✅性價比唔錯 人均約$60-70 ✅出餐快 ✴️餐冇跟飲品 泰式炒河粉 ⭐️⭐️⭐️⭐️⭐️ 三樣之中最好食嘅！ 闊粉口感好好 調味又好 辣+鹹+酸都突出 影相時已聞到好香 揀咗雞肉 雖然乾身啲但係又有種焦香 海南雞飯⭐️⭐️⭐️ 海南雞都算滑 一定要點醬同薑蓉食 油飯幾香 有陣黃薑味 不過飯嘅質感一般 泰式辣炒牛肉飯⭐️⭐️⭐️ 辣炒牛肉調味幾好 不過唔夠泰式嘅感覺 下次嚟會想試其他更加泰式嘅野！ 加配 泰式豬頸肉沙律 ⭐️⭐️ 豬頸肉唔算嫩但係都唔硬 有陣焦香味 但有點太鹹 底下有勁多芫荽可以夾住食

✅坐得舒服 適合傾偈 ✅Lunch會抵食啲 ✅上菜幾快 ✴️銅鑼灣店闊落過旺角店好多！ ✴️落單要自己寫 ⭕️冷鍋酸菜魚 ⭐️⭐️⭐️ 魚好滑 完全冇骨 聞落好香 特別係面頭嘅油好香 可惜唔夠酸 同埋小辣都唔係幾辣（似10小辣） 配料方面 寬粉吸汁 有咬口 唔會太硬 萵筍爽口 推薦 ⭕️辣子雞 ⭐️⭐️⭐️⭐️⭐️ 呢道菜係最好食的！ 非常之香口 好脆 BB辣都幾辣 因為多辣椒 好惹味 仲有少少麻 好正 ⭕️回鍋肉 ⭐️⭐️⭐️ 都好送飯 炒得幾香 但真係太鹹 ⭕️黑糖糍粑 ⭐️⭐️⭐️⭐️ 糍粑外脆內軟 好夠熱 有淡淡嘅米香

✅刈包都同壓餅都真係好食亦有特色 名不虛傳 ✅Basehall 2環境都好好 靚裝修、有人執檯、連自助斟水都有sparkling water揀 ✅倆口小食元朗本店實在太多人排隊 中環呢邊相對好啲 起碼等個陣都有得舒舒服服咁坐 ✴️平日lunch time真係好多人 等位要等 買野食要排 買完又要再等 ✴️中環店係貴過元朗個間的！ 最推薦： ⭕️香煎蝦餅刈包 ⭐️⭐️⭐️⭐️⭐️ 醬汁好特別 我覺得係有少少沙爹味嘅咖喱魚蛋汁 睇落好似會好怪 但其實加入刈包到好夾又好有創意！ 中間仲有酸酸地嘅紫椰菜 可以平衡炸蝦餅嘅油膩 整體味道同口感都豐富 ⭕️台灣腸刈包 ⭐️⭐️⭐️⭐️⭐️ 又係醬汁好特別 成個包食落都好香 台灣腸唔洗講 本身呢樣野就好食 ⭕️抹茶忌廉芝士壓餅 ⭐️⭐️⭐️⭐️⭐️ 抹茶味好香濃！係高質嘅真抹茶味 忌廉芝士係好濕潤 同個壓餅嘅口感幾夾 ⭕️抹茶奶酥紅豆麻糬壓餅 ⭐️⭐️⭐️⭐️⭐️ 亦係一入口有好香濃嘅抹茶味 呢個入面有紅豆同麻糬 相對比忌廉芝士口感豐富啲 不過兩個味我都好鍾意 ⭕️番薯條 ⭐️⭐️⭐️⭐️ 中環店刈包+$28可以轉做lunch set就有一碗番薯條 炸得夠脆 而且有酸梅粉！ OK推薦： 🆗焙茶奶酥朱古力皮壓餅 ⭐️⭐️⭐️ 焙茶味係香濃嘅 都好食 但係整體口感太乾 🆗Tiramisu壓餅 ⭐️⭐️⭐️ （呢個口感會濕潤啲 幾好食 但係就係普通tiramisu會有嘅味 就冇咩特別） ❌不推薦： ❌芋泥肉鬆壓餅 ⭐️ （唯一一樣唔推薦 因為食唔到芋泥味 反而食到陣人工嘅奶粉味 口感好乾 味道都好一般） Remarks: 為咗寫好呢個post，分別嚟咗3次先試到呢到唔同野，次次都要等，真係出錢又出力。

✅裝修好複古好靚 ✅好適合打卡 店員會比你影完蛋包飯先切 ✅甜品性價比唔錯 （跟餐加$32就有） ✴️都多人排隊 ✴️坦白講都係打卡為主 不要對食物太高期望 ⭕️日式紅酒燉牛肉蛋包飯 ⭐️⭐️⭐️ 個蛋還可以 切開有流心都係基本啦 味道還好 蛋味唔算好香 入面嘅飯係炒飯而非白飯 值得欣賞 但唔點汁食都係冇咩味嘅 燉牛肉都腍嘅 但咁多蛋同肉 而紅酒汁嘅味道唔夠惹味、唔夠有層次嘅時候就好幾易滯 ⭕️伯爵茶戚風蛋糕 ⭐️⭐️⭐️⭐️⭐️ 呢個蛋糕好有驚喜 首先個海綿蛋糕底好濕潤 伯爵茶味夠香濃而唔假 面頭嘅cream酸酸地而且好香芝士嘅奶味 蛋糕夠濕潤嘅時候就可以同cream融合得好好 入口好順滑 ⭕️日式布甸 ⭐️⭐️ 唔難食不過冇蛋香 冇焦糖香 口感亦都唔滑 同面頭嘅cream同是士多啤梨味道係唔夾的 都幾甜下 不過布甸頗甜都係可接受

✅餐廳好大好闊落 好多位 ✅坐得好舒服 又坐得耐 適合傾偈 ✅服務態度幾好 真係有韓國oppa😂 ✴️價單少貴 但份量夠大 ✴️味道唔差 但唔推薦為美食而來 ⭕️前菜 ⭐️⭐️⭐️⭐️ 好特別 除咗泡菜 其他都好少見 尤其右下角嘅個種海苔 好鮮味 ⭕️燉牛骨湯配飯 ⭐️⭐️⭐️ 湯好飲 個時個餐仲有送煎比目魚 個湯入面仲有粉絲 再配埋白飯係好飽 ⭕️海鮮嫩豆腐鍋配麵 ⭐️⭐️⭐️⭐️ 入面有1/4隻蟹 少就少啲 但真係好鮮甜好嫩 湯底夠辣 麵有好多但口感一般 ⭕️炸魷魚鮮蔘 ⭐️⭐️ 係炸人蔘 都可以話一試難忘 因為真係好苦。。。點咗蜜糖都仲係好苦 炸魷魚唔脆 炸皮太厚 又冇咩味 要點醬先得 但都少見有得食炸人蔘 可以一試嘅 同埋賣相都靚 比返兩粒星😂

✅裝修好有feel 每張檯都有小花樽好有情調 ✅餐廳靜靜地好適合傾偈 都坐得耐 ✅服務態度非常之好 ✴️唔近地鐵站 ✴️師生/醫護/社工有9折！ 🙋🏻‍♀️我係食set dinner 跟餐有迷你牛角包、餐湯、野飲！ ⭕️原隻魷魚筒墨魚汁蝴蝶粉 ⭐️⭐️⭐️⭐️⭐️ 首先賣相已經好靚 然後同時都有實力嘅 蝴蝶粉好好食 掛到汁 醬汁夠重味又香 雖然炸魷魚口感一般 唔新鮮 但係個調味好 幾惹味 ⭕️匈牙利燉牛肉飯 ⭐️⭐️⭐️⭐️ 牛肉煮得幾腍 醬汁味道好特別好濃郁 食到好香嘅cream味 都好送飯 ⭕️手工綠茶窩夫配開心果雪糕 ⭐️⭐️ 賣相好靚 但係味道有點失望 窩夫唔夠熱 而且冇咩抹茶味 雪糕太甜 cream都幾香開心果味 但有啲膩

✅可以GULU攞飛！ （真係多人等位 建議係公司攞定飛先） ✅lunch set份量好多（澱粉質爆發） ✅餐廳環境都算唔錯 有啲設計感又乾乾淨淨 ✴️人好多 所以冇咩服務的 ✴️野食味道正正常常 唔難食 但都唔算好食 ⭕️眷村懷舊排骨滷肉便當 ⭐️⭐️ 坦白講 排骨乾身而且好薄冇肉汁 鋪底嘅粉絲都冇咩味 滷肉飯還可以 但感覺唔係好正宗 但係我推薦嘅原因係份量真心好多 中環嚟講性價比算高了 有啲女仔可能食完排骨+粉絲個盒都已經夠飽…😂 ⭕️海苔鹽酥雞 ⭐️⭐️⭐️⭐️ 夠脆 炸粉唔算薄但又唔會太厚 少少海苔係面又香口咗 （同事請客，冇收據🤣）

✅呢個海景+公園景好靚 直頭令人覺得自己唔係香港 ✅裝修都唔錯 適合打卡 ✅性價比其實ok 吐司都大份 ✴️其實得一個位置係最打卡 要爭到個張檯先得 ✴️飲用水唔會免費提供 ⭕️軟殼蟹親子滑蛋吐司 ⭐️⭐️⭐️⭐️ 包底係甜甜地嘅 搽咗牛油好香 蛋都好滑嘅而且調味好足 軟殼蟹都香蟹味 但係炸得偏油😢 好易滯 ⭕️椒麻脆辣雞滑蛋吐司 ⭐️⭐️⭐️ 雞扒幾辣下 同有點太鹹 但味道唔係好層次 可能被辣粉嘅味道蓋過咗 粉有點兒太厚 成個雞扒好厚就夾唔埋成個包食😂 同樣都係偏油 所以好易飽咗

✅環境好chill 有半戶外sitting ✅食材配搭創新 有驚喜 ✴️性價比偏低 野食都唔大份 ✴️weekend去都幾多人 始終大坑嚟講都出名 ⭕️Fancy Poutine ⭐️⭐️⭐️⭐️ 薯條面頭嘅牛尾醬汁濃郁 但更值得讚賞嘅係blue cheese 因為一般香港人都食唔慣blue cheese會覺得好臭😂 但呢到份量唔多 咁就唔會搶咗其他食材嘅味道 我平時唔食呢隻芝士都覺得可以 另外仲有隻溫泉蛋係面頭 所有野撈埋好濕潤嘅 加埋薯條嘅脆 口感豐富咗 ⭕️EFC ⭐️⭐️⭐️⭐️ 其實我會形容係「椒鹽椰菜花」 因為呢道菜食落個味就係中式椒鹽豆腐層炸皮 擺咗係椰菜花上面 都幾夾嘅幾有新意嘅 不過味道只係係炸皮上面 椰菜花咁大粒呢 食到中間就冇咩味 ⭕️Feathered egg ⭐️⭐️⭐️ 相比上面兩道菜 呢個就普通啲 個肉醬係用鴨肉 但都係同平時啲肉醬差唔多 另外我嫌麵包得個兩塊仔真係唔夠食 肉醬都用剩咗

✅雞湯拉麵好好食 冇得輸 ✅環境裝修好舒服（樓上係舒服過下層好多） ✴️真係好多人 平日lunch去排咗近半個鐘 ✴️份量偏細 ⭕️雞白湯拉麵 ⭐️⭐️⭐️⭐️⭐️ 湯底冇得輸 好濃郁 有陣油脂嘅香 但又唔係中式個種雞湯味 （可能有用豬骨？）真心好飲到可以飲晒 麵底都唔錯 軟硬適中 但唔係好彈牙個種 要快手食 唔係好快腍 炸牛蒡好脆好好食 就咁食定浸湯都好食 份量又夠多 ⭕️海鮮。雞拉麵 ⭐️⭐️⭐️ 呢個湯底我麻麻地 因為海鮮太搶味 食唔到雞嘅香味 同埋有點太鹹