今個星期係咁食炸野，好死熱氣🔥🔥，個咀又炸到爛哂😶不過都唔會阻礙到我繼續食熱氣嘢😎 。 雙鵝肝牛肉漢堡 $238 二件大大既鵝肝放左係大大既漢堡上，個賣相都非常吸睛😍個漢堡其實大到無咩可能可以一啖咬到哂成個包，唯有用刀叉分開黎食啦🍴 。 第一層既鵝肝，鵝肝既表面煎到好香脆，將個鵝肝包住左，入面就好香軟，油脂溶化係口，但又一啲都唔油👍🏼好香好香，陣香氣留係口腔好耐，好回味😌 第二層既牛肉漢堡扒🍔好厚，煎到唔係全熟，我做大約七成熟🤔我覺得牛肉就比較油，我唔係好頂微住😶但坐對面既哥哥就非常喜歡，各有各喜好啦🙂生菜蕃茄🥗🍅好新鮮，夾住牛肉食都可以減左啲油膩感😛 。 牛油果芝士薯條🍟 $62 牛油果醬🥑有少少辣少少酸，好開胃👍🏼薯條係新鮮薯仔切條，好有薯味，凍左都好食🙂 。 奇異果汁 $ 38 我平時唔食奇異果🥝，因為食親個咀都會好痕，所以好少食😬但係飲汁係無事，好奇怪🤡個果汁好真材實料，無加糖水又無溝水👍🏼

好耐無食過牛角，平時食多數都係夜晚，午餐又真係比較少食喎😶lunch set又真係幾抵食喎😲有普通set同商務set，加十幾廿蚊牛角飯同香葱温泉玉子飯就可以無料添加😱好化算呀😱 。 Lunch Set G - 特上和牛牛肋肉&牛角嚴選五品燒肉 $169 呢個餐有齊🐷🐮🐔，都幾豐富👍🏼肉既質數不過不失啦。雞柳好滑。豬五花燒完之後唔肥，表面俾啲炸到好香脆👍🏼(都係我自己燒得好味😛)。牛肉方面呢，有牛肋肉、薄牛舌同和牛，都好有肉味，不過我其實麻麻地和牛嫁🤦🏻‍♀️覺得佢好油，我呢啲垃圾咀只食cheap野，好野唔岩食🤣😂 。 重點，温泉玉子飯！我本身好鍾意食呢個飯，仲要無料添加，正呀😍。。。但。。。點解呢間既飯咁似粥既😰一pat pat既，唔掂喎，好失望😞

一個hea lunch，雖然唔係weekend，但食完會有放假既感覺😌真係好正👍🏼btw 我想放假🙃 。 蟹籽蟹棒忌廉意大利寛條麵 $73 蟹籽加蟹棒好穩陣既選擇，唔會差得去邊，蟹棒食得出係貴價既，味道唔會好假，當然無得同真蟹肉比啦🦀。寬條麵口感唔錯，有咬口唔太淋，又唔一patpat，忌廉汁可以掛到上啲麵上面，very good👍🏼雖然唔係好大碟，但食到最後係有啲膩😬 。 士多啤梨沙冰 $15跟餐 好大杯呀，上枱既刻影兩張相先啦📷不過唔好飲既😰好假好假好假既士多啤梨味，陣味似嘉頓威化餅個隻味，而且啲味同冰好似分開左咁🤦🏻‍♀️點解一間cafe可以啲嘢飲咁趕客😶

最近進行辣既特訓，越食越辣係咁追辣野食🌶越食越辣💪🏼 。 瘋狂豬肝麵 Set $88 餐廳有干麵同湯麵，而湯麵就分紅湯同白湯，今次我就試食紅湯，味覺同視覺都充滿刺激🤡 老老實實麵就真係無咩特別，麵質唔算爽口彈牙，口感一般。湯頭非常濃味，而且好油，超級非常極之辣🌶，麻辣味十足，好麻呀😬 鐘意食麻辣既就會好鐘意，但如果可以減少少油就好lu🤔 豬肝就普通，無咩臭味既，可能湯太濃味遮左個陣味。 泡椒鳯爪 +冰粉 + 藍蝴蝶花雪梨 小食加十蚊，俾得個一隻腳我，仲要開二，有啲小氣啵🙃除左辣味，咩味都無。冰粉好解辣，質地就好似台灣既愛玉咁，加少少糖醬、山楂、提子乾同酒釀，好清爽👍🏼 鄉下妹既我未飲過蝴蝶花，其實係唔係葉豆花黎嫁？🤔 唔好問我係咩味，我淨係飲到糖水味🙃不過唔難飲既。 砵砵雞 ＄238 （二人前） 成晚既主菜出場，好似係成都菜，用竹纖吉住啲菜呀肉呀，再用一盤湯汁浸住既凍食，都幾特別又幾好玩🙂 串串有肉有素各三十串，唔好以為有好多，一串得一粒，好快食完😶好似食左陣風咁😂 我叫左藤椒味(仲有麻辣味)上枱個湯底好似清湯咁白雪雪，但其實又係好辣好麻🌶 食到最後見到有串鳯爪，好似中左化骨綿掌咁💀個樣好好笑😂😂

香港數一數二辣米線🌶，鐘意挑戰辣既朋友一定要試👍🏼同一般米線舖一樣都係有n咁多種餸可以揀，但呢間只會叫一種！豬軟骨！呢間既鹵水豬軟骨真係無得輸，非常極之入味，中間既軟骨炆到變左做啫喱，好好味🤤。如果個日貪心啲想叫多個樣，我就會叫墨魚頭，都非常爽脆😋 。 講到有幾辣🌶呢，呢間有1-10小辣，中辣，大辣，特辣！記住1係最小，10係最大！我平時都算食得辣既，譚仔食小辣既，黎呢間只會食2小辣😬可想言之呢間有幾辣😬 。 不過食得呢間都一定會受過個個呀姐氣🙂，分工仔細既舖頭，只可一個人負責落單既，指定要個個呀姐。啲唔咸唔淡既廣東話加上個啲語氣，係要食多幾次先習俗到😅

海港城靚景既餐廳多數都係價錢貴，但都有平民少少既選擇，例如地下既pizza express或者芽莊。不過要睇下個時有無般泊左係度喎，如果有船泊，咁就淨係見到隻船咩都見唔到🙃呢間塚田農場就唔會啦180度海境餐廳，有室內室外既位置，而家咁既天氣坐室外都幾舒服嫁，吹住海風😌 。 美人鍋 餐廳主打骨膠原雞湯火鍋，膠人食膠🤡食完會更膠。一上枱個樣就好似一舊巨型濃湯寶咁樣，望住啫喱慢慢溶都幾治癒🙂當滾起左之後，職員就會幫你放火鍋料落去，執返同餐牌個樣出黎👍🏼第一啖覺得好濃雞湯味，但食食下又覺得好普通，雞肉唔算好滑同好有雞味，菜菜附住好啲湯汁，食食好癡咀😬要成日用力打開個嘴唇or飲水溶開個嘴 。 三文魚牛油果chopped salad 個沙律哥哥係你面前係咁切係咁切啲菜，佢係好有次序咁慢慢每樣菜分開切，最後先炒埋一碟🥗啲菜都好新，好爽口，食梗膠膠火鍋既時候算可以清下個咀啦。三文魚同牛油果既分量比想像中多，都算有驚喜👍🏼 。 南蠻炸雞 餐廳一入門口就見到開放式廚房，有個師傅炸梗野食，覺得呢度啲炸野都應該唔會衰得去邊呀🤔點知就出事啦🤦🏼‍♀️千其千其千其唔好叫炸雞☹️可能炸其實係ok，但炸雞就真係唔得。唔熱既喂，唔係即炸嫁咩😑成口都係油，好伏👎🏼

膠膠既我要成日食膠，預防骨膠原流失。見到有豬軟骨，當然又係時候補下身😗記得早排去呢間餐廳都好多台灣囡囡招呼，點解而家變晒啲hong Kong lady既🤔 。 香葱麻辣擔擔豬軟骨麵 $58 麻辣味十足，食一啖個咀即刻好麻😬不受控制野震震下。啲麵係少少粗既🍜，好彈牙有咬口👍🏼係我鍾意既質地🙂好在個麵係粗麵咋，如果係幼麵的話就會癡左更多既麻辣油，咁一定會麻到個咀無哂感覺🤡 。 豬軟骨好普通，無咩特別😐唔算好冧，未炆到入口即化既地步。中間軟啲軟骨都個係脆既，如果可以炆到中間既骨變做啫喱咁就very good啦

今日約咗朋友仔去咗食中午，揀左呢間旺角新開嘅點心舖，好似幾得意咁一於去試吓🙂 。 蝦餃 ＄28 有好多好大隻嘅蝦入邊，鮮甜爽口，皮夠薄，好味喎👍🏼 包你滿意＄20 即係流心奶皇包，我一meet開個包，啲奶就「別」晒出嚟，但係啲奶麻麻哋😬不過鍾意pink lin嘅可以試吓 精制冬菇包 ＄18 包皮好厚，啲餡好奇怪😬麻麻地，可以唔試。 蒸飯 ＄26 份量少，男仔食的話唔係好夠飽。味道不過不失，黑椒牛肉粒好夠味，好在唔老。

話晒MK都係我大半個主場，平凡嘅星期一冇理由唔去呀😶是旦係朗豪坊揾間野食啦🤗 。 燒豬仔骨拼薯條 $208 平時哥哥唔俾叫嘅👩🏻‍🍳因為佢唔鍾意食燒豬仔骨🙈但係今次我堅持終於打動到佢比我叫😃不過食埋今次有排都唔會再食。豬仔骨啲肉好似煲湯豬肉咁淋晒一啲咬口都無，又好似乾乾地。個醬好鹹，食完要狂飲水🙃，如果10分嘅話我俾3分。經過呢一次之後，我諗哥哥有排都唔會比我再食，我幾時先到可以食到好味既豬仔骨😩而啲薯條算比較好食，似食緊麥記嘅shake shake 薯條🍟 。 自選pizza. ＄88(包一個醬、一份芝士&餅底) 我今次就多咗四個餸，有蘑菇、菠蘿、牛肩肉同埋西班牙辣肉腸（價錢$9 -18 ) 自己想食咩就叫咩，mix and match🙂衰左都係自己揀便既😝好在Pizza好味👍🏼辣肉腸好夠味，小小辣😋不過略嫌佢啲菠蘿好似俾得少得滯，數埋都係得10粒，唔化算。

麥當勞新出左個早晨套餐，本身就係平平無奇，但佢另配一個醬又令我非試不可。。。。。。無錯！又係佢黑松露醬😛 脆嫩魚柳早晨套餐 ＄28 個早餐一貫麥記特色用現成既野左拼又右而成，味道係點？大家由細食到大好清楚啦🙂 特別講下個醬啦，又係令我失望😩又有一種被欺騙既感覺🤦🏼‍♀️係零黑松露味！係用返魚柳包個醬走酸瓜加香草個味！完全同黑松露無關係！👎🏼👎🏼👎🏼 唔試都得 其他東東都係係水平水準，無咩特別。只係雞有少少over cook。