聽說班底有變動 食物質素有改善 於是再一試餐廳 四周可以見到日本狸tanuki 擺設 除左手沖咖啡 如果唔太講究可試試特色咖啡 別有一番風味✌🏼 📌 軟殼蟹蟹籽三明治 標榜用bakehouse 麵包炮製 採用左甜既牛油麵包 配以原隻炸軟殼蟹好鬆脆 醬汁同食材分量適中 📌 韓式泡菜卡邦尼烏冬 入口好creamy 既烏冬 配以泡菜碎 煙肉碎一齊食係夾🥳溫泉蛋幫助推進味道層次豐富啲👍🏼 📌 挪威 BRUNOST 芝士Croffle 配 鮮制忌廉 比較少見嘅芝士款式 入口較軟滑 羊奶香以外再帶多點焦糖香味 能中和咖啡的苦澀味 配酥脆的croffle 好似配緊雙色cream一齊食 一脆一滑 📌 挪威芝士鮮奶咖啡 同樣配上Brunost Cheese 加上芝士奶蓋真係好芝味😂 入口順滑 📌 沖繩黑糖檸檬咖啡 以前對檸啡好抗拒 飲完先知道只要加多一點甜 味道平衡左就會好好飲😀 友人甚至覺得飲落似檸檬茶🤣 如果對奶敏感但又想試特色咖啡 呢杯會係一個好選擇😆

附近買嘢時見到呢間新開小店主食&甜品做緊7折優惠 加上比佢張日式烤蛋糕吸引到想試

可能新開關係 Menu 暫時見到有大阪燒&烤蛋糕 同埋少量飲品選擇

📌小山園抹茶醬烤蛋糕
一上枱 呢個係3-4人share嘅分量😦
同平時見到梳乎里pancake有點相似 但質感會鬆軟&濕潤好多 加上有唔同配料：紅豆 （唔係紅豆泥 紅豆的甜同茶嘅澀真係夾）仲有厥餅 白玉 &抹茶醬一齊食 味道同口感都好豐富
📌大阪燒（章魚）
鹹食可考慮大阪燒 有幾款海鮮選擇（蜆、帶子、蝦&章魚） 餡料算係多 滿口粟米粒&椰菜 如果煎得再香脆啲會更好👍🏼
📌鳳梨檸檬梳打
📌蜂蜜柚子烏龍茶
正常發揮 落單時可要求少冰

估唔到係大角咀搵到一間 充滿韓國街頭路邊攤小店 售賣各式各樣韓式美食 環境、食物分量同質素都唔錯😇 未抽到時間飛去韓國都可以係到感受下 📌 熔岩芝士年糕辣雞鍋 呢款有齊韓國菜必食項目：辣雞、芝士、年糕 呢個分量適合3-4人share 仲可以按需要加紫菜炒飯/拉麵 屬於十分飽肚選擇 📌 泡菜煎餅 佢係厚身既煎餅 但外脆內裡滿滿泡菜😆加埋煎餅醬汁食感覺無咁熱氣+解膩 📌 肉桂鮮奶咖啡蜂巢特飲（2人份） 非酒精之選😌 每人大約飲到2杯 蜂巢既香甜味道同肉桂十分夾👍🏼 📌 脆炸韓式紫菜卷 炸得十分香脆 內裡冬粉有簡單調味 但如果可以配多一款醬汁食 例如韓式辣醬 可以更突出小食既味道 📌 秘製柚子蘿蔔 開胃泡菜之選 📌 泡菜 偏酸口味嘅泡菜 📌 草莓乳酸刨冰 又點少得一份刨冰作結～🍓甜味蓋滿整個刨冰

估唔到工廠區內都有一個後花園 由九龍城南角團隊新開嘅cafe 🥳雖然位置唔太起眼 但lunch time都有唔少人幫襯😚所以最好book定枱 另外menu 定期會轉有心思 包保有驚喜😆 📌芝士汁牛扒香料鍋飯 $118 個飯索盡高湯既味道十分入味😚😚 牛扒生熟度適中 保持到細嫩口感 係一個超級飽肚的選擇 📌牛油果雞肉午餐碗$98 Low carbs 之選 配有唔同蔬菜其實都好飽肚 📌忌廉喇沙雞肉通粉$98 雖然最近換走左 但佢係一個有驚喜嘅選擇 通粉索晒喇沙汁勁惹味 雞肉略為柴 但整體味道唔錯 中意喇沙但食唔到辣都試得 📌卡邦尼忌廉雞肉通粉$98 醬汁濃厚程度適中 但同樣雞肉粒都係煮得耐左得 如果出返喇沙款會開心啲🥹 📌Rose Latte 📌Matcha Latte 📌Flat White 可以跟餐加錢配的飲品 質素平均☺️ 如果唔想加錢可以直接揀Americano / Fruit Tea

尖東其實都有好多西餐廳選擇 呢間集美食 海景 & 音樂於一身餐廳 適合嚟慶祝節日/紀念日 📌Japanese Cod Fish 鱈魚十分厚肉 煎得略帶香口 配以青口打成嘅醬汁意外地夾 仲有莎莎的番茄粒 愈食愈開胃 📌USA Prime Cedar River Striploin 呢款美國西冷肉味勁香濃突出 medium rare 食法剛剛好 肉質仍保持彈性 簡單配鹽/黑椒已經好好味 👍🏼👍🏼 要特別讚side dish 蘑菇同荷蘭豆既味道特別 唔係一般蒜蓉牛油炒 鹹香味再突出啲 📌Truffle Fries 黑松露薯條分量驚人 醬汁味道調配適中

呢間Cafe 擁有最大既地理優勢 座落TOP商場 一出地鐵站好易搵到 另一吸引之處係好多人推薦嘅甜品 但我覺得熱食其實都唔差 同朋友坐低慢慢食都係唔錯嘅選擇😌 📌 黑松露雞肉大蘑菇燴飯 $128 一上枱就係一大嚿石頭似嘅器皿盛載滿滿黑松露香味燴飯 同坊間唔同 燴飯質感偏乾爽 同時食到洋蔥爽脆口感唔會過腍 我比較喜歡呢個食法 📌蜜糖芥末雞翼（5隻） $68 推薦要試嘅雞翼👍🏼大大隻以外 雞翼炸得十分香脆 醬汁分量都唔會令到雞翼外層腍晒 而且見到粒粒芥末 感覺有誠意 📌秘製鹹蛋黃薯條 $78 每條薯條都包滿鹹蛋黃超級惹味香口🥰 而且分量唔少 感覺配茶一齊食係唔錯😇

最近先知原來搬到嚟荔枝角 比起之前除左空間大咗 都多左唔同日式定食選擇 但整體嚟講都係甜品做得出色啲 📌西京燒鮭魚 三文魚望落大塊 但係偏薄身 呢款西京燒帶多一點焦香味道 好適合送飯 另外加$6 配芝麻豆腐作前菜都幾開胃幾夾😎 📌和風煎牛仔粒配牛汁金菇飯 味道偏鹹 牛仔粒煮得過熟 本身牛仔粒調味偏重+牛汁金菇淋落個飯到 非重口味人士要謹選 📌咖啡酒烤芝士蛋糕 講咁耐到左最期待甜品環節 焗芝士蛋糕相比一般凍餅無咁膩 加上去左咖啡酒 淡淡咖啡香+香脆杏仁餅底 令人愈食愈精神🤣 📌泰式奶茶戚風蛋糕 相比芝士蛋糕整體味道偏甜 蛋糕非常鬆軟有淡淡茶香 配埋奶茶醬食 茶嘅味道更濃厚 如果可以再減甜都會想再食 📌伯爵香橙鮮奶茶 奶味突出過茶味好多 整體味道偏甜 如果茶嘅濃度再調節 平均一下會更好

見到最近新開一間燒肉店（連門口招牌張紙都未拆）閒日晚市都好旺場幾乎滿座 最吸引係每碟肉價錢相宜分量少少地（除了和牛可能$70-80起跳）可以有空間試多幾款肉😀除左肉類 餐廳都有提供一些熟食送酒👍🏻👍🏻 整體黎講燒肉款式選擇不少 但如果調味都多少少選擇 食落味道豐富啲更好～ - 📌 薄切牛舌 $28 📌厚切牛舌芯 $48🔸 個人中意食厚切 有口感好多 燒得香脆嘅話就做到外脆內嫩 📌黑毛和牛小排$78 雪花分佈平均 有肉味 📌 松露雞肉 $28🔸 雞肉本身有用比較惹味的調味料醃過 如果點松露沙律醬確能減辣 📌野菜五盛合 $28🔸 最有趣係包埋菠蘿 如果有多少少選擇 eg 粟米/瓜類 比較適合燒烤 📌西班牙黑毛豬$28🔸 爽口嘅五花 簡單鹽胡椒調味已經好好味👍🏻 📌味噌五花$28 調味適中好入味 但肉質無黑毛豬咁爽口 📌免治和牛多士$88 比較有驚喜嘅熱食 炸和牛免治肉排配多士坊間唔算多/賣好貴 肉唔會乾爭爭 如果想用黎醫肚其實都ok😎 📌松露牛油果沙律 $58🔸 清腸胃之選 沙律汁調味適中 帶有淡淡的黑松露醬味 頓時高級好多☺️☺️ 📌芝士年糕 $28🔸 送酒好岩嘅小食 外脆內嫩 仲可以dim煉奶 芝士鹹香配煉奶的甜係夾😚 📌Sapporo生啤$28 📌咸檸檬威士忌梳打$38 味道清新嘅梳打 如果嚟緊有多啲特飲選擇更好 📌味淋魚乾 $38 分量都多 如果可以再燒乾身啲 口感會更好 📌炸雞軟骨 $38 絕對係魚乾以外送酒必備👍🏻

以涼茶為主題嘅cafe實屬少見 就算係輕食都係以養生 簡單調味為主😌 加上小店環境舒適 係忙裡偷閒好地方 📌 鹽潰櫻花雞絲檸檬涼麵$78 清新之選 涼麵好爽口 唯雞絲調味偏淡 要浸住檸檬口味湯底先夠味 📌養生腐皮福袋鳥冬$72 呢個絕對係人氣美食 幾乎枱枱都有叫😇 昆布湯底以外都有蟲草花淡淡菇菌味 都可以一試😌 📌 山渣酸梅湯力(凍)$49 我個人比較期待飲品如何mix and match 山渣酸梅都係酸酸甜甜 飯前飲用真係會開胃啲想味道再突出啲可以加洛神花😬 📌冷萃銀菊咖啡$49 銀菊露mix 咖啡 第一啖入口都係銀菊露味 餘韻先有咖啡味 感覺都係覺得似飲涼茶多過咖啡😬 📌抹茶Cube Cake$58 店員推薦 蛋糕質感比較似磅蛋糕 但面頭有一片好似蘋果金寶嘅脆脆（但係抹茶味）整嚿蛋糕抹茶味濃郁 好適合配咖啡一齊食

長沙灣有唔少美食等待比人發掘但無諗過連南美菜都可以搵到 - 📌秘魯特色燒有機走地雞 原隻燒雞 2-3個人share都夠 香料味突出以外 雞肉仍然保持到juicy 唔太乾 中意食辣嘅話可以點埋辣醬😙 📌特色南美烤肉飯 比較少見嘅南美菜 包括烤牛肉雞肉 仲有黑豆 煎過嘅大蕉，牛油果等材料撈埋嚟食 （必定要加醬汁一齊撈先夠惹味）半熟煎蛋都係加分位 送飯一流😌😌 雖然看似唔夾嘅材料但加埋一齊充滿特色 而且係好味 （特別係煎香蕉配飯好有驚喜 為每啖飯帶多一點甜味😆 📌Amuse蛋糕 店員熱情介紹嘅招牌菜 焗粟米芝士蛋糕 雖然同一般芝士蛋糕比較質感鬆散啲 但係粟米同芝士味道都好突出 煮過的粟米甜味會更突出 蛋糕連埋蔗糖藍莓一齊食味道好夾😌 算係一款估佢唔到咁好味嘅a la carte 值得一試😙 📌手搖水果茶 飲品酸酸甜甜比較開胃 📌南美檸檬特飲 清新味道 配烤肉比較解膩