鰂魚涌放飯推介～上次介紹了位於英皇道近電車路的《寶隆中西小廚》，今次行遠少少嚟到海灣街！本月初小妹推介過《星·韓式小館》給同事去幫襯，同事們食過都大讚抵食，是次約多幾位同事再出發去食🇰🇷韓國菜！ 由公司出發步行到《星》至少要10分鐘，邊行邊傾偈好快到目的地，午飯時間每間店都多人等位，小妹一行七人只等了大概5分鐘就入座了！一直以為《星》細細間，點知原來內有乾坤😆入鋪後一直跟隨店員先越過第一浸客人，然後越過水吧，再越過條小走廊，最後發現暗藏長長梳化位😍唔怪之得咁快就有位坐🥳🥳🥳 午餐共有21款套餐選擇，每修套餐均包自家制泡菜及前菜，重點係份量同餐牌上的照片是一樣架！貨真價實😍非常抵食👍🏻👍🏻👍🏻小妹共叫咗六款不同套餐，全部各有特色及超級好食🫶🏻🫶🏻 🔴L1 烤L.A.牛肋骨配白飯 每位同事都讚不絕口話牛肋骨好食🫶🏻 🔵L3 韓式烤牛肉配白飯 烤牛肉調味好好食😋配飯一流 ⚪️L8 韓式炒粉絲配豬肉 超大碟炒粉絲！ 🔴L13 迷你韓式年糕餃子鍋（1人用） 片裝年糕配三隻餃子已經食到超飽😆 🔵L19 韓式年糕配紫菜包飯 甜甜辣辣的長條形年糕，紫包飯都好出色🫰🏻 ⚪️L21 韓式牛肉雜錦拌飯 飯唔算多，反而配料多，味道好好吖！ 《星》的背景音樂係播住Twice啲歌曲，完全符合小妹興趣，一路聽Twice一路食美味的韓式料理，簡直係人生一大樂事之一😍😍

下雨天#出差食好嘢系列 ，繼去年在灣仔出差飲茶後，今年計第一次出差去飲茶。幸運地，返工行快兩步無落雨、放飯又行快兩步，入座後先落大雨😚 上星期行過金雞廣場見有《點心到》呢間飲茶餐廳，今次望地圖見出差附近都有，於是乎就行咗過去飲杯茶食個包❤️落單方式有兩種，手機掃QR code或者平時的點心紙，而家手機落單都好方便，一次過望晒有咩揀❣️ 小妹與同事共落咗七款： 1️⃣炭燒山楂鴨絲包 $30 一上枱，即刻覺得佢係雪山叉燒包嘅壞人版 = 黑山鴨絲飽😂，唔錯值得推介👍🏻👍🏻👍🏻 2️⃣蝦餃2粒$16 3️⃣燒賣2粒$16 點心精緻，一籠兩粒，一人一粒 4️⃣香茜牛肉腸粉$27 皮薄唔錯份量多 5️⃣香煎蘿白糕$22 味道幾好，不過粉多過蘿白 6️⃣籠仔煎蛋牛肉飯$35 外表比想像中大籠😂 好彩只叫一籠，壓扁咗的山竹牛肉球配嫩滑煎蛋 7️⃣薑蔥牛栢葉$28 （無相） 同餐牌張相一樣，滿滿牛栢葉，薑蔥味都好香濃 茶位每人$5而且無加一，港式茶餐廳兼飲茶，有咖啡奶茶飲添，午飯時段多人又會排下隊，今次小妹二人夾埋$184，抵食餐廳❤️

花園街地鋪成日更新，真係屹立不倒的餐廳，一定有佢個人之處，就好似呢間自家麵咁，隔籬嗰兩間同佢同一時間開鋪，都已經轉咗其他嚕，而自家麵仍然保持一定客流😊 是晚難得同👨🏻未來老爺、👦🏻未來老公一齊外出撐枱腳😆，好難得三人一齊出街食飯，原本諗住食花園餐廳，不過👨🏻行過自家麵好似有興趣，就變咗食麵啦🤣！雖然鋪頭唔大，但小食同碗麵夠大份，好似手拍青瓜咁，小妹以為似譚x果啲細細碟啦，點知勁大碟，即刻抵食咗❣️ 《自家麵》有四選麵食供選擇：寬麵、粗麵、中麵、幼麵，全皆自家製作❣️ 💛滑雞手功麵（清湯、寬麵） 下次要叫少麵先得，寬麵真係好寬，量亦好多，清湯湯底幾鮮甜美味😋，配搭鮮嫩雞肉，正👍🏻 💛鮮牛肉手功麵（微辣酸辣湯、幼麵） 原本想要米線，但呢度無，揀咗幼麵，麵質唔錯不易斷開，未來老爺不斷讚好食好食😊😊 💛自家製白菜豬肉餃（即叫即蒸） 製作需時，耐心等候，手功餃子🥟皮薄餡多，味道亦相對唔錯👍🏻 💛洋蔥牛肉手功餡餅（自家製、原味） 呢件餡餅係小妹心中的MVP，餡餅咬落係酥皮嚟架，香酥脆口，同平時啲餡餅完全係兩個層次，洋蔥牛肉又係完美配搭！當酥皮遇上洋蔥牛肉，簡直係絕配❤️ 《自家麵》基乎所有菜式都自家製作，食過先知，屹立不倒係實至名歸❣️ 下次可以單點餡餅拎走先💗💗💗

是日在東鐵綫工作，於是收工後約咗住喺粉嶺的細妹食飯，兩姊妹好耐都冇撐枱腳啦，今次我就吓細妹等我入去粉嶺搵佢啦🫶🏻 我地揀左一間齋睇個名「定食」，以為係食日本菜，點知去到原來係一間好似茶餐廳，但係有泰國菜又有馬來西亞菜又有日本菜，甚至乎有埋越南菜的特色鋪😂非常意想不到😄😄認真唔講笑，呢度啲選擇款式多到眼花撩亂了😵‍💫，對於我哋兩個患有選擇困難症😂都揀左起碼15分鐘先成功落單‼️ 兩姊妹共叫左兩份定食、一份拼盤、一份生菜包及兩杯飲品，原本只覺得係普通茶餐廳水平，但係最終發現係一間超乎預期、充滿驚喜的泰國餐廳💖💖💗💗 🦐檳城花膠海鮮湯金邊粉定食🇲🇾 〰️蝦湯陣陣鮮香、蝦味超濃、湯頭卻好清甜，好好飲啊!!!花膠爽口、海鮮新鮮好食，若配蝦一定會更完美😍 🔺🔺定食配3️⃣款小食 〰️魚露灼菜：灼菜魚露味重，重口味咗； 〰️和風蟹籽沙律：正常發揮且青瓜夠凍多醬 〰️單骨雞翼：香脆可口 追加小食：班蘭奶凍是好味的，不過比綠色特飲搶風頭 🔸飲品轉特飲+$10 〰️凍美祿朱古力脆脆：濃啲會更好飲 🐮汁燒牛舌飯定食（不辣）🇯🇵 〰️有成五塊厚切牛舌😍，而且好腍好好食😚暗裏藏蛋，有驚喜❣️伴菜係唔辣既木瓜沙律，大愛吖！ 🔺🔺定食配3️⃣款小食 〰️醬油冷茄子🍆 ：凍冰冰入晒味，正👍🏻 〰️泰國炸蝦餅 ：圓碌碌、細細件，炸得唔錯😌 〰️冬陰功湯：細妹話食泰菜，當然要試埋冬陰公，酸酸辣辣（偏辣）🔥👅 追加小食：泰茶奶凍，茶味重咗啲啲 🔸飲品轉特飲+$10 〰️地道班蘭椰特飲：OMG，超驚喜！味道好似椰汁糕味，越飲越好味💗💗 （五星推薦💛） 🇹🇭地道唔係炒生菜包：平時啲生菜包肉碎係炒既，但呢度係健康版，味道足夠、好味，冰鎮生菜保持凍冰冰💚絕對可作減脂料理🧡食再多都唔怕肥😆 🐽燒豬頸肉拼盤：豬頸肉超好食😋三款串燒都唔錯 ，份量十足！

旺中美食多籮籮，每次嚟旺中都會發現新店開張，今次同男朋友一齊行街～ 👦🏻：肚仔餓 👩🏻：不如去旺中睇吓有咩食丫 🤭照返平時既路線經T.O.P過霓虹天橋到旺中2樓，人流始終咁旺😲，行去右邊都仲屹立不倒的手搖店、雞蛋仔店，行前少少發現間新店🤤係一間專食泰個菜的小店《堅泰》。 《堅泰》門面雖小，但依然有兩張小枱方便立食，算係唔錯啦👏🏻👏🏻見小店推薦香蕉煎餅，而且有多款口味選擇，男朋友都揀左幾分鐘先有結論🤣餐牌款式都幾多，小食、甜品、粉麵飯都有，套餐仲包飲品添🤤🤤樣樣都想試但食唔到咁多😂😂唯有叫小小share食🤭 🔸花生榛子香蕉煎餅 香蕉煎餅香脆可口，連平時唔食香蕉既男朋友，居然都食幾件，花生榛子令小妹諗起金莎朱古力，兩者配搭甜而不膩❣️ 🔸堅泰即炒Pad Thai餐配泰奶 金邊粉炒得又香又入味，花生碎、蝦仁🍤、芽菜，唔好睇少個份量丫，兩個人食都好飽肚架！ 🔸生菜包（微辣） 一收到生菜包，就比上面兩條乾辣椒嚇親，心諗唔通好辣😳好彩味道有少少酸辣啫😆越食越惹味，真心推薦❤️ 🔸椰汁糕（2件） 呢度啲椰汁糕同小妹所想既不同，不過味道一樣咁好食，香濃椰汁味，多多西米粒🤤

大約4、5年前，小妹有返夜校進修課程，當時一收工就搭地鐵去到佐敦，見仲有時間可以慢慢食晚餐先番學，於是四處尋找餐廳，發現逸東酒店地庫的food court 有唔少餐廳選擇，其中一間便是「MUM 日常野菜料理」，可能因為呢間小店，令小妹愛上了多品料理❣️ 可惜佐敦店最終結業，搬咗新鋪到極不就腳既新蒲崗🥹佢哋菜色味道仍保存在小妹心中，時不時就諗起個份精緻細膩嘅味道😳😳是日終於‘的起心肝’，專登搭成個鐘巴士嚟新蒲崗，再次光顧呢間多品料理的日系素食小店「MUM 日常野菜料理」！ 新店舖風格好似舊課室咁，木製的枱枱凳凳、舊式放文件的鐵櫃，簡約設計又帶點特色！日常定食餐牌可選三項$108或四項$129，定食包括味噌湯、麥茶和五穀雜炊飯/正氣黃薑飯，飯轉烏冬另加$20，驚食唔晒仲可以揀半份烏冬$14。難得嚟到，當然揀四品轉烏冬啦❤️ 不枉小妹搭接近一個鐘巴士嚟幫襯呀🥰🥰🥰 🔸柚子醋漬番茄：柚子清香唔太甜，凍冰冰適合啱啱在烈日下行過嚟既小妹🫶🏻 🔸味噌湯：白味噌～有豆腐、蘿蔔們、仲有豆豆，第一次飲有豆既味噌湯 🔸烏冬：轉配加$20，麻油海藻撈烏冬，同以前一樣🫶🏻 🔸蘿蔔冬菇車麩關東煮：白蘿蔔入晒味，連蒟蒻都係有味架🤤🤤，車麩外表好似菇但咬落軟綿綿超好味（車麩則是將小麥的麩質蛋白捲在棒子上燒烤，接著再捲上一層麩質，最後切成片狀製成） 🔸浸高野豆腐片絲瓜：本身已經喜歡呢種蔬果，浸煮係甜甜味道，有少少似關東煮隻味，絲瓜亦譯勝瓜，一小碟已有四片，正👍🏻 🔸南瓜薯餅：外皮炸得脆卜卜，金黃色南瓜餡，超級好食❣️ 🔸餐飲係附送的麥茶 感受到每道菜式背後係多麼用心製作❤️希望小店堅持一直做落去丫😉😉小妹仲想幫襯多幾次💗💗

小妹每年都同朋友仔約食生日飯，今年揀咗嚟位於灣仔的《The Optimist》，可是3月份已訂滿晒，只好延到4月先食呢聲～後補生日飯❤️ 有咩理由咁誇張？因為The Optimist每逢星期三晚都有限定套餐～90分鐘任食生蠔套餐❣️套餐仲包4款前菜、2款主菜及2款甜品，每人都係$488（未加一），而且份量都好足架，程度係唔食生蠔都夠飽😆😆小妹今次食咗人生最多嘅生蠔🦪，同朋友仔夾埋共K.O咗七打（12x7=84）🤣🤣🤣事不宜遲同大家分享一下！ ⭐️餐包 Sourdough Breads with Garlic Butter 酸種麵包配蒜茸牛油 ⭐️前菜 Starters Pan Con Tomate With Jamon 小妹譯～番茄火腿薄包 Octopus Croquetas 小妹譯～黑色章魚小丸子，因為入面係黑忟忟 Truffle “Huevos Rotos” Crispy potatoes, sunny side up eggs, fresh shaved truffle 小妹譯～薯仔煎蛋配松露片，最飽肚的前菜 King Prawns Al Ajillo 小妹譯～鹽焗大蝦 ⭐️重點菜色 Highlights Oyster Free-flow (90 minutes) 每次12隻即開生蠔 ⭐️主菜 Mains Beef Cheek(Braised beef cheek, mushrooms, truffle mash potatoes) 濃厚牛味且超軟腍的牛頰肉配松露薯茸及蘑菇 Iberian Pluma(Chargrilled spanish pork, bell pepper and paprika mojo sauce) 炭烤伊比利亞豬肉片配西蘭花苗及奇怪醬😂 橙色醬唔識形容，味道怪怪地～ ⭐️甜品Dessert CHURROS~Chocolate, salted caramel 長條形沙翁配朱古力醬及海鹽焦糖醬 CREMA CATALANA~Crème brûlée 其實係法式焦糖燉蛋 《The Optimist》整體來講很好，服務又好，美食又豐富，下次可以嘗試Brunch🫶🏻

難得約齊班睇戲腳睇《歌斯拉x金鋼》，當然唔少得睇戲前約食晚飯🤭為咗食飽行去戲院近啲，於是揀咗喺海港城呢邊食飯，原本諗住食塚田農場架，點知同小妹之前喺坑口食果間都唔同嘅🥹，即刻轉場行去斜對面「Terrace in seaside」食韓國菜❤️ 上年7月，小妹曾經分享過位於屯門市廣場既分店，今次就嚟到尖沙咀海暉大廈既分店，望一望OpenRice，「Terrace in seaside」暫時未有港島區分店，如果想食就一定要過海啦☺️ 原來呢期主題係水蜜桃🍑，餐牌封面都變成水蜜桃🍑主題🩷🩷，小妹一行五人共叫咗五個主食+一份甜品，基本上全部都好好食😋CP值都好高，每人平均唔洗兩舊水😚😚： 🇰🇷 주발 半份韓式豬手配生菜 ▫️▫️豬手比想像中好食，煮得入味又軟腍，用生菜包住減低肥膩感。 🇰🇷 반반지킨 全份半半有骨炸雞🍗 （白洋蔥炸雞+甜辣炸雞） ▫️▫️見餐牌上推薦白洋蔥口味，又真係幾好味喎😍有種特別嘅味道，令人食上癮❤️；甜辣口味係基本款，當然唔輸得；一邊惹味、一邊甜甜辣辣，超級正🙌🏻份量亦唔小，抵食🫶🏻🫶🏻 🇰🇷 명란젓게라이스롤 明太子蟹肉飯卷 ▫️▫️通常Gimbap係成條上，今次係平放，再於飯卷上鋪明太子醬、蟹肉、蟹籽，一啖食有蟹肉、明太子，口感有層次，口感豐富❤️ 🇰🇷 스낵 플래터 很想和您分享拼盤： （韓式炸餃子、酥脆雞胸軟骨、流心芝士豬扒、 香草牛油蜜糖薯條） ▫️▫️小妹覺得流心芝士豬扒啲芝士真係超好食😋；炸餃子卻變軟咗，唔似即炸🤔無咁好食；雞胸軟骨炸得有啲硬身；薯條就一般啦；理應餐牌上有「吉列炸蠔」，但係店員強調話係老闆打錯，炸蠔不在拼盤內，要散叫，令小妹懷疑🤨係咪其實無貨？ 🇰🇷 김치쇠고기볶음밥 泡菜牛肉炒飯 ▫️▫️炒飯同早前分享過的一樣，飯係被壓扁灘平放上碟🌝，份量足夠五人共享🫶🏻 🇰🇷 감귤와플 柑橘窩夫🧇伴雪糕🍦 ▫️▫️平時窩夫配搭多數係士多啤梨🍓、朱古力🍫、香蕉🍌、焦糖⋯「Terrace in seaside」雖然本期以水蜜桃為主打，但係佢哋本身係行橙色路線🧡🧡，小妹點會忘記呢，甜品揀番難得一見的《柑橘窩夫🧇伴雪糕🍦》，味道清新美味、唔太甜，好fresh~ 窩夫唔厚實，就好似食多碟都唔飽咁，值得推薦❣️

星期日拍拖日，最啱同埋男朋友一齊去中環SOHO區食晏chill吓🥰好耐冇一齊去中環嚕，由中環街市出發，行中環至半山自動扶手梯，一下子就嚟到呢間位於蘇豪區的高質居酒屋🏮《KATANA》～店外牆身壁畫都幾武士精神🌝店內環境舒適、音樂亦啱聽，真係好適合假日過嚟飲番杯Chill吓！原來餐廳仲有2樓，可以同一大班朋友包房唱K添。 嚟到中環梗係唔少得嗌返支酒飲下啦，揀咗店員推介的山水 特別純米酒🍶，甜味易入口，仲有得揀要邊款清酒杯添，我就揀咗粉紅色、男朋友就揀咗有朵白花嘅～實不相瞞，我哋兩個由落單到等上菜，都係覺得份量應該幾好嘅，兩個人應該夠食🤭點知！？原來份量都好大份，我哋仲嗌咗唔少嘢飽到上心口🤣🤣🤣 𝕂𝔸𝕋𝔸ℕ𝔸 𝕋𝔸𝕊𝕋𝕀ℕ𝔾 𝕄𝔼ℕ𝕌 串燒套餐 （套餐包前菜、六款串燒、主食及甜品！） 🥗前菜： 胡麻菠菜蟹肉沙律調味不錯，有蟹肉菠菜，均衡營養！ 🍢串燒（17選中任選6款） 厚燒牛脷芯：有口感，味道香濃 汁燒牛肋：牛肋肉鮮甜，軟腍 雞髀肉：雞皮香脆，肉質鮮嫩多汁 雞軟骨：正常發揮 雞翼：爆汁超正 茄子：厚切架，超好食 🍚主菜： 三文魚茶漬飯：清淡茶香，食落幾舒服 🍮甜品： 水順玄餅：櫻花味圓形啫喱 ▫️ ᴋᴀᴛᴀɴᴀ sᴘᴇᴄɪᴀʟ 🍲和風蒜香海鮮鍋：大量香蒜、兩隻鮑魚、兩隻帆立貝、本菇、野菜，粉絲鍋，份量十足，兩個人食就太多，要四個人食先食得晒😆 🍚香煎鵝肝野菌釜飯：好似鵝肝煲仔飯咗咁，有4件鵝肝熱辣辣，粒粒飯香，帶點焦香，鵝肝外脆內軟，男朋友大讚不得了，即使被上一鍋搞到成嘴油，依然覺得鵝肝超好食🌝 散叫～三文魚燒飯團🍙： 燒得幾香，不過多番啲汁會更加好🤭🤭

大半年前曾經到訪過呢間《FRITES Belgium on Tap》，當時只係為咗行完會展搵間餐廳坐低休息唞唞，行吓行吓就發現咗呢間外表好特別，內裡好似去咗哈利波特世界咁，真心覺得呢間餐廳好靚，令到我留下深刻印象！仲記得當時每人嗌咗一杯飲品同一份小食，然後望住隔籬台，「好大兜青口喎🌝好似好正咁，可惜而家飽咗啦，下次一定要試試先❣️」就因為有呢個想法，今年生日決定再嚟多次，就係為咗要食青口🤭 今次係為咗慶祝小妹生日，所以叫咗一直都好想試的青口Mussel Pots，男朋友話平時食得牛扒太多，今次特別啲要試下香腸、意大利粉，然後再每人一杯飲品，就係咁五樣嘢都可以食到好飽🤣🤣 Hoegaarden Mussel Pots 1/2kg $265 呢度嘅青口鍋係有分1kg同埋半kg嘅，問過職員究竟半kg即係幾多呢？佢話兩個人夠晒食。除咗一鍋青口外仲配有一片手工酸種包及一份薯條配蛋黃醬，呢款Hoegaarden啤酒口味青口較為特別，新鮮食材用冇咁濃味去製作，可以突出其鮮味🥰果然無揀錯味道😝 The Good Wife Sausages $255 「呢一餅香腸」，點解用個餅字去形容佢呢？因為佢外形排到好似蛇餅咁😆！肉質鮮嫩好食呀，香腸下面仲盛載住薯蓉同埋洋蔥汁，十分滋味😋 Spaghetti Aglio & Olio $145 香蒜炒意粉，都夠兩個人分享，都算對得住個價錢嘅😊 🍻 Leffe Blonde 330ml $90 呢個牌子比較少見，所以就試吓，原來呢款啤酒麥香係相對重，同有少少澀味。 Mocktail: One More Please $70 (Peach, Cranberry, Pineapple) 酸酸甜甜好大杯，隻杯好靚㗎，杯腳係仙人掌🌵，就好似仙人掌開花咁🩷 青口嘅口味有六款可以揀：分別有招牌忌廉、蕃茄味、地中海風味、Hoegaarden風味、白酒，以及喇沙味！而且佢逢星期一仲可以優惠價任食青口😎！唔使擔心，除咗星期一優惠其他日子都會有特定嘅優惠架，詳情可以參閱返佢哋嘅網站或者餐牌😊😊 呢間餐廳環境又靚，服務又好，食物質素都唔錯，已經諗定聖誕節要再嚟同男朋友撐枱腳啦😍😍😍