對我來講呢，你間壽司店呢雖然係立食。但係呢佢無論係茶啦，壽司飯啦，同埋材料呢，我都覺得非常之好。 不過呢唔知係咪近排越嚟越孤寒啦，可能都做到出晒名，所以啲配料呢就冇以前咁豐富啦。 我就好鍾意叫佢嘅三文魚子壽司，因為佢會做到一種爆多嘅感覺，三文魚子都會瀉晒出嚟。可惜呢排去嘅時候呢都冇咁多三文魚子啦。 而家去叫佢嘅海膽壽司呢，佢冇普通嗰隻海膽呢，佢會要求你加錢呀佢買貴啲嗰隻海膽。同埋食過佢嘅外賣呢，壽司就真係冇咁好食啦。 都好鍾意食佢嘅帶子同埋牡丹蝦。同埋必食佢嘅鰻魚手卷。

我係一個炸雞嘅粉絲，我真係好鍾意食炸雞。咁自從快樂蜂嚟咗香港之後呢，我都食咗唔少次數啊，有陣時係有暗瘡都繼續食。對我來講呢快樂蜂嘅炸雞呢係最Juicy㗎 皮脆肉滑又多汁，加埋佢可以點佢自家製嘅蘑菇汁呢，其實可以解到少少油膩嘅感覺。又增加左蘑菇嘅風味。真係冇得頂。 佢嘅意粉呢，真係要趁熱你去攪勻佢，如果唔係，芝士或者意粉凍咗嘅話比較難溶。佢應該係用人做芝士？好似唔健康，又夠好味，真係好吸引到我去食佢嘅意粉啦。

呢度食過都應該七八次啦，依家係喺太古入面呢算係比較抵食嘅任食火鍋。 咁我幾鍾意佢嘅湯底係辛辣味、鰹魚湯味、同埋壽喜燒。 咁佢就可以四人一鍋，亦都可以一人一鍋等等。一人一鍋的話，兩個人就可以叫到四個味道。好處就係可以試到唔同嘅味啦。 咁每次嚟到嚟到會先食佢嘅咖喱飯，再煮啲菜，菇，加埋一啲同埋好多唔同嘅丸。咁呢度牛肉嘅質素呢就唔會最好啦，因為唔係話係澳洲和牛等等嗰啲。 嘢飲方面呢，有Nestle檸檬茶，梳打水，綠茶等等。咁佢亦都有自助嘅雪糕甜品吧。

藍田就唔多珍珠奶茶店嘅，除咗歇腳亭同埋匯景商場入面嘅幾間，就新開左呢一間店。 開張嘅時候呢大排長龍啊，呢個情況維持左差唔多一個月，終於經過嘅時候發現唔多人，就一於試吓佢啦。 叫咗一個珍珠奶茶，咁$22來講佢都算幾大杯，都好多珍珠，其實飲珍珠奶茶都係想係游水之前頂下個肚，呢杯珍珠奶茶就啱晒啦。 佢珍珠都幾煙韌。但係真係叫咗微糖泥講呢，成杯野係太甜嘅，似係半糖啲。下次可以叫最低嘅甜度。佢哋係用m e i j i奶，奶味都OK。茶香呢都有嘅，但係就係茶味呢就未夠突出。分量來講呢，微冰之後呢，佢嘅份量呢冇少度。呢個做得好。 從杯嘅外型來講呢，隻狗仔就夠晒可愛啦。又叫杯嘢飲到拎到杯嘢飲，都只係3分鐘嘅過程。多得店內三位店員嘅速度都夠快。

今次你就嚟到位於銅鑼灣同天后中間，好近中央圖書館嘅一間專食生蠔嘅餐廳。呢度呢系因為都真係見到好多個Instagram嘅廣告呢去Sell呢度可以有$9/1隻生蠔咁抵。 咁都真係幾抵食嘅，我哋只係需要帶一支白酒，就可以用加購㗎 $50去玩一打生蠔。咁就唔算大隻，唔算話好creamy，即係唔係我最鍾意食嗰隻啦。但係都幾抵食。 支白酒呢就非常之唔好飲。我去vivino呢個app check呢，佢得2.1分。如果酒牌寫得清楚啲，我就唔會叫呢支酒喇。 另外叫咗一個半隻龍蝦配粗薯條，你會見到Menu嘅設計呢一個「配」字係非常之大隻嘅。真係好有趣嘅餐牌設計。咁我嘅partner就覺得個薯條唔算好食啦，因為你都好粉，無薯仔香味。 咁我哋覺得最好食呢就係呢個美國肉眼扒啦，味道呢係牛味好重，煎到好重香味，垂涎三尺 最後呢就留意到呢度嘅牆呢，就用咗酒木箱去裝修。但係就留意到有一個法文 château 好似串錯字（餐牌上面果個木板 châeau)有冇人比到答案我點解會咁嘅。

去完溜冰啦就運動完梗係好肚餓。就搵嘢食啦喺MegaBox，就第一次嚟咗呢間拉面店。好似好豐富咁，見到呢個拉麵有炸雞有叉燒有成隻糖心蛋，仲有啲炸蓮藕同埋配菜。咁成件事呢就覺得好豐富呀。所以就好似好適合我咁。 咁炸蓮藕幾脆身啦，糖心蛋就整得啱啱好啦，同埋都幾入味佢用咗豉油醃啦。湯入口幾舒服，味道不太重不太輕。面嘅質感又覺得幾好呀，係幼身，幾掛到湯，啱我。 但係除咗呢個拉麵之外呢，我覺得其他嘅拉麵嘅份量亦都唔夠滿足我㗎。

今次呢嚟到中環蘭桂坊附近嘅一間意大利餐廳食嘢。咁呢間都係黑羊集團旗下嘅餐廳，我就覺得信心有保證啦。 咁依相片左邊去右邊介紹食物先。最左邊係馬里奧肉丸 Mario’s Meatballs. 每人加$78呢就可以享用到，係非常juicy,好香嘅蕃茄汁味，又有意大利屋企嘅感覺。 前面啦你見到係有個包同埋芝士，同埋後面既一啲火腿呢其實都係一開始就比你嘅。咁右邊呢就係呢個第一道菜，香辣伏特加醬長通粉 Spicy Rigatoni Vodka. 入面有蕃茄、洋蔥、長通粉。咁就會加咗伏特加去令到佢更加有香味啦。 然之後就到你覺得巴馬臣芝士雞扒 Chicken Parmesan. 香脆嘅雞扒呢，加上佢嘅芝士呢係非常之夾。肉質就鬆軟，皮就夠脆。芝士嘅香味，富豐富蛋白質嘅雞扒。口感味道氣味都一流。真係無論係韓國，香港定意大利，芝士同雞都係咁夾㗎。 Ciao👋🏻👋🏻 Special Menu

話說今次我真係好傻，去咗呢間米線店呢，竟然叫咗炸魚旦食。重大伏。因為其實炸魚旦通常都唔多人叫啦，因為都唔係車仔麵店咁樣。而且佢都唔係呢間舖頭主打嘅食物配料，所以我諗佢都唔會可以喺供應商度好大單咁樣落貨，所以唯有真係將貨就價，都真係揀一啲冇咁好食嘅炸魚旦？ 但係其實佢其他配料呢，都好味嘅。個午餐肉就有啲薄啦。佢嘅自家製餃子呢係推介嘅。食個皮蛋同雞翼都好食。可能呢度嘅隱藏餐單就係淨米線再加個皮蛋嘅汁，應該幾好味㗎。我下次嚟應該都會考慮叫呢個組合。

好耐好耐冇嚟過佐敦柯士甸呢到啦。去咗九龍公園打完羽毛球之後，都有力行到嚟呢度咁遠去食呢間 b i a n g b i a n g 面。可能真係有啲掛住佢地啲面啦。今次就冇食佢嘅大盤雞啦，只係叫咗一個肉夾膜，一個南乳雞翼b i a n g b i a n g 面，同埋羊肉餃 b i a n g b i a n g 面。 同之前比呢，佢嘅肉隔膜嘅肉嘅份量呢就真係少咗啲，你見OpenRice以前嘅相都會compare到。咁但係個皮都做到係脆嘅。 羊肉餃都係幾惹味啦。雞翼都係咁好食。咁唔食面嘅朋友，都可以叫淨湯餃子，咁就會有六粒。然後呢佢嘅面呢其實加咗蒜片啦，紫菜喇，辣汁等等嘅配料，同埋可以揀辣度嘅，所以會整到成個面得好惹味。食嘅時候呢只係要搵面嘅一端就可以有一點食到另一端。因為佢嘅面係只係得一條好長嘅面

好啦今次呢就黎到東隅酒店啦。咁我哋食呢個早餐嘅。咁呢我就揀咗中式早餐啦，同埋一個係all day breakfast嘅。 一開始嘅水果都幾新鮮，有西瓜紅莓藍莓蜜瓜。drink 🍹 方面我哋揀咗橙汁同埋西柚汁。 咁呢我就覺得all day breakfast 就冇咁豐富啦，因為呢佢就冇我份量來講呢對男仔來講係比較少啦。 中式早餐呢就有幾樣餸。包括左一個雞粥，有蝦餃燒賣，同埋炒麵。咁講咗個繼續先啦咁呢佢有啲花生同菜譜，同個粥非常之夾。但係雞就比較鞋左一啲。 咁燒賣蝦餃就正常水平茶樓嗰啲就冇乜太大分別，但係對比起酒店嘅水平就覺得可以再高少少。尤其是個蝦餃皮呢真係比較厚，口感就冇咁好啦。