每次行經都見呢間今年內新開既日式餐廳，心諗「呢條街終於又多一間食壽司！」 有一日同屋企人行過想食下午茶，諗緊星期六喎可能無下午茶啦，居然饗樂町有，價錢仲相當貼地添。下午茶餐牌最貴都只是$42🤭 T6迷你鰻魚丼配凍檸茶🍋 ～吾好睇少佢，雖然細細碗，但係每碗都有隻溫泉蛋，有驚喜架！ ～凍檸茶係用雀巢檸檬茶再加幾片檸檬😂一上枱個刻發現有泡泡😳諗緊「死啦會唔會有問題？」好彩用個鼻聞一聞，有熟悉嘅味、再飲一啖，噢係雀巢檸檬茶😆😆 T7芝心豬排番茄🍅烏冬配可樂 ～芝心豬排係即叫即炸，薄薄豬排上加芝士、再沾厚粉漿，居然咁都有少少牽絲😜；番茄烏冬其實應該改名做番茄醬加烏冬😂😂好濃稠，味道一般啦。 整體來講，食物方面算唔差，或許刺身、壽司、天婦羅才是主打食品，其他則不過不失☺️

每次聽到西班牙餐廳，第一時間一定係諗起「西！班！牙！炒！飯！」 但係而家介紹呢間餐廳係西班牙fusion菜，除咗西班牙菜外，有泰式、日式、西式⋯等等多國菜食，只是主打西班牙菜啫🤭 Cold Dish 西班牙八爪魚沙律🇪🇸🐙🥗 小妹真係好鍾意食八爪魚😍吾知係咪因為經過慢煮處理，八爪魚口感岩岩好，沙律菜底連同番茄仔配埋沙律醋，清新開胃👍🏻 Tapas 西班牙馬德里肉丸 呢款其實係西班牙家庭式料理嚟，通常都用牛肉碎x豬肉碎製成，但係在Mose mozz既肉丸口感食落爽口似雞肉丸，隻味勁似我在台中旅行食到的「義式香草雞肉腸」。最讚的是番茄醬底調味好好食😋 Snacks MOZZ黑松露醬薯條🍟 新鮮熱辣辣、抵食夾大份！好符合呢間餐廳混合酒吧嘅地方，原本都以為兩個女仔實食吾晒😂😂點知到尾食晒😄只可惜黑松露醬吾夠味😣齋食到蛋黃醬味咋⋯⋯ Main 西班牙蒜油海鮮意粉🍝 好好食既意粉，蒜油好香，拌意粉軟硬適中🤩有3款海鮮：青口、蜆肉、鮮蝦，每款3件😚我仲話呢碟意粉適合3人食😆😆，不過食到尾海鮮出水，令到碟意粉臨尾好多水🥲 除左美食外，當然唔少得飲品啦 Cocktail Siesta 有荔枝、熱情果同Gin，係一杯好清新嘅雞尾酒🍹可能係接骨木花，飲落好香，未試過飲到一杯咁好味嘅cocktail架，加上個人最近工作疲累，飲到杯靚野令到自己好放鬆🩷🩷 Mochtail Peach Tree 🍑 🌳 等於水蜜桃檸檬薄荷茶，漸層真係好靚，飲落薄荷味重左啲，我都吾想但真係好似漱口水😂😂 除左食嘢飲野，環境都好重要❗️店內有靚靚壁畫，而且環境仲好有情調，適合情侶、朋友嚟吹吹水😏

千両係間相對貴既日本餐廳，但係全日最抵食就係午餐啦😆逢星期一至五先有，而且午餐供應時間係去到下午五點半！有時遇上早收工，就趕得切食到水尾既午市定食優惠😆 為左想試多2款小食，於是乎點左最平既午餐： 🐟豐州魚鮮角切刺身丼定食 睇餐牌以為份量細啦，點知比想像中多🤭定食包括麵豉湯、沙律、茶碗蒸，角切刺身丼用正方形飯盒盛著，魚生量都多同新鮮👍🏻 茶碗蒸有驚喜喎，外形普通內裡有一隻蝦及細細粒帆立貝，最緊要蒸蛋滑溜溜👍🏻 🌽鐵板牛油粟米 粟米令我心軟🤣望餐牌時發現即刻落單😆 半條粟米再細開6份，牛油掛面散發焦糖香，甜甜蜜蜜🥰 🐔串燒雞腎 本身鍾意食雞腎，雞腎比人感覺係Q彈，但係千両做到係軟身得嚟又Q彈👏🏻吾錯丫，唔知點整先做到呢個口感呢😋😋 千両係我個人至少3個月至半年先會食一次，今次比對上一次好似係優惠左，所以有驚喜！加上整體表現都好好😊

好記得2019年10月尾，爆發Covid-19 前係我最後一次去日本旅行，當時在大阪幫襯《三田製麵所》食沾麵，店內播放天氣之子既主題曲；在疫情期間經過香港分店，都會話「起大阪食過呢間，幾好食㗎😚」；直到口罩令解封既2023年，終於再次幫襯《三田製麵所》，不過係銅鑼灣分店🤣🤣🤣 店面同大阪差唔多，店內當然總會有啲唔同啦，不過最重要係碗沾麵☺️同朋友分別點左魚介湯、海老湯，魚介湯依然出色濃厚、海老湯有特色，入口有濃烈嘅蝦味，但不會重口味！ 麵底我地都揀左冷麵，冷麵麵質會比較Q彈，配搭濃湯係一流的👍🏻碗湯剩下3分1，再請店員額外加熱魚介水，令濃湯一下子變成一碗上湯，味道更加好美😍😍！聽朋友講，有啲鋪頭係加飯到濃湯內再拌吃，如有機會都想試試☺️ 除咗沾麵，亦點左小食炸薯條配明太子沙律醬，佢個名都改得幾有趣😄《福岡紅白混醬薯條》，同呢位朋友一齊食晚飯，甚少會食晒碟薯條🍟，起三田居然食得晒紅白混醬😯可想而知，個醬係幾咁美味🤤，果然明太子+沙律醬係絕配🩷🩷🩷 個人覺得呢間沾麵算幾好，雖然打唔低我心中的第一位🤭🤭

尖沙咀人氣居酒屋之一，即使平日夜晚都算旺場！更何況假期呢😚店內裝潢設計色彩鮮艷、充滿日本風味，而且座位大部分都是舒適嘅卡位，就算自己一個嚟都可以享受美食架！

今次我地2位女生，叫左2杯野飲、4款菜式，野飲方面有驚喜丫😍兩杯飲品上都有小熊🐻🐻‍❄️形狀嘅冰，超級可愛😍😍
呢兩杯飲品雖然偏甜，但勝在顏色配搭得唔錯同可以打卡☺️

💚綠茶鮮奶熊脆脆🤎
綠茶鮮奶配美祿波波、主角白色熊仔🐻‍❄️冰趴咗喺杯邊，好得意！
❤️紅火龍佛手柑熊茶🧡
酸酸甜甜水果茶、主角啡色熊仔🐻冰瞓咗喺檸檬床上🤣

▫️脆片牛油果蝦沙律
-開胃頭盤：照字面解釋一樣，薯片+牛油果沙律+蝦肉，一口小食，豐富口感👍🏻

▫️玉子燒汁脆活海鰻
-厚切嘅鰻魚同厚切玉子燒，平時對於鰻魚嘅興趣不大，但係大愛玉子燒💗💗，估唔到呢度啲鰻魚都幾好食😚，份量亦好足夠，我哋兩個每人食兩件都已經好飽🤣🤣

▫️炸蒽香拿魚蓉鮟鱇魚肝卷
-四件紫菜卷，吞拿魚蓉同鮟鱇魚肝既配搭居然咁搭，唔知係咪因為佢哋魚肝油另外醃製過，食落有少少鹹鹹地、配埋新鮮嘅吞拿魚蓉、以及炸過嘅香蔥，口感豐富有層次！喺今次四款菜式，裏面最有驚喜的！

▫️蔥鹽厚燒A5宮崎和牛
呢碟和牛反而有少少失望😞和牛本身偏肥膩，而且唔夠厚切、再加上搭配埋蔥鹽油，口感偏油同太濃味，食唔出本身和牛嘅牛香，可能因為口感問題，係做到入口即溶既，但嘥咗件咁靚嘅和牛⋯

呢一間居酒屋性價比高，服務同氣氛都吾錯，我對佢哋嘅《松葉蟹棒豚肉蠔鍋配昆布湯》十分有興趣😚或許遲下擇日再嚟品嚐🥰🥰

嚟親柴灣每次都係茶餐廳、三哥、小吃⋯估唔到今次有驚喜喎！呢間是在偉大嘅Google map發現，同上篇一樣都係因工作關係而要出差到柴灣😚😚 奉承小妹喜好，超級鍾意一早訂位！早成個月訂位換來望海景最靚個張枱💖店內裝潢很美很文青，雖然今日只得一位店員打理，但係都做得很好☺️☺️餐牌上選擇唔多，不過款款都有特色同非常好美😍 🐷日式咖喱吉列豬扒墨汁飯🌚 吉列豬扒皮薄厚切，墨汁飯吾黏口粒粒分明🥳 配埋飯靚碟，成幅畫咁，賞心悅目🩷 🇰🇷 温泉蛋泡菜咸豬手忌廉意粉🍝 估唔到！泡菜、咸豬手、忌廉咁夾，超級好食丫，泡菜微辣同忌廉汁完美配合，加埋溫泉蛋，excellent 🤩🤩大推👍🏻👍🏻 ☕️Cafe latte ☕️Flat White (用梵高名作-《星夜》的杯碟） 兩杯咖啡都夠熱同拉花都好用心❤️ 🍰熱情果芒果撻 酸酸甜甜，味道似以前Haagen Dazs的熱情果雪糕批，好味😋 🧁藍莓鬆餅 藍莓🫐味香噴噴，蛋糕鬆軟好味😋一流💗💗 隱世靚景Cafe，配藍天白雲 So Chill，寓工作於娛樂，即使走遍全港出差，但一諗到又可以去新地方食晏～成個Feel都開心啲🧡

#出差食好嘢系列 又嚟啦！今次目的地係屯門，身為港島居民要入到咁遠出差😮‍💨留工放工都無左大半日，唯有搵好嘢讚揚自己勤力工作😆 在屯門市廣場咁多美食餐廳內，挑選左呢間以橙色做主題、每位店員頭上有頂超級可愛😍既橙形帽子，韓式餐廳《Terrace in seaside》 店內設計頗有特色，看似繁忙鬧市中有個綠洲，給人們偷閒地喘息下，即使午膳時間都唔太多人，或許這裡的選擇實在是多不勝數😚 🍊傳統飯卷Gimbap 🍊燒醬油黑毛豬白切肉紫蘇飯 （OpenRice推薦美食之一） -兩者碟上均配少許沙律菜及一片橙肉，均衡營養有菜有肉有水果😎 -特別的是白切肉紫蘇飯的飯是被壓扁撻平放架，份量看似超級多😃 🍊濟州柑橘乳酪 -打卡造型的飲品😍 柑橘乳酪上有個已空心的原個香橙😝，乳酪本身都好好飲吾係得個樣架！ 🍊濟州柑橘乳酸梳打 -又一杯打卡漸變飲品，先配有藍碟花的紫藍色、再來是柑橘乳酸梳打的橙色+乳白色，最頂仲有一大片橙，好飲吾係得個樣架！ 總括嚟講，如果近啲有分店就會再嚟多次🤭🤭

#出差食好嘢系列 今次目的地係九龍塘😚 搵路點去時又在Google Map發現呢間餐廳，睇個名就好吸引🤩原來係半自助午餐嚟架，咁啱我又好耐無食自助餐啦，當然好野就要分享，於是邀請父母一同享用呢件開心事🩷 午餐有齋食沙律甜品吧同加多$20食埋個主菜，我地只叫左一款主菜，眾多選擇入面揀左睇落無咁heavy，《意式煎豬肉火腿卷》 入面的頭盤自助餐有沙律吧Healthy Salad Bar,海鮮冷盤Fresh Seafood and 烤肉Roast Meats； 外面則是甜品水果吧Chefs Special Dessert Buffet，雖然選擇唔多，但係每款都好精緻同吸睛，特別是～紅絲絨千層蛋糕🍰，因為行過已經吸引住我！平時食自助餐我都比較少揀件袋蛋糕食既，今次打破常規😚點知有驚喜，有外表有內涵🤣 父母都話抵食同多選擇，仲話餐飲都好大杯，心郁郁劃下次再嚟食tim😍其實呢間意式餐廳既High Tea Set都好評，或許下次再嚟試😊

位置喺平時行開嗰條路，但係又唔會望向嗰邊🤣🤣 店內裝潢真係好靚架，座位都好舒適！我同屋企人共3位，order左一份一人餐+一份二人晚餐=自製三人套餐🤭 《沙律及小食》 細細份凱撒沙律🥗、北海道蟹肉薯仔球🦀🥔 -薯仔球算有啲特色，上菜勁似章魚燒，咬落香口餡料味道唔錯，食完啲意粉飯就覺得非常飽～可能因為澱粉質🤔 《額外追加壽司塔可》 香蔥拖羅蓉牛油果醬壽司塔可🌮️ -除咗薯仔球有特色外，呢味壽司塔可就非常有創意！仿效墨西哥TACO既做法，外層紫菜先用天婦羅炸漿炸脆，口感極似泰國小食小老闆紫菜😚內餡由下而上的次序係飯底、紫蘇葉、青瓜番茄、牛油果醬、拖羅蓉、最頂撒上香蔥。新穎得嚟又好食。 《主食》 月見燒牛肉意大利飯丼🐮 -其實初心吾係叫佢架😢原本係想要吉列鹿兒島黑豚，點知有位懵盛盛既職員落錯單，由🐷變🐮。好彩我地食牛同呢個真係幾值得推介，飯底係日本米+蛋黃+忌廉汁，配七成熟燒牛肉及自家製燒汁，個飯係好好食㗎😆 《意粉》 軟殼蟹🦀意粉配蟹肉番茄🍅忌廉汁 -份量多、蕃茄忌廉汁酸酸地👍🏻配埋我其他菜式，味道突出，炸軟殼蟹香口，呢度啲炸物很好👍🏻 黑松露野菌貓🐱耳朵粉 配木魚絲及帕爾瑪芝士🧀 -可能因為閑日嘅緣故，黑松露忌廉汁做得很出色，稀稠度完美😍，再加埋特別嘅貓耳朵粉，口感一流😄 《甜品》 京都宇治抹茶甜筒 （抹茶脆片、抹茶朱古力粉、抹茶醬） 呢款甜品係張支抹茶甜筒反轉落碟，靚仔職員提我哋要先敲碎甜筒、淋抹茶醬拌勻再食用，原來筒內有乾坤🤭🤭脆片同脆米令雪糕口感有層次。如果唔係等咗咁耐個心情變左，其實個甜品都不過不失㗎👍🏻 整體上食物質素唔錯👍🏻服務都唔差嘅，美中不足就係果位懵盛盛既職員，閑日都已經咁樣，假日旺啲實成日比客鬧!

第一次係同屋企人在大阪品嚐美味嘅幸福 第二次係同細妹諗住起香港回味番個幸福，點之⋯比外賣餐具形式上碟既一幕搞到失望左 今次聽朋友講呢間係堂食形式喎，就自私地自己嚟試下啦～其實都懷着期待嘅心情嘅～到達既時候係下午5:30，諗住呢個時間冇咩人，師傅應該可以好俾心機咁慢慢整啦，見個牌寫每份班戟「即點即做」，大概需時20分鐘。（雖然最底寫左有機會比預定時間早，但係咪早得滯？） 點知order完都未夠3分鐘就嚟左。 口感係好食嘅，如果係呢個甘無人既時間可以慢慢整會更加好味～ 呢款梳乎厘pancake其實要即點即做先會好食，日本過江龍嚟到香港嘅總係爭啲～