公司團年飯揀左呢間快船廊。 首先講講環境，地方唔太大。L字型既空間。 食物方面熱食既款式唔係太多，海鮮方面都多款式，有三款生蠔、青口、龍蝦、蟹腳、麵包蟹、鮑魚、蝦。雖然唔太大隻，但意想不到既鮮甜。 之後就係刺身都有好多款，最推介係北寄具同厚切三文魚🍣 甜品我覺得係呢度既主打，因為真係有好多款。 咖啡味雪糕大力推介 不過今次推動我泥打呢篇食評係因為呢度既員工服務 話說呢度refill速度唔算快、同埋覺得refill得幾轉就好似完左。我就走左去問個廚師哥哥：請問仲會唔會refill鮑魚同埋北寄貝啊？ 個廚師哥哥好似猶豫都無就答我，我宜家落去幫你攞，你等我5分鐘左右。其實我只係想問一問，但係佢積極既態度令到我好感動。本身佢已經忙緊海鮮同埋雪糕果邊，就因為我一句說話就走左落去補。搞到我唔好意思令到幾個企左係度等廚師攞雪糕既人係度等 仲要令我驚喜既係，鮑魚突然間送到我座位上面真係好犀利。真係要講聲多謝你呀廚師哥哥 今次團年飯真係食得好開心好滿足，食服務都可以食得飽

突然又有條癮想食拉麵，上openrice搵下荃灣有咩正拉麵食，搵到呢間自助販賣機點餐既拉麵店。 去到門口見到入面座位坐得7788，一於落左單先。眼看排我前面既食客入唔算皺既銀紙，但都吐番出泥，哈哈。 拉麵有四款味道揀：魚介、櫻花蝦、辛味、黑蒜油 然後比你揀：直麵/曲麵 叫左辛味拉麵直麵 望上去個碗有好足既材料，大量新鮮又脆口既蔥、蒜。湯底果隻辣係香辣既味道，直麵麵條似一蘭果款白色幼幼既麵條，但比一蘭的有口感。 黑蒜油拉麵 望落好多配料好豐富，有蒜蓉有炸蒜，味道濃郁，肉質脆口但難以咬開，勝在大塊同新鮮。 重點係隻蛋，滑到豆腐花咁軟滑，連蛋白白都有少少流心，超正 見到有抹茶可樂，好奇之下叫左泥試下。抹茶味不突出，飲落係可口可樂味，幾得意 下次有機會都會再泥，想試下曲麵麵條係咩口感，好中意呢間麵上既配料，湯底飲完都唔會好口渴，份量食完係會飽既。

是日入屯門睇戲，拉麵控口痕想食拉麵，於是上openrice睇下有咩拉麵好食去試下。 星期日既中午時段去到，門外不見人龍，即時可以入座。 我就點左黑蒜油熟成濃湯拉麵先試試黑蒜油湯底，非常濃既蒜味，感覺唔油膩，直得下次再食。 然後看看麵條，我點選了普通程度的硬度，麵條煙韌，麵條味道不特別但可接受。個人比較喜歡外面吃的人手打出來的粗粗的沾麵。配菜方面，蛋白軟滑，做得到流心效果，但未完美。叉燒厚厚的一塊，油脂和肉平均。 餃子是一口可吃到的，木魚和醬汁非常多，足料，讚👍🏿 最後食完會覺得口渴，可能因為濃味，整體價錢與質素也合理的，大家不妨試試

之前見荃灣果間排隊排到去恆生銀行，感覺呢間野好受歡迎，裝修好靚，仲有個螢幕播住一杯杯熱門推介既特色飲品。今次行過元朗見到新開張，人龍唔太長就走去試試，叫左杯愛情動作草莓牛奶試試 介紹下呢杯野飲同幅相相似度80%。 點知飲落得個樣，成杯野係無草莓味，係冰粒味同埋牛奶味原來係冰味既沙冰。跟住我focus期望係佢粒草莓🍓⋯⋯ 刀工好好，每片草莓得2mm，仲要好酸。 我覺得麥當當個士多啤梨奶昔仲好飲過呢杯 算啦，我放棄呢間

是日與公司同事午聚，之前食開既lunch buffet都係龍蝦為主題，今次終於有我最期待既蟹腳和生蠔。 呢個係紅酒醋配生蠔，自問唔係對蠔好有認識，呢度既蠔蠔肉爽脆鮮味、無蠔殼碎，任你夾，完左一轉好快又有一批放出黎，唔洗驚唔夠食。 檸檬新鮮大隻多汁，試試cocktail sauce又如何。我都係比較中意配紅酒醋汁，特別d，唔會蓋過蠔味。 每次黎到呢間我必定必定食既係日式冷麵，呢度既冷麵軟硬適中，自己落紫菜同冷麵汁。一定食幾碗 另外蟹腳方面十分回本，蟹腳長過隻大碟，肉質唔會爛，唔會浸到咸曬。食到蟹肉甜味，枱面備有剪刀比你剪開蟹腳。 刺身切得算係厚肉、新鮮。燒菠蘿同串燒都好多人拎。 Pizza比想像中好，熱辣辣脆脆地。 有個燒牛肉都好好味，每次都會比兩片你，個人中意點燒汁。 呢間既粉麵檔入面有好出名好食既雲吞，必試。食完雲吞，食番碗菜。呢度有高級雪糕movenpick, 我每次都想食曬咁多種味，每次都要求要迷你球，咁就可以隻隻都試到又唔會浪費。 D cake仔所有係朱古力味既都好好味。 葡撻好似好普通咁，但原來係熱辣辣脆卜卜，推介。

荃灣綠楊坊新開既一間粉紅色既餐廳，裝修非常少女風，餐具係金色好有份量既張枱係冰凍既白色雲石，即時感覺處於高級餐廳一樣。 服務員都好有熱誠，一舉起手店員會快快步行埋泥問你需要咩。 首先講下呢個墨魚汁魷魚扁意粉，擠上新鮮嘅檸檬汁，煎到好香既爽脆魷魚，軟硬度岩岩好又惹味既墨魚汁扁意粉，灑上左似係泰國風味既辣椒，滿分 再黎燒二十四小時慢煮BB豬肋骨配茅橙醬 新鮮無苦味既沙律菜伴碟，清新既茅橙醬，豬肋骨係我有史以來食最好食既一間，切開之後見得到有半吋多既嫩肉同有少許脂肪，同燒烤醬唔會太甜，十分好味，啖啖肉。未食過既人真係要試下。因為我係出面食親都無咩肉同燒到乾身d醬又甜到漏咁樣。 然後叫左兩杯飲品夏日水果紅茶，西柚錫蘭紅茶，味道都幾相似，味道一般無咩水果味又無咩西柚味，好似飲紅茶咁 最後叫咗個辣味薯條配蒜頭蛋黃醬，呢個薯條又係不得了，薯條上面有似shake shake薯條既辣粉，皮炸到酥脆，咬開見到裡面有滿滿既薯蓉。配埋佢個蒜頭蛋黃醬我又係十分之喜歡 期待平日既lunch set menu,有得平多少少就不得了。不過咁樣既食物水準，都會吸引我繼續光顧

叫左個來佬炒飯（西炒飯），大大碟。 份量好足夠，不過炒左細細舊鋼絲刷係裡面，‘不’開佢就算，繼續食。 味道中上，有獲氣，不過個人比較中意多d茄味 當日服務態度都好好，忙緊都有禮貌回答