難得同姊妹去high tea 上網搵到呢間新新地嘅型格cafe 即刻9衝嚟 星期六 晏就3點幾 3位等咗20分鐘左右入座 限時90分鐘 間cafe主要係黑色為主 再配搭水泥灰 我自己覺得與其話係工業風 我覺得係比較似high fashion 混搭少少工業型格風 主要間店樓底幾高 所以感覺再high fashion d 另外 佢bar枱個牆同大門都做得好靚 成間店都好打卡able 講返食物先 牛油果班尼迪克配煙三文魚 $118 擺盤同相片同步 不過我覺得toast 一片太少 同太細片 其實佢蛋同牛油果都有兩陀 多一片會合理好多 味道方面不過不失 但係蛋無咩流心 似糖心蛋 鬆軟小班戟配配士多啤梨汁&雪糕 $98 呢個好靚 都係同步相片 味道方面係expected既正常 質感方面有少煙韌 少驚喜 個醬好似係山渣士多啤梨汁 偏濃稠 都夾 不過 自己小朋友口味 如果配埋楓糖漿/蜂蜜 light d 同 清甜嘅糖漿應該會更開心 宇治 Uji $56 呢杯係宇治抹茶 加 乳酸 & 梳打 呢杯係佢哋其中一杯signature drinks 呢杯有驚喜 本來以為會好甜 點知係一d都唔會甜 仲帶d清爽感嘅飲品 抹茶味夠 但唔會帶苦澀味 我覺得個乳酸base balance返 令到唔會澀口 然後再襯托返個梳打 所以出到嚟先咁清爽 清爽 後記 臨走前去咗個廁所 發現原來廁所係個彩蛋 個裝修真係好靚 特別係天花 尖頂設計真係好氣派 以為去咗外國嘅建築

適逢公司集團既black series 系列 嗱嗱聲book咗佢既dinner 叫做可以平少少食佢嘅牛扒 半年前食完之後一直喺度回味 今次第二次嚟 睇吓你仲keep唔keep到 佢呢度Menu好簡單 因為佢得一款Main 坐低你只要諗牛扒要幾成熟 同埋要唔要飲嘢 個餐已經包左合桃Mixed green salad 同包 麵包夠軟熟 唔錯 沙律我覺得調味偏油 合理水平 正常 牛扒 5成熟and 香脆調味薯條 牛扒水準keep到喎 五成熟我自己就覺得佢掌握得幾好啦 夠牛味 都幾夠Juicy 其實佢仲提供咗幾款醬 除咗基本嘅mustard外 仲有款類似係mushroom cream sauce 呢款醬幾好味 用嚟點牛扒或者薯條都唔錯 不過 牛扒方面我比較鍾意點鹽食 薯條方面 真係熱辣辣 同好香脆 佢本身已經調咗味 加咗類似熱浪薯片嗰隻粉 所以更加香口 我自己忍唔住fill咗兩次 我朋友笑我薯條已經收服咗我 話帶我嚟食貴嘢真係唔知笑好定喊好😂 題外話 佢嘅甜品車 都幾好吸引 不過好似平均每個甜品都要$100+ 如果你有朋友生日可以預先book位嗰時remark 佢會成間店嘅職員一齊圍住你唱生日歌 仲要成間店播生日歌🙈 加影張即影即有 絕對可以令到你朋友又驚喜又尷尬

由細舖食到轉大舖 佢地都係咁街坊式熱情 而家多咗好幾個後生仔幫手 佢地既價錢依舊街坊 分量都係咁多 最鍾意佢地配料好足 酸菜花生豆卜 仲有香菜 酸辣粉on top加餸都係8蚊 最推介豬頸肉 肥瘦適中 分量又多 其次就係雞扒 總之加錢加餸就無錯 不過 佢既酸辣粉唔係正宗個款 即係唔係又麻又酸個種 重口味 比較似係 家庭版 但係好味既多料辣薯粉 順帶一提 小食方面 價錢都相宜 食過涼拌木耳 涼拌青瓜 同埋水煮牛肉 個人建議買涼拌小食前 要問吓老闆娘整咗幾耐 因為之前買過啱啱整完會有啲暖 唔夠凍 對於涼拌小食 推介度一般 不過平平地加餸可以接受 而水煮牛肉可以買返屋企加餸 都算幾大盒

之前上網睇到報道講佢嘅月餅好特別 例如有奶茶味同花生醬味 一直都係我嘅list入面 不過仲未試😛 今日路經荔枝角就去睇吓佢嘅麵包 記憶中朋友 講過佢嘅伯爵蜂蜜合桃包出名 所以今次就買咗呢款包同埋啲曲奇試吓 伯爵蜂蜜合桃包 佢嘅伯爵味真係好濃好香！！！ 配合埋軟熟嘅蜂蜜麵包體 再加上有咬口嘅合桃 完全無溢口同諗身 老實講 佢係我暫時食過最濃郁伯爵茶味嘅麵包 朋友真係無介紹錯 我留咗半個返屋企比屋企人食 佢地都話正 四喜磅曲奇-雙重朱古力&抹茶味 佢嘅曲奇唔可以用鬆化嚟形容 而係經典脆口紮實口感嘅曲奇 我自己對於鬆化曲奇冇乜追求 所以我自己就幾鍾意佢嘅雙重朱古力 因為朱古力味唔甜 仲會微微帶苦嘅味道 如果平時食開濃度較高嘅朱古力 應該都會幾鍾意 相較於抹茶味 我覺得就比較一般 因為抹茶味唔算話好濃 反而佢入面嘅朱古力粒味道更加重 所以如果要買嘅話我個人推介朱古力味 下次再嚟嘅話好想試佢嘅蛋批 見佢賣20幾蚊都好似幾吸引 用嚟做午餐應該唔錯

中秋節正日夜晚嚟食 好彩早兩人book咗枱 唔係就要摸門釘 Book咗夜晚6點鐘 入去已經有幾枱坐低咗 唔知關唔關做節事 店面唔大 8圍枱左右 不過有大圓枱for成家人 建議想食最好book定枱 老壇酸菜魚$198 for 1-2 pp 個魚彈牙有咬口 可以連埋皮食 唔係平時食開嗰啲一咬就會散嘅魚 讚 個湯唔算好辣 你當譚仔4小辣 個湯唔會比其他配料香料搶咗 飲得出魚湯鮮甜味 我覺得啲酸菜幾送飯份量都算多 外加 萵筍&寬粉 （配料 加$12 ） 萵筍都算爽口 但係份量唔多 寬粉基本上係必加 份量夠二人份 乾坤麻辣手撕雞 $58 個麻辣醬有麻！ 正 終於唔係紅油拌菜嘅朋友 辣到都算辣 不過送飯我覺得啱啱好 墊低嘅青瓜絲拌埋雞絲一齊食都唔錯 我會推呢款小食 檸檬薏米水 & 桂圓紅棗茶 $18 自家製嘅飲品 好足料 有d意外 唔會太甜 我覺得幾抵加 感覺唔heavy 又幾健康 有機會lunch 嚟食 好似好抵咁 呢間會再嚟

今日紅日晏晝五點幾 基本上一個人都冇 唔使排隊 我可以企喺店面慢慢揀想飲嘅嘢 今日特別想飲茶味濃嘅珍珠奶茶 最後揀咗佢人氣之選 觀音珍珠拿鐵$29 我自己飲開走糖少冰 所以 茶味一唔夠 就好似奶水 坊間好多珍奶都係奶味重過茶味 我試過最差係變咗奶水 呢一點 茶湯會完全唔會 個鐵觀音茶好出 茶味大過奶味 不過留意返佢用嘅係小珍珠 而珍珠都夠咬口 都唔會太甜 不錯 如果要挑剔嘅話 就係佢真係偏貴 同埋佢嘅同等價錢係其他珍奶店嘅大杯裝 Anyway 我係幾鐘意佢d奶茶

星期六晏就3點 大概有8至10個人喺門口等緊 我order完大概等咗25分鐘 期間都見到店員包裝外賣 感覺都幾衛生 因為佢哋時不時會用酒精消毒雙手 先再包裝外賣 炸軟殼蟹蛋三文治 $58 一出到嚟 哇咗聲 因為成份出到嚟好打卡able爆晒餡咁款 🍞先講講個麵包～ 幾鬆軟 係牛奶吐司嚟 幾香 不過略嫌烘得唔夠脆面 Surprise地 入面係加咗明太子沙律醬 如果唔食得辣嘅人要小心 因為有少少辣 我自己就幾鍾意 個醬同個蛋同軟殼蟹幾夾 不錯 🥚蛋～ OK滑 不過可以再鬆軟d Overall 合格嘅 表面嘅魚子都有加咗幾分 🦀炸軟殼蟹～ 其實最失望係呢個 最敗筆係佢炸得唔夠香脆 其次係佢偏細隻 三四啖冇咗luuuu 唔夠份量夾埋蛋成份食 🥪成份嚟睇～ 其實成份食落嚟 係豐富 但係因為個主角軟殼蟹唔出色 加上價錢要$58一份 我覺得性價比唔夠 我唔會回購呢一款 不過我會回頭食佢其他蛋三文治 平均都係$30頭一份 佢個三文治同個蛋係可以翻撻嘅 感覺佢個泡菜豚肉/漢堡蛋三文治都幾吸引

今日星期五平日12:00到 我已經係排到第6張枱 如果係放lunch嚟食 真係要早到 加上齊人先可以入座 所以有信心早到加齊人嘅先好黎 入座 坐低加落單 全程差唔多5分鐘左右 嘢食已經到咗 上菜速度真係好快 咖喱豬肉+和牛漢堡蛋包飯 $96 和牛漢堡 個和牛漢堡幾重牛味 大大嚿又好厚肉 食得出入邊有洋蔥 略嫌肉唔夠Juicy 同埋可以再煎香啲面層 個醬汁好似我之前喺日本食過嘅味道 同個蛋包飯同埋夠和牛好夾同balance 蛋包飯： 個蛋好滑 做到嗰種半熟未熟嘅蛋質地 配埋個珍珠米 其實單呢個蛋包飯都好食 咖喱豬： 正常日式咖喱 豬肉都算多 正正常常咁 完 整體來講其實呢個飯 一次過滿足左你三個願望咁 成件事其實係幾滿足嘅 佢有日本小店咖喱屋嘅感覺 有時有啲掛住日本嘅咖喱屋可以過嚟試吓 不過自己睇時間做人啦 lunch time真係好多人 同埋我都覺得一個lunch來講 真係幾貴

今日臨時撞到朋友即興嚟食 晏晝差唔多四點幾五點唔需要訂枱 下午茶時段免加一 不過 餐牌晏晝夜晚差唔多 冬陰功意大利飯$88 少少香辣嘅冬陰功 好夠香同濃 本身諗住佢加咗cream會好漏 但係其實食完成份係啱啱好 上面嗰舊泰式茄子有驚喜好好食 同埋個糙米飯好有咬口煮得啱啱好 好推介呢個 香草青醬意大利粉$88 面頭有好多火箭菜 唔鍾意食火箭菜記得叫佢走 佢嘅香草青醬係自己做嘅 夠香夠味 但係真係好油 食到一半已經好漏 食咗大半之後頂唔順 成個碟都係油 唔怕肥膩嘅話可以叫 其實幾好味 但係我下次絕對唔會再叫 因為怕肥 焙茶燕麥奶（ 下面嗰杯）跟餐加$24 幾鍾意佢啲熱飲 本來定咗配燕麥奶 仲可以揀改豆奶唔使加錢 平時出去飲嘢如果有得改燕麥奶我都會改 普遍都要加$5至$6 呢間唔使加錢感覺抵咗 焙茶味夠 甜度可以唔使改 唔會好甜 但 略嫌面頭嘅泡唔夠綿密

係正版啊正版喎～正版洪瑞珍，終於殺入屯門啦。 一直好懷念嘅洪瑞珍終於嚟到香港啦，廠房設係香港，終於無咗運送香港而變壞嘅問題。 今日平日晏晝四點幾，基本上唔使排隊就直接買到。四隻味都齊晒，但係我一直鍾情於招牌火腿，口痕痕之下就買咗件試吓，睇下佢同台灣有無分別先 招牌火腿三文治 （$20） 個味道同我記憶中嘅好相似，係台灣嘅味道啊～其實層沙律醬就係三文治嘅靈魂，真係好好味層醬其實蛋同火腿都係配角，唔好expect係嚟食個餡，因為台灣都係咁我即場買即場食，麵包幾軟熟，我就覺得同台灣唔係好大分別，只係貴咗好多咁啦，咪當買個回憶止下台灣癮咁囉