食過仲想食既鋪頭就知道佢食物既出色程度去到邊。最緊要價錢又合理，環境又岩哂成班朋友食飯傾偈。鋪頭主要白色搭淺木，入到去感覺就好舒服，行清新風。一入門口右邊再加個靚靚粉紅打卡位，坐低後枱與枱之間相隔合理唔會迫，空間感夠哂大，枱上放齊食物影靚相夠哂位，講完環境係時候講佢啲食物啦～～～～～～～ 芫茜苗香辣大蝦扁意粉 芫茜苗食落新鮮香嫩，配埋意粉小小辣，感覺好夾，加埋大蝦一咬勁爽脆彈牙就知佢用料新鮮。 辣豬肉貝殼粉 雖然今日再去無咗個牛肝菌孖辮粉，但佢新出既辣豬肉貝殼粉都好正，貝殼粉煮到煙煙韌韌，辣豬肉好香，唔肥唔瘦，食埋配落啲粉度岩岩好。下次再嚟唔止再叫佢個芫茜苗香辣大蝦扁意粉，仲會加埋依個辣豬肉貝殼粉。期待佢再推新主菜🤩 Baileys latte 咖啡味好香，加小小酒味又幾特別，飲落口感夠滑又香，岩哂慢慢嘆。 檸檬青檸苦酒 睇得又飲得，一開頭睇個名驚苦唔敢叫，朋友叫完試飲又唔錯wow，幾清新，顏色仲幾靚tim 。 自問人仔細細，食野唔多，但佢啲野食份量岩岩好，一班姊妹一齊食，叫埋野飲再叫多個甜品，一齊開心share，仲可以叫多幾款野食繼續食，岩哂打卡同影相📸️ 同埋一落完單，侍應上菜速度又夠快，又有禮貌，唔洗等好耐就有得食。一擺完pose影個靚相食完又可以到下個甜品，岩哂疫情下想放鬆既人嚟食餐好既悠閑開心下。去完再去可以再試多啲野，叫埋朋友嚟可以再試多啲🤤