中間嘅奶黃醬好豐富，好黏口，有香濃奶味又唔會過甜。🤩

近花園街都有好多餐廳，而今次就去咗試一間小店cafe😌 坐得好舒服，枱同枱之間都好闊落同friend傾偈唔會驚嘈到其他人。所有食物都好好味，超級推介‼️ 二人set👯‍♀️ $468 慢煮雞胸柚子汁沙律🥗 慢煮雞胸一啲都唔鞋，而且份量好多。沙律菜好新鮮，上面仲加咗士多啤梨同蕃茄仔🍓。好refreshing🌿 南瓜濃湯🎃 擺盤好精緻，用cream整咗三個心心💕。個湯真係真材實料，係用南瓜打成泥嚟整嘅。好濃郁南瓜味。🤩🤩 蒜油花椒蜆肉意大利麵🧄 呢個意大利麵真係有驚喜！🤤🤤識落花椒味好突出，有少少麻辣嘅感覺，不過完全唔辣。蒜香味亦都可以襯托着花椒同蜆肉。蜆肉份量亦好足，值得推介！👍🏻👍🏻👍🏻 西京燒比目魚🐟 一嚟到已經聞到比目魚嘅魚又香。😚比目魚煎得啱啱好。表皮香脆，食落甜甜地，好有日本風味。🗾魚肉煎得好滑，充滿魚油。旁邊亦都有自家製薯餅，🥔調味啱啱好，有大大粒嘅薯仔粒保留口感。✨✨✨✨ Cheese cake Orange juice Peach tea

嗰日行Yoho II 3樓無意中發現開咗間新嘅中菜館。佢開係Starbucks 隔離行到最入，門口係同其他兩間餐廳連住。唔好睇佢門口細細，其實入面都幾大。而且佢碗碟餸都好好味🥰 麻辣小黃瓜 $22 🥒 首先帶咗個開胃前菜。小黃瓜爽脆，上面啲麻辣醬都畀得好多，鍾意食麻辣朋友一定好鍾意加咗少少醬都食到佢嘅辣味。🌶 心肝寶貝粥 $78 🐖🐚 粥真係有驚喜！原本諗住佢會同出邊啲粥差唔多但係一食落去好鮮甜好綿！🤩每一啖都有滿滿嘅帶子海鮮甜味，而且每一粒米都開哂花，好綿，唔會水汪汪。豬膶亦都係我食過最好味嘅！🐷豬潤切成厚切，煮到啱啱好，咬開中間冇血水，食落爽口唔鞋，冇筋。仲要係無血水，帶子亦都好鮮甜，大大粒，好足料！🤤🤤 真正東江鹽焗雞 $148🐓 果然係米芝蓮推介！👍🏻雞肉好滑好嫩，熟度啱啱好。雖然係鹽焗但係唔會過咸，仲食到鹽嘅鹹香味。呢雞仲要起咗骨，啖啖肉，唔使自己選，食得好開心🤭 重慶酸菜魚 $148 🐟 酸菜魚一嚟到真係哇一聲！🗣個碟好靚之餘，入面仲有原條䱽魚😳。出面有啲餐廳好吝嗇俾啲雪魚塊仲要得好少，呢度就唔同，睇得出佢係用心煮❤️䱽魚本身肉質比較實，食落又帶一點嫩滑，加上經過油泡食到有炸魚嘅惹味冇醒味。第一啖食到酸菜嘅酸味之後泡椒嘅辣就慢慢係舌頭後面散出嚟，好掂！😋😋

成日去尖沙咀都係去大商埸，想去下偏少少嘅地方。呢餐廳好細心每食完一道餸都會幫你換碟，令每一碟嘅醬汁唔會溝埋。亦都主打海鮮，啲海鮮都好新鮮😍 Welcome drink🍹 free 細細杯好菂式，🍓Mixed berry juice 🫐再加少少alcohol，酒精味唔重，加埋berries 嘅酸酸甜甜，好開胃！👍🏻👍🏻 Gaboriau oyster🦪 $69 each 呢款蠔黎自法國，仲要係有R嘅月份，就梗係要嗌蠔啦！蠔中size ，食落爽中帶滑，鹹度適中。嗰啖海水可以帶出蠔嘅鮮甜，鮮甜中帶悠長嘅礦物味，好新鮮！🤩 果木煙燻法國鵪鶉髀 $188 🦆 煙燻過嘅鵪鶉髀，好香炭燒味，一黎到就有嗅覺上嘅衝擊，好吸引😋！食落鹹度適中，唔油膩。 一齊仲附上柚子醬，柚子味同煙燻味異常地搭，味道兩者互相提升🆙 西西里島番茄海鮮意粉 $288 🍝 魷魚味超級香一黎到就已經聞到🦑，平時嗰啲有少少唔同比較粗身，熟度啱啱好，食落彈牙。🥫番茄醬好creamy，食到佢用咗蝦頭黎餚，再加左芝士🧀同Basel 🍃，好鮮味同fresh。而且食到的海鮮grill 過， charcoal味好香🔥，隻蝦都好大隻爽口！🤟🏻🤟🏻 果木煙燻朱古力布朗尼$128 🍫 Brownie 用咗特製嘅碟裝住，下面有燒緊嘅 Rosemary同埋thyme 燻住🌿，好有特色✨ Brownie 口感好好好creamy 😋😋，同時又唔dense，唔會覺得好跩。面頭仲加咗開心果碎增加口感。細細嚿份量啱啱好，好適合做飯後甜品。🍨

呢間餐廳舖位唔算好大，但係坐得好舒服。食物都用上高質嘅食材同烹調手法✨。呢間已經去咗有三次，每一次食都覺得好好味！😝而且店員仲好nice ，推介同介紹有啲咩好食😚 Piggy Piggy🍔 麵包好鬆軟，加咗mustard 帶有少少甜。豬扒🐽好厚身但係一啲都唔韌，食落好淋，而且肥瘦啱啱好，好香醬油味。旁邊有一塊蜜瓜🍈，蜜瓜好香甜，清新，食落保留爽口既口感。 越南青木瓜沙律切到薄幼絲，爽口，好開胃。每次嚟到都會嗌！😍😍 銷魂飯🍲 我呢個係高級版嘅黯然銷魂飯🤩溫泉蛋用咗蘭王蛋，仲要係兩隻！！切開隻蛋🥚，流心嘅蛋黃撈埋啲飯，一流✨✨而且飯嘅份量都幾多，叉燒就圍滿晒個邊，每一塊都差唔多一口大細，啱啱好。 日式海洋鱒魚配香橙果醬 🍊 $208 鱒魚 🐟望落去同食落去都同三文魚有啲似，不過少啲魚油未。鱒魚烹啱啱好，好滑。配埋香橙果醬🍊，濃稠到啱啱好，而且入面仲有橙皮粒。鱒魚上面嘅檸檬夾埋橙醬好Fresh，第一啖食落去食到橙皮嘅甘甜味，最尾帶出鱒魚嘅魚味。👍🏻👍🏻 Apple Cox’s juice🍎 呢個係來自法國嘅蘋果汁🧃，蘋果味好清新，完全唔係蘋果精油嘅蘋果味，飲落唔係好甜，好fresh🤤下次要試埋白桃同提子先得！

呢間係出名食卷物，佢啲相好吸引，想黎試好耐！今次終於食到。😆😆 煙花6件$78* 🎆 辣味三文魚，辣味吞拿魚，脆片，蟹籽。每一件卷物上面都有一座小吞拿魚山⛰，飯入面仲加咗黑白芝麻，同埋上面仲撒滿咗脆片，增加口感。吞拿魚蓉入邊撈埋蟹子，每一啖咬落去都好似係口入面放煙花🎆。好味😋 火山$128* 🌋 帶子，青瓜，牛油果，蟹柳。呢一個真係打卡之選！🤩壽司左右有淋咗酒嘅鹽，再點火卷物就好似真正嘅火山咁🔥。呢幾樣食材冇諗過可以擺埋一齊，但係口感好有違和感。帶子粒撈埋左落啲蟹柳度，鋪喺卷物面，爽口嘅青瓜食落好突出，增添清爽口感。🥒 宮崎黃金炸豆腐$68 ⭐️ 炸過嘅豆腐外脆內滑。脆漿上面仲裏上咗堅魚片，上面再淋上燒汁，好有飽足感👍🏻👍🏻 櫻花蝦茄子燒$68 🍆 茄子好惹味✨✨上面有滿滿嘅櫻花蝦，嗰啲櫻花蝦仲係大大隻，增加鹹香味，一流！茄子燒到外皮煙靭，熟透嘅茄子肉好淋，好Juicy，食到有少少七味粉嘅香辣。超好味，大推‼️ 蜘蛛$96 🕷️ 炸軟殼蟹，青瓜，牛油果，蟹柳。天婦羅軟殼蟹好大隻，天婦羅外皮就算俾啲飯包住仍然都好脆口。飯面都鋪咗蟹籽，食嘅時候好似有好多粒氣球係個口到爆咁。好好味😋😋

呢間cafe係元朗市中心嘅小街入面，平時比較少行入黎，所以好幽靜。枱同枱之間都好鬆動，坐得好舒服。 Avocado smash🥑 $68 Avocado 牛油果嘅熟度啱啱好🥑，果蓉好creamy ，份量亦都俾得超級多，打側睇好似一座山⛰。牛油果蓉亦都保留一啲牛油果粒口感，有層次，加埋feta cheese 加添咸味。每一啖都好豐富好滿足😚。Sourdough 🥖外皮本身偏硬，以為烘完會好硬，但係呢個完全唔係，有驚喜！麵包只係輕輕烘一陣，令個麵包外面脆入面仲係好濕潤軟熟，烘得啱啱好✨✨ Salad🥗 蔬菜好新鮮，有五款沙律菜，上面有一塊紫色嘅羽衣甘藍，好特別！我都係第一次見。食落口感脆而不硬，連尾尾個幹都食到，無渣。 上邊冧咗柚子醋汁，食到有柚子皮嘅香味，個汁主要係鹹嘅，帶少少酸，令成個沙律都好refreshing。😌 黑松露炒蛋🍳 +$15 黑松露味超級濃郁，一擺落口未咬，黑松露味係已經係個口度爆出黎。蛋亦都係半熟嘅，好滑。食完都好想繼續食。😋😋 烤大啡菇 🍄 +$15 煮得啱啱好，好Juicy💦、厚肉，菇味濃郁，加咗鹽調味。菇好似海綿咁吸滿汁，之後咬落去啲汁湧出來，好正😋😋 Hojicha latte ☕️ $40 焙茶味好香濃，飲落去好溫和，唔會有茶葉嘅苦味。茶嘅烘焙味亦都好香口，飲落好舒服。