😋今日黎到銅鑼灣搵食，臨近年尾又係時候諗下去邊到食大餐😆所以今日黎同大家試下一間鐵板燒 -- 本命 晚市食鐵板燒呢個價錢黎講都算抵，店內裝修唔錯，空間都夠大，主要座位都係圍住鐵板可以睇住師傅烹調，打卡一流👍🏻 我地今次叫咗兩個晚餐鐵板燒一人前 -- 本，都有11道菜唔失禮嫁😋 首先係➡️”前菜沙律”開開胃，跟住就有➡️”帆立貝配菠菜忌廉汁”，食落表面香脆，味道新鮮無雪味，不過有少少過熟，不過不失 下一道係➡️”立鱗燒金鯛配甘筍魚湯忌廉汁”，立鱗燒好香脆，甘荀汁幾鮮甜，味道唔錯架😋 之後係➡️”香草牛油蝦頭膏煎大蝦”，蝦幾新鮮，師傅直接用蝦頭起膏，加埋香草牛油煮汁，所以個汁好惹味好香濃，蝦肉咬落仲爽口彈牙👍🏻 跟住到➡️”豚肉生薑燒薄餅”，餅皮係平時雞卷果類脆脆地嘅餅身，加埋大量薑蔥，夠哂特別😎 之後係➡️”美國安格斯牛二食”，厚燒美國牛肉粒同薄燒美國牛肉 ➡️”厚燒美國牛肉粒”夠哂咬口，牛味突出，配埋炸蒜片，岩鹽同芥末，多種口味選擇 ➡️”薄燒美國牛肉”，因為入面已經包住洋蔥蒜蓉同蔥，就咁咬落去都已經夠哂惹味 食到咁上下有個➡️”鱲魚魚湯”去下油膩，湯魚味非常濃，好鮮甜，入面有魚卷、豆腐、蔬菜，非常足料又鮮甜 跟住到鐵板燒收尾常見嘅➡️”炒飯”，材料有蛋、蔥蒜、甘荀、牛肉，即炒即食夠哂鑊氣 最後仲有➡️炒野菜同甜品，真係份量十足🤣 甜品都好特別，係師傅直接係面前整嘅➡️”焦糖多士”，加咗牛油同焦糖，煎到非常香脆，配上開心果雪糕極度邪惡，不過味道真係唔錯😝 🔹晚餐鐵板燒一人前 -- 本 ($588) 🔴本命 Teppanyaki Honmei - 地址：銅鑼灣邊寧頓街13號2樓 ❗️不定期Giveaway及更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/

🇯🇵雖然開返關，不過機票真係貴咗唔少，所以今次黎到尖沙咀一間高級燒肉專門--和牛燒肉‧純，希望係香港都可以食到正宗日本和牛，解一解鄉愁先😝 店舖位於尖東希爾頓大廈，尖東站行去都係10分鐘左右，相當就腳，店內裝修充滿和式風格，仲有多間獨立房，重要節日或者見客食飯都相當唔錯👍🏻 叫得和牛燒肉‧純，咁就一定要試下佢地嘅主打鹿兒島黑牛啦😁 今次我地就叫咗個前菜➡️”炸大根牛油果沙律”同➡️”特選日本產和牛西冷&豪華燒肉拼盤”，當中包括：和牛西冷、和牛牛排肉、和牛牛肩眼、和牛牛舌 ➡️”前菜”黎到個沙律已經非常唔錯，大根炸到金黃鬆脆，牛油果配佢甜甜酸酸嘅醬汁非常開胃😋 ➡️等到”和牛”黎🥰，只係望都見到肉嘅質地同雪花已經好靚，真係拍得住係日本食和牛👍🏻 職員仲好好咁幫我地介紹牛肉，同埋叫我地由比較淡無咁多油脂嘅牛舌開始品嚐 ➡️”牛舌”厚薄岩岩好，肉身仲切咗花方便燒烤，一淡咬落去外表有微微焦香，但入面仲保持非常鬆軟，牛舌控表示😍 ➡️”和牛牛排肉”，肉質比較結實、帶有些許筋膜，牛味會比較較出 ➡️”牛肩肉”就脂肪含量再多一點，肉質鮮嫩，咬落比較有彈性，油脂味都好重😋 黎到➡️”和牛西冷”，相信大家都好熟悉，腰脊部份，肉質油脂分佈非常平均，真係見到都流口水，只係燒都聞到陣油香，咬落仲入口即溶，肉質幼嫩細滑😍😍 🔹炸大根牛油果沙律 ($78) 🔸特選日本產和牛西冷&豪華燒肉拼盤 ($1280) 🔴和牛燒肉‧純 - 地址：尖沙咀東部加連威老道96號希爾頓大廈1樓3號舖 (仲有銅鑼灣分店)

今日我地搵食黎到旺角女人街，其實呢到真係唔少樓上餐廳相當唔錯，大家有時間都去發掘下啦😆 而今次我地就黎同大家mark住一間價錢相對親民嘅 -- 大眾燒肉酒場 🤩 店內裝修比較似居酒屋，仲要佢地Sapporo都做緊買一送一，食燒肉同一班朋友啤啤佢就岩哂😎 野食選擇都唔少，雞牛豬、沙津、炸物、丼飯、蔬菜都應有盡有，而佢主打嘅牛肉更有唔同部位同醃制方法可以揀，實有一款岩口味🤗 而牛肉我地就比較推介，厚切牛舌、和牛沙巴當、和牛壽喜燒、免冶和牛多士 ➡️”厚切牛舌” 嘅厚度岩岩好，夠哂彈牙，牛味重又無雪味，可以一試😋 ➡️”和牛沙巴當”就係牛肩胛比較近肋骨嘅部位，牛味同油脂味非常平均，入口即溶，口感真係一流👍🏻 ➡️”和牛壽喜燒”就比較特別，平時日式火鍋就食得多，燒肉都係第一次見。原來係會有職員即場用火槍輕輕燒熟，加上黑松露蛋汁同飯一齊食，夠哂新穎又好味😍 個汁仲可以留返黎食其他肉架🤣 ➡️”免冶和牛多士”就份量十足，每件都有滿滿嘅和牛，加上烘底多士夠哂脆，口感相當唔錯，咬落去淡淡肉真係勁滿足，而且配返岩岩個黑松露蛋汁仲惹味😜 而➡️”柚子雞肉”都幾有心思，特別用咗一隻公雞外型嘅碟裝住，而味道比較清新開胃都唔錯架 ➡️豬頸肉就正常水準，無咩雪味，爽口彈牙，都可以一試 ➡️丼飯我地都試咗個京蔥燒鳥丼，而份量比一般燒肉店為多，仲有一隻好靚嘅日本蛋係面，食落更嫩滑😁 🔹和牛壽喜燒 ($88) 🔸京蔥燒鳥丼 ($38) 🔹柚子雞肉($28) 🔸和牛沙巴當 ($98) 🔹免冶和牛多士 ($88) 🔸厚切牛舌芯 ($48) 🔹豬頸肉 ($28) 🔸Sapporo生啤 (兩杯$48)

😎今日又黎到銅鑼灣搵食，而今次會食嘅就係鄰近銅鑼灣地鐵站嘅日式居酒屋 -- 備長 餐廳係17 年傳統串燒老店，店內空間都幾大，周圍都用咗唔同清酒樽裝飾，坐近bar台仲有得睇住師父點整串燒架😁 野食方面，我地叫咗➡️”清酒煮蜆”，清酒嘅香氣同蜆嘅鮮甜口感完美結合，每隻蜆都大大隻又夠哂爽口清甜，絕對是開胃嘅好選擇👍🏻👍🏻 串燒有非常多選擇，其中➡️”免冶雞肉棒”外面燒得酥脆，內裡嘅雞肉鮮嫩多汁，加上醬汁的調味同埋蛋漿，真心唔錯😋 ➡️”雞軟骨”非常有咬口又唔會太韌 ➡️”雞皮”燒得外脆內嫩，調味又唔會過咸，味道岩岩好👍🏻 佢嘅豚肉類串燒非常特別，有好多款比較少見嘅菜式，例如➡️”汁燒脆豬耳”口感爽脆得黎又好入味，送酒真係一流😎 而➡️”豚之大腸”更加係重點推介，平時炸大腸就食得多，原來燒都可以咁爽脆，咬落又唔會油膩，醬汁調味仲非常惹味，值得一試😍 除咗串燒，佢主食都唔錯架，大大份仲有好特別嘅➡️”墨魚汁炒烏冬”，墨魚新鮮彈牙，火喉岩岩好，墨魚汁有海水嘅咸香又唔會覺得太濃味，非常唔錯架😋😋 🔸清酒煮大蜆 ($108) 🔹自家製免冶雞肉棒($42) 🔸雞軟骨($25) 🔹雞皮($32) 🔸汁燒脆豬耳 ($38) 🔹豚之大腸($38) 🔸墨魚汁炒烏冬 ($118) 😋味道 7.5/10 😍回頭指數 7/10 🔴備長 Bicho - 地址：銅鑼灣軒尼詩道525號澳門逸園中心26樓

最近見到好多人去泰國旅行，大家有冇試過食Mookata泰豬鍋? 之前去泰國時都試過，而家香港都有得食啦!😋
未去泰國旅行，我地就黎到"小火山"呢間位於銅鑼灣新開業嘅餐廳懷念一下，同場仲會不時有Live Music，餐廳由泰國廚師主理，主打Mookata係泰式兩食烤肉火鍋，Moo係豬嘅意思，而 Kata就係鍋嘅意思，以豬油開鑊令燒肉唔容易痴底，中間凸出嘅部分用黎烤肉，鍋邊坑槽可放湯打邊爐，一鍋兩食，一次過滿足您兩個願望😍😍
我地先點泰豬鍋燒肉拼盤，有牛/ 豬/ 牛+豬肉拼盤選擇，我地就揀咗➡️"小火山美國安格斯牛牛拼盤"，有美國安格斯去骨牛小排、手切殼飼封門牛柳、安格斯下肩胛翼板肉、CAB牛胸腹，肉質腍身嫩滑，油花分佈好平均，燒肉/ 打邊爐都好岩!😋
之後就揀鍋嘅湯底，可以六選二，我地就揀咗➡️"香茅椰汁雞湯"，一入口就超鍾意! 香茅味好濃，加上係用鮮雞熬製3小時，配搭椰汁+青檸，入口好順滑又唔油膩~
另一款揀咗➡️"小火山牛骨船湯"，牛骨係用咗5小時熬製，加入十幾種香料藥材調製而成，牛味好出，加入牛肉去淥令到牛肉香味更加提升!👍🏻
我地仲點咗➡️"泰式豬梅花肉片"，中間加左蛋黃，伴埋一齊去燒，令到肉味更加濃郁，份量仲好多好大塊
➡️"手切泰式生鴨胸片"，燒肉比較少見，就點黎試下，鴨肉嫩滑有彈性，邊位有少少油脂，燒完食落口感非常好!
➡️"竹笙蝦滑"必點， 蝦滑嘅口感爽彈加埋笙又有啲脆口，竹笙吸晒D湯汁，味道更加香濃!👍🏻
另外都點➡️"小火山小食拼盤"，有泰式腐皮雞卷、手工酥炸東北豬肉丸、泰式發酵豬肉腸、手工泰式炸粟米餅，
粟米餅炸到好酥脆，酥炸東北豬肉丸，外皮炸得香脆，入面嘅豬肉香味好濃郁! 點埋泰式辣醬，味道酸辣微甜好夾!😋
另外有附送泰式沾醬四碟: 亞泰蒜沾醬、甜雞沾醬、羅望子沾醬、泰式海鮮沾醬，唔會好辣，唔太食得辣既我都係咁沾黎食，最中意羅望子沾醬，味道酸酸甜甜，好開胃，佢係用羅望子、辣椒、蒜頭、糖同埋魚露等材料熬煮而成，配上肉類或炸物都好夾!
餐廳嘅食物好高質，氣氛仲好好，岩晒熱愛燒肉同埋火鍋嘅朋友😍

🔸小火山美國安格斯牛牛拼盤 ($328)
🔹泰式豬梅花肉片(100g) ($68)
🔸手切泰式生鴨胸片(100g) ($68)
🔹小火山小食拼盤 ($88)
🔸竹笙蝦滑(6件) ($72)
🔹Coconut Smoothie 勿跑扮沙冰 ($68)

💛呢間"驚安燒肉商店"已經回訪過幾次，牛肉嘅質素靚，性價比又高，種類比對上一次黎升級咗好多，加入咗唔少高質嘅牛肉部位，餐廳成日都好full，想去嘅朋友記得要提前book位~
最近見到佢地新推出 "自選九宮格燒肉盛合"，有好多款燒肉可以自由組合，我地就揀咗：厚切牛舌花、封門柳、壺漬牛肋肉、韓式護心肉、和牛五花、極黑牛小排、和牛沙巴當、和牛友三角、厚切甘口黑標和牛～
全部肉質都好鮮嫩，燒完每一口都好juicy!
➡️“厚切牛舌芯”係每次燒肉，厚度岩岩好，燒完好彈牙，好正!
最鐘意係食➡️"厚切甘口黑標和牛"係啲高級燒肉，從和牛的背部位置取出，主要來自於牛脊椎肌肉部位，肉中紋理分佈非常均勻，肉質嫩滑，入口即化，食落好鮮嫩!
➡️“封門柳"同"壺漬牛肋肉"好入味，肉質都好嫩滑，食落好有口感
➡️“韓式護心肉"即係腹肌部位，呢個部位嘅肉質較為細嫩，含有豐富嘅肥肉同肉筋，口感豐富!
➡️"和牛五花" 係和牛腹部位置，肉質極為鮮嫩，脂肪層分佈均勻，入口即化
➡️"極黑牛小排"係黑毛和牛的小肋骨部位取出嘅肉，➡️"沙巴當"則係和牛腰部位置取出，2款肉質都較為緊實，肉汁和油脂感都好豐富，有濃郁牛肉香味，好有咬口

另外我地亦點咗➡️"柚子漬雞肉山"，雖然叫半份但份量一D都唔細，雞肉完全無雪味，燒落仲有淡淡柚子香，絕對值得order😋
➡️"日式味噌黑豚五花"主要來自於豬嘅腹肌部位，肉質非常柔軟，含有豐富的脂肪和肉汁，相對和牛五花肉更為鬆軟，肥肉部分相對較厚，口感更加豐富!

食燒肉又點少得叫飯配下, ➡️"紫菜月見飯"，用咗味素、生蛋同紫菜，撈埋一齊食，配燒肉一流!

最後我地仲叫埋➡️”芝士年糕”做甜品放爐邊慢慢燒，燒到唔黐底先食，外皮係好脆，入面芝士半溶，配埋煉奶，真係勁好食😆😆
而家仲做緊Sapporo生啤買一送一優惠, 一邊食燒肉一邊飲返兩杯勁爽!

🔸自選九宮格燒肉盛合 ($588)
🔹厚切甘口黑標和牛 (+$28)
🔸柚子漬雞肉山 (半份$28)
🔹日式味噌黑豚五花 ($68)
🔸炸芝士年糕 ($32)
🔹紫菜月見飯 ($28)
🔸Sapporo生啤 (兩杯$48)

最近我地去到黃埔搵食，見到呢間cafe好大空間感十足，裝修走文青藝術風，以大地色同粉色作主調，仲有唔少打卡位，好岩同一班朋友黎打卡聚下~

餐廳鄰近黃埔地鐵站，主打西餐，我地先點咗"香煎刺身帶子明太子忌廉汁意粉"，帶子幾大隻，煎到略帶金黃色好香，再加上明太子忌廉汁嘅鮮味，意粉煮到岩岩好，口感彈牙，每啖都有明太子醬汁，味道唔錯!😋

另外點咗"原隻龍蝦香蒜忌廉汁意大利飯"，面頭用咗原隻細龍蝦肉，鮮甜彈牙，同香蒜忌廉汁混合味道獨特，如意大利飯更有咬口就更好~

小食點咗"日式和風章魚燒薄餅"，細細件好似迷你嘅薄餅，以章魚餡料，再配上日式和風醬汁，幾有日式風味~

最後點咗2款拿破崙芭菲，甜品好有驚喜，"士多啤梨拿破崙抹茶芭菲"同 "香印提子拿破崙芭菲"，
拿破崙好出色，一咬落去好香脆，士多啤梨幾新鮮香甜，加上淡淡抹茶香，味道豐富!

P.S: 只要係餐廳內拍照，上傳到社交平台，即可獲得餐廳指定口味芭菲 ($98) 一份，所以我地都食晒2款XD

🔸香煎刺身帶子明太子忌廉汁意粉 ($148)
🔹原隻龍蝦香蒜忌廉汁意大利飯 ($208)
🔸日式和風章魚燒薄餅 ($98)
🔹士多啤梨拿破崙抹茶芭菲 ($98)
🔸香印提子拿破崙芭菲 ($98/ 打卡送)

💛最近我地搵食去到大角咀，搵到一間良心小店 -- 二世祖😍 餐廳嘅裝潢充滿藝術感，雖然地點唔算就腳，太子或者奧運行過去都要15-20分鐘，但係味道真係相當唔錯，值得一試😎👍🏻👍🏻 首先我地叫咗個➡️”明太籽櫻花蝦配青瓜絲扁意粉”，意粉的口感非常好，配合滿滿嘅明太籽醬和櫻花蝦，味道好夾，青瓜絲為整道菜增添咗清爽嘅口感，值得推介👍🏻 之後我地叫咗➡️”原隻軟殼蟹龍蝦汁蟹肉海鮮意大利飯”，軟殼蟹炸到金黃香脆，香濃嘅龍蝦汁味道好出，意大利飯嘅軟硬度岩岩好，份量仲要出奇地多，一個人真係未必食得哂😂 黎到我地今次最驚喜嘅➡️”芥末洋蔥醬炸雞窩夫”，首先咸嘅炸雞配窩夫已經好少見，難得係芥末洋蔥醬，仲要炸雞同窩夫都夾到！上面仲有隻脆邊太陽蛋同大量花生，口感好有層次😍雞皮炸到好鬆脆，雞肉好嫩，無論配蛋汁定芥末洋蔥醬都好惹味👍🏻 野飲方面，➡️”宇冶抹茶白朱古力奶”真係好有出色！抹茶和白朱古力嘅味道平衡得好好，抹茶味好濃郁，但又不失白朱古力嘅甜味，口感仲有d似奶昔咁香滑，抹茶控真係唔可以錯過😍😍 🔸明太籽櫻花蝦配青瓜絲扁意粉($198) 🔹原隻軟殼蟹龍蝦汁蟹肉海鮮意大利飯 ($138) 🔸芥末洋蔥醬炸雞窩夫 ($148) 🔹宇冶抹茶白朱古力奶 ($48) ❗️不定期Giveaway及更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/

💛成日去D2 place都見到呢間良心小店，今次終於黎試下"Holly Brown"，原來係香港已經淨返一間，大家真係要去多多支持一下!🥺🥺
我地晚餐時段見到呢有個好抵食既4-course Dinner set! 有齊前菜+主菜+茶/咖啡+單件蛋糕/意式炒雪糕，都係$208起，真心抵食，食到勁飽捧住個肚走!🤣🤣

前菜有得揀Garden Salad或餐湯，我地揀咗各一，沙律菜都爽身，如果加d沙律醋會更好，而餐湯就有少少咸，但黎到主菜就好有驚喜，水準唔錯!😍😍
我地先點咗➡️”燒春雞及燒豬肋骨拼盤"，燒春雞有半隻，外皮燒到好香脆，而燒豬肋骨外層搽咗香甜嘅燒烤醬，豬肋骨肉質好細緻嫩滑，一必就骨肉分離，好入味！👍🏻

主菜仲點咗➡️"美國牛扒配大蝦及帶子"，牛扒好厚身，叫左5成熟，煎到岩岩好，牛味濃，肉質唔韌，
配有兩大粒帶子同大蝦都好新鮮彈牙，兩面都煎到金黃色，好香口!😋😋

最後甜品揀咗佢地招牌嘅➡️"意式炒雪糕"，雪糕份量好多，質感好幼滑! 有20幾款口味，好多款都想食😂，最後揀咗➡️"Blue Jazz 藍爵士口味" 賣相好靚，係Tiffany Blue，岩晒打卡之餘，仲幾好食，係由藍色雲呢拿雪糕+棉花糖+彩虹糖同忌廉製成，彩虹糖好脆身同雪糕混合嘅口感好有咬口!👍🏻

我地比較鍾意食另一款➡️"Oh Fudge 黑武士口味"，朱古力控必食，朱古力雪糕+brownies同朱古力醬嘅三重朱古力口感好豐富又唔會好甜同膩，超推介!😋😋

Dinner Set: 前菜+主菜+茶/咖啡+單件蛋糕/意式炒雪糕
🔸燒春雞及燒豬肋骨拼盤 ($268)
🔹美國牛扒配大蝦及帶子 ($398)
🔸Lemon Grass and Ginger Tea 檸檬草薑茶
🔹Matcha Latte 鮮奶抹茶 (+$8)
🔸意式炒雪糕 Blue Jazz 藍爵士
🔹意式炒雪糕 Oh Fudge 黑武士

今日黎到銅鑼灣立鮨食壽司，地點鄰近地鐵站，非常方便😃
店內大概可以坐20人，裝修都好有日本特色，好似去左日本居酒屋咁😆

立鮨雖然好似係立食，但其實都有位坐，空間可能會比較細唔算好坐，不過野食就真係唔失禮啦

有幾款壽司盛，唔單只款色多，價錢仲好合理，就好似➡️”嚴選火炙盛合”，有三文魚，帶子，左口魚邊，中拖同松葉蟹，當中火炙帶子爽口彈牙仲要鮮味十足，中拖油脂分佈都好靚，輕輕燒過一啖咬落去魚油爆哂出黎真心唔錯😍

除左火炙，我地仲叫咗個➡️”特上吞拿魚盛合”，當中有赤身，中拖，大拖，碎蔥吞拿魚腩軍艦，赤身雖然無咁多油脂，但都好新鮮，魚味比較突出同有咬口，大拖就真係好出色，入口即溶，相當好食👍🏻👍🏻

另外，小食其實水準都唔錯，我地叫咗個➡️”櫻花蝦玉子燒”，蛋同櫻花蝦混合嘅玉子卷有陣陣咸香鮮味，再加埋滿滿嘅魚籽同蛋黃醬，非常吸引😋😋

🔸嚴選火炙盛合 ($112)
🔹特上吞拿魚盛合 ($170)
🔸櫻花蝦玉子燒 ($25)