見到尖東這間餐廳評價幾高，約朋友來食個晚飯。開放式餐廳門外有枱，店內有圓枱，適合多人飯聚。 有麵包提供，點意大利醋食開胃。 Ice Volcano $98 (Happy Hour) 店員點著火後，會把它反轉倒進酒杯內，要看準時機拍照。有菠蘿汁、熱情果，味道甜易入口。 Black Truffle Risotto $188 意大利飯上有一堆黑松露醬，聞起來幾香。意大利飯軟硬適中，有很多菇菌，多醬汁吃起來夠creamy。 Foie gras and duck confit $238 見到這款比薩好特別有鵝肝，很久沒有食鵝肝，點一個試下。比薩好大份一開八，餅底薄身。鵝肝略帶甜味，配搭番茄醬酸，不會覺得太膩。 Tiramisu $98 杯裝的提拉米蘇，甜味十足，咖啡味較淡。食埋飯後甜品，好滿足。 可能附近有草叢，但店員不時會用電蚊拍滅蚊，不用怕被蚊咬。

之前經過618這間茶店超多人排隊，可能疫情關係少左人，要把握機會試下先😂。茶店亦有室外座位，走文青風，感覺幾舒適。 《芋圓鮮奶茶》 $42 見到芋圓飲品每日限量150杯，趁人少少，試下先。叫了少甜少冰，有淡淡茶香，芋圓微甜，有芋香，配搭得非常之有層次，雖然價錢比一般珍珠奶茶來講稍貴，但都值得一試。而且飲品杯連外賣掛繩真的十分好看，打卡一流。

終於可以出街，去apm 買個珍珠奶茶🧋飲。apm有幾間珍珠奶茶店，今次選擇了一田超市內的天仁茗茶。天仁茗茶在做無咖啡因的推廣， 十分適合飲完奶茶睡不着覺的人。 <<博士鮮奶茶 M size $29 加珍珠$4>> 現時在做推廣，選擇博士茶減$5 ，最終加了珍珠只是$28。點了常溫少糖，方便回到家中都不會因為冰融化而變淡。博士茶的茶味比較淡，但與平時奶茶的味道沒有太大分別。少糖的鮮奶茶仍然比較甜，珍珠份量多，夠煙韌。

原先想試一試旁邊的豆漿店，但剛好豆漿店沒有開門，看着這兩間的小食價錢一樣，便試一試這店的魚蛋燒賣。餐牌上的魚蛋及燒賣用手改成了$10有10粒，問一問店舖的職員可否合併，姐姐也很好人，給我每樣五粒。👍🏻 <<燒賣魚蛋$10/10粒 >> 一打開蓋覺得有驚喜，因為要了有辣味，燒賣上面鋪滿了蒜蓉辣椒醬，未見過有小食店會以此方式加添辣味。燒賣點上蒜蓉辣椒醬後，每一口都充滿了蒜蓉香味，對於愛吃蒜蓉的人應該要試試。👍🏻👍🏻 魚蛋十分實心的魚丸，有點像鯪魚肉餅那款魚肉，不是一般街邊的魚蛋，口味因人而異。

連鎖飯團店的分店，店內出售多款壽司盒及飯團，價錢大眾化，下午時分飯團仍有多款選擇及存貨。 <<吞拿魚飯團 $11 >> 飯團完全不凍，但未至於覺得不新鮮或有異味。餡料的吞拿魚沙律也算足夠。

今日經過觀塘裕民坊，還未吃中午飯，便上網搜尋一下這兒有什麼吃。發現商場一樓有很多小食店，有$10 10粒燒賣、章魚燒、豆漿店等...... 章魚燒店是新開，門外還有新店開張的恭賀牌。 明太子章魚燒 $33/6粒 等了大概兩分鐘便完成，十分快手。章魚燒10分熱，一整粒放入口十分燙口。章魚燒上鋪滿了大量的明太子醬及木魚，每一粒章魚燒都沾上了大量醬汁，明太子味道濃郁，帶些少微辣，10分野味。每粒章魚燒內都有一隻小章魚，用料十足。

龍翔中心依家改咗名叫黃大仙中心北館，亦都多咗好多野食，這間餐廳裝修得幾靚幾光猛，有日本風。 餐牌有好多不同款式的日式料理，除了拉麵，仲有蒲燒鰻魚飯、牛肉丼、咖喱飯、連咖喱烏冬都有。全部都可以加錢轉套餐，轉套餐有小食同凍檸茶，罐裝飲品就要加$2，都幾抵食。 九州風櫻花蝦團骨湯拉麵 $62 餃子套餐 +$22 櫻花蝦份量都幾多，湯底忌廉味濃，拉麵爽口，加上流心溫泉蛋，豚肉都有三大塊。加了餃子套餐，餃子大大隻，外皮先得脆，入面有少少肉汁，好味。 親子丼 $52 沙律套餐 +$12 親子丼的滑蛋幾香濃，而且加上咗油蔥、香菇同蔥花，配上少少甜豉油，好好味，份量好夠飽。沙律是典型日式沙律，有日式芝麻醬。 餐廳屬於自助形式，先落單，然後自助取餐，侍應都幾親切，見到有老人家都會幫手拎餐，另外筷子餐具全部有套包住，感覺非常乾淨衛生，值得一讚。

難得去到大圍，就想去搵間出名的餐廳試一試，找到這間在河邊的韓式Cafe，見openrice 上有幾多好評，大圍街道上其實無乜人，不過這間餐廳門口，過了午餐時間依然有好多人喺度等位，幸好門口有兩張等位木櫈，天氣又不太熱，等了差不多一個鐘，同朋友傾下偈打下卡等都尚可。 煙三文魚芝士滑蛋盒子吐司 $70 麵包外層炸過幾好鬆脆，滑蛋分量多，塞滿了成個麵包，滑蛋略嫌不夠滑身，吃不到芝士味，但overall 都ok，而且賣相漂亮。 招牌奶蓋咖啡(熱) $45 咖啡不錯，要打卡建議叫凍，才看到有一屬屬漸變的效果。 總括而言，這間餐廳的食物賣相非常漂亮，打卡一流，侍應態度都友善，食完差不多3pm 見開始少人排隊，所以假期建議2:30pm 後到，等枱時間會少啲。

今晚去朋友屋企食飯，朋友話要斬多兩味加料，介紹我去附近的燒味舖買叉燒同燒肉。 燒肉店乾乾淨淨，燒味整齊掛在櫥窗上，櫥窗乾淨企理，沒有油漬，感覺店舖很注重衛生。 原本想試一試燒鵝，但朋友指定要叉燒同燒肉。我們4人，決定叫半斤燒肉及$40叉燒加餸。 等外賣途中，見到很多街坊入內選購燒味，應該質量不錯👍 燒肉 $64 燒肉肥瘦分明，皮脆肉滑，也醃得夠味，鹹鹹的佐酒一流。師傅刀工都唔錯，每舊都幾平均。 叉燒 $40 叉燒識食一定要半肥瘦，師傅選擇嘅半肥瘦叉燒，好肥美，叉燒充滿蜜汁，又甜又嫰，好好味！

同朋友到旺角行街，到這間餐廳食飯，見門口都幾多人排隊，應該幾好味，假如不想再吃商場的連鎖店，通菜街這邊都有好多細舖頭食肆，幫襯下都唔不錯。 大概等了15分鐘，等待中時候侍應會比張餐牌紙點住食物先，餐牌睇都幾容易明白，這間餐廳主打石燒手打烏冬，有幾款不同餸配搭幾款不同特色湯底，十分適合最近秋涼的天氣。 照燒雞扒石燒手打烏冬 配黑蒜油豚骨湯$70 我叫的是照燒雞扒烏冬，照燒雞扒好厚身，啖啖肉，加上外皮燒得脆口還灑上芝麻，非常可口。 烏冬一放上枱已經聞到濃濃的香蒜味，手打烏冬煙靭彈牙，配埋熱辣辣湯底，非常美味。 鮮活蜆石燒手打烏冬 配黑松露香菇湯 $84 朋友叫的這款一上枱聞到好香的黑松露味，烏冬上面見到一湯匙黑松露醬，帶少少澀味，問過店員他們說是黑松露本身帶有少少澀味，活蜆幾大隻同新鮮。 最後店員會送上清甜紅豆沙和菓子作結，十分滿足。