同媽媽去完花展睇花，跟她去利舞臺酒樓飲茶入門口見到旋轉型雲石樓梯，華麗奪目的水晶燈，氣氛一流見到個精緻雀籠點心幾特別，叫咗一個 $1983層點心最上一層係天鵝酥，鮑魚酥。天鵝酥栩栩如生，成隻天鵝咁，鮑魚酥就成隻鮑魚鋪喺面。兩款都好香酥中層係蝦多士，蝦多士炸到金黃色，非常香口。紅蘿蔔造型的流沙奶皇餡，香甜軟糯底層係蝦餃同燒賣，大大粒蝦餃， 晶瑩剔透，燒賣足料雀籠啲點心每款兩件，一人一件剛剛好。欣賞佢哋將創意融入傳統，中式酒樓都有去酒店食下午茶的感覺

牛油果鮮蝦雪茄春卷 $48在別處未食過，一共有三件。成支雪茄型好有趣，裡面有牛油果同鮮蝦，春卷好香脆還叫了媽媽喜歡吃的點心，老乾媽蒸鳳爪 $30鳳爪好淋好入味

招牌胡椒濃雞湯灌湯餃 $58香濃胡椒雞湯


化皮腩仔 $108食腩仔最緊要塊皮香脆，腩肉肥瘦均匀，入口即化又唔油膩，呢度做得好好這裡環境唔錯，交通方便，除咗擺喜酒婚宴，平時同家人朋友聚餐，都非常適合

白鷺湖互動中心，環境優美，有中西兩間餐廳，今次同老公去食中菜 門外大片空地，餐廳一層過，樓底高，坐位闊落，加上落地大玻璃， 非常舒服寫意 這裡主打精緻中菜，先來一個明太子釀蟹蓋 $168 造型相當吸引，應該是將蟹拆肉，然后釀回落個蟹蓋裡，很有趣，配上明太子，非常鮮美京蔥孜然五香小羊肉 $268 羊肉配上京蔥和孜然烹調，羊肉辛辣味濃郁，開胃之選 鮑汁關東刺參 $288刺參營養價值豐富，滋陰補腎。肉質肥厚又細嫩，口感軟滑 鮮竹蕃茄魚湯浸菜苗 $138 有多種蔬菜供選擇，我哋揀咗津白，魚湯清甜，加上鮮腐竹同蕃茄，好清新一碗白飯兩份食 $30

臨近聖誕，湖上已放上了聖誕樹， 我們用餐處正正對着，非常有氣氛我們特意提早去到，行行湖邊，看到湖上反映建築物的倒影，閃閃發光，賞心悅目，很有在外國的氣氛這裡還設有免費穿梭巴士往來大埔墟火車站，不一定要自己揸車或乘的士

阿仔考完試，同佢擦餐勁，食佢最愛嘅火鍋揀咗呢度食海鮮火鍋，跟人頭計，可以食多款海鮮。有三款海鮮套餐供選擇，我哋選擇咗至尊海鮮套餐B，每位$338多款湯底，任君選擇，有比較特別嘅潮式滷水湯底，蘋果雪梨湯底。我始終鍾情胡椒豬骨湯，胡椒味唔會過濃和過辣先來個東瀛刺身拼盤，擺盤一啲都唔馬虎，刺身鮮甜海鮮盤駕到，睇見都開心有波士頓龍蝦，鮑魚，蟶子王，大元貝心想會唔會攪錯? 明明每人半隻龍蝦，點解共有兩隻？原來佢哋話當日啲龍蝦比較細，所以改為每人一隻。其實我覺得一啲都唔細喎，而且肉厚，肉質鮮美，賺咗呀！而鮑魚肉質細嫩，蟶子王，肉質柔軟爽脆，大元貝非常鮮甜另外六款廚師發辦，見到餐廳有大魚缸，海鮮生猛。當日我哋食到紐西蘭青口，生副白鱔片，基圍蝦，桂花蚌，沙白，鮮魷。全部都好新鮮，穿住嘅蝦還郁緊另外加咗手切牛肉 $138（套餐優惠價）安格斯牛肉脂肪分佈均勻，肉質幼嫩，牛肉味濃爽脆黑柏葉 $55 （套餐優惠價）沒有漂過的牛柏葉，爽脆有口感其實呢度除咗海鮮出名之外，佢哋嘅特大杯熊仔冰檸檬茶也相當馳名，成個熊仔頭喺個檸檬茶面，打咗一輪卡先至飲，檸檬茶也相當清澈，最怕濁嘅檸檬茶。一杯約一公升，飲完個公仔頭仲未溶呢度地方寬敞，空間感十足，吃得很舒服的一個晚上

觀塘返工嘅朋友約食晏，佢話呢間露營主題餐廳一定啱我，為避開食飯高峰潮，我哋2點後先到嘩入到去處處都是露營風，露營桌，椅，連露營車都有。還有戶外用餐位置，我見到有狗狗是座在客至於食物方面，叫咗法式香草檸檬牛油蜆配酸種包 $108

蜆肉肥美，香草，檸檬同牛油造成嘅湯汁冇得輸，酸種麵包外脆內軟，點上湯汁更加好味煙燻三文魚牛油果貝果配沙律 $108

煙燻三文魚嫩滑，帶有濃濃煙燻味，bagel鬆軟紮實，還配有新鮮 沙律菜口水多過浪花 $58

朋友之前飲過要再飲，佢話好清涼解渴，因為有青檸，薄荷葉同荔枝阿婆的秘密 $48

阿婆鍾意飲茶都唔係乜嘢秘密，但係呢杯除咗茶之外，仲有蘋果，鮮檸檬，好清新，非常香蘋果同茶味呢度仲有大型投射器，加埋天幕，好有渡假feel。 係市區近近哋走一轉，令人放鬆心情，charge足電，繼續衝刺。

繁華的鰂魚涌，走進英皇道1001號，電動樓梯上一層，感覺煥然一新餐廳走日系和風，木餐桌配藤椅，連梳化椅也加上咕臣，休閑舒適，配合餐廳名字Koen，日文即公園意思呢度主打西日料理，先來個刺身三切，三文魚刺身 $42，油甘魚刺身 $58每款刺身三件，擺盤非常之精緻。新鮮甜美，肉質滑嫩，入口即能融化清酒煮蜆 $98幽幽淡淡的米香散發著，蜆肉肥美，一啲沙都冇，昆布，日本大蔥黃金蟹肉露筍忌廉蟹籽意粉 $158賣相相當吸引，食落也非常可口。用上港式鹹蛋黃，配上蟹肉，還有煙韌嘅扁意粉，露筍，車厘茄，菇，蟹籽，做得相當出色食完三文魚同油甘魚刺身之後，想encore，不如試吓壽司2貫。三文魚壽司 $28 油甘魚壽司 $32每款兩件，壽司飯有米香，三文魚同油甘魚同樣新鮮美味

見到個甜品Menu好吸引，叫了宇治抹茶芭菲 $58造型會唔會太靚啊，好忙咁打完一輪卡才吃，綠茶雪糕微甜不帶苦澀，軟滑細緻，配上麻糬，紅豆蓉還有脆米，多重層次Strawberry Slush $58
士多啤梨加上鮮奶，裡面食到有士多啤梨肉，面頭有忌廉，鮮花，檸檬葉。 味道適中，唔會過甜，值回票價Secret Angel $58
飲品中有手切玫瑰花，靚到暈，呢杯有李子，青檸加梳打，好清涼今晚同大女在舒服的環境下共進晚餐，真的感受到幸福圓滿

麗晶酒店重開，餐廳率先試業， 來試試這裡的自助午餐。星期一至五，12:00至2:30，成人每位$528


從小斜路步行上去，到去噴水池附近，已經有職員上前來招呼餐廳採光度十足，一邊對住維港景色，我哋坐窗邊位，可能當天陽光實在太充沛，落咗窗簾，但餐廳較後位置，因為座向問題，不用落簾中午自助餐有12點開始，早10分鐘已經可以進場畀大家安頓一下


食物位於餐廳的右手邊，開始是沙律區，目測已經相當不錯，沙律菜非常新鮮，泰蝦沙律好入味跟住係不同嘅芝士，凍海鮮區。 海鮮有，青口，大蝦，鱈場蟹腳，麵包蟹。蟹腳飽滿多汁，麵包蟹膏甘香刺身方面當天供應三文魚，吞拿魚，帶子，甜蝦，赤貝，油甘魚，選了幾款來吃都相當鮮甜，壽司賣相精緻也美味跟住係食物熱葷區，種類非常多，排列整齊，海南雞飯，細細碗，一碗兩件雞，少少飯，又真係唔錯。 還有即切牛扒，羊扒，生熟程度啱啱好唔韌。炒蟹都有，熱辣辣，夠惹味記住留肚食雪糕，甜品，蛋糕， 自家製作的雪糕，款式好多，比較特別有港式奶茶，開心果，70%黑朱古力，開心果雪糕裏面真係有開心果保持香脆，黑朱古力夠濃味切件蛋糕好高身大件，最好大家開心share食，可以試多啲，蛋糕好香滑，特濃朱古力蛋糕，面頭有麥提沙波波，好香甜，另外還有細細杯的甜品。葡撻也相當香口每人包一杯飲品，媽媽飲的熱檸水，個茶壺大到這裡的員工態度相當唔錯，由入門口，酒店大堂，餐廳，都令人賓至如歸，食物質素又好，很愉快的一餐


用AE卡還有八五折優惠。

同邊爐之友約會，今次佢揀咗德福廣場裡面的台式火鍋入座之前侍應就叫我哋揀定湯底，好有效率。呢到有好多特色湯底，好似刈菜蚵仔鍋，台式濃香沙茶鍋等等，牛魔王朋友就揀咗藥膳紅燒牛骨鍋，散發著濃郁的藥膳和牛骨香味，補身又暖身四款套餐，選擇了澳洲M9和牛$388每位。
先上一碟澳洲M9和牛，此乃澳洲出口的最高級和牛，肉質軟滑， 脂肪分佈平均神仙牛肉，賣相一流，一片片牛肉掛咗木架上，肉味濃郁東港海鮮盤，有海蝦，扇貝，鮑魚，蠔，蜆，樣樣都鮮美枱面有個QR code，掃code落單，我哋差唔多所有肉類都有叫， 例如美國牛肩胛，澳洲特選牛肉安格斯牛肉，美國牛板腱， 牛胸爽，羊片。M9和牛當然有encore，非常滿足，所有肉淥一淥就食得，肉質鮮味還有不同海鮮，貴價的海班片，鯛魚片，蝦都有，全部都好高質又怎麼少得台灣美食鴨血，響鈴，手工蛋餃等等還有很多台式夜市小食可以出去自取，鹽酥雞，滷水豆腐，台灣腸，地瓜丸，唔使去台灣都食到地道小食自取食物還有蔬菜，丸類，菇類麵食等等吃飽再DIY台式芋圓仙草，Häagen-Dazs 同movenpick雪糕，睇見都開心這裡提供不少飲品，還有自家制的冷泡茶。環境舒服，食物質素好，邊爐之友好介紹

提起食潮州打冷嘢，好自然想起一些地舖，圓枱圓凳，大家豪邁地聯誼暢飲。想靜靜地傾下計，食下嘢都唔係冇辦法，最近銅鑼灣開咗間新派滷水店坐落於L Square 21樓，佔地全層，但係又唔會一開電梯門睇曬全間餐廳，設計返埲牆同有個門口位，確保食客安心用餐

餐廳用深紅色作主調，包括牆身，梳化椅，枱面，椅背配襯上藤面，華麗得嚟有不落俗套。還有這裡附設吧枱，又可以欣賞窗外的夜景，一坐下已感覺非常舒服奉上免費小食，焦糖爆谷，好香甜。
滷水可自選三項或五項食物，我哋選擇三項$208

分別有滷水鵝肉，墨魚，豬仔髀。食物上之前，先於盤點火，保持食物溫度。滷水不油膩，不霸道，鵝肉嫩滑，味濃香軟，墨魚有咬口但又唔會韌，豬仔髀啖啖肉，還有豆腐墊底，豆香嫩滑。點上滷水必點的辣椒油同醋，非常合拍蘭王蛋蠔餅$78

買賣相相當吸引，金黃色，面頭有木魚碎，增加咸香，蠔仔新鮮唔腥，蠔餅鬆化香脆，點唔點魚露都非常好食黑松露蔥油拌麵$78
本來想食蠔仔粥，但係叫咗蠔餅，不如試吓個拌麵，絕對有驚喜。 黑松露味道濃郁，拌麵軟硬適中，麵質Q彈，撈上黑松露同葱油，非常惹味荔枝接骨木梳打$42

原來係罐裝飲品，上面寫住鬼滷涼茶，自家製品，裡面還有冰粒，非常清涼又解渴蜜糖柚子梳打$42

滋潤又解渴到了一間不一樣的打冷店，渡過了一個愉快的晚上。

大女約食飯，佢揀咗間打卡able📸的餐廳餐廳裝修簡潔，雲石枱，粉紅色牆，仲有我哋坐嘅閨蜜/情侶雅座，花花牆紙，絲絨粉紅色梳化，面對大鏡，隨時selfie📷先叫碟單骨蜜糖芥末雞翼 $55
雞翼金黃香脆，肉質保持嫩滑，滲入蜜糖芥末和香草碎，增加層次火辣墨魚汁意粉 $88
其實好多人都鍾意食墨魚汁意粉，礙於儀態關係，平時很少跟朋友食，跟媽媽面前開懷大吃， 就冇問題啦。墨魚汁味鮮不腥，配上軟硬適中的意粉，還有墨魚片，真的齒頰留香黑松露雜菌春雞燴意大利飯 $98
雜菌意大利飯非常香濃，意大利飯唔會話好硬，剛剛好，春雞份量不少，還有大雞髀紫薯鮮奶 $40
粉紫色好靚，面頭還有cream襯托，淡淡的紫薯鮮奶，唔會過腻牛油果奶昔 $46
呢杯淺青色，配有牛油果，啖啖奶昔好似食緊牛油果咁，相對比較濃郁宇治抹茶黑芝麻梳乎厘班戟 $108
份量十足，梳乎厘充滿蛋香，鬆軟可口，配上香濃芝麻cream， 還有綿密紅豆，綠茶蕨餅，非常豐富宇治抹茶心太軟配豆腐雪糕 $64
暖暖的流心綠茶心太軟，配上冰凍的豆腐雪糕，一冷一熱非常刺激，還有麻薯餅，蕨餅小食，正餐，甜品，飲品都食勻，當然都打完卡，滿意的一餐

詠藜園喺觀塘裕民坊開咗新品牌，鍾意食擔擔麵嘅我哋，又點會錯過   詠藜園始於1947年，在鑽石山大磡村發跡，後來搬到黃埔和黃大仙。而千歲擔擔麵，主要承傳詠藜園擔擔麵的招牌，退休員工被邀為顧問，歲數加埋成千歲   嚟到梗係要食擔擔麵，發覺有詠藜園擔擔麵同改良擔擔麵之分，一問之下，原來改良擔擔麵面頭加咗肉碎。我哋都係食返詠藜園擔擔麵 $39 擔擔麵可以揀辣同唔辣，我哋揀咗辣。熱騰騰的麵端上枱，湯底濃郁橙啡色，面餅一大半浸咗湯底，面頭清楚睇到一條條麵線， 麵條幼身，爽口彈牙，湯底有花生肉碎，非常掛麵。辣到恰到好處，如果唔係食肉獸，揀詠藜園擔擔麵就得了   手工肴肉 $88 呢個功夫菜，工序繁複，晶瑩剔透的肴肉，味道層次分明，香，軟，滑，咸，鮮，嫩 醉豬手 $85 醉雞食得多，醉豬手真係好少食。豬手一小口，有好多仲係啖啖肉無骨，加埋酒香， 唔會有肥膩感 叫多個清湯麵 $39 湯底係榨菜加蝦米，麵質跟擔擔麵係一模一樣，湯底鹹香，另一種食法   生煎包（3隻）$39 包底煎到金黃色，卜卜脆，鋪滿芝麻非常香口。肉汁鎖住喺包裏面，好味 餐廳環境相當不錯， 望出去是平台花園，內裏裝修古色古香得嚟又帶點新派，還有一間私隱度極高的VIP房。 在觀塘成長的老公，坐在這個新型屋苑平台花園裏的食肆，百般感受，也回味著昔日食擔擔麵的滋味