今次喺鼎爺廚房嘅外賣自取實在令人失望。因為本人開緊會唔得閒去攞，所以叫咗同事幫我去攞，所以冇檢查張單，就算間餐廳好近，但係我哋其實都係第一次叫，點知道原來一次冇檢查就出事。

首先，過橋米線，豬肉（定唔知雞肉）好難食，牛肉有怪味，仲有送錯單嘅問題，整體體驗好差。

本應該阿爺叉燒五寶飯係飯嘅部分，餐廳竟然提供咗米線代替，冇佐個飯。叫五寶飯但提供嘅餸卻只有四種，仲要唔清楚究竟少咗咩配菜（可能係鹹蛋）。五寶飯變咗四寶米線，仲要外賣APP話我哋自取，冇得退錢。

最後，叫佢走韭菜，但佢竟然一條都冇走過。

一張單兩個午餐可以錯咁多嘢都真係匪夷所思，我完全未見過。真係唔怪得知其他人明明知道呢間餐廳咁近，但係從來都唔去幫襯。今次出面落雨落到狗屎咁樣，我哋先至走去叫外賣自取，點知中晒伏。

P.S. 有幾個同事都係叫外賣自取，但係間餐廳係直程漏咗佢哋張單。所以佢哋好好運可以退錢，然後走去第二間食。

外賣 計埋$50優惠券都要成400蚊，嗰度裏面仲有一個小食係45蚊嘅鴨血豆腐。個鴨血竞然淨係得三塊，同埋三舊豆腐。45蚊連埋呢個大大嘅膠盒，裡面非常之空虚。而且成個膠盒入面竟然連條菜都冇，真係令人非常之失望。

跟住仲有我專登加咗十蚊叫個手工麵，你真係好難想像個手工面可以幾咁難食，我從來冇食過啲咁難食嘅麵，然後佢嗰啲辣真係就咁加啲辣油上去，一啲調味都冇，直程就係茶餐廳嗰啲辣椒油到好多落去就算。

加上佢個價錢，我哋四個人食平均都要成一百幾蚊一位。成個用餐嘅經歷簡直就係不知所謂，令人眼界大開。破壞咗一個咁完美嘅星期日。千祈唔好去食，食完後悔系列。

The service at Sushi Iroha is equally exceptional, with a staff that is attentive, knowledgeable, and genuinely enthusiastic about sharing their passion for the cuisine. The warm and inviting atmosphere, combined with the impeccable service, creates a dining experience that is not only a feast for the senses but also a journey of the soul. In the heart of Wan Chai, Sushi Iroha stands as a beacon of culinary brilliance, a haven for those seeking an omakase experience that transcends expectations. With its dedication to authenticity, innovation, and excellence, Sushi Iroha has firmly established itself as a destination for connoisseurs and food lovers alike. Prepare to be enchanted, enthralled, and ultimately indulged in a gastronomic adventure that is Sushi Iroha.

首先，嗰度啲嘢係好食嘅，刺身係新鮮嘅。果度都多人既，就算係平日星期三夜晚，都勁多人。 但佢竟然可以張所有位都縮到勁！窄！勁！細！真係CLS咁都得，我真係唔知應該讚佢100%奉行香港地少人多既特色，定係話佢識善用資源好🫠 我哋四個人，兩個男仔兩個女仔，我哋連兩個男人坐埋一邊都做唔到。一定要一男一女坐一邊先坐到，個座位仲要連個背囊都放唔到，要放喺地下 明明好多位剩，但係竟然將四個人塞入一個正常西餐廳嘅二人座位。啲座位好窄，好難出入，臨走出去買單嗰陣，仲搞到我條頸巾比我逼到跌咗落地下😑 $4xx一條友，都未平到要我坐喺個d比大排檔仲要窄嘅位裏面食飯掛？ 然後嗰啲位靠背仲唔係固定喺地下！即係話你後面啲人坐低起身行嚟行去，你個座位就會俾人地郁到銀行銀下。🥲 跟住唔知道係唔係佢比員工嘅人工太低定係工時太長，個個都黑口黑面，又成日唔應人，上菜仲超級無敵慢🙄 Conclusion: 1. 衛生環境一般 2. 座位舒適度非常之差 3. 服務態度差 4. 食物幾好味 要唔要去呢度食嘢你自己諗啦。如果你生得又矮又細粒嘅話可能會好啲嘅。我會建議外賣拎走。

超級好食，it’s hard to find somewhere have a mix of tomato and numbing spicy food. I never eat tomato soup based with anything. And this was the first time I tried. It was impressive!!! Must try!!!!點解一定要我寫夠200個字，一定要試麻辣蕃茄濃湯！我喺譚仔要食中/大辣嗰啲人，但係啲辣都真係夠辣，鍾意食辣嘅人一定唔可以錯過！！

今日係星期日，我聽人講話呢間舖頭平時係要排晒長龍嘅，今日專登同男朋友去試吓食拉麵， Menu上面有好多拉麵揀，但係我男朋友本身唔係太好食面，佢只係陪我食，所以佢只係揀咗個叉燒飯，而我揀咗個辛拉麵(紅色辣嘅嗰個)。 我個拉麵係好快到，但係食落口，個湯底一般般，啲拉麵勁古怪，有啲似薯粉又有啲似膠面，我個辣拉麵因為本身冇跟一隻蛋，咁所以我就將叉燒轉咗做蛋。 本身我都唔覺得係咁難食，但係到個餃子上左之後，我就發現個餃子真係超好食，然後我男朋友個叉燒飯等咗好耐終於都煮好，我食咗幾啖佢個叉燒飯之後，我就完全點都食唔落我嗰個所謂嘅拉麵。 認真個叉燒飯真係幾好食，個餃子都煎得唔錯，相比之下，個拉麵真係幾難食，我本身係好討厭浪費食物嘅，但係我食咗半碗之後就真係食唔落。 一間餐廳總有啲野係特別好食，有啲係難食或者唔啱口味，但係身為一間拉麵店，淨係得拉麵難食會唔會有啲過分？

廢話唔講太多啦，首先總括地講一句，佢嘅裝修都比得上酒店嘅餐廳，但係食物就比街邊嘅上海店仲要差少少。 服務都非常之一般，紙巾又冇、餐巾又冇，啲侍應仲要非常之唔耐煩，黑口黑面。 本來阿媽鍾意食上海菜，就專登揀一間近我哋屋企嘅上海餐廳。 但係估唔到所有嘢除咗一般之外就係差。 金網生煎鍋貼個賣相，係唔錯味道一般 鮮肉小籠包四件，係唔錯嘅但係都唔係超水準。 花雕醉雞，酒味係幾大，但係啲雞非常之老，一啲都唔滑。 熏魚真係好一般，街邊嗰啲差唔多。 干扁四季豆幾好。 油豆腐粉絲湯，呢個湯我覺得唔錯。 上海擔擔麵，好普通，冇咩評價。 元貝賽螃蟹，都係太普通啦唔知有咩評價。 豆漿冇嘢講 酸梅湯，呢個真係過分，好似水溝酸梅湯咁，非常之淡，完全飲唔到酸梅湯味，$200任食嗰啲自助餐嘅酸梅湯都好過佢。

晏晝同啲同事嚟食午餐想試下食越南嘢，所以揀咗呢一間，唔知道佢邊一忽似係越南嘢，可能係服務態度掛？ 一開始都唔覺得有咩問題，直到隔離個同事啲飯到咗，佢食完曬啦，我嗰份都未到嗰陣我就知道出事了。 只係普通一個炒飯佢又炒， 點解我嗰份咁耐都未到，等到頸都長埋終於到咗嗰陣，點知到佢幫我走咗辣椒! 香葉肉碎炒飯梗係辣㗎啦？你幫我走咗啲辣椒做乜嘢呀？？我呢個飯炒到又淋又多水，仲要冇辣椒？佢另外畀碟辣椒我，大佬搵辣椒送飯咩。。 我另外要辣椒做乜嘢？我要辣嘅炒飯，唔係辣椒餸飯囉。。。 啲飯炒得唔好食都算，裏面竟然有舊骨？？ 大佬你只係香葉炒飯，有乜可能裏面會有骨碎？？仲要唔係蛋殼碎，係雞骨嗰啲骨! 差d 咬爆我隻牙囉，炒得差唔緊要，要食得落先得㗎？？？？ 我唔想浪費你成個飯所以全部食曬佢，利申真係想死

唔好食😑 "家鄉炆豆腐“直情好似煮錯咗咁，差d以為係自己煮，d 味燶到呢, 問佢係咪原本就係咁嘅味，佢仲要攞個menu睇，話上面咪寫咗有燶味囉。 1. 九轉小腸 , nono冇特色。味道同街邊果d 一樣10蚊一串都有啦。 2. 黃金荷葉包, good 感覺同漢堡包差唔多，幾好味 。 3. 酥炒芋心 ,good 甜甜地唔錯, 係外面未食過。 4. 百秒黃花魚 ,ok 味道幾鮮味嘅, 但係勁多骨囉😑 5. 傳統扁肉湯，ok 好似喺湯裏面食一嚿嚿肉咁。 6. 興化炒米粉, Nonono千祈唔好叫 , d粉碎曬又唔入味唔知想點。 7. 家鄉炆豆腐, nononononono, 難食到嘔, 我未試過食一啖豆腐係可以食咁耐, 一個豆腐已經可以令我以後唔想黎，仲話乜嘢米芝蓮一星級， 果種味道完全唔想回味。 8. 紅菜頭汁，good, 味道唔錯幾新鮮幾好味, 食完d難食嘅野，用黎漱口一流，p.s. 超甜

好衰囉，去食午飯，我地成枱8個人都食完，我個雞飯叫佐少飯都未到，已經吹佐2次，我食都冇食過就已經過佐半個鐘頭，冇辦法唯有成個飯帶走，食都冇食過囉 之前都覺得飯又硬又唔好食，有時仲要凍既，老細請食飯先去食，而家連服務態度都有問題，點去呀？ 下次老細請我都唔食，去對而街食面算，浪費我時間都算，仲要黑面，成枱7個雞飯，我又雞飯，點解只係我遲到？就係因為我驚你寫錯，望住你寫單? d 裝潢差，衛生都好差，服務態度更差，有dd 要求都咪去