喺銅鑼灣想飲手工啤好自然就會諗起「The Madhouse CWB」🍻呢間手工啤酒專門店地點就腳，啤酒款式多店內有28個啤酒龍頭，獨家代理唔少北歐及本地手工啤
Pale Ale、酸啤、黑啤等酒款一應俱全，滿足到「酒鬼」嘅需要
想飲特別口味嘅手工啤嚟呢度就啱喇💁‍♀️今次嚟到見到佢哋換上新餐牌，加入唔少新菜色
食物比上次嚟食brunch嘅質素有所提升，為食客帶來驚喜！✦ 招牌BBQ豬肋骨 Signature BBQ Ribs $288
Ribs份量真係十足！2-3個人share食都無問題😉
以十幾種香料乾醃，再用慢煮慢烤乾方式炮製
條條ribs都係厚肉，肉質唔會過柴
入口非常之濃郁入味，有微微辣度
一啖pale ale一啖ribs 🫢 好食到吮手指✦ 踢屁股雞翼 Kick Ass Wings $93
送酒真係一流🉐 雞翼炸得酥脆，醃得入味
配埋自家調配honey mustard，甜蜜滋味，食唔停！
如果你食得辣嘅，可以試佢另一款「Mad Ghost Kick Ass Wings」🌶️
配自家調配鬼椒蜜糖芥末醬，熱情好客嘅老闆俾我試咗少少
一開頭點咗少少醬覺得無咩嘢，大概5秒後辣勁開始嚟料
就算飲幾啖酒，辣味都係keep住有，非常刺激😝✦ 帶子墨魚汁意粉 Squid Ink Spaghetti w/ Scallops $178
食墨魚汁意粉就係要不顧儀態，大啖大啖食先夠爽！
香煎帶子有四粒，都係刺身級，大大粒又厚身
配料仲有洋蔥同鮮嫩幼蘆筍
醬汁濃稠，意粉軟硬適中✦ Party Duck $88
TAP 1 | ABV:5% | IBU:N/A
呢款Party Duck 係Apple Cider
由本地Deadman Brewery釀造
氣泡感溫和，果香明顯
甜度屬於清新甜味，酸度亦都自然
整體清爽不太甜，唔太飲酒嘅女士都啱飲

✦ Dragon's Back 龍脊 $98
TAP 7 | ABV:5.3% | IBU:38
聽個名「龍脊」都知係本地製造啦
呢款係Dry-Hopped American Pale Ale
酒體係金黃色，帶有柑橘香氣與麥香
味道柔和，唔會偏苦或偏甜
甜味與苦味平衡得宜
呢度嘅啤酒價錢合理又有質素👍✦ Panna Cotta $58
叫咗呢個意大利經典甜品🍓
用高身杯盛載，面頭有香甜嘅士多啤梨醬
奶凍滑溜奶香十足，作爲飯後甜品最適合不過

隱藏於上環古董街嘅串燒店
最近推出咗全新happy hour歡樂時光優惠
現凡於星期二至日 4pm- 7pm惠顧任何酒精類飲品
即可無限食4款和式小食 ´͈ ᵕ `͈
和式小食包括「柚子大根漬」、「牛蒡漬」、「山葵八爪魚」及「燒鱈魚棒」
每日供應款式都未必相同暗黑型格工業風裝潢，用餐環境舒適
餐廳有串燒omakase set👀
佢哋嘅「廚師之選九串燒」最受食客歡迎
亦有三黃雞內臟燒廚師發辦，可食到多款稀少部位
如「雞大動脈」、「雞喉嚨」、「雞甲狀腺」等
均選用本地養殖平原三黃雞
鐘意食內臟嘅朋友可以一試 ( ⁼̴̀ .̫ ⁼̴ )✧


如果你純粹想小酌一杯食幾串串燒
happy hour時段嚟就啱喇～
可以同三五知己盡慶一番，消磨時間✦ 梅酒
酒類選澤多，有清酒、啤酒、葡萄酒、威士忌等
我就揀咗梅酒🫢 梅酒清甜，加冰飲好順口
冰涼酸爽嘅梅酒搭配串燒，去油解膩😆 ✦ 柚子大根漬
柚子大根漬酸度得宜，醃漬得入味
口感爽脆，散發柚子幽香，開胃之選😋 ✦ 山葵八爪魚
佐酒恩物💕 黏稠滑溜嘅質感
八爪魚鮮美彈牙，山葵稍微攻鼻，食得過癮 ✦ 燒鱈魚棒
常見嘅居酒屋小食
燒到脆一脆，非常香口
蘸點沙律醬更滋味
可以無限任食，我都忍唔住食咗幾碟😎 ✦ 雞臼軟骨
即雞膝蓋嘅軟骨
呢個部位會連埋少少肉🐔
咬起嚟脆口而且特別有嚼勁
鹽燒更能突顯雞肉甜味 ✦ 雞腿肉
呢款係鹽燒，外層燒到微焦
雞肉有厚度，夠鮮嫩帶肉汁
連皮燒帶油脂香，皮香肉滑 ✦ 免治雞肉棒
啖啖肉口感軟熟
加咗雞軟骨更有咬口
醬汁甜甜地，鹹度適中👀 ✦ 紫蘇墨魚卷
墨魚卷扁平呈餅狀，墨魚軟滑Q彈
墊底嘅紫蘇葉香氣十足，搶盡風頭😍

依家要去食semi-buffet brunch都有好多選擇
呢間中環「ARIA」主打意大利菜逢星期六日都有weekend brunch
價錢 $628 +10% per guest
比之前平咗😯 Openrice訂座仲有9折
任食招牌前菜美點、海鮮、意大利冷盤、沙律、熱湯、芝士同甜品😛
最平+$68就可升級享用精選主菜鍾意飲酒嘅話可以揀埋free-flow package
指定酒類任飲🍷
由中午12:00食到下晝3:00，坐耐咗唔會趕人走🫢 餐廳位於24樓高層，可以遠眺維港海景
裝潢參考歌劇院設計🎭 用餐環境舒適
店內採用大量落地玻璃，視野開揚廣闊
可以180度欣賞到中環城市景🏙️
餐廳亦設有室外露天座位 ✦ 凍海鮮區
有來自各地嘅海鮮，每款數量多，唔洗排隊拎🫶🏻
有龍蝦、生蠔、蟹腳、翡翠螺、凍蝦、青口等🦞龍蝦肉飽滿有彈性，色澤白嫩，夠多膏
🦀 蟹腳有鮮味，唔會過鹹
🦐 凍蝦大隻，結實彈牙，相當鮮甜
🦪 生蠔新鮮，重海水味，唔會太重礦物質味
整體都合乎水準，店員仲會經常會refill ✦ 沙律吧、意式冷盤、芝士區
芝士區有巴馬火腿、莎樂美腸、西班牙辣香腸、藍芝士、巴馬臣芝士等應有盡有
🍯 最特別係有一板天然蜂巢蜜俾你刮去配芝士食
🧀 佢啲芝士係幾高質，隻藍芝士味道算溫和
仲有意式生牛肉等其他冷盤可以拎
🥘 熱食有南瓜湯、肉丸、茄子肉醬千層批、烤甜椒、烤南瓜等選擇
🥗 特別一提沙律吧個薯仔好正🥔 又軟綿又香😋 ✦ 甜品
有多款蛋糕、自家製雪糕及水果🍉
當中最得我歡心係Tiramisu！一大兜俾你任𢳂💞
質地幼滑輕盈，咖啡同酒香濃郁
一定唔可以錯過🤤
另一個焦點就係有朱古力噴泉
可以串起棉花糖、士多啤梨等配料淋上朱古力醬🍫
自家製雪糕有雲呢拿同朱古力味
口感細緻幼滑，雲呢拿雪糕奶香超濃厚🥛
食到咁上下可以叫杯茶或咖啡☕️ 解吓滯 ✦ 主菜｜利佛式橄欖番茄汁煮鱸魚 Seabass in Livornese Style +128
呢度可以加錢升級叫Main Course
有得揀意粉、Pizza、牛扒等
價錢由$68-$268不等💁‍♀️
我見隔離枱個Pizza有差唔多手臂咁長，份量驚人😱
我哋就食唔到咁多，所以叫咗份鱸魚
賣相唔錯✨ 魚肉厚且嫩滑濕潤
切開嘅時候香氣四溢
魚皮有煎過，邊位幾香口
醬汁以橄欖、油漬風乾番茄及酸豆調味
烤薯同西蘭花苗索晒啲汁，相當滋味❣️



✎ $628 per guest 每位成人
$318 per child (aged 3-11) 每位小童

去完日本旅行又心掛掛想食燒肉🤤
今次就揀咗去呢間喺銅鑼灣嘅「燒肉の殿堂」刷餐飽
貪佢可以以最超值嘅價錢食到日本和牛ꉂ೭(˵¯̴͒ꇴ¯̴͒˵) 餐廳位於銅鑼灣The L. Square 樓上舖，位置就腳 餐廳雖然唔算好大，但坐得舒服
店內通風亦都幾好👍🏻
當晚入座無耐幾乎全場爆滿，人氣相當高



依家佢哋做緊一周年感謝祭限時優惠🫶🏻凡惠顧殿堂盛盒或二人前，每人+$98 就可以任食鹽蒜元貝90分鐘！ 個優惠有機會做埋三月就完㗎喇‼️
想再食平啲可以午市或者8:30後光顧，午市4:00前離座享有75折 晚上8:30後有大割引，大部份單點食品$20起，$78就有和牛食，認真抵食😍
仲有沖繩生啤500ml做緊全日買一送一優惠，一人一杯都係$58🍻
清酒全日都有75折優惠🍶
咁抵玩唔怪得咁多人嚟，仲唔快快脆脆約朋友食😂✦ 殿堂九品盛 $398
呢個盛合係我暫時食過價錢最相宜嘅🙌🏻
一個盛合有齊7款牛，1款雞肉，1款豬肉👐🏻 
有封門柳、厚牛舌、牛小排、雞爽肉、西班牙黑毛豬腩等等
當中個特級厚牛舌幾出色，軟嫰彈牙⁎⁍̴̛ᴗ⁍̴̛⁎
鹽蒜牛小排同另外幾款汁燒牛肉調味啱啱好，唔會過鹹，食落好香口！
肩胛赤身油花豐富，有甘甜油脂香
牛板腱相對無咁多油，肉味濃啲又有咬口
就算係雞爽肉同黑毛豬腩嘅質素都唔錯！✦ 明太子撈烏冬伴月見 $48
有熱湯、明太子、紫菜、蔥花及溫泉蛋🥚
明太子份量算多，撈勻後蛋汁依附喺烏冬上
湯汁及微辛辣明太子令味道更鮮香
烏冬韌滑，蛋味香濃😉✦ 殿堂玉子飯 $38
條佬食親燒肉必定要叫飯食🍚
與其叫白飯，不如叫碗玉子飯
無咁單調，又大碗啲，價錢唔差得遠
碗內有紫菜、味素、蔥花及溫泉蛋
拮穿溫泉蛋再撈，珍珠飯多一份潤澤多一份蛋香
兩個人share食都好夠
食完好滿足好飽🤰🏻✦ 月伴紫林 $38 & 玫瑰玉林 $38
兩款都係夏日限定飲品 月伴紫林就係原味可必思+ soda，加咗蝶豆花變成靚靚紫色特飲✨  玫瑰玉林係巨峰可必思+soda，酸酸甜甜，鍾意呢杯多啲！
兩杯都唔會過甜，配燒肉食解到膩，爽呀🤭

要釋放壓力去Jazz Bar放鬆心情就最適合不過🍸
最近沙田凱悅酒店嘅天天吧變革迎新，以新面貌登場從歌手、雞尾酒到菜單都令人耳目一新 (˶˚ ᗨ ˚˶)
呢度有高質現場Live Jazz表演，精緻嘅特色雞尾酒
加埋五星級酒店環境，成個vibe簡直一流🫶🏻一走入酒吧內，四周環境有種神秘優雅嘅氣圍🫧
配合昏暗柔和嘅燈光，舒服有情調又浪漫！
餐廳劃分高枱、梳化位、吧枱座位及相當闊落嘅卡位💁🏻‍♀️現場表演由美籍新主唱Phoenyx Novelle獻唱💃🏻
百變髮色係佢嘅標誌，當晚佢戴住紅髮，造型亮眼✨ 經典懷舊歌曲、流行曲、爵士樂，各種類型嘅曲風佢都駕輕就熟🎶 佢磁性深情嘅歌聲，令人可以跟隨節奏放鬆搖擺，帶大家進入令人陶醉嘅氛圍💆🏻‍♀️


天天吧酒單非常豐富，有特色雞尾酒、威士忌、手工啤酒等等
歡樂時光烈酒及啤酒等指定飲品有買一送一優惠🍻 除咗酒外，亦有多款酒吧小食🥘
我今次一邊飲酒一邊食晚餐醫飽肚✌🏻 ✦ Pomelo 18 | 柚子18 $98
柚子18係多年來嘅招牌飲品
以Rum酒做基調，味道香甜可口
加入沙田柚、青檸、黑莓甜酒
酒感較輕，比較甜
非常順口，好適合女士飲
不知不覺就兩杯落肚🤫 ✦ Pomelotini | 柚子天尼 $98
薈萃柚子、西柚和檸檬風味
入口係清爽柚子香氣，酸甜均衡
有少少苦甜後勁，尾韻悠長
適合唔想飲太甜又鐘意果香嘅朋友 ✦ Duck Scent | 烤鴨飄香 $108
片皮鴨Cocktail係新推出嘅飲品🦆
用上沙田18片皮鴨鴨油infused而成嘅Gin
搭配砂糖、黃麵醬、青瓜等，融入片皮鴨元素
飲落係三杯之中酒精濃度最高
酒呈少少乳白色，入口清新
酒感重，散發青檸味道
亦有來自君度橙酒嘅果香
加冰令甜味同酒精濃度降低唔少
尾韻帶甘醇 ✦ Baked Gruyere cheese, Fontina cheese, Prosciutto ham, Sourdough bread | 焗瑞士芝士， 芳堤娜芝士，風乾火腿，酸種麵包 $198
上菜時蓋上玻璃圓罩，店員將罩拎開
煙霧隨即飄出，非常搶鏡，好IGable! 📸
包面佈滿Prosciutto ham同半熔芝士🧀
一拉已經牽出長長拉絲，芝士香四溢
麵包食起嚟鬆軟油潤，香草味突出
影完相攤凍咗外層依然超脆🤩 ✦ Sauteed octopus, Green whelk, Parsley, Olives, Capsicum | 炒八爪魚，翡翠螺，番荽，橄欖，甜椒 $198
八爪魚新鮮爽彈🐙 翡翠螺煙韌入味
加入橄欖、甜椒、Parsley突出食材鮮味
風味十足，佐酒必點菜式 ✦ Sauteed prawns, Chorizo, Potato, Chilli, Garlic | 香煎蝦球，辣肉腸，薯仔，辣椒，蒜片 $188
令我諗起西班牙嘅一道Tapas「西班牙蒜片蝦」
蝦球彈牙香口，加入辣椒好惹味
醬汁溫和微辣，辣肉腸增添鹹香 ✦ Buffalo chicken wings, Blue cheese dip | 水牛城辣雞翼，藍芝士醬 $188
雞翼外脆內嫩，每隻都沾滿醬汁，甜辣兼備
甜味較出，食多都唔會覺得太辣
食水牛城辣雞翼當然不能缺少藍芝士醬
呢款藍芝士醬鹹鹹地容易入口
配辣雞翼係Perfect Match👐 ✦ Baked nachos, Plant-based bolognese, Cheddar cheese | 墨西哥粟米脆片，焗素肉醬，車打芝士 $168
墨西哥粟米脆片送酒一流
脆片濃味脆口，搭配車打芝士令人食唔停
個肉醬真係唔講唔知係素肉🫢




💬 總結
好enjoy個Phoenyx Novelle嘅表演🥰
聽佢嘅歌聲令我可以放鬆心靈，身心舒暢
Happy Hour買一送一優惠超值👍🏻
同三五知己暢飲就啱哂！

情人節想搵間經濟實惠嘅下午茶？「陳家廚房」推出以中西合壁為主題下午茶
閒日$388/2位+10% 咋！！
仲要係酒店級數🫢

今次我週末嚟食，價錢係 $438/2位+10%
就送Prosecco意大利汽酒兩杯🥂 幾抵玩個Tea Set 以鳥籠層架盛載，好精美又ig-able✨
總共有咸點甜點各4款、4個Scones、2杯餐飲
同2杯意大利汽酒
可以慢慢chill慢慢食～✦ 咸點
咸點幾有誠意，有魚子醬溏心蛋、黑松露蘑菇撻、鵝肝多士、黑松露碎蛋沙律軟包💕 ☞ 魚子醬溏心蛋蛋黃色澤呈橙黃色，蛋香濃郁
配搭魚子醬更顯矜貴，帶鹹鮮味☞ 黑松露蘑菇撻撻皮可口
食到有黑松露粒，滿口松露香氣☞ 鵝肝多士以兩塊圓形脆口多士夾著鵝肝
鵝肝軟滑香濃，加上果醬中和膩感
咸點MVP💥☞ 黑松露碎蛋沙律軟包沙律軟綿有粒粒分明嘅蛋白碎
加入黑松露醬令碎蛋沙律更香
松露味比黑松露蘑菇撻較溫和



✦ 甜點
呢度嘅甜點整體都唔會過甜👍 ☞ 蜜柑橘慕絲蛋糕造型可愛，精美蜜柑形狀，好有過年feel🍊
清新香滑慕絲，加入蜜柑肉增加口感，甜味自然！☞ 中式甜品又點少得楊枝甘露布甸🥭
呢度嘅楊枝甘露布甸用法國芒果製作
好多芒果肉，布甸香甜滑溜～☞ 熱情果法式干層酥酥皮鬆脆，陣陣牛油香味
熱情果果酸濃郁，配幼滑忌廉
兩者平衡做得唔錯，酸爽唔太膩！☞ 橘子檸檬法式金磚蛋糕即係Financier
賣相精緻小巧，有金箔作點綴
甜蜜滋味，淡淡橘子香氣同檸檬芬芳🍋



✦ 英式鬆餅Scones有原味同特濃黑朱古力口味
呢間嘅鬆餅金黃鬆脆，內層軟綿
都幾厚身，微微濕潤，唔乾
原味富牛油香🧈 朱古力味用上Valrhona70%黑朱古力🍫
朱古力香濃濃厚，甜度較高，朱古力控會鐘意！
配搭自家製士多啤梨醬、朱古力醬同幼滑Clotted cream
Scone水準有驚喜😮



✦ 餐飲
餐飲有得揀茶、咖啡、朱古力、美祿我就揀咗士多啤梨紅茶同Latte今次週末嚟到每位送Prosecco意大利汽酒一杯🥂
凡係星期六日及假日都會送㗎～
杯Prosecco質素唔錯，同姊妹嚟飲就啱晒👭



💬 總結
環境寧靜舒適💓 個Tea Set賣相靚靚
揉合中式元素嘅Tea Set幾特別～
佢地有時會推出買一送一優惠，超值呀！

沙田凱悅酒店除咗沙田18出名外，佢哋咖啡廳嘅自助餐都質素好高🙊凱悅酒店啲buffet一向口碑唔錯，又抵食 (๑´ڡ`๑)今次週末嚟到食dinner buffet，價錢$740p.p.，星期一至四就$680p.p.
依家出面好多自助餐都係分兩輪，呢度食就唔會分時段！
可以由夜晚6:00食到10:00，唔洗食到趕頭趕命🤣


佢最正嘅特色係有三輪響鐘時段即席烹調精選菜式🔔 (星期五六日先有)
🕡 6:30PM｜焗牛油果 、鮮蝦、柚子芝士醬
🕖 7:00PM｜火焰芝士焗龍蝦
🕢 7:30PM｜炭烤斧頭牛扒 (戶外)🥑 一夠鐘職員就會逐枱派焗牛油果牛油果釀入2隻鮮蝦，焗過嘅牛油果好綿密
配柚子芝士醬意外地唔膩，有驚喜😛
🦞 焗龍蝦用上白蘭地再點火火炙，香氣逼人
龍蝦彈牙肉嫩又多膏，醬汁非常香口，頓時食唔停口呀
每人半隻，派剩嘅焗龍蝦會放喺燒烤區
絕對要食返夠本！
🐂 全晚最精彩位應該係戶外位置嘅炭烤斧頭牛扒
見到廚師喺燒烤炭爐前大火燒斧頭扒好似睇表演咁👀
斧頭牛扒可以要求要埋條骨，有斧頭扒同牛柳
表面焦脆，陣陣炭燒香，色澤粉嫩
配埋黑松露薯蓉添層次感，滿腔松露香同肉香
好快就清晒一碟！✦ 凍海鮮區
長期都有人排隊，職員成晚不停refill🫢
提供可持續海鮮🦞 好欣賞餐廳對環境保育嘅意識
有龍蝦、海蝦、帶子、蟹鉗、蟹腳、螺肉
海鮮新鮮鮮甜，條佬前前後後都食咗2隻半龍蝦😯✦ 壽司及刺身
刺身有希靈魚、三文魚、吞拿魚、甜蝦等
刺身都係厚切，仲有壽司同卷物，選擇都唔少✦ 沙律及冷盤
有個cheese wheel 可以整凱撒沙律
可配煙三文魚、脆麵包粒、脆煙肉等
亦有其他款式沙律選擇🥗
Cold Cuts有辣肉腸、豬手、牛脷腸同3款芝士，質素相當唔錯🧀
另外當然唔可以錯過即切24months西班牙白毛豬火腿同哈密瓜
白毛豬火腿鹹香油潤🐖 我都唔知拎咗幾多轉✦ 燒烤
有烤羊架、牛肉、雞翼、德國腸等
最受歡迎係煎鴨肝&慢煮牛小排伴海膽汁及鯡魚子
煎鴨肝多士油脂香十足，超好食🤤 細細份食多幾轉都無問題！
慢煮牛小排都係必叫，擺盤唔係hea你，似酒店dinner set
牛小排煮得鬆軟軟腍，肉味香濃✦ 中式熱葷
中菜重點位係有大大塊紅燒花膠同鮑魚仔任食
花膠扒又厚又入味，好滋補養顏🧏‍♀️ 無限encore都仲得
仲有北菇扣鵝掌、燒味、東坡肉、蒸魚、湯粉麵、足料中湯等等
中菜品質一啲都唔吝嗇，真係夠晒豪爽！✦ 甜品
甜品款式好多，甜品愛好者見到都會好興奮❤️
即製甜品有鯛魚燒同Pancake
另外亦有Bread pudding、野莓撻、葡撻、多款蛋糕等🍰
仲有8款Häagen-Dazs雪糕🍨
甜品區值得一試係Mille Feuille同Tiramisu
Mille Feuille保持到鬆脆，幼滑夾層清新唔甜膩
Tiramisu咖啡香同酒香足夠，我都唔覺意食咗兩個🤫
太飽食唔到甜品嘅話都有生果可以食🍉



✎ 自助餐係包餐飲一杯，要同職員落order
有檸茶、檸水、檸蜜、奶茶
現場都有蘋果伯爵茶同咖啡機，可以自己斟☕️



💬 總結
即席烹調體驗相當唔錯✨ 可以食到新鮮炮製熱焫焫嘅菜式
食材新鮮不計成本，服務好好，refill食物同收吉碟速度好快👍
呢個價錢抵食又高質，會翻啅💓

呢間MUTA Restaurant 長期都好受歡迎，人氣好高👀餐廳位處美麗華商場地庫，面積都幾大
裝潢好日式，四周都係綠植🌿 洋溢溫暖舒適嘅情調再走入餐廳裏面就會見到榻榻米座位
建議要book定位，我6點入座榻榻米位已坐滿人，好搶手
到差唔多7點，餐廳外面已經開始排隊😯


呢度係食西日fusion菜，無論係主食同甜品都好啱打卡🫢 ✦ 蟹肉蟹膏甲羅燒燉飯 $178
喺Risotto上放上甲羅燒
蟹蓋上裝滿蟹膏同蟹肉，份量好多好足料
多到好似唔洗錢咁🤣
先撈勻蟹肉同蟹膏，再𢳂一羹食
最後撈埋落Risotto一齊食，濃郁鮮甜，香氣逼人🦀
Risotto煮得啱啱好，米芯彈牙，啖啖蟹味， 入口勁滿足🥰 ✦ 培根蛋黃奶油貓耳麵 $138
貓耳麵口感煙韌唔會過稔，好掛汁
落咗唔少Parmesan Cheese🧀 好creamy
厚切煙肉係用豬面頰肉，肉味更濃
煎香過後焦脆帶韌度，鹹香滋味😚 ✦ 蜜柑雪葩﹒柚子蛋白霜﹒檸檬醬 $88
好有美感嘅擺盤💓 💯
依家正值蜜柑當造，份外甘甜
伴碟日本蜜柑甜度高，水份飽滿
雪葩冰涼透心，味道清新🍊
檸檬醬帶黏性，平衡蜜柑嘅甜🍋 ✦ 季節限定甜品 $88
今季限定甜品係燕麥金寶柚子慕絲
估唔到係以芭菲杯呈上🍨 好靚好夢幻💫
由柚子醬、柚子慕絲、燕麥金寶、果乾、忌廉一層層疊起
入口係香氣馥郁柚子果香，清爽香甜
慕絲輕盈，柚子醬酸甜味加上香脆燕麥金寶
每食一層都有驚喜👍 呢款限定甜品比雪葩出色 ✦ Cafe Latte $52
Nutty風味，個花拉得幾靚
奶比例較多，淡淡咖啡香唔苦澀



💬 總結
果然係Atum姊妹店，啲餐點擺盤靚靚💕
尤其係個甜品好精緻✨ 仲要食物質素都唔錯！
今次食唔到佢哋最出名嘅Toast Set & Picnic Box
下次再早少少過嚟食先(´,,•ω•,,)

上次行經旺角The FOREST已經有留意到呢間星馬餐廳
店面色彩鮮豔奪目，好自然就會吸引眼球👀
睇埋價錢又唔貴，我同條佬就決定下次嚟旺角就食！
終於趕到年尾前食到喇🤭餐廳裝潢用色大膽，走懷舊復古風，好igable📸
從店內裝飾到餐牌都會見到卡通獅子「吉祥物」🦁
營造到歡樂嘅氣氛🤹🏻✦ 辣死你媽 $72
熱辣辣香濃濕潤椰漿飯配上炸魚仔、花生同雞蛋等
仲有大大隻金黃酥脆嘅炸雞髀，雞髀外酥內軟
比起炸雞髀，我覺得辣死你媽個靈魂係個參巴醬
因爲每間餐廳嘅參巴醬都有差別，呢間嘅參巴醬辣度十足
將食物蘸上辣醬香辣開胃，辣得過癮！
✦ 馬來風光 +$20
馬來風光即係炒通菜～
加$20就可以加碟炒通菜，抵食呀❣️
通菜炒得有鑊氣，加咗洋蔥去炒，依然爽脆
蒜香鹹鮮兼備，辣度較溫和，好送飯🍚✦ 馬來沙爹雞串燒 $68
條佬食親馬來西亞餐廳都係會叫沙爹雞串燒😂
雞肉口感唔乾柴，配醬食令味道更有層次
淡淡辛香與濃郁花生味道，唔會太鹹
✦ 咖央蘋果脆金寶配雪糕 $78
新鮮焗起，店員都提醒小心容器辣手
呢款Apple Crumble係鹹鹹甜甜，好新穎💁🏻‍♀️
個雪糕有粒粒雲呢拿籽㗎😉
分量幾多，好夠食💕 滿足
✦ 美祿咖央烤吐司 $78
經典嘅咖央吐司已經滿足唔到我呢個嗜甜嘅人
吐司夾著厚牛油同咖央醬，面頭係佈滿朱古力醬同美祿粉
食落係偏甜，非常之咁邪惡😈
個吐司影完相放一陣都仲keep到係脆👍🏻
✦ 珍多尖蕊龍鬚冰 $46
珍多冰上面有三色龍鬚糖，造型突出，好啱打卡✨
甜蜜嘅珍多冰椰香好濃，裏面有滑溜嘅Cendol
邊食「辣死你媽」邊飲珍多冰，好解辣🙊

✦ 香茅檸檬冰 $36
呢款檸檬冰係有氣，清爽解膩🍋
香氣宜人清新，充滿風味嘅消暑飲品



💬 總結
呢度用餐環境舒適，幾啱聚餐👌🏻
下次喺旺角想食星馬菜都會再嚟
擇日再食埋佢其他嘢食😎

多得朋友帶路嚟到呢間位於尖沙咀赫德道嘅燒鳥居酒屋
第一次到訪已經有驚喜(*ˇωˇ*人)餐廳位置隱秘，門面有種高級感，私隱度高，適合同三五知己聚一聚
呢間居酒屋專營燒鳥，選用嘅係日本鹿兒島縣薩摩赤雞🐓
有唔少刁鑽稀有部位選擇，如提燈、雞冠、雞尾、雞腳筋等等
除咗燒鳥之外，仲有各種雞肉料理，處理食材由一位師傅一手包辦👨‍🍳
另外呢度日本酒種類好多，可以以合理價格就飲到！亦有提供日本酒放題🍶
對於仲意日本酒同燒鳥嘅人嚟講，呢間確係令人難以抗拒嘅餐廳(๑´ڡ`๑)
見到在場都有唔少熟客仔幫襯，店員對住每位顧客都會細心講解同推介菜式！✦ Sake Tasting Plan $368p.p.
食串燒配清酒係必需嘅 ᕕ ( ᐛ ) ᕗ
$368/120分鐘 任飲6款日本清酒 & YEBISU生啤放題✨
☞ 七福神 純米大吟醸 ｜ 岩手縣
☞ 長良川 Dry Fruity 純米大吟醸 ｜ 岐阜縣
☞ 平井六右衛門 心星｜ 岩手縣
☞ 寒紅梅 純米吟醸 山田錦｜三重縣
☞ 米鶴 まほろば 純米｜山形縣
☞ 松浦酒造 獅子之里 純米酒 ｜石川縣✦ 寒鰤刺身 $88
冬天係食寒鰤魚嘅好時機
厚切刺身肉質肥美甘香
油脂豐富，食起嚟相當柔軟，鮮甜味道慢慢滲出🐟✦ 麻辣煮手羽 $88
點咗一道熱食嘅前菜，既辣又惹味🌶️
加入日本高湯去煮，雞翼軟嫩入味，輕輕咬已骨肉分離！ ✦ 柚子味噌豆腐漬 $68
日本娟豆腐質地猶如芝士般creamy，軟滑滑順
豆味香濃，唔死鹹，作為佐酒小食都唔錯🍶  ✦ 半熟蛋伴薯仔沙律 $68
用鹽輕輕調味，係最簡單直接嘅味道！
薯仔冰涼綿密，仍有粒粒薯仔口感
配角溏心蛋都唔錯 ✦ 自家發酵鹽麴雞腿肉 $48
呢度嘅串燒調味唔會好重口味
主要用鹽燒/塩麴/自家雞骨醬汁燒🔥
用塩麴調味嘅雞肉真係特別嫩滑同多汁！
塩麴可以令肉質變軟，令雞肉更鮮美🐔
鹹度溫和，唔會過鹹👌 ✦ 雞心 $38
燒得啱啱好，爽脆多汁，食落去唔腥👍
食咗原味後，其餘嘅雞心再蘸上餐廳自家製辣肉味噌醬
微辣但唔會蓋過雞心嘅內臟香味！ ✦ 雞掌肉 $58
雞掌肉油潤，帶脆口口感，毫無保留呈現雞油香！
油脂甘香喺口入面爆發！ ✦ 雞胸大葉卷 $48
以雞胸卷著紫蘇葉去燒，雞胸脂肪少卻好柔軟濕潤
配上紫蘇葉獨特清香，反而帶出薩摩赤雞最純粹嘅風味 ✦ 雞冠 $48
第一次食燒雞冠，重油感好香口，原來口感係咁爽脆，好特別！
仲有豐富骨膠原呢～ 食過後從此愛上雞冠💓 ✦ 豚肉芫茜卷 $58
豚肉燒到有焦香，豚肉油脂被芫茜索晒，邪惡😈
睇嚟呢度唔止燒鳥好食，連豚肉亦燒得出色，食完想再食多幾串 ✦ 日本銀杏 $38
用上日本愛媛產銀杏，粒粒飽滿，軟糯煙韌
自帶些少甘苦味，佐酒佳品🍶  ✦ 香菇 $38
略灑鹽花，估唔到燒得咁香
花菇爽滑，保留到水分唔會燒得太乾💦 ✦ 雞素湯麵 $88
冬天最適合嚟一碗熱辣辣湯麵🍜
自家熬製雞湯，屬淡麗系清湯，好清爽！
麵條幼細爽滑，仲有日式雞卷，質素唔錯又飽肚🤰 ✦ 開心果松露雪糕 $48
呢度嘅雪糕&雪葩都係自家製！
入口係天然堅果香氣，面頭有啲開心果粒
加入松露油反而無搶走開心果味，雪糕柔滑香濃🍨
✦ 桂花柚子雪葩 $48
雪葩幼滑，果香與花香喺口中散開，酸爽得嚟好清香🌼
每啖都食到柚子嘅甘甜味！




💬 總結
以前去鹿兒島都有食過薩摩赤雞，依家喺香港都有得食，太正啦(*´д`)~♥
呢間燒鳥居酒屋調味唔濃重，著重用料，一分錢一分貨，確係高質
可以同嚟朋友暢飲清酒食串燒，聚會一流