收工一於試新嘢🍻原來HANDS 係魔術加meow主題💛雖然魔術師通常星期五六先喺度, 但係每枱都有魔術玩具, 可以等嘢食玩, 而且staff 好nice 好好傾🤣 🍠即炸鮮薯片配手製他他醬($98) 估唔到新鮮薯片可以咁好食🥹塊塊都超級薄切, 配搭他他醬又幾正 🥬鹽酥夜市杏鮑菇($88) 最近努力入素, 驚喜發現bar 居然有素食😍 香口得嚟keep到juicy, 仲要咁大份, 抵食! 🥗全日早餐 - 食肉獸加牛油果($158) Menu有好多burger 同意粉等選擇, 不過通常諗唔到食咩都會揀ADB🤣 賣相會唔會太靚🫶 而且多數食材有兩份,方便share 🍻本地手工啤 欣賞HANDS支持本土供應商🇭🇰 今次試咗Bolo Bao($88)同Darkness ($99), 菠蘿包taste唔到包但係有菠蘿味🤣 Darkness (冇影相🤦🏼‍♀️) 用咗黑加倫子, 飲落似無糖洛神花茶, 好特別!

放工約食飯, 好朋友話要飲大佢🧐 一於試吓瑞生酒店嘅酒吧餐廳! 入嚟就覺得環境真係wow 一聲, 幾有modern european style, 仲有戶外座位🙌 🍹Cocktails 先嗌嘢飲, 朋友飲Mojito ($138) 自然好啱夏天, 我嘅Whiskey Sour ($128) 係加咗hazelnut, 略帶nutty 口味幾特別 🦪香煎北海道帶子($108) 巨粒帶子經麵豉醬香煎處理非常入味, 下面竟然係枝豆蓉, 估唔到又幾夾🫶 🍖烤澳洲羊西冷($158) 羊肉勁粉嫩, 入口嘅感覺太幸福😍 連配菜都好有心思, 係印度茄子蓉同confit garlic, 整體味道好豐富 🍖慢煮伊比利亞黑豚肉($198) 伊比利亞黑豚肉肉味濃郁而且肉質嫩滑, 係我必叫之選! 配菜方面有紅酒燴梨同新鮮大車厘茄, 中和豚肉嘅肥膩感, 紅酒燴梨味道竟然有啲似薑醋好驚喜🤣

氣溫急降最啱打邊爐🥶 第一次嚟新開嘅蘇潮韓海，估唔到職員帶咗我哋去vip 房，同朋友傾到興起都唔怕太嘈🤪 職員好快手上醬料九宮格同湯底🤗 而湯底唔少選擇，平時食得比較健康清淡嘅我哋揀咗豆腐清湯($82)，有娃娃菜、菇、粟米、豬骨、雞腳，超級足料😋 重頭戲一定係牛！肉！想食牛頸脊但冇貨☹️ 好彩上等手切牛腹肉(大$298)都唔錯，勁多雪花😍 牛味幾出可以唔點醬汁食👍 餐廳仲有供應冠軍級和牛，下次一定要食🤣 另一個推介手打四寶丸($82)，可以試齊蟹子墨魚丸、芝士蝦丸、澳洲和牛丸同梅菜豬肉丸，各有特色，而且每樣兩粒啱晒兩個人share🤣 再叫咗邊爐必備香炸午餐肉($68)、響鈴($52)、萵筍片($35) 、娃娃菜($38)、稻庭烏冬($18)，配料價錢合理，飲品就揀咗自家製柑桔蜜($48) ，一大壺應該夠3-4人飲，味道唔太甜好解渴🤤 如果想嗌酒menu都幾齊，啱晒同朋友相聚🥳

好鍾意食台灣嘢，但可惜香港多數台灣餐廳都好重味精☹️偶然見到呢間餐廳個名咁搞笑👀原來係好有家庭風味嘅台式料理😛 🍱破布子煎封比目魚配蟹肉菠菜圈($128)(晚市套餐) 比目魚有兩大塊，煎到表面crispy🤤仲有菠菜好開心🥳加上有三款前菜同生果勁豐富！ 🥘花膠胡椒豬肚雞($108)(晚市套餐) 呢個跟菜同埋脆米，加脆米落湯度食簡直elevate 個湯😎花膠胡椒豬肚好足料，食極都食唔完，冬天食真係好正❄️ 🍹飲品 套餐加飲品可以減$10，肉桂蘋果紫羅蘭(加$25)用玻璃杯上枱賣相滿分😍 朋友個靚靚雪燕桃膠奶茶(加$30)都唔錯，係養生之選🤣 嗌咗少甜基本上冇乜甜味，大家可以按自己口味落單 🥗胡麻青瓜雞絲沙律($33) 大碗到驚人，如果戒食澱粉質根本可以當一餐😱 🫔起司肉鬆蛋餅($26) 唔鍾意食醬所以走咗醬，況且皮薄爆餡本身已經好好味！加埋咁抵食，好encore-able🤤🤤 🍡混一式綜合手工芋圓($44) 又係極多料，可以share 食💓甜度較低啱我口味🥰

山海喺馬鞍山開咗第二分店，本身對美食沙漠都冇咩期望，但驚喜原來樣樣嘢食都幾出色😍 🍢燒物 強烈推介日式燒原隻魷魚筒($108) ，原隻上真係好impressive，特別鍾意魷魚鬚嘅口感😍 燒雞泡魚乾($68)又係我必食，我比10分🙌 豚肉野菜卷($56) 入面有成四五條蘆筍🤤 另外豚肉年糕卷($56)我都係第一次見，好煙韌🥰 手羽($40)個人口味就覺得調味重咗少少。串燒呢個價錢已經係有兩串，啱晒share😚 🍣壽司 嗌咗厚燒鰻魚壽司($28)丶赤身本鮪壽司 ($38)丶三文魚壽司($12)同火炙三文魚壽司($15)，新鮮加厚切，呢個價錢冇得輸🤩 ❤️‍🔥期間限定推介 壓軸推介炙燒本鮪面頰壽司($68)，店員提醒包完紫菜就好即刻食，蔥花芝麻完美點綴，完全係入口即溶，幸福感爆棚😍😍 🥃大關桃味梅酒 ($58) 日本料理一定要飲埋梅酒先算complete🤪 呢款唔算太甜但係桃味好突出，感覺幾清新🍑 部分Menu:

Dpark 開咗新餐廳一排，終於有機會試吓🤩 如果有追魷魚遊戲一定要同門口紙牌人影相🤣 一坐低有四款前菜，而且可以添食🤫 🍗蜂蜜柚子味炸雞 (半份$86) 食韓國嘢一定一定要食炸雞🤤 半份已經幾大，適合兩個人share✌🏻呢款唔算太辣，反而係甜甜地，唧埋檸檬好夾😚 🍲韓式牛肉炒粉絲($74) 鑊氣十足，有啲乾炒牛河嘅感覺，好鍾意韓式粉絲煙韌嘅口感，而且每啖都食到配料😍 🥓烤五花肉($128) 呢個真係超！大！碟！五花肉烤得好香口，基本上唔使點辣醬已經夠味，加上肉肥瘦比例啱啱好 😋 🧁甜品 最想食嘅傳統糖餅竟然sold out💔 唯有嗌返兩件戚風蛋糕安慰自己☹️ 賣相非常打卡friendly，味道就比較鍾意特別啲嘅伯爵茶($32) over 原味($32) 🍹飲品 每個主菜加$5/$8就有熱飲/凍飲，比較虧的我倆一齊叫咗熱生薑蜜😂 好正嘅暖身飲品，大力推介🤣

挑剔的處女座又生日了😒 去咗間連佢都approve 嘅餐廳慶祝🥂 座位唔多但係坐得舒服，幾有空間感。落單嗰陣店員問我哋飲唔飲酒，原來九月生日送紅酒/白酒一支，cheers🤪 先送上餐前麵包，好鬆軟而且配搭黑松露牛油超級香😍！餐湯係紅綠豆忌廉湯，聽到嗰陣有嚇親但turned out 味道OK 奉行健康生活嘅我哋嗌咗V8田園沙律($128)，驚喜發現有唔少無花果同牛油果，dressing 份量啱啱好，清新得嚟唔太漏🥳 Mains 方面birthday boy 話一定要食煙三文魚配千島醬薄餅($138)，好慷慨地每一塊都有煙三文魚，餅底又做得夠薄😍 重頭戲係威靈頓牛柳($328)，店員好nice 地上菜先俾我哋影相再幫我哋切，粉紅色嘅牛柳加上濃郁嘅松露蓉固然冇得彈，驚喜嘅係連酥皮都乾爽俐落，切開冇甩皮甩骨，仲食得出好香牛油味😋 不過呢個要等比較耐，想食嘅話最好一坐低就叫定🤫

澳門逸園中心出名多嘢食，今次揀咗21/F 嘅古今，入到去一邊係bar 枱超有feel🏮 侍應哥哥好nice，安排咗我哋坐房仔一角，環境幾適合傾偈😌 特級雞泡魚乾($73)係必食推介😚 燒得好靚又唔會太乾身 吉列牛餅($45)吉列皮夠薄，牛肉餡好似仲混入芋泥😍 但係就比較滯建議share 芝士魚餅($53)見到啲芝士要湧出嚟好開心🤣 唯一挑剔嘅嘢就係份量少咗啲，好想食多幾舊🤣 朋友好少煮飯所以想嗌個飯食，於是叫咗好多人推介嘅蟹膏帶子炒飯($176)，果然冇失望超足料👍 基本上啖啖都食到帶子，蟹膏鮮味都好出😚 兩個人食有啲多，3 - 4 人share 應該啱啱好 我哋重頭戲梗係卷物！青龍卷($103) 牛油果係主角，感覺健康啲🤩 另一款蜘蛛($93) 有大大隻軟殼蟹，口感一流🥰 不過食落發現兩款餡料有啲類似，下次嚟要試其他款式先得🤔

急需舒緩旅行饑渴🥱 於是去咗東涌Sheraton 出面嘅新餐廳，假日人流唔算多，仲有個幾大嘅pet-friendly alfresco area，即刻搵返啲寫意度假feel🏖 Go Green Go Healthy ($88) 幾啱夏天嘅清新appetiser☀️ 個人口味覺得dressing 多咗少少，不過羽衣甘藍牛油果石榴嘅組合係冇得輸🤪 最期待嘅Maialae Porchetta ($268) 好驚豔！乳豬做到脆皮，橙茴香配搭得好好，冇肥膩嘅感覺😍 Parma Ham Pizza ($165) size 大到嚇親，滿滿嘅ham 同parmesan cheese，會唔會太抵食🤭 嘢飲方面有極多熱帶特色飲品同酒類選擇🍹試咗生啤Stella ($70)同Lemongrass & Earl Gray Iced Tea ($65)，後者略嫌甜咗啲，但味道好exotic好解渴，overall 係非常滿意嘅小旅行✈️☺️

抗衡blue monday 最好就係搵間坐得舒服、環境乾淨嘅餐廳食大餐，於是即刻諗起WM🥳 Dinner set 超豐富，餐湯飲品甜品都包😳 蟹肉龍蝦湯香濃到未除口罩已經聞到香味🤩 蕃茄湯比較酸幾開胃🍅 烤豬西冷配檸檬帶子青蘋果絲($98) 好抵食！帶子幾大粒，豬扒有厚度又有肉味，伴碟仲有pink salt 可以點，貼心🥰 Beef wellington 由於比較花功夫，唔係間間西餐廳都會做，見到WM 有梗係試吓😋 以$138 呢個價錢絕對合格有餘，尤其牛肉生熟度控制得好好👍 見佢咁的骰原來都幾飽肚 今日套餐甜品轉咗檸檬撻，個人口味覺得甜咗少少，不過幾清新啱夏天 另一個甜品加$20 upgrade 心太軟，朱古力味非常rich🥰 最後叫埋餐飲，食物同服務都好滿意嘅一餐😋