🎶九龍城出名食泰國茶都已經係舊話，近幾年開多左好多間好chill的咖啡店，真係要一一試下。今次就同住係附近的閏蜜𡃁妹揾到間chill chill ✨coffee shop《Lento》食下野吹下水休閑下。📌一間休閑的咖啡店要讓人有種悠然自得的感覺，首先，環境一定好緊要。《Lento》走灰黑色的型格路線🕋，沒而太多花巧的裝潢，簡潔時尚，樓底好高，枱與枱之間好闊落，沒有壓迫感，已經讓人感覺舒𣈱。📌門口牆身做了個即影即有相牆📸，讓曾到訪的人紀錄了當下的回憶及感受，回憶總是令人回味，相片便能保留昔日的風采🌟。📌門口的沙發🛋位置原來係Pet friendly位置，成個area好大，可以帶狗仔來歡樂一下🤹🏻‍♀️。📌一排bar枱位，可以望住咖啡師沖調咖啡之餘仲可以交流一下，互動的形式可以令氣氛生動一點，不至於餐廳與食客的被動關係，這亦是咖啡店特獨之處。📌Bartender管理的飲品區牆身有一個櫃架，放滿了林林總總的咖啡杯☕️，唔知道Bartender🤵🏻係咪隨著心情挑選唔同咖啡杯給唔同的客人呢？📌餐牌都係大路選擇，有全日早餐、benedit egg、夏威夷蓋飯、意粉、意大利飯、漢堡包等等，價錢正路，由$118至$168。📌飲品就當然唔少得係沖調咖啡類或者非咖啡類，跟餐㗎仲可以減$15添！紅酒燴牛尾意大利飯，$125
本身紅酒燴牛尾嘅醬汁會比較creamy，加入咗意大利青瓜🥒，車厘茄🍅同乳酪會清新一啲，沖淡返比較濃味嘅醬汁，面頭仲鋪咗啲新鮮火箭菜🌿，加多點綠色，望落去嘅賣相就更加吸引。牛尾🐮係切粒狀咁撈喺飯入邊，煮得好軟淋無根亦都冇乜肥肉位，成碟燴飯醬汁濃稠口感軟綿綿，有菜有肉又有飯，一啖一啖放入口，滋味又健康。避風塘蟹肉意粉，$135
食完個飯就試吓意粉。避風塘意粉真係好少地方有，望個名都好吸引下👀。避風塘嘅製法係用上麵包糠同炸蒜，灑滿晒成碟意粉上面，而且creamy嘅醬汁唔會太多，以免整冧咗炸蒜脆卜卜嘅口感，每一啖都充滿脆口的麵包糠同炸蒜嘅味道。意粉入面撈入咗啲蟹肉碎🦀、紅尖椒🌶同黑橄欖🫒，避風塘配蟹肉海鮮不嬲都好夾，驚喜地黑橄欖經煮調過，橄欖味唔係太重，平時好怕橄欖嗰種獨特澀味嘅熊妹竟然粒粒橄欖都食得晒，呢款意粉真心做得唔錯！Whiskey Chocolate Cake，$58
最後叫多款甜品，𡃁妹鍾意食朱古力，又鍾意飲酒，呢款Whiskey Chocolate Cake就啱晒佢啦！
好少地方會有酒類嘅蛋糕，《Lento》識得運用自己餐廳嘅酒材料混入喺食物款式當中，又可以帶給食客新一種感受，果然聰明！蛋糕唔係好大一件，飯後甜品嚟講都好夠，太大一件會好滯㗎！非常軟滑嘅朱古力慕絲口感🍫，充滿香濃嘅朱古力味道，而威士忌酒精味道都非常濃烈🥃，就算混入咗喺蛋糕入邊都冇揮發掉，兩者嘅味道喺口腔入面交織，甜味的朱古力中和咗強勁的威士忌酒味，令到成件蛋糕就算味道濃烈都好易入口，咁特別嘅口味，係絕對值得一試嘅蛋糕！Matcha Latte，跟餐價，$40
作為抹茶熊的熊妹來到咖啡店當然要飲下沖調的抹茶拿鐵，聽講係用上山政小山園嘅抹茶粉，聽到都興奮😝！
一般都係典型心形拉花，今次的拉花好特別喎！係樹熊呀🐨！好得意呀😍！山政小山園嘅抹茶粉抹茶茶味好濃郁但又少點苦澀味，用上嘅牛奶奶味好出，飲落去好滑漏，好易入口，講真熊妹好少何飲抹茶拿鐵可以飲得出牛奶嘅味道，而《Lento》呢杯Matcha Latte🍵真係可以飲得出牛奶嘅香滑🥛又不失抹茶味，比例做得剛好之餘，都飲得出本身用嘅材料一定唔係便宜貨，掂！Espresso Tonic，跟餐價，$33
𡃁妹不嬲都鍾意飲tonic water，又鍾意飲咖啡，叫返杯espresso tonic又最好不過！
《Lento》成個bar枱調啡調酒位咁震撼，叫返杯又啡又酒的Espresso Tonic絕對係代表作！
《Lento》本身用上嘅咖啡豆係比較fruity，再以本身帶點citric柚子酸的tonic water做底，兩者味道偏酸性真係幾夾，本身espresso嘅咖啡強烈味道比tonic water中和左，飲法就唔係飲佢嘅濃烈咖啡口感，反而係一杯帶酸性嘅咖啡凍飲，特別👍🏻！📌無論任何一個時段嚟到咖啡店，都係想歎一個休閒嘅時光，讓自己沉澱下來，慢活下來，與外間與世隔絕一下，沖一沖電，再返回平日生活嘅節奏。《Lento》用餐沒有限時，空間感十足，灰暗風格但又燈光通明嘅環境氛圍真係可以令人想喺度寧靜下來，簡簡單單飲杯飲品緩沖一下平日急速的生活步伐。

🗿今日同魷魚妹一齊返工，咁開心一齊返工緊係食吓好西先喇。其實熊妹一早都聽聞過大圍積存街有好多好吃小店，一於去覓食下😋。📌成日食西餐Cafe，發現有馬來西亞菜《捌哥 · 馬拉籽》，又真係好少食，可以一試。📌店鋪唔算好大，望落去有3-4張二人枱，不過燈光鮮明💡，感覺好亮麗✨。📌原來有樓上雅座，估唔到有兩層喎！樓上無左廚房位，感覺就闊落啲。📌牆身畫左幅好靚的黑白素描畫🎨，畫出古時年代的生活紀載📝。📌餐牌有多款星馬泰菜式，喇沙🍜、串燒🍢、小食🍤、肉骨茶🍗、咖哩飯🍛、海鮮🦀等等，林林總總，花多眼亂👀，價錢仲要非常親民，$4-50就有一款，又唔使加一，好簡單就可以食到馬拉西亞菜，夠晒平民抵食🤑！鮮牛油咖央多士，$38
馬來西亞菜必點小食，咖央多士，簡簡單單的馬來西亞特產咖央醬甜甜地，夾埋塊黃甘甘的鮮牛油🧈，烘熱了的多士熱力🔥令牛油少少溶化，食落去，脆得來又鹹又甜，真係油脂爆燈💥！玻璃魷魚蕹菜，$58
蕹菜類似番薯葉🍃，菜葉多菜莖少，面頭仲鋪滿一大堆玻璃魷魚🦑，份量都幾多，咬落去爽口又唔韌，仲有炸蒜、胡椒同豉油調味，調味方味做得幾好。我知你啦薄餅配娘惹咖喱雞，$68
星馬菜緊係有咖哩雞，咖哩雞🐥一碗有3-4舊連薯仔🥔，辣度適中，雞肉唔算好鞋口，成舊咖哩雞點薄餅🫓食真係好滋味！魚仔醬啦啦，$54
好特別的一款小食。就係秘製魚仔醬撈蜆，蜆肉一碗份量都幾多，係細蜆肉size，中間放上一大堆魚肉醬，味道濃烈帶點甜辣🌶，撈埋蜆肉好惹味！值得推介！一字骨肉骨茶，$86
食星馬菜點少得肉骨茶？一字骨🦴最好不過。一個熱盅呈上，原來係一人份量，三大舊一字骨🍖，大舊到好分明咁睇到一層肥肉脂肪跟一層瘦肉的間距，然後就係一條骨，肉骨茶鹹得來又濃藥材味🪵，仲有幾粒紀籽的酸甜中和返味蕾，身體頓時感覺到行氣和血🩸的感覺，相信冬天飲的時候一定好取暖養生💆🏻。娘惹喇沙，$84
顏色非常鮮豔的一碗喇沙，色彩繽紛到真係有七款顏色，紅色辣椒🌶、橙色大蝦🦐、黃色豆卜同魚片🍞、綠色青瓜絲🥒、藍色碗邊圖案❄️及紫色洋蔥絲，就咁望到都興奮😝！配料來説，大蝦的做法頗為驚喜，係有油炸過，令到蝦肉爆出來，食落蝦殼都好脆口，呢份蝦做得幾有試意！值得一讚 👍🏻！
選了米線做喇油麵底🍜，滑嘟嘟的米線浸入喇沙湯底，索哂湯汁，驚喜地喇沙湯充滿椰奶味道，所以無咁辣，連埋多款配料食，真係大滿足。
馬來西亞茶（凍），$22
魷魚妹好鐘意飲泰國奶茶，當然都唔會放過馬來西亞茶🧋，點了少甜少冰，唔算太甜，馬來西亞的茶葉茶味🍂都幾濃郁同出，就算加了糖，都仍然好出茶味道，果然係招牌飲品。📌簡單的小吃到主食都充滿馬來西亞菜的特色，成日食西餐，再轉食下其他異國菜式，確實有另一番風味🍁！

🎐近排同魷魚妹行得好埋，事關佢將會黎離熊妹而去，sosad😥😢。只有食好西先可以停止別離！好西當然要配靚境，聽講太子有間居酒屋《餓居》好有日式氣氛🎉，今次熊妹就同䰹魚妹返工後過來吃個late lunch。📌太子地鐵站附近一帶都係食街，要突圍而出，首先店鋪門面裝潢一定要吸引人之處。除了一般的cafe、茶餐廳、粉麵店外，行下行下就會發現呢裝修格局精美的居酒屋《餓居》。📌門口掛著幾個居酒屋的典型燈籠口同日式門簾，好明顯地一望就知係食日本野🇯🇵。📌門面怖局都好有心思💕，而居酒屋內都蘊藏着多個打卡景點位，真係大開眼界👁️！🏵️景點1️⃣
📌一拉開門口日式木敞門，就會見到一大坐鳥居⛩️盡現眼前，而且側邊牆上掛上許願牌🔖，成件事真係好似去左日本神社祈福咁，可以坐係度靜心一下，呢個景點位絕對值得停留耐啲。🏵️景點2️⃣
📌離開鳥居，進入居酒屋內，環境都幾大，一邊廳擺放著4-5張4-6人木枱木椅🪑，另一邊廳就是日式榻榻米怖局。在榻榻米上，日本人喜歡在放工後可以脫下鞋子👟，盤著雙腿，輕鬆地坐上去把酒談歡🗣️。香港地，好少日式居酒屋可以做到榻榻米的設計，《餓居》真係盡現日本文化🎏。🏵️景點3️⃣
📌而榻榻米旁就屹立了一大棵長年盛開的櫻花樹（當然是假的😆），相信都是《餓居》的賣點所在。室內都可以賞櫻🌸？仲可以一路進食，一路坐係櫻花樹下chill下，成件事會唔會太過詩情畫意😌？🏵️景點4️⃣
📌然後再入餐廳少少，就會見到一個好有氣氛的卡位，由一個個印有《餓居》字樣同招牌的紅色與白色燈籠🏮梅花間竹咁掛起，形成一幅燈籠牆，昏暗的燈光由燈籠中散發出去，營造出浪漫情懷的氛圍💓，相信情侶們一定會想選擇係呢張枱撐枱腳💑。日式吉列鱈魚柳定食，$88
定食除了主食，仲包一碗麵豉湯🍵，日本前菜漬物🥡及日本御飯🍚。鱈魚柳好大一件，吉列炸法鋪上好多大粒麵包糠，炸到炸皮好脆，唔算好油，內裏嘅鱈魚肉白𠽌𠽌有厚度，食落鱈魚肉冇骨又唔腥。麵豉湯又唔算好鹹易入口，入面仲有好多片海帶片，趁熱飲暖下胃。
前菜漬物有醋醃製的黃瓜粒、蘿蔔片、紅薑片等等，全部口感都超級爽口，酸酸甜甜，得閒食一口，可以清一清口腔。
鱈魚脆片，$21
有五片鱈雪片，好大一片，薄薄地脆脆地又好乾身，帶丁點鱈雪味，鱈魚片跟鱈魚柳配撘一流。日式炸雞定食，$78
炸雞有五大件，炸皮好薄偏淋身款，雞肉大大粒啖啖肉，點沙律醬好滋味。
轉配日式湯烏冬，加$8
烏冬份量都好大一碗，食落軟淋淋，要趁熱食，否則變麵糊，仲有兩片日式魚蛋🍥加餸。
厚燒玉子， $21
一碟有兩舊玉子，好有厚度，食落玉子蛋厚實帶點甜味。紫薯甘栗薯餅，$23
一大件切半，看到好分明的紫薯蓉及粒粒甘栗粒🌰，表面麵包糠炸皮炸到金黃通透，食落外表脆內裡薯蓉軟綿綿，而且唔係好甜，大大件放入口好滿足，係一件唔錯的炸物小食。香蔥山椒胡麻豆腐，$38
望上去，又紅又綠又黃，色彩繽紛，就係灑滿了七味辣粉同山椒粉🧂，再浸滿日式胡麻醬。每種顏色都有自己嘅味道，所以食落去真係五味俱全，有辣有鹹有酸有甜有冰涼的口感，豆腐質感軟滑得來又好實在，好厚實的質感而唔係𠽌一聲就吞掉了，而胡麻醬真係好適合做涼拌醬汁，咁多種味道真係百味交集，都可以話係第一次食到咁特別的組合，不仿試下。海苔魷魚鬚，$48
一兜份量都多，魷魚鬚唔算細條，沾上蛋漿有多一點空氣感，食落唔算油膩。日式餃子，$28
一碟有三隻，炸餃子點醋，正常味道。熱白桃烏龍茶，$38/壺熱黑烏龍茶，$18/壼📌來到居酒屋就是讓人放下疲勞，拋開煩惱，而《餓居》就讓熊妹同魷魚妹好像去了僘日本旅行的感覺🎎。

🎐瑪姬皇后生日，熊妹梗係要隆重其事啦！搵到間位於尖沙咀厚福街H8 22樓高層食高級日本串燒《梵》，又尖沙咀又日本野，仲唔係頂尖的享受🔝？📌餐廳下午5:30開門做到凌晨五點，就係日本深宵食堂飲食文化🇯🇵，讓上班族💼放工後過來把酒談歡🗣️，消除疲勞，歇一歇唞一唞的好地方。📌暗黑的氛圍有型有格，一排長枱型設計的bar枱，就係圍住烤爐，可以望住串燒師傅👨🏻‍🍳由預備到燒串燒的整個過程🔥，直情係omakase的格局，感覺好自癒。
📌另外，仲有一邊窗口位，居高臨下，可以望到窗外密密麻麻的高樓大廈晚上萬家燈火的夜景🌃，在咁靚的環境下進餐，真係令人大快朵頤！📌話明日式串燒店，真係好多款串揀。📌食串燒點會無酒送呀？成個酒櫃的清酒🍶、梅酒🍸、大吟釀🍾通通有🤩，真係望到都興奮😆！前菜，$40/位
空肚唔可以食早餐，食日本野前總有碟前菜，其實都係呢個道理。
前菜係醬汁牛腩同魷魚仔，食落帶點酸味，幾開胃。牛脷（右），$40
串燒必點項目，厚切又大件，灑上鹽份來燒，牛舌爽口有嚼勁。豚肉温泉溏心蛋，$50
一咬就爆開溏心蛋漿，再食到豚肉片表面的蜜糖，甜味減少了油膩。柚子醬雞胸肉，$32
雞胸肉外圍全熟，中間有點半生熟，柚子醬的酸甜加重了本身淡味雞肉的味道。免治雞肉軟骨棒，$38
熊妹最愛的串燒，好大一串串棒，啖啖雞肉帶點雞軟骨的脆口，再點上醬汁，最滋味不過。鰻魚串燒，$40
熊妹同瑪姫皇后都一致認為係‪今晚‬全場的MVP。不得了，鰻魚兩大舊一串，師傅在烤爐上燒熟了鰻魚，再用火槍輕輕灸熱鰻魚表面，令醬汁更為黏稠，温馨提示：上枱後兩分鐘才吃，一來冷卻剛才被火灸的温度，以免燙口，二來令醬汁更能滲透入鰻魚肉裡。大癲，兩分鐘後一放入口，絕對稱得上「入口即化」，鰻魚肉不需要任何咀嚼，魚肉在口腔中竟然產生了溶化的口感，而鰻魚醬汁的濃稠減卻了鰻魚的腥味，這件鰻魚串燒的確是無懈可擊！燒味醂魚乾，$80
瑪姫皇后最愛的佐酒小食，燒雞泡魚乾面頭搽上甜甜的醬汁，燒到魚乾乾身，食落好有魚乾味但又唔腥，一啖魚乾一啖酒，確實係寫意！忌薕芝士蛋卷，$60
無唸過幾大一份，蛋卷切成六大件，中間放入了熱溶忌薕芝士，日本蛋煎起的蛋卷份外有蛋香味，再食到中間軟心芝士，吃一件，都感覺滿足。日本魚蛋牛油果，$60
原來係冷盤咁食，兩片日本魚蛋煮熟後中間放滿了牛油果溶，夾起來好似三文治，重點要加上伴碟的wasabi，不攻鼻之餘完全能提升牛油果的淡香味，再加埋魚蛋的爽口同鹽味，咁平民的食材可以做出如此驚人的味覺效果，這就是日本料理的奧秘！特製燒飯團，$50
又一驚人之作，以為係燒普通日本飯團，估唔到飯團以糯米製成，搽上醬油在烤爐上燒，醬汁溶入飯團表面，跟一塊日本紫菜包裹著一併食，黏口的燒飯團煙糯的口感加埋紫菜的脆口，令人想食完一口又一口，都唔覺得在吃米飯，而是糯米米糕，驚喜、滋味又飽肚。雞胸肉梅子肉蘇葉芝士卷，$36
一串有三粒，雞胸肉入面包裹住一粒芝士粒，一片小小的紫蘇葉味道已經好濃烈，與芝士互相耀映，再配合淡味的雞胸，有肉的口感但又唔太重味，食到最後再出梅子肉酸甜的味道中和芝士紫蘇的濃味，全部食材都各有千秋但和而不同，呢粒雞胸肉梅子肉蘇葉芝士卷可謂百味交集，幾特別！和牛野菜連串，$38
一粒和牛一粒青椒再一粒蕃茄一粒和牛，串燒中最經典的串法。
和牛燒到好有牛味，油脂分怖平均，再食蔬菜中和油膩，然後再食返和牛再回味。燒尤魚一夜干，$90
燒尤魚鬚一啲都唔過龍再魷魚唔生唔韌唔過老，再點沙律醬食，又係好送酒的小食。白菜雞肉丸鍋，$100
點都點個鍋物有湯又有菜，減一減油膩，其實係想減罪惡感。
娃娃菜、金菇、冬菇同有好多粒雞肉丸，以清鹹的湯底煮滾，食完咁多串燒油膩飲返啖清湯真係好舒服！Sapporo，$65
熊妹近排愛上了Sapporo，少點苦溼味又好易入口，送串燒、佐酒小吃一流！
📌同瑪姬皇后慶祝生日🎁咁開心的時刻當然要～乾杯🍻！📌望著五光十色的繁華城巿，享受著美酒佳餚，難得與一生知己談笑風生，細說當年，試問熊妹還有什麼追求？📌瑪姬皇后，㊗️妳生日快樂！

🎪幾年前，瘋魔一時位於銅鑼灣的樓上Cafe《Mamaday》大玩幽默風格🤹🏻‍♀️，菜式用上有趣嘅金句字樣📝，令到平凡嘅菜式頓時變風趣起來，望個名都想食😋。近年，熊妹知道《Mamaday》改咗名叫做《ZipZip》，但地方依舊，風格依舊，不過就加入咗一啲新嘅fusion菜📋，當然要捧場試吓。📌幫襯過幾次《Mamaday》，今次嚟到《ZipZip》，裝修依然玩味十足。首先，木門門面🚪依然係大大隻寫住「只招待會員，入會條件：舌頭舔到手时」，記得第一次嚟嘅時候，見到只招待會員真係俾佢嚇親，猶豫咗一陣唔知道入唔入得餐廳食，但後來發現其實都係餐廳玩意之一，都係噱頭嘢，諗返起當時都好搞笑😆！📌入到餐廳，裝潢依然色彩繽紛🎨，玩味濃郁，讓人有種進入了歡樂世界的感覺🎠。牆上還有好多卡通人像及風趣字句，幽默得來又帶點意思，都會讓食客發人深省，停一停思考一下，相信都係餐廳想帶來的喜感及訊息。📌菜式嘅名稱依然係有趣十足，熊妹仔細睇吓，其實放喺名稱嘅開頭係寫出當食緊呢款菜式嘅時候會發出嘅心聲，然後接着就係菜色本身有嘅材料，成件事變得好獨特。辣架傻豬豬豬頸肉泰式肉碎日本蛋包飯，$126
當食第一啖蛋包飯嘅時候，身邊嘅人就想提醒你：「辣架傻豬豬」！啱啦！就係講緊呢碟蛋包飯嘅味道，一大碟蛋包飯面頭淋滿泰式肉碎辣醬汁，側邊仲放了好多舊豬頸肉🐷同埋蕃茄仔🍅，成碟飯嘅辣味就源於泰式肉碎醬，其實又唔算太辣，就係要關照返怕辣的傻豬豬，真係覺得太辣又可以食返粒蕃茄仔，酸酸地即刻中和返。豬頸肉肥瘦適中，咬落肥肉位咇咗啲油汁出嚟，肉質食落去都幾爽口，蛋包飯嘅滑蛋🥚炒得質感唔錯，仲有蛋汁留在面頭，又唔會過老實哂，連埋白飯一啖一啖咁食，好快就清哂。以為⋯食緊⋯片皮鴨比薩，$138
呢個片皮鴨pizza真係好少地方見過，fusion菜得來唔知好唔好食呢？講真，真係以為⋯食緊⋯片皮鴨，一大個Pizza🍕分成六塊，每塊上面都鋪滿好多鴨肉🦆，醬汁用相片皮鴨的甜醬，仲加埋青瓜條🥒及大蔥🌿做配料，成件事就真係好似食片皮鴨咁，只不過用上西式嘅薄批餅乾底取代了包皮，好似食緊中式但係又食緊西式菜咁，真係幾特別！咁都被《ZipZip》諗到呢款菜式，掂！山葵明太子手撕雞，$88
新出左呢款醬汁撈手撕雞喎，有明太子、山葵明太子同埋黑松露醬揀，山葵明太子咁特別，當然要試吓特別嘢啦！
一兜份量都幾多吓，啖啖手撕雞無骨，雞肉滑溜，最特別係個山葵明太子醬，Wasabi味重，但撈左偏鹹味的明太子，變成唔攻鼻👃🏻，側邊仲放了好大一塊嘅蝦片，將蝦片啪成小塊，再放上山葵明太子手撕雞喺上面一齊食，加多一重脆卜卜嘅口感，呢款餐前小食特別得來又幾飽肚，值得一試！牛油果奶昔，$58
阿豬媽同熊妹都好鍾意食牛油果🥑，當然點返杯牛油果奶昔開心吓啦！奶昔質感幾creamy，牛油果味道唔算好濃，因為牛油果嘅淡味，所以加入咗啲蜜糖，令到成杯飲品出返啲味道，幾特別嘅做法！今日咩心情？__？，$58
食到咁豐富，當然要點埋甜品先叫完美啦。再睇吓今日係咩心情，出款咩蛋糕。竟然係黑芝麻巴斯克芝士蛋糕！巴斯克芝士蛋糕已經夠驚喜😍，仲要係黑芝麻味道，真係令到熊妹無法抵擋！從來，熊妹都認為黑芝麻做的甜品係非常之吸引，因為黑芝麻味道好香濃，加點糖做甜品係非常之夾。
果然無失望，巴斯克嘅軟心位做得好出色，一上枱已經睇到中間流心位置湧了出來，黑芝麻味道十足，超級香濃，中間軟心芝士🧀好幼滑，再加埋面頭少許帶點鹹味嘅奶蓋芝士，滋味甜在心頭！今日咩心情？熊妹有幸今日食到黑芝麻巴斯克芝士蛋糕，簡直係靚爆鏡的心情啦！📌一頓飯除了食物味道，環境同感覺都好重要。無論《Mamaday》定《ZipZip》大玩多國fusion菜，餐廳環境玩味十足，令人有種喜悅感🤡，難怪以前到而家都仲有咁多fans捧場，熊妹都係其中一個🤗！

🎏阿豬媽成日嚷住要食日本嘢🇯🇵，又想食刺身又想食串燒，講到要多元化，梗係去居酒屋喇🏮。📌熊妹聽講位於佐敦廟街附近，最近開咗間新嘅居酒屋《霜月居酒屋》，今日熊妹同阿豬媽行完旺角之後就過嚟試吓呢間日本嘢。📌《霜月居酒屋》位於佐敦永安百貨中心隔離，附近都係食煲仔飯🍲、大排檔多🔥，所以都可謂鶴立雞群！門口擺咗兩大個日本釀酒呈，咁得意行過都會望兩眼👀。📌店舖唔算好大，有三張四人枱，同埋一張大枱，都好切合居酒屋小班人來聚餐🍴，把酒談歡的格局。📌牆上貼有日本啤酒、相撲手等等充滿日本風情的海報，佈置得都幾有居酒屋嘅風味🎎。📌黎得居酒屋，多款日本美食都應有盡有，包括刺身、壽司🍣、炸物、佐酒小食、串燒🍢同炒飯🍛等等，飲品當然就不少於日本清酒🍶同啤酒🍺。三文魚刺身，$68
以刺身嚟講，阿豬媽同熊妹最鍾意食三文魚，非叫一碟刺身不可。一碟有五大塊，真係好大一塊，大到連豉油碟都裝不下，一點兩次先點得均勻，厚切，入口好豐滿，無雪味無渣唔散，所以話，要食刺身先可以食出魚生嘅最鮮味。特選壽司盛 - 霜，$198
壽司盛盒都有好多款，而且仲有反卷，阿豬媽想來想去，最後都係想食呢款特選壽司🍣，入面包含八款不同種類嘅魚生刺身，咁先夠滿足。
八款魚生包括赤身、油甘魚、三文魚、紋甲魷魚、左口魚邊、赤蝦、穴子同埋海膽，各款魚生厚切，肉質肥美，連壽司飯點豉油Wasabi一齊食，真係好高級嘅味蕾享受🔝。
而當中，阿豬媽最欣賞嘅當然係最高檔次的海膽軍艦壽司，海膽上面就放了丁點山葵，唔需要點任何豉油Wasabi醬汁，一旦放入口，味道濃郁，口感嫩滑，沒有腥味，明顯係高級的食材。
而熊妹就最喜歡穴子壽司，穴子比起鰻魚來說比較瘦，油脂少一點，size都細一點，所以肉質比較實一點， 不過同樣地有塗上醬汁，味道香濃，成條穴子尾包住一舊壽司飯黎講，份量都幾多。
有八大款美味嘅刺身仲包埋海膽，都係$198咁嘅價錢，絕對係相當抵食！牛肉秋葵卷，$33
一片薄薄的牛肉片包住半條秋葵，面頭灑想調味料，一咬落去，粒粒秋葵籽泌出嚟再連埋牛肉一齊食，一啲都唔油膩。厚燒仙苔牛舌（上），$48
牛舌👅一串五小件，燒到剛好唔過老，食落去爽口又有嚼勁，送酒佳品，牛舌從來係無法抗拒嘅日本串燒。
秘汁燒牛小排（下）， $43
汁燒牛排🥩一串有五六件，燒出嚟嘅醬汁好香濃，牛小排肉質軟淋，無根無渣無骨，食落相當滋味。自家制雞團子，$58
雞團子🐥一直都是熊妹最愛的日式串燒🍢，由攪碎的雞軟骨同雞肉組成，最重要係跟上的月見醬汁，沾上雞團子表面，甜甜嘅醬汁再帶出蛋黃嘅味道，好惹味。法式羊架， $43
阿豬媽鍾意食羊架🐏，一定叫一碟俾佢啦。羊架唔算好大一個，好窩心地，骨架末端部位包起左錫紙，可以讓食客拎起羊架扯嚟食之餘，又唔會沾污手指。
拎起羊架咬嚟食真係知滋味過慢慢切成一件件咁放入口，不過禮儀嘅問題，都係乖乖地切細切喇。羊肉嘅肉質燒到剛剛好，一啲都唔韌，又冇血水，但係肉質又非常軟淋，表面放上調味料來燒，保持到羊肉少少嘅騷味，但係又唔會太過龍接受唔到，呢個羊架真係做得幾出色！原條鰻魚，$118
原條鰻魚窩心地切一件件，一碟上，起碼都有8至10件，執燒的鰻魚醬汁濃郁燒到肉汁軟淋，太好了，係熊妹鍾意食嘅口感而唔係爽口嗰款，醬汁味道濃稠，燒到將着鰻魚表面，仲灑上芝麻，多一重香味。阿豬媽同熊妹就真係好鍾意食鰻魚，平時買一條都要咁嘅價錢喇，阿豬媽都會買一條鰻魚返屋企蒸飯嚟食架。芝士年糕，$38
芝士年糕🍘有驚喜喎，面頭燒到少少金黃色又唔會燒過燶，外層軟糯的年糕，入面真係包住香濃嘅芝士，就算放涼了都沒有變硬，包埋紫菜一齊食，多少少鹹味，平民嘅小食其實已經好啱熊妹口味。吉列廣島蠔，$78
食咗咁多嘢，阿豬媽仲睇中呢款炸廣島蠔🦪，咁都要試埋佢。吉列嘅炸法絕對合格，外層嘅麵包糠製造的空氣感岩岩好，剛炸起咬落去好酥脆，包裹住入邊嘅廣島蠔肉質肥美，鎖緊鮮甜的蠔汁，咬落去啖啖蠔汁流了出來，真係要小心辣口，炸物再點埋跟上的沙律醬就更加滋味😋。一碟三件食完再食都唔夠喉。📌香港地，食肆競爭激烈，要突圍而出，吸引到食客再三回味，食物的質素同味道係非常關鍵的元素，《霜月居酒屋》在食物嘅選材方面絕對係值得一讚！

🗓熊妹同樹熊難得放正紅日，梗係出街食，湊下節日熱鬧啦！今次嚟到銅鑼灣，要搵間樓上Cafe又想環境靚啲，聽講《Umi》有個無敵靚海景🌌，其實熊妹都想去好耐，今日一於去感受吓咩環境。📌《Umi》開中午12點到下午4點，然後晚上6點到10點，中間4-6點係落場時間。📌餐廳都幾大，L型格局，一邊放上了8張二人枱，另一邊有兩大張四至六人沙發枱🛋，而對住無敵大海景嘅窗口位就係兩張二人枱同埋兩張大枱，想霸到窗口位🖼，真係要早啲Book定枱，因為個個都識得book枱，然後早啲嚟到攞位，真係手快有手慢冇，好彩熊妹今日book左晚上六點，都早咗5分鐘黎，成功地坐到窗口位，環境特別係窗口位對熊妹嚟講真係好緊要㗎！📌位於灣仔告士打道，其實都屬於銅鑼灣尾灣仔頭，告士打道就係海旁附近，一定對住成個海景。《Umi》仲要係13樓高層，成個尖東海景真係一覽無遺👁。📌大路嘅Cafe餐牌，有意粉🍝、all day breakfast🍱、漢堡🍔、沙律🥗、小食🍤同甜品🍩，當然仲有沖調咖啡同埋non-coffee特飲，價錢都唔貴，主食類別都係$128至到$158，加$28有檸檬茶特飲及乳酪杯，或者加$48有自選飲品及精選甜品，加$88就有自選飲品及自選甜品。一杯飲品價錢都要40幾蚊，熊妹認為加$48的套餐就最抵食，即係等於送多款甜品✨。自家手打和牛芝士漢堡配脆香薯條，$138
漢堡包好大一個，熱熔芝士🧀鋪係漢堡排上面被燈光照住真係好似發光咁🌟，手打漢堡扒超厚一塊，真係有一寸咁厚，肉質唔散，煎到啱啱好，咬落去漢堡肉超Juicy仲有肉汁流出嚟再帶點芝士嘅鹹香，然後一片新鮮生菜同埋蕃茄🍅再解肉類嘅油膩，漢堡包嘅滋味就係點解熊妹咁鍾意食漢堡包嘅原因。連個包都有驚喜，係大大個黑白芝麻包🍞，搽上牛油烘烤過，粒粒芝麻味好香，仲有淡淡的牛油味，就咁食個包都已經好有味道！
伴碟有好一大堆脆香薯條🍟，呢款薯條係中型size，脆炸的形式就算放涼咗都仲係好香口，熊妹鍾意食喎！甲羅燒配龍蝦汁海鮮意粉，$158
好驚世地發現有呢款意粉🍝，坊間好少有，而且眾所周知，甲羅燒呢啲咁名貴嘅食材，係居酒屋入邊食一隻都要百幾蚊，而家係可以連埋海鮮意粉都係咁嘅價錢，諗都唔使諗梗係試吓啦！
真係成隻甲羅燒🦀放喺中間，入面裝住滿滿的蟹膏，仲有滿瀉嘅一大堆蟹籽，真係澎湃到瀉晒出嚟，呢個份意粉一上枱已經成為枱上嘅主角。先用匙羹筆出一啖甲羅燒入邊嘅蟹膏連少許蟹籽放入口，即時品嚐蟹籽蟹膏嘅鮮味，濃烈嘅味道認真可以喺口腔入面停留一陣子，慢慢細味品嘗。然後再將多到滿瀉的蟹籽同蟹膏撈入意粉入面一齊食，本身意粉用上龍蝦汁烹調，龍蝦嘅鮮味已經超重，再撈埋蟹籽蟹膏一齊食，濃郁嘅海鮮味出晒嚟，仲有帶子粒同埋蝦仁多款海鮮配料，好似食緊一頓海鮮餐咁，材料豐富到好似不惜工本咁，賣大包，咁益街坊。真係平民嘅價錢，甲羅燒嘅味道！爆谷綠鴦，套餐連精選甜品，$48
喺咖啡款式入邊見到呢款爆谷綠鴦，聽個名幾吸引，唔知係咩嚟嘅？
原來係牛奶咖啡溝綠茶，所以叫綠鴦。中式鴛鴦係奶茶溝咖啡，呢款可以話係西式鴛鴦，沖調咖啡溝綠茶凍飲，又幾特別喎！
面頭一層牛奶泡沫，然後三份二杯係牛奶咖啡，仲有底層綠茶，形成一個漸變嘅顏色對比，加埋四粒金黃嘅爆谷放喺奶泡上面作點綴，賣相已經攞晒分喇！💯
先入口嘅係牛奶咖啡☕️，味道唔甜，所以咖啡味好出，然後小小嘅綠茶漿🍵會慢慢湧上來，帶點甜味又有苦澀嘅綠茶漿質感濃稠，所以沉喺杯嘅底部，形成咖啡上輕綠茶下重嘅漸變效果，再將濃濃的綠茶漿與咖啡輕輕攪拌，就會形成呢個綠鴦，咖啡中又帶點綠茶嘅味道，呢個做法真係好聰明！無論視覺同味覺效果都好出色，特別得來絕對唔伏，值得一試！綠茶慕絲蛋糕
精選甜品竟然係中左熊妹最愛嘅綠茶蛋糕，又坐到窗口位又食到最愛嘅綠茶甜品！今日嘅幸運指數簡直係爆燈💡！Yeah！慕絲蛋糕🍰唔係好大件，慕絲嘅效果做得幾唔錯，唔會太稀太溶，但又唔會過膠過硬，就係剛剛好creamy的質感，綠茶味都出，蛋糕入邊仲放咗同綠茶甜品最佳拍檔嘅紅豆蓉，係苦澀嘅綠茶中帶多一點甜味，面頭仲曬咗啲卜卜米增加口感，呢款蛋糕就係好簡單但係又會令人好滿足嘅甜品。檸檬茶特飲，套餐連乳酪杯， $28
樹熊淨係鍾意飲檸檬茶🍹，好彩有得叫！簡單的檸檬茶再加多一片檸檬果乾片，檸檬果乾🍋喺檸檬茶入邊浸耐了，釋放返佢本身用糖醃製了的甜味，就變成特飲。乳酪杯
細細地一杯乳酪杯上仲有啲蜜糖卜卜米， 酸酸甜甜的乳酪，飯前飯後都🉑清一清口腔味道。📌熊妹覺得揀六點呢個時間真係幾好，坐住窗口位🖼，可以望到昼日的尾聲🏞，然後漸變夕陽的傍晚🌅，還有晚上五光十色的夜景🌃，《Umi》以樓上Cafe嚟講價錢咁親民，仲有咁靚嘅景色，試問還有什麼可以挑剔嘅地方？

🎯熊妹上次去咗銅鑼灣Tower 535 食飯，見到3樓有呢間Pet friendly Cafe 🐾《Couch Club》，梗係拉埋近期寵物網紅𡃁妹帶埋佢啲毛孩🐶一齊過去chill返個下午啦！📌門口有塊木製屏風掛住一塊寫住「營業中」的木牌🏷，成個日本風味好出哂黎🎎。📌一入到門口左手邊就係大大部咖啡機，已經聞到濃濃嘅咖啡味，真係急不及待叫番杯咖啡醒神吓！📌門口仲有一張木凳仔，相信係好多狗仔打卡位的地方 📸。📌餐廳都幾大，樓底超高，光線充足💡，感覺好開陽。分開左兩邊，一邊係好休閒嘅沙發位🛋，另一邊佈局成露天雅座（但其實都仲係室內😂），可以帶狗狗入嚟一齊進餐。都有好幾台客有幾隻毛孩同大狗仔，成件事好似狗仔聚會咁，非常熱鬧。📌露天雅座仲有一個好舒適嘅corner梳化位，成個裝修格局好美式系🎰，仲有啲美式燈箱同埋滑板🏂，呢種風格好少見。📌食物款式以輕食為主題，係日美式fusion菜，當中日式明太子蛋卷、日式班戟、日式意粉、美式芝士通心粉等等都係招牌菜，另外，仲有一個日式自選便當🍱，自己配搭菜式同主食，又幾特別喎！📌飲品方面，當然有咖啡機沖調嘅拉花咖啡，另外仲有幾款日式甜品🍮，輕食得來都幾多菜式選擇。B.Y.O.B.-Build Your Own Bento，$128
呢款B.Y.O.B.咁特別，梗係要試一下啦！B.Y.O.B.-Build Your Own Bento，顧名思義，自己便當自己揀，首先揀一款主食，可以揀日本米或者烏冬，或者加$10有沙律或者加$15有蕎麥麵，然後揀兩款蔬菜或者蛋類，有玉子豆腐、秋葵、南瓜、薯仔沙律、糖心蛋溫泉蛋等等，最後揀埋兩款肉類，有雞肉餅、五花腩片、炸雞，或者加$8有比目魚或者加$10有日式炒牛肉等等。
經過一輪討論之後，最後熊妹同𡃁妹卜搥揀咗椒鹽玉子豆腐、糖心蛋、手打雞肉餅配牛油香蒜日式菇汁、味噌比目魚同埋木魚湯烏冬。椒鹽玉子豆腐
一碟有三件玉子豆腐，一般食玉子豆腐都係滾湯咁食，椒鹽玉子豆腐輕輕炸起灑上椒鹽，但香味好重淡淡淡香豆腐味好重炸起灑上椒鹽，size都好大一粒，啖啖蛋香玉子豆腐味好重，當小食咁食健康又滋味。
糖心蛋
合格嘅糖心蛋做法，熊妹不嬲喺屋企都會煮開日本糖心蛋，就係用7分鐘嘅煮蛋方法，所以糖心蛋合唔合格，熊妹一試就知。日本蛋嘅橙黃蛋黃漿耳半凝固嘅狀態，流心得來又會漿住喺蛋黃面，連埋蛋白半隻蛋一蛋啪入口，非常濃郁嘅蛋味同實在的蛋白口感，日本蛋真係唔同啲！手打雞肉餅配牛油香蒜日式菇汁
雞肉餅有兩件，驚喜在入邊擺咗冬菇粒🍄，雞肉配香菇味道不嬲都好夾，彈牙嘅雞肉餅入邊慢慢滲透香菇味道，啖啖肉好過口癮，值得一試！味噌比目魚，加$8
比目魚size唔算好大一舊，魚皮表面煎得剛好熟透，魚身軟淋好厚實，一啲都唔散，仲要冇骨，加上味噌去燒，蓋過哂魚嘅魚腥味，唔錯！
木魚湯烏冬
烏冬都唔算好大一碗，熱呼呼♨️嘅木魚湯鹹鹹地，日本烏冬煙靭嘅質地就不在話下，食每一啖烏冬都沾上木魚湯嘅味道，好快地𠽌一聲就食完一碗。唐揚炸雞楓糖漿班戟，$129
第二款主食，叫咗呢個招牌班戟，好似鹹食但又好似係甜食，又鹹又甜，都應該幾過癮！
炸雞班戟兩塊有厚度，上面擱置咗一件大大件炸雞，炸雞上面仲有一件沾滿了蛋黃醬的benedit egg，望落去已經流哂口水！
首先可以拮穿benedit egg令中間蛋黃汁流出來，撈埋炸雞一齊食，炸雞外皮係奇趣炸，非常之脆口而且炸到收緊晒油分，食落口唔會感覺好油膩之餘，卜卜脆嘅口感就好似食緊好厚身嘅脆片，炸皮厚但又keep到內裏雞肉嫩滑，熊妹認為呢隻炸法幾好味。
牛油班戟好厚身，唔係空氣感，牛油味適中，口感好鬆軟，再唧上蜜糖一齊食，又鹹又甜。抹茶黑芝麻拿鐵，$50
抹茶拿鐵成日飲，黑芝麻拿鐵都飲過，就係未見過有抹茶黑芝麻拿鐵，仲要係熊妹最愛嘅兩款口味，一見到真係心心眼左😍！
顏色上面都係以綠色為主題，可能因為黑芝麻粉比較重，所以沈喺底，飲落去，會先飲到淡淡嘅抹茶味再慢慢滲出濃烈嘅黑芝麻味道，但兩者味道又唔會撈埋變成唔知咩味，原來抹茶撞黑芝麻係會有咁既層次效果，等如一杯飲到兩款口味，真係滿足晒熊妹貪吃嘅慾望！美式咖啡，$38
𡃁妹今朝好早起身，所以想飲杯美式咖啡醒一醒神！香濃嘅黑咖啡味道會持續縈繞喺口腔入面，就算咖啡放涼了，nutty嘅味道都依然存在，呢杯美式唔錯喎！海鹽奶蓋提拉米蘇，$62
甜品方面發現有呢款提拉米蘇，原來係冬日限定款，雖然天氣已經變熱，但要捉緊冬日嘅尾巴就要快啲試吓啦！一個雞尾酒杯呈上🍸，厚厚嘅mascarpone cheese奶蓋包住浸滿espresso的手指餅，面頭仲灑滿咖啡粉，一啖筆入去，香滑的芝士奶蓋撈入濃濃嘅咖啡手指餅極為滋味，最重要係奶蓋面灑上咗啲海鹽，食到最後帶少少海鹽的鹹味，加重了mascarpone cheese🧀本身淡淡的鹹香味，好掂呀！📌喺銅鑼灣Towner 535 咁高檔次嘅地方真係好難得可以有一間咁休閒嘅Pet friendly Cafe，可以讓主人們帶着毛孩們過一個輕鬆懶閒嘅下午✨。

🌋魷魚妹鐘意食泰國菜，熊妹知道專食泰國燒肉鍋的《小火山》最近出左個新菜式泰大鑊海鮮麵，聽個名都好吸引，就帶魷魚妹去試下。📌《小火山》位於銅鑼灣冠景樓1️⃣樓，在鵝頸橋附近，位置都唔難揾。餐廳地方好大，以泰國火鍋及燒肉鍋為主題，所以好多張四人以上的坐位，地方闊落，燒肉打邊爐叫多啲人圍爐先食得多啲野嘛！📌中間仲有個放哂音樂器材的live band音樂台，原來逢星期五、六、日晚上七點開始有live band show🥁，相信一路食一路聽歌🎶，氣氛一定好激昂🎙。📌餐牌啲菜式好colorful，望到都想食。除左招牌泰豬鍋，泰國餐廳點會無泰國菜式呢？沙律、前菜、小食等等，泰國菜真係好多款式！📌新品泰大鑊海鮮麵，餐廳都有教路，先食完個麵，再加火鍋材料變打邊爐🍲，成個食法就類似食雞煲咁，呢個就泰式化🇹🇭！
蝦片任食，$56
首先出場係一大兜蝦片！一個藤籃裝住好大兜泰國蝦片，大大塊，食落好脆口， 一定唔係炸左好耐放涼了，氧化左變淋，重點係，可以無限添加任食🆓，香口野係食極都唔完架！來！Encore！泰大鑊冬蔭海鮮麵（四人份），$398
就係佢喇！終於見到真面目，真係太大穫！其實係四人份量！材料有四隻蝦🦐，四隻扇貝🐚，四隻雞蛋🥚，一堆蜆、肉碎🐷同魷魚🦑，當然，仲有成底冬蔭湯麵做底，形成呢個泰大鑊冬蔭海鮮麵。餐廳教落就先張蛋黃打散撈勻入湯底中，可以沾上蛋黃液，然後大穫麵就食得！材料真係好豐富，海鮮配冬陰功湯好惹味，湯底都幾辣，越煮越濃稠，辣味就更出。海蝦浸咗落冬陰功湯入邊煮滾，噀埋外殼嘅湯汁，入邊嘅蝦肉鮮味彈牙，最緊要噀埋蝦頭蝦膏連湯汁，滋味無窮。泰國麵會越煮越淋，但係又唔會煮爛喎，索哂冬陰功湯汁真係好惹味，不自覺地連湯都飲埋。兩個人食四個人嘅份量，比起四個人食返自己份量，係超大🈵足！因為食完一款材料會想食再食多一次，再食真啲個味，就係咁食吓食吓食晒成鑊大鑊麵。真係大鑊啦，又海鮮又蛋黃又冬陰功湯，今次膽固醇一定爆煲啦⬆️！熊妹都唔知點算🤷🏻‍♀️？美國極級牛板鍵，$88
食完大鑊麵，就梗係嗌啲火鍋材料打邊爐啦！打邊爐就梗係要食牛啦🐮！美國極級USAD絕對係想上品貨啦！一定要點嚟試吓！一碟有四塊，超級大一塊🥩，直情大過手掌👋🏻，鮮紅嘅嫩牛喺火鍋入邊淥一淥♨️，所有雪花脂肪為溶化晒，變成一片好瘦嘅牛肉，食落口好重牛味！真係超級正！咁大一片食落口真係好滿足！竹笙蝦滑（6件），$52
竹笙入面包住左蝦滑🍤，咁嘅食法好特別喎！又幾唔錯喎！竹笙嘅質感好似海綿🧽，索哂鍋嘅湯汁，然後再咬彈牙的蝦滑，比起平時食的下滑帶多少少湯汁，真係新奇又好味！泰國豬肉丸，$38
平時食船麵食到的泰國豬肉丸🍡，而家攞埋黎打邊爐就啱晒啦！細細粒size啱啱好，可以一啖擺入口。芝士奶蓋泰式奶茶，$48
魷魚妹不嬲都鍾意飲泰式奶茶🧋，但係猶豫咗好耐究竟叫唔叫埋奶蓋好，因為怕肥，不過奶蓋泰式奶茶就實在太吸引，唔點唔得！
呢杯芝士奶蓋泰式奶茶真係無得輸，泰式奶茶唔係一般的假甜，唔算好甜仲要都幾出泰式茶味，而厚厚的奶蓋忌廉慢慢滲透係奶茶入面，吊出芝士奶蓋的鹹香味，熊妹敢講，這杯泰式奶茶比起坊間好多著名泰式奶茶的茶飲店更為出色！
菠蘿沙冰，$58
大大杯以菠蘿外型做的玻璃杯好特別！菠蘿味有🍍但唔算突出，食辣野時飲返杯冰凍的沙冰真係好解渴🥤。📌《小火山》環境大又無限時，全港首創的泰式大鑊麵，未食過真係要試下！

⚓️熊妹今日早放工，又等埋放工卡肥放工，就一齊去到灣仔一間秘密西餐廳《Flagship》食西餐。📌之前熊妹同啲豬朋狗友嚟過灣仔船街飲酒🍾，發現了呢間隱蔽嘅西餐廳《Flagship》就喺船街嘅盡頭，門面設計西式得來有啲復古嘅味道，仲有啲花草樹木💐做擺設，成個後花園咁特別，所以一早book mark咗📝。📌門口有個露天雅座，有個黑色大帳篷，好似人哋拍攝電影咁，唔講以為係拍攝場地📽。📌餐廳有兩層，以木系嘅裝潢，仲擺咗啲盆栽種植，好似一間西式嘅獨立屋咁，自成一角。📌入到餐廳樓底都幾高，用上白色磚枱凳，燈光好鮮明，有四五張二人枱，或者合併做死人枱，仲有二至四人嘅梳化位。📌另外，上一層樓梯，仲有樓上雅座，都係有多張二人枱，同埋一張可以容納五至六人嘅大枱，成個氣氛真係充滿歐陸風格的西餐廳。📌西餐Menu一大張，令人一目了然！前菜、沙律、主菜、意粉、燴飯同甜品都有齊，有啲菜式仲要係混合多國菜的款式，有混入泰式風味嘅冬陰功，又有港式風味嘅避風塘口味同中菜麻辣風味等等，成件事切合香港人口味，原來都唔係西式咁簡單喎！📌Drink menu就當然唔少得酒精類飲品啦🥃，紅酒🍷、白酒🍾、香檳🥂、雞尾酒🍸通通都有，仲有Happy Hour時段添，酒吧餐廳，唔食嘢都可以過嚟飲番杯🍻！香煎章魚鬚，$148
哇！章魚鬚🐙好大一條喎！係真係成條章魚鬚咁上，唔係剩係得魚鬚嘅尾尾，章魚鬚煙熏味好重，咬落去好彈牙好有口感，煙靭得來又唔係鞋口，唔會咬唔斷，應該係首先將章魚煮熟透之後再去煙燻，廚師仲將章魚前面較厚嘅位置設成一嚿嚿，容易熟啲同入口啲，再加入了大大粒魚子，食章魚鬚時連魚子一齊食，爆出嚟嘅魚子汁再調出鹹鹹的海鮮味，同章魚鬚煙燻味互相輝映，味道幾特別！沙律菜用上近期大熱的健康食品-羽衣甘藍，本身有一種獨特嘅普通話，廚師聰明地用上八珍甜醋代替了一般西式用嘅黑醋汁，八珍甜醋份外香味再帶點甜味，可以大減羽衣甘藍嘅草青味，容易入口啲，食完章魚鬚再食羽衣甘藍就可以消除濃味，成個食材配搭幾夾。21天熟成厚切豬扒，$338
卡肥主要係食肉，主食點了呢款厚切豬扒。嘩！成塊斧頭扒咁嘅樣，厚切豬扒有成一寸咁厚，豬肉一定要煮得熟透先可以食，慢煮方法煮12個鐘，成塊豬扒嘅每一個部位慢煮得非常平均，唔會過生唔食得又或者煮過龍太鞋口，由外到內的熟度同厚度都係一致，所以咬落去的豬扒口感好厚實，啖啖肉，無根又無渣仲有少少肥肉位，卡肥話豬扒就係要有啲肥肉咬落去再帶出油脂嘅味道先至好味，卡肥欣賞就得啦！配菜仲有雞髀菇、蘆筍、甘筍同翠玉瓜，全部都煎烤過，食完肉再食啲菜先可以中和返豬肉的油膩，呢個厚似豬扒真係烹調得好高級！特色卡邦尼意粉，$238
食完肉食就食款澱粉落肚啦。卡邦尼一般芝士奶油忌廉汁配上煙肉粒，呢款特色卡邦尼特色在中西混合菜，沒有用上西式的煙肉粒取而代之，係金華火腿同臘肉，中式嘅臘肉醃製過，比係煙肉嘅鹹香味多一份甜味。本身卡邦尼醬汁都係偏鹹少少，加啲甜味中和，成件事又真係幾有特色，意粉就用上扁意粉，食落去好有嚼勁，今次呢個中西配搭做得掂！📌估唔到灣仔後街有間咁有特色嘅西式後花園，成個裝潢充滿歐陸風情，放工過來與友人們過來聚一下，品嚐美酒佳餚都幾有氣氛，難怪咁受一班上流上班族嘅歡迎！