呢間cafe 離元朗地鐵站唔係好遠，係大馬路後面嘅細街，所以環境好幽靜😌。入到去唔好以為店舖細細，其實仲有2樓，而且坐得好舒服，好適合嘆番杯咖啡☕️。 香煎雞扒炒滑蛋 配 酸種法包 $78 雞扒有兩塊，而且個皮都煎得好金黃香脆。肉質都好嫩滑Juicy😆。滑蛋加咗多啲奶，所以食落好滑，而且好有蛋味🍳。麵包🍞可以揀牛角窩夫🧇、酸種法包🥖、祼麥包🍞。側邊仲有三粒炸薯波波🥔，同沙律。沙律菜都好新鮮，上面仲加咗麻醬🥗。 煙肉卡邦尼 $78 🍝 卡邦尼意粉係扁意粉，食落好煙韌。卡邦尼醬好creamy，而且上面仲有好多煙肉。份量都俾得好多，好滿足！😋 提拉米蘇牛角窩夫 配 雪糕$68 🍨 牛角窩夫外脆內軟，上面有一球雲呢拿味嘅雪糕🍦。隔離仲有一杯expresso☕️。擺盤好靚，上面加咗朱古力醬同藍莓🫐 朱古力咖啡 $43 ☕️ Dirty $ 38☕️ 跟餐可以減$8。咖啡好香，朱古力亦都唔係好甜。好味😋

鹽燒花魚 $88 花魚真係超好味，夾開的魚肉嘅時候啲魚汁湧晒出嚟好Juice而且食落好滑，冇腥味。用鹽燒完之後鹹鹹地，加埋魚嘅鮮味，唔使加豉油都好好味！亦附上檸檬同埋蘿蔔蓉，可以加埋落個豉油汁一齊食。 鹽燒厚切牛舌串 $68 一嗌就有兩串牛舌，一串有三舊牛舌。上面加咗粒粒黑胡椒一齊燒，好juicy。食落帶有咬口。 刺身拼盤 （松）$268 壽司拼盤擺盤擺得好靚，同款刺身分開一堆堆。赤蝦食落好Creamy、鮮味。三文魚魚腩見唔到啲油脂同肉分間平均，仲要切到好厚，識落好滿足。海膽半版會加埋紫菜，識落冇苦味，好鮮甜，口感Creamy。仲會有一塊紫蘇葉加埋刺身一齊食，同啲刺身好夾。

呢間係係故宮博物館入面嘅餐廳，所以菜式融合咗古代歷史，好特別！都好多人嚟食，所以下晝三點左右有啲食物已經售罄，想試特色食物嘅就要早啲嚟食啦！ Lunch Set 小食x 2 主食x 1 醉珍肝 + 四喜烤麩 + 青筍蔥椒丸子飯 醉珍肝醃得好入味，而且切咗一片片好容易入口。酒味同鹹味適中，濃郁，好滋味，令人一片一片係咁食。四喜烤麩亦切到一口大小，加埋雲耳、金針菇、筍。 青筍蔥椒丸子飯，份量好豐富，有6粒丸子，青筍份量都好多覆蓋成個飯嘅表面。丸子嘅肉打到好細好滑，入口即溶。食落有香濃嘅馬蹄味，但係完全食唔到一粒一粒嘅馬蹄完全同啲肉融合晒一齊。青筍入面仲要有冬菇片，同中式醬汁好夾，而且青筍食落爽口。 驢打滾 餐牌話係慈禧太后最愛食嘅甜品之一，所以好有興趣叫你試吓。佢係由糯米粉整成嘅麻糬捲着豆沙，表面再撒上黃豆粉。食落麻糬好煙韌，豆沙餡亦都唔會過甜，幾特別。

行過見到呢間舖頭裝修好靚，之前都完全唔知長沙灣有啲咁靚嘅Cafe。舖頭裝修得好有波希米亞風，而且設有幾個打卡位。店亦都有戶外可以帶埋狗仔嚟食。 嗌咗set dinner for two 蜜桃巴馬火腿水牛芝士沙律伴白桃醋汁 個沙律好Fresh，而且啲沙律菜好新鮮。蜜桃、巴馬火腿、水牛芝士都俾得好多，鋪滿晒個沙律。個白桃醋汁酸酸甜甜，唔會好大浸醋味。成個組合食落好夾。 手拆蟹肉蟹膏糍粑 呢一個組合真係第一次見。好有趣。下面個糍粑係平時中式甜品嗰啲炸過嘅年糕，識落煙煙韌韌，唔會好硬。上面有三文魚子、蟹肉、蟹膏，份量都俾得好足。 是日餐湯 個湯係南瓜濃湯。個湯真係真材實料，好多南瓜蓉。好有南瓜蔬菜嘅原味道，唔會加咗好多調味。 香煎法式鵝肝牛肝菌意大利飯 鵝肝有兩大舊，兩面都煎得金黃香脆，食落入口即溶。飯嘅份量亦都比得好足，食落保持咬口。而且加埋牛肝菌，好鮮味。 香煎澳洲特級牛西冷配黑松露燒汁 個西冷嗌咗六成熟，食落唔會好韌，亦都唔肥。側邊仲伴上翠玉瓜、薯仔、蘆筍、蕃茄仔、紅薯泥。個扒一嚟到個邊邊仲係脆，而且熟度啱啱好，好juicy 。個紅薯泥同燒汁有驚喜，好有炭燒風味，而且食到紅薯嘅甜味，同個扒好夾。

呢間餐廳全間都係粉紅色💓，而且裝修都好靚，用咗好多花嚟裝飾。最特別嘅係隔離就係課室上空中瑜珈。🧘‍♀️ 煙花女手工意大利粉 $98 🎆 呢個意粉遍重口味🧂。全部都用咗蔬菜黎煮，有🍅蕃茄、🫒黑橄欖、🍄蘑菇、🫛豆，所以食素食嘅人都可以揀呢個意粉🌿。 蒜香鮮蝦手工意大利粉 $98 🦐 蝦每一隻都好大隻🦐，而且脆口。個汁都加咗海鮮濃湯，所以好鮮味。除咗蝦之外入邊仲有🍄蘑菇同紅椒🌶️。食落好香蒜香味🧄而且微辣🌶️，所以好香口。 嘢飲全部都嗌咗無酒精飲品🍹 Rose latte ☕️ Velvet latte ❤️ Purple potato latte 💜 The Dusk 🍎

NINETYs 一直都係我印象中高質嘅cafe，呢間都唔例外。鋪位雖然唔係好大，但係唔會好嘈，坐得好舒服。裝修亦都好靚，中間有一棵樹，側邊有枱圍住可以坐。 燉澳洲牛面肉 $238 🐄 呢個超級好味！牛面肉燉得好淋🥩，而且調味適中。上面仲淋上牛肉嘅精華牛肉汁。下邊仲要有黑松露薯蓉。黑松露味好濃烈、突出，薯蓉亦都好滑🥔，中間仲保留一啲薯仔粒增加口感。好好味😋！ 辣蟹肉意粉 $188 🦀 呢個係炒意粉囉，冇落cream唔會好跩。意大利麵麵身偏硬同粗身🍝，保留少少咬口。蟹肉亦都俾得好多。麵加埋少少辣同蒜片🧄，好香口。 甜粟米配菲利芝士 $68 🌽 粟米切咗一嚿嚿之餘，中間亦都切咗一半，方便進食。粟米仲係個爐大火燒過🔥，有啲燶燶哋。整體個粟米都甜，加埋鹹鹹地嘅芝士一齊食🧀，幾夾！

之前都一直知道家後啲餃子同蛋糕好出名，今次見佢開咗新舖頭就去試吓。



煎洋蔥豬肉餃+小籠包豬肉餃 $40 🥟

洋蔥豬肉餃喺出邊其他舖頭都比較少見，所以就嗌黎試下。餃子淨係煎一面，而且煎得好脆。洋蔥用咗紫洋蔥🧅，而且唔會切得太碎，仲保留洋蔥嘅口感。洋蔥味好出，而且好多肉汁💧。小籠包餃子真係有驚喜，一咬落去啲肉汁係噴出嚟💦，真係多到咁誇張。🤩



沙薑雞中翼 $30 🐓

雞翼醃得好入味，煮到好滑，肉質一夾就散。而且咸度適中😋。



開心果芝士蛋糕 $33 🍰

個芝士蛋糕真係唔講得少， 食落Creamy，口感好滑，同埋有濃郁開心果味，真係食唔停口



抹茶芝士蛋糕 $33 🍵

抹茶味都好好味，食落有濃郁抹茶味，抹茶味食到後邊會越嚟越出，同樣Creamy同滑🤤🤤。

應該有唔少人，專登去食佢嘅蛋糕

K11有好多間餐廳，不過呢間係少有有落地玻璃嘅好開陽嘅Cafe。陽光可以照射入嚟☀️。Cafe用咗好多木嘅元素嚟裝修🪵，加上擺咗幾棵植物裝飾🌿，坐得非常之舒服。😌 手撕慢煮法式油浸鴨脾紫菜窩夫漢堡配和風煙燻辣茄醬 $128 🍔 呢個窩夫有別於一般漢堡，個包用咗唔解入邊加咗紫菜碎，別有一番風味，中間油封鴨脾份量亦都好豐富。鴨肉撕開左一嚿嚿🦆，唔使有骨咁麻煩。個蕃茄醬都好好味🍅，有粒粒蕃茄同埋黑橄欖，食落其實完全唔辣。 熱情果烏龍茶麻糬窩夫 $168 🧇 淨係睇相都好吸引。窩夫好鬆軟，有淡淡嘅烏龍茶味☕️，上面仲鋪上左拉絲麻糬。麻糬食落好軟，Q彈。熱情果果凍有濃郁，啲雪吧都打到好細🍨。所有野一齊食好好味😋。 西村抹茶 $60 🍵 呢杯一黎到已經覺得好靚，鮮奶同抹茶形成漸變嘅效果。飲落有濃郁嘅抹茶味，唔會有茶嘅澀味，加埋鮮奶🥛，飲落好順滑。

係旺角搵到一間好舒服嘅board game cafe🎲，可以同朋友一路玩一路食，唔玩board game 🧩都可以好舒服咁傾偈唔怕俾人趕走。 香草芝士條 $62 🧀 芝士條炸得好香脆，仲要係即叫即整，上菜既時候仲係熱辣辣，食落拉絲可以拉到好長。呢個一定要快啲食，凍咗嘅話就少咗拉絲嘅效果。 黑松露薯條 $66 🍟 薯條亦都炸得好香脆，比較粗身，上面加咗黑松露粉。又濃郁黑松露味，同埋食落唔會好油。 黑松露帶子鮮菌意大利飯 $92 🍄 黑松露意大利飯一嚟到都係好香，入面有兩款菇同埋粒粒帶子，加埋忌廉一齊煮。一路玩一路食真係好滿足。 朱古力蛋糕 $36 🍫 蛋糕擺盆好有心機，蛋糕有五層，最頂係朱古力醬，之後就係朱古力慕絲同朱古力海棉蛋糕隔住。全部都係朱古力，最底仲加咗朱古力醬，朱古力控真係一定要食呢個！ 芒果乳酪 $48 🥭 乳酪加埋冰塊一齊打而成，飲落厚身，有香濃芒果味。

餐廳好細心，會幫手斟水，同埋服務好好。啲嘢食都食得出係好俾心機咁煮，食落唔係好似出邊嗰啲西餐廳好Standard嘅嗰啲味。lunch set Menu仲有一個係Today special 每次都會有啲唔同。 洋蔥餐湯 🧅 湯底加入牛肉同香草熬烹，飲落牛肉味🐮非常濃郁。熟透嘅洋蔥嘅甜味加埋香草🌿令到牛肉味更加突出。亦都附上烘到香脆嘅蒜蓉包。蒜蓉包可以齋食，或者加埋啲湯一齊食都得。 拿破崙煙鴨胸燴意大利飯 $78 拿破崙係蕃茄底，加入九層塔一齊煮，同埋蕃茄嘅酸甜，令到食個飯會好樓。味道唔係好似出邊嗰啲西餐廳好Standard嘅蕃茄味，亦都加入咗兩款菇一齊煮。鴨胸亦都煎得好香。意大利飯粒粒分明，而且唔會煮到淋晒，保留返意大利飯少少硬身嘅口感。 Lunch set亦都包埋一杯嘢飲