呢間餐廳喺一棟大廈嘅樓上所以唔起眼，係有朋友介紹先知道有呢間餐廳。 今日搵埋個好鍾意打邊爐嘅朋友一齊試下～ 啲食材係超級超級新鮮，超級驚喜🤩 餐廳喎工推介咗個百花齊放套餐150分鐘放題比我地，除咗大量火鍋配料揀，仲有得叫點心🤣 我地見幾得意就試下 同埋宜家做緊優惠價 $328 (原價$398) 好似幾抵食！ 湯底揀咗花膠雞同野菌豆乳 兩邊都足料 食完無咩頸渴 係真材實料冇味精👍🏼 花膠雞湯底嘅花膠 有好多片 同埋夠冧 補補身 我地叫咗啲點心 全部都好好味 如果一家大細嚟 有啲鍾意食點心多過火鍋嘅都可以嗌多啲點心食 (叫呢個餐仲有得免小童嗰份錢!) 嚟到火鍋主菜啦！ 火鍋餐跟嘅一碟牛同豬 新鮮好味 個安格斯牛雪花分佈平均 有肉汁 個豬都係肥瘦適中 仲有呢個海鮮盤，啲嘢全部都超級新鮮，份量都幾大 睇下啲蝦嘅顏色都知有幾新鮮 仲好爽口 個魚好嫩滑 啲菜勁大盤又新鮮 好正 啲竹笙勁新鮮爽口 叫咗勁多嚟食🤣 啲丸同滑都係佢地手打同自家製 好食👍🏼 打邊爐點少得響鈴😝

香港好少地方有得食正宗御好燒 聽聞呢間係日本人主理 即刻約埋朋友嚟試！ 嚟到已經見到兩個日本師傅喺度準備食材 連有啲職員都係日本人 加埋餐廳環境 好有日本feel呀！ 因為咁所以對餐飯都滿心期待 果然冇失望 坐低即刻叫酒飲先！ 小編就叫咗杯啤酒 朋友叫咗杯沖繩香檸sour 小編試咗朋感覺嗰杯 好清爽 應該同因間啲嘢食好夾 因為啲大阪燒同炒麵都會有醬油 飲返啲sour清下個口～ 小編好鍾意牛舌 所以一定要食！ 啲牛舌係薄切嗰種但有厚度嘅 好開心係佢一啲都唔韌！ 食牛舌成日都驚韌呢個問題 呢個煎得啱啱好 唔會太生又唔會老 而且好香口 同埋師傅切好咗係一口食嘅大細 所以咬落都幾有口感 呢個調過麻油醬點牛舌更加好食！ 睇menu見到個蠔大阪燒幾搞笑就叫咗嚟試 估唔到會有嘩多隻蠔！ 啲蠔好新鮮 煎成金黃色 咬落去陣鮮味出哂嚟 真係好正 下面個大阪燒啲菜好多 好健康嘅感覺🤣 我地坐喺吧枱見到師傅煎每個大阪燒前都會喺個碗仔度搞均啲材料 睇得出好比心機整每一個大阪燒 唔怪得之咁好食 好足料 最後係個炒麵 個外貌平平無奇 但就非常好食 佢啲炒麵夠乾身 唔會又濕又淋咁 最好嘅係啲麵好入味 啲醬同啲麵已經融為一體咁 食落唔會覺得醬還醬麵還麵咁 個麵亦都唔會太咸 味道適中 總括嚟講呢間餐廳比咗好多驚喜我 嘢食好食 價錢親民 師傅又nice 同埋食完無頸渴 證明係真材實料 冇味精 一定會再去幫襯！

成日有錯覺喺D裝修偏西式同好靚嘅地方食中菜會唔好食/唔正宗，所以機乎冇乜幫襯過呢D地方。
近排有朋友請食飯，有機會試下喺D高級中菜
呢餐好滿意，食完完全無頸渴，真材實料，推介！

一開始就叫左杯酒飲下先，好多選擇，最後都係叫左平時都鍾意嘅調酒。
酒就有響嘅威士忌，dry sherry，梅酒，其他配料仲有檸檬同蛋白(面頭d泡)。
小編鍾意飲響，成杯調得好夾，好正好爽


頭盤我地叫左乾炒蝦膏配和牛toast，好新奇，亦都好好食
底面個toast炸得好香脆，入面D和牛好新鮮好好食。
成件都好香口，唔會咸，調味好好！


個湯好足料好鮮味，完全唔係味精湯。
入面有好多料，例如冬瓜、菇同紅棗等等。
好飲之餘又健康，清下熱，補下身🤣

呢個陳醋腩肉有驚喜
！
外脆內軟無講笑，肉質好，夠冧，亦都yip得好入味，又唔會咸，好好
個汁唔會太酸或太甜，啱啱好，汁同肉好夾，好好食


食下肉又食下菜，叫左碟蔬菜食。
入面有好多唔同種類嘅蔬菜，可以吸收唔同嘅營養，非常好🤣


我地叫左半隻脆皮雞食，又係好唔錯～
個皮超級脆，D雞軟熟同多汁，夠入味，擺入口咬落去又有脆皮又有嫩雞食，好幸褔


個和牛炒飯超級好食😫😫😫
炒得好好味，D飯唔濕又唔會太乾，好足料。
唔好見佢好深啡色，一D都唔咸，味道啱啱好。
真係回味無窮！！！


甜品叫左個脆奶卷，幾好食～
入面係奶同吉士，外面嗰層好脆，咬落去會拉倒絲，幾得意🤣


入面係咁～


有兩個入口，一邊入口係咁嘅，好靚～


仲有好多唔好款色嘅遮擺放左出黎～

立食嘅壽司小編好似冇食過，都幾新奇，所以就拉埋朋友一齊去試。

入面環境唔錯，啲位唔會窄，夠鬆動。


我地面前張枱就係咁嘅。師傅比野食我地就放喺上面，我地啲碟呀茶呀就喺下面張枱。


呢度款色好多，壽司、軍艦、刺身、丼、拼盤、甜品等等都有，真係花多眼亂🤣
佢地會提供一張表比客人填想食咩，仲留左兩行可以喺返同一張紙度加單，咁就唔怕亂或計錯數啦～



三文魚籽軍艦啲魚籽瀉哂出黎，兩舊壽司嘅料用一舊飯餸，啱哂鍾意食餸唔食飯嘅人🤣


迷你海膽飯好得意 海膽好新鮮，亦都比得好足，正呀🤣


中吞拿魚腩刺身就唔洗講啦，好食到傻 肥瘦比例啱啱好，超滿足


香蔥吞拿魚腩飯亦都好正，蔥好香口，吞拿魚蓉好肥美，份量亦都好足，冇欺場


北海道特大珍寶帶子壽司好好食，個帶子勁大勁香，鮮味十足，好似即捉即食咁😂
赤身唔會太瘦，都幾濕潤，正🤓
三文魚腩壽司係限量架，好彩嗰仲食到，果然係好好味


炙燒吞拿魚同帆立貝都好香呀，鍾食炙燒嘅朋友一定要叫🤣
黎到食玉子好似好頹咁😂 但好好食啊！


松葉蟹腳壽司好好食 小編好鍾意食蟹，啱哂🤣 連蟹柳呢啲假蟹都好鍾意食，呢度個蟹柳又厚又大條，好滿足


我地仲叫左兩個雪葩食，一個蘋果一個椰子。蘋果嗰個會接緊雪葩質地啲，因為冰啲同清爽啲。椰子嗰個就比較似雪糕，可能因為椰子本身比較油同結身。但椰子嗰個係超級好味 椰子味好濃，但食落又唔會太膩，好正！蘋果嗰個就偏甜，啱哂鍾意食甜野嘅朋友仔


總括黎講呢度啲野食好新鮮同足料，選擇又多，值得一試或者再去架！
香港好多人都返office工，坐左成日夜晚食飯可以企下，可以伸展下根骨，幾好呀🤣

小編同朋友都想食日本野，咁啱有人介紹話呢度幾好，我地就去左試下。呢度都幾近地鐵站，穿過商場出黎過兩條馬路就係～

朋友講到好似好好咁，小編有D期待。
一入到舖頭已經覺得好正，因為呢度D味道(係咪好奇怪😂)好有海鮮同魚生味，同埋啲燈光同裝修加埋一齊，覺得自己入左個異空間，就係去左日本食野😂 呢度野食都見多選擇，而且呢度有小編最鍾意嘅調酒 我地嗌左兩杯黎share，兩杯都唔會太甜，好好飲。老闆介紹左杯特飲比我地，叫赤子之心，係whiskey底，果汁就係用士多啤梨同巨峰提子，切開在醃一晚，唔怪得咁好味，仲有新鮮蘋果喺入面 
呢杯就我地自己揀嘅，係vodka底，有淡淡嘅巨峰提子味。
黎到主食喇～冇誇張，真係樣樣都好好食！😂  呢個沙律D食材全部都好新鮮，有三文魚，菜同車厘茄，仲有啲甜醋，好清新。
我地都好鍾意食卷物，見menu有唔少選擇，所以就叫左兩碟😂
全部份量都好多，亦都好足料！
三文魚個底係加州卷黎，又唔會太多飯，比例好好。
炸蝦卷好好食！完全冇油膱味，唔會炸得太燶。蝦好爽口同彈牙，好正呀
我地都叫左D熟食暖下肚。
小編好鍾意食章魚燒，見佢地都有就叫左。
平時多數都係食街邊或外賣，好少坐喺度食，感覺好新奇😂
呢度嘅小丸子好香，八爪魚好彈牙唔會韌，個皮(唔識叫圍住粒八爪魚嗰度叫咩😂)唔會好厚，所以食落都唔會太飽，仲有肚食其他野😝
呢個蟹膏超級正啊！！！！！ menu寫住「首創」，所以我都即管試下，點知真係好正！
小編本身唔好蟹膏，但都忍唔住食左好多啖😂
店員一開始拎左過黎比我地影下相先，之後就會拎走去佢地個爐度燒，燒完就拎返過黎比我地。
完全唔咸，好新鮮，餸餅或齋食都係咁正，極度推介
呢個帆立貝都係比我地睇完未燒之前然後佢地燒嘅。同樣地所有野都好新鮮，又唔會咸，味道唔錯。 我地仲叫左個飯黎食😂 呢個係以呢度命名嘅海鮮炒飯，好食 唔會太乾或者太濕，啱啱好。料都比足架～ 我地仲拎左D蟹膏黎餸飯，好正😂😂 呢餐真係食得好滿足，好驚喜，好開心！ 有時忙左成日，晚餐都想食D好野慰勞下自己～
鍾意食日本野或海鮮嘅你地一定要去試呀
P.S. 老闆又好人又吹得水😂😂

今日約左個喺觀塘返工嘅朋友食飯，小編就喺東區放工，大家都肚餓所以就諗住搵個中間點醫一醫肚先。小編想試左旺記個滑蛋飯好耐，又知道油塘最近開左間旺記，地點咁啱我地所以就拉埋朋友去食。

旺記開左喺大食代門口，好搶眼。本身以為係坐foodcourt枱，原來佢地係劃開左自己一間舖嘅座位。入面D枱櫈唔會好迫，有D卡位，同埋有bb櫈方便居民帶埋小朋友落黎食飯。
小編冇乜做research就黎左旺記，發現原來仲有好多其他好吸引嘅野食，見倒個menu諗唔到揀咩好。本身都想試下個烏冬，但諗住一場黎到食，都係揀返自己一路想試嘅滑蛋飯。

其實一路都想試叉蛋飯，點知見menu冇，上返openrice見到d人講話18:00前先有得食，傷心左幾秒，只能怪自己冇做好research先黎食。好彩都有小編其次鍾意(配滑蛋飯)嘅蝦揀。

好多野食選擇，唔怕唔啱心水。

小編嘅飯黎到喇！好靚好吸睛 仲有好多蔥，啱哂小編呀！


果然唔係浪得虛名，真係好好食！個蛋一片好整齊咁蒲上面，整得好均勻，唔會一度好薄一度好厚咁。個䜴油menu上面寫話係間舖特製嘅，少少甜，唔會太咸，果然係好夾個蛋同飯。啲蝦亦都好大隻同好新鮮，夠爽口，唔會霉。真係好滿意 料固然重要，但個飯亦同樣重要，如果乾爭爭上面啲料幾好食都冇用。個飯夠濕潤，又唔會太濕搞到好痴，啲飯粒係啱啱好黏貼到大家

個飯加多$2就有杯凍飲，小編叫左杯好立克，唔會沖得好甜又夠味，今餐真係好滿足。


晚餐呢個價錢食到呢D野算係抵食，而且地點都幾方便，又坐得舒服。小編早去唔洗排隊，差唔多食完已經有條人龍，果然受歡迎。

小編好少据扒，亦都唔係好識食。有朋友話想食牛扒，做左d research就決定試呢間。 食完感覺呢度係value for money，值得推介。 我地兩個叫左一個餐同一個燒吞拿魚share，都冇比人chur嗌多啲野或者態度有變。 叫完野無耐就上麵包，外脆內軟同埋夠熱，搽埋牛油好香 呢個係散叫嘅。燒得好香，又厚又大塊，完全冇欺場 餐湯係周打蟹湯，好足料呀！不過好似咸左少少🤔 個餐有杯sparkling wine送，用黎餸牛扒嘅。杯酒有淡淡嘅甜味，而且好冰凍，好正。 主角黎喇！遠遠已經聞倒牛扒個香味 牛扒就咁上，隻碟有啲牛油，而且隻碟係超級熱。 就算我地share佢地都好好咁比左兩隻碟我地。隻碟又係超熱，有牛油同肉汁喺面，等你食嘅時候唔會令塊扒改變溫度。(所以侍應都好貼心咁叫我地嗌medium rare，因為本身我地想叫medium) 我地叫左medium rare，完全冇偏差。 肉質好好，好嫩同鬆軟，牛肉味都好濃。燒得好香，外脆內軟，唔會太燶。好好食呀 跟餐仲有兩個sides揀，小編唔記得影。啲sides好大碟同足料，食到好飽😂 甜品都好食，唔會太甜亦唔會太滯，係正宗new york cheese cake咁嘅質感

之前行海旁嘅時候見到呢間新開嘅café好有feel, 就叫埋朋友一齊嚟試下 首先嚟嘅係餐前嘅麵包 有三款咁多 – 無花果 黑松露同五穀 配埋佢嘅garlic butter同 pumpkin bacon醬 好好味 D麵包好軟熟 雖然驚會食飽咗但最後都忍唔住食哂 Main course 叫咗個炭烤牛骨髓同慢煮和牛面肉意大利闊麵 醬汁係紅酒牛尾 個牛骨髓好香口 而且好嫩滑 D油滋喺口腔中散發 好好味 意粉同好彈牙同好掛汁 連埋D牛肉同牛骨髓一齊食真係回味無窮! 另一個嗌咗北海道帶子意大利飯 個香草南瓜忌廉醬好濃郁 南瓜味好出之餘仲好creamy D意大利飯都係粒粒分明 又唔會太淋 我就嗌咗杯pineapple passionfruit vodka 好靚呀! 好啱用嚟打卡~ 酒味都夠 又唔會太甜 呢度真係好啱約朋友嚟食嘢飲嘢同傾計～ 入面裝修好靚 好溫暖同cozy 好似時光倒流去咗d外國地道餐廳仔咁

新開咗咁大間商場梗係要去行下啦！呢度好熱鬧，見到呢間燒肉裝修好靚，就同朋友入咗嚟試下～
我地唔想諗咁多，所以嗌咗個二人餐嚟食，見佢有前菜主菜同甜品

嗌咗嘢食無耐就有職員拎幾碟小菜嚟，有青瓜，泡菜同芽菜 etc.
D小菜好開胃，加錢就可以任添Order左冇耐店員就送上前菜嘅燉牛筋牛舌，睇落冇乜特別，但食落有驚喜！
牛筋同牛舌都煮到好淋，蘿蔔亦都好入味。味道方面有啲似日式嘅牛筋煮，啱晒我地口味😋 個豆腐海苔沙律D菜好新鮮，份量都夠兩個人食。食咗D菜因間食燒肉無咁大罪疚感
仲有冷豆腐同車厘茄～之後就上咗芝士粟米同埋帶子牛油燒，啲帶子好大粒呀！好期待煮完會係咩味餐廳主打燒肉，但估唔到呢度嘅冷麵都好好味。
呢個雪梨水冷麵嘅麵質煙靭，配上清爽又酸酸甜甜嘅冷麵汁，加埋醃蘿蔔同青瓜絲一啖擺入口，真係夠晒消暑😌
而且冷麵份量都幾多，一碗兩個人share都夠晒。終於嚟到主打嘅燒肉啦！
呢盤係和牛肩肉盛，好正呀！
見到D雪花分佈得幾平均，肥瘦適中，D顏色都好鮮艷，厚度都係適中呢碟牛仲會跟個蛋黃同D甜甜地嘅醬比我地點牛食，幾得意，都幾夾呀～呢個係慶州黑毛豬水果醬油五花肉同埋和牛外裙肉
個牛係大一塊燒到咁上下要剪開嘅，呢個係厚厚地嘅肉，但唔會韌，仲好有肉汁
個豬都醃得好入味，同埋幾林，同牛肉一樣咁出色呢個係肩肉盛嘅肉，薄薄地咁唔洗燒到全熟，超好味！一路燒D肉一路燒芝士粟米同牛油帶子～
D帶子好新鮮，連埋D牛油好香口，不過我地唔小心煮得太耐（掛住食肉😖）呢個烤香蕉配朱古力肉桂粉嘅甜品好特別呀，未見過呢樣甜品🤣職員會換過燒網同埋同我地燒埋如果面頭曬多D糖就好啦！因為個焦糖燒得好香，再多D會仲好食！呢個焦糖布甸嘅質感同出面嘅布丁有啲唔同，有一種類似食moose嘅口感，夠滑，又好濃味，小編同朋友都好鐘意，係下次encore之選！
我地叫咗個柚子檸檬梳打同荔枝梳打嚟餸，夠哂refreshing!

之前行街經過名店坊食街 望入去見到有間新韓國餐廳 裝修好靚咁 就約咗一日同朋友去試 一行入去就係reception位置
見到餐廳有inside同outside坐
宜家過咗夏天最熱嘅時間 夜晚坐outside都幾chill
成間餐廳裝修都好靚 較哂空間感 坐得好舒服 坐低無耐就有前菜
係小編最鍾意嘅醃蘿蔔  有好多粒 切得幾大粒 咬落好爽
我地喺menu揀咗好耐揀咗呢隻米酒
佢酒精濃度11% 啱啱好 太高會enjoy唔到
啱哂同朋友吹水食飯
頭盤叫咗個吞拿魚
佢係西餐嗰種seared tuna 姐係吞拿魚刺身側邊d位會燒過
呢個好新鮮 燒得好香口
亦都切得幾大片同厚 咁就唔會燒一燒就成舊無乜生嘅位咁
韓式餐廳serve呢種刺身魚有咁嘅質素都幾有驚喜
另一個冷盤我地叫咗韓式生牛肉
估唔到會有埋海膽
佢個生牛肉無腥味 撈咗d麻油同醬汁 勁香
個炸紫菜好脆好香紫菜味 就咁食都有食唔停口嘅感覺 將生牛肉同海膽放喺炸紫菜上面 食落口口感好正
又脆又林咁
同埋各樣食材嘅味都唔會搶咗其他嘅味道 呢個白切肉有驚喜！
佢個樣好似平平無奇咁 但真係好好食
個肉好林 好香麻油味 而且都醃得好夠味 又唔會鞋sap sap
啲肉同肥嘅部份好均勻
另一個種點係d菜好好好新鮮 好大片 小編勁開心！ 旁邊係用嚟包白切肉嘅配料
都係d辣蘿蔔絲 韭菜 等等
怕辣嘅朋友要包少d

跟白切肉有2個醬
近d嘅係白蝦醬 係幾特別嘅 不過對小編嚟講有d咸 同行朋友覺得無咩問題 可能係d海鮮嘅咸味
遠d嘅係一般食韓國嘢嘅大醬

包埋一齊食好滿足
繼續食肉！
因為同行朋友鍾意食牛扒 所以叫咗嚟試下 呢個係肉眼扒 烤得好香 5-7成熟左右 平時鍾意食3-5成熟嘅小編覺得呢個都好好食呀！
個扒好林 完全唔韌 好正
牛味都好夠 薄薄地咁好好食
下面係泡菜同薯蓉 可以夾埋扒一齊食 唔洗咁溜 又有d嘢餸下口咁～ 比大家睇埋入面 喺其他人嘅食評見到醬油蟹個樣好靚好吸引 所以叫埋嚟試
個蟹好新鮮呀 嚟到凍冰冰咁 好正！
下面d䜴油係甜甜地 亦都唔會太咸
點蟹食同撈飯 一流！
呢個仲跟咗個紫菜比我地包 好得意 小編同朋友兩個人食咗好多嘢 好滿足
我地坐outside 幾 chill 飲下酒吹下水 仲有咁多美食 兩個都食得好開心
喺銅鑼灣有呢間韓國嘢食選擇都幾好 坐得好舒服 行完街好攰都唔怕啦～
總括嚟講呢度嘢食一流 食材新鮮 質素都好高
呢度service都幾好 員工都殷勤
新餐廳嚟講好推薦大家嚟試下