某個星期五既晚上路過旺角中心，見到冇人排隊，於是飲返杯。 我比較喜歡點舖頭既招牌菜/獨家飲品，呢間舖頭既賣點似乎係「海鹽雲頂」。 我叫左杯「海鹽雲頂濃厚可可$24」，同時叫左「薄荷可可地瓜鮮乳地瓜小芋圓$32」、「琥珀白玉奶茶$20」比朋友。 海鹽雲頂濃厚可可， 果層海鹽雲頂即係海鹽奶油，十分稀薄，飲落冇口感，完全沒有海鹽的鹹味，亦沒有奶油的香味。至於可可，一般粉沖貨色。 薄荷可可地瓜鮮乳地瓜小芋圓， 沒有鮮奶味，鮮奶份量十分少，芋圓太淋。 琥珀白玉奶茶， 朋友飲左兩啖就掉左。

個friend鍾意懷舊野，出發去Macau之前已經指定要去禮記食雪糕。 該店距離大三巴牌坊大約10 minutes 步程，就係馬路邊，用google map十分易搵。 雪糕店黎講都算面積幾大，店內有40個座位左右，店內座位、擺設都係幾十年前咁既樣。 點左個雪糕三文治，同一個椰子雪糕， 雪糕三文治係三色既，白色、綠色、黃色，分別係雪呢拿，薄荷、椰子。 雪糕質地，十分軟身， 味道一般，綠色雪糕係藥水味，味道很假， 份量很細少 價錢貴

睇旅遊書介紹Macau🇲🇴呢間有四十年歷史既馳名龍鬚糖店，跟隨旅遊書所示地址，去到紅街市某銀行門口，可是白行一趟，終在其他途徑發現原來搬左入舖頭。 舖頭裝修相當肆正，門口有玻璃窗望到師傅即場拉龍鬚糖，可是卻買不到師傅即場拉，新鮮即造的龍鬚糖，店舖架上都是預先密封包裝的。 買左一盒黎食，咬左一啖，感覺到龍鬚糖係一絲絲的，口感夠脆！而且入口即溶，椰絲、花生餡料亦不會太甜，確實好味！ 原味龍鬚糖6粒$28

Macau 美食之旅第三日🇲🇴 睇youtuber既介紹黎到馬慶康南天咖啡室， 到達時間係星期日既12:00，排左30分鐘終於入座。 叫左幾個都係餐廳既名物，包括有西多脆脆、滑蛋叉燒炒河、煎肉餅加太陽蛋飯、樽仔凍奶茶、阿華田脆凍飲。 西多脆脆 炸得靚既西多係金黃色，圖中西多偏深啡色，明顯炸過龍，面頭既朱古力粉已經淋晒，並沒有為西多增強口感，反而有點劃蛇添足。 滑蛋叉燒炒河 滑蛋還可以的，河粉冇鑊氣，叉燒一般，整碟份量比較少。 煎肉餅加太陽蛋飯 菜心色澤靚，流心太陽蛋亦係我至愛。 樽仔奶茶 預先沖好，雪櫃擺滿一支支牛奶樽裝既樽仔奶茶，不過冇蓋冇密封包裝，我就唔敢飲喇。

叫左一個蔥花蛋腸粉，即叫即整，每個腸粉落兩隻雞蛋，老闆就在你旁邊整腸粉，整果陣聞到陣陣蔥味，以布拉腸粉黎講，賣相十分好看。 食落味道很單調，和一般腸粉沒什麼分別，口淡淡的感覺，蛋味比較淡，麻醬、甜醬太稀，醬料確實一大敗筆！ 質感亦沒有特別軟滑，不知道是不是蒸腸粉的時間太長。 店內只有老闆一人工作，遇上老闆外出送外賣，就要摸門釘了。 坐位：大約有10個堂食座位 環境：十分擠迫、殘舊 人流：星期六下午大約二時去到，等了大約5分鐘即可入座

呢間舖正價都算幾貴，長期做7折，難得星期五7:00都唔洗等位，見耐冇食泰國野咪試下囉。 一坐低見到d餐具好殘舊，亦都有缺口，唯有自己小心d食，然後又見到呢間餐廳有搞$68午市任食，$58下午茶任食，心知唔方好食。職員亦都係十叫九唔應。另外個男老收銀態度超差的！ 叫左兩杯椰汁珍多冰$23一杯，都有野汁味，算大杯。 青咖哩牛肉$88，不辣也不甜， 牛肉炒通菜$82，牛肉算多，不過冇味，唔知係咪白烚嫁呢？ 6串串燒$88，過燶 白飯$13。

假日12點幾，呢到真係超多人，好彩有6部自助落單機，我就叫晒鋒味所有野食、野飲、薯條、麥旋風。 鋒味安格斯煎蛋肉醬包， 賣相就差d啦，頭層麵包軟淋淋至岩大啖咬落去，肉醬相當濃味，塊安格斯牛肉堅係厚呀，不過就比較乾，芝士同沙津醬有冇出現過，我都唔知呀。味道比預期中好，食落亦都係預期蝦碌喇，d肉醬跌晒出黎。 鋒味曲奇奶茶麥旋風 賣相又係好差，又係搵笨既，只係普通雲呢嗱雪糕，加d奶茶醬，過甜。 鋒味橙味雜飲 雪碧溝橙汁再加幾粒雜果，買餐轉飲都要加$7.5真係好唔抵呀！ 鋒味港式燒味薯條 其實就係燒烤味

呢間新開既茶記，自家製麵包$6個，算係附近最抵， 買左幾個麵包外賣，（我每朝都食幾個麵包的） 有吞拿魚包、腸仔包、菠蘿包，吞拿魚包最好味！ 好感動呀！麵包係實心嫁，好耐冇食過實心既麵包喇，好多大型連鎖麵包店都係空心的！ 雖然餡料側埋一邊影唔到，但餡料都幾足，真材實料！

服務比以前係好左,餐湯,餐包都係.........可惜主菜完全唔掂. 星期一既lunch時間, 見好耐都冇黎食,咪黎幫襯下, 餐廳內有一半係吉台, 四個人食, 唔洗等位都係第一次,  所有台都已經擺好晒餐巾同餐具,  服務方面比起以前好左好多, 職員好主動比餐牌,斟水, 職員過黎點餐,點餐期間職員都好熱心解答所有食客問題, 例如邊d特飲要加10蚊,是日餐湯係乜, (舊時真係提都唔會提) 點餐後,餐湯好快就送到,忌廉湯味道夠濃, 溫度夠熱, 份量足夠,幾好飲呀 餐包亦都少有地, 未飲完個湯就送到, 而且今次牛油終於識溶,唔係凍冰冰雪櫃拎出黎, 朋友話食物質素差左, 我都唔係好信, 直到主角「西冷牛扒配薯菜」出場, 呢間西餐一向都唔會問你,塊扒要幾多成熟,,,幾熟全由佢地話事, 但係今日呢塊,會唔會熟過龍呢, 同行友人果塊都係咁上下啦, 薯條亦都係炸到燶晒............. $83呢個份量, 雖然唔洗加一, 但係我都覺得塊扒細份左d喎........... 牛扒非常之薄,同快餐店既早餐級牛扒不遑多讓,牛味就冇啦,可以話冇乜味,配埋個黑椒汁,一個字,好咸! 薯條上到台都好熱,但由賣相,色澤睇黎,我覺得似係炸完翻炸,搞到炸到燶晒, 我都唔想食, 但係唔食點夠飽呀? 

係openrice到搵D2 place既餐廳，見呢間差不多最低價位就去試下， 等位（四人）： 星期三lunch時間幫襯，不設訂座，亦冇得拎飛，等位模式係快餐店咁，企係人地張台隔離， 店舖約80個位，有人食完唔走，有人岩岩先黎， 足足等左20分鐘先有位坐。 餐牌： 款式好少，雞、牛、豬飯，又或者牛、豬包，夾埋好似有十個餐。 買野食： 一人收銀，可以八達通付款，條隊都算清得快。買完兩、三分鐘就拎得。 野食： 豚肉漢堡配薯角，$58送罐裝飲品， 有可口可樂揀，又或者道地既荔枝紅茶、蘋果紅茶等等。 薯角份量十足，夠熱。 個包唔夠醬，好乾。 豚肉冇味似雪藏。 間餐廳太多射燈，食到出晒汗，好想快d走。