鑑於近日天氣轉涼，收工又想同女朋友去食餐好ge,就揀左係女朋友屋企樓下ge牛涮鍋 其實都好想試呢間邊爐好耐，平時酒樓打邊爐就食得多，日式火鍋又好少試，而且其實價錢黎講如果你揀平d ge其實都同酒樓差唔多，而且質素有保證嘛！當然，豪得起ge你可以揀盛惠每人三百幾蚊ge和牛任食la! 今次我地就揀左$188 ge 上級美國進口牛肉套餐，可以任食上級美國進口牛，豬肉，特選嫩滑雞脾肉同普通美國牛肉，而湯底方面就六選二，我地就揀左豬骨湯底同蕃茄湯底。 先講湯底，豬骨湯底聞落好香，不過略嫌味精味稍重；而蕃茄湯底方面就十分鮮甜，睇得出係新鮮而且足料ge。 到主角 - 牛肉:今次ge上級美國進口牛肉，肉同脂肪比例都算平均，而且肉味濃郁，加上薄切ge關係簡直可以瘋狂encall!鍾意傳統口味ge朋友可以配搭豬骨湯底，彼此之間幾配，可以食到牛肉的原始香味;鍾意新鮮ge朋友亦可以以蕃茄湯底配搭，鮮甜的茄香亦可引出牛肉的味道，令人食指大動！至於配角的豬肉及雞脾肉亦不錯，質素有保證！ 黎牛涮鍋不得不提ge一定係旁邊任攞的配菜，有各式各樣的蔬菜，食品和麵食等等。今次想特別提及幾種帶來驚喜，值得一攞再攞的小食 - 第一為芋頭魚丸，裡面香甜的芋頭蓉與魚肉出奇地配合，再加上鮮茄湯底令味道更加昇華；第二為芝士丸，並不是坊間超市可買的普通芝士丸，而是應該經過特別調配，芝士特別香濃；第三為南瓜年糕，與芋頭魚丸相似，裡面的南瓜餡十分香甜。 最後我們一共解決了三大碟牛肉加上其他肉類和無數小食，再試了味道不錯、任食的蜜瓜牛奶雪糕，為這豐富的一餐劃上完美的句號！

最近洗大左 但又要同朋友出街究竟食咩好？ 如果想有個地方坐得舒服啲傾下計 又唔會太貴 沙爹王就岩哂啦 我同朋友琴日去左尖沙咀金馬倫道新新地個間沙嗲王到食 樓上鋪 地方地幾大 藍色佈置 幾新淨同舒服 如果想幾個朋友揾個地方坐耐啲吹水 依到都幾值得推介!! 食物方面 我地今次三個女孩子叫左個二人套餐 都幾扺食 個套餐裏面有係沙爹王必定要食嘅 1.白咖喱豬扒飯 2. 蟹粉豆腐煲 仲有兩個前菜(一係沙律醬薯蓉 一係餐湯） 仲有一個小食 兩杯餐飲同兩個甜品 我地就叫左蜜糖芥末雞翼 一杯熱紫薯牛奶 一杯芒果西米汁 同兩杯haagen dazs 雪糕 個白咖喱豬扒飯個汁唔駛講 佢甜甜地 好有香茅蒜香味 送飯係一流 而且個豬扒都好大塊 煎得唔會好濃 好香口 至於個蟹粉豆腐煲 佢係個煲到"咋咋"聲 啲蟹粉嘅香味傳入你的鼻 依個飯雖然冇咩肉 但都會令你每次黎到都想叫!!! 至於個小食 雞翼雖普通 但其勝在個蜜蜜芥末醬夠多個香 雞翼都幾大隻 都值得推介！而我個朋友話杯芒果西米汁成個糖水咁 飲到佢好飽xd 不過幾好飲 而我會推介個紫薯牛奶 冬天飲下熱飲嘛 再加上佢唔會好"溜"好濟 甜度適中 我下次都會繼續飲 你地都可以試下

本尊 呀唔係 係本人已經係第二次黎銅鑼灣依間mr steak 食buffet 雖然價錢唔算平 但係buffet 嘅價錢都係咁上下 依到嘅服務好好 換碟速度快 食物種類又多(大家可睇相) 如果早啲book 枱book到坐玻璃窗位就更正 總括而言 一年食一次都幾扺架 未食過嘅一定要黎食!! 今次我同男朋友就醒 食左好多野後都未算飽到想嘔 我地首先攞左啲菠蘿同哈蜜瓜開胃 啲水果好甜好新鮮唔會太過凍 之後我地就食日本刺身 同勁多隻生蠔 (生蠔才是重點吧!! 我地總共食左廿幾隻.... 好有鮮味 以前我食生蠔會加好多茄汁 因為想淹蓋個啲腥味 但依到啲生蠔好有海水味 加啲檸檬汁原汁原味已經足夠😘 食到咁上下就開始食長腳蟹同龍蝦 同樣海水味好濃 好好味~~ 當然唔少得就係鵝肝 細細舊 唔會太"溜" 自己可以加舊哈密瓜配搭下 都唔錯架 鐘意飲湯嘅就岩哂 個海鮮酥皮湯熱辣辣岩岩出爐 岩哂係冬天飲架 最後最重要嘅緊係個心太軟啦 啲師父已經好有經驗會幫你將啲好肉麻嘅話寫係隻碟上面為你傳達心意而面不改容 不過佢地啲字同畫真係幾好架 食埋個心太軟一定甜到漏 想比個sweet嘅surprise 比另一半 依到真係值得推介!!!

本人其實都好鐘意食吉野家 特別係細雞飯 因為除左有雞肉仲有野菜 懶係健康咁XD 不過最近同男朋友去左依間餐廳 明白到咩先係真正嘅野菜！ 我地叫左一個咖哩野菜豬軟骨飯同埋一個咖哩野菜牛肋肉飯 同埋兩杯鮮榨西柚橙汁 個豬軟骨好'淋' 聽講好似煮左八個鐘 好入味 啲軟骨'淋'到好似食緊花膠咁 入口即溶 而且有手掌咁大舊 裏面嘅薯仔同蘿蔔都好好味 好抵食 至於個牛肋肉飯啲蔬菜有茄子 菇 同四季豆 對於鐘意食茄子同菇嘅我簡直係正~~~ 杯橙汁好健康同新鮮 不過我就覺得太多渣 不過咁先係鮮榨呀嘛