以為已經凍完，怎知忽冷又忽熱，上星期突然又凍番，玩死人！既然今個冬天無食過煲仔飯所以特地去大埔食陳漢記～

排隊排了差不多一個鐘終於入座，煲仔飯在排隊時落單，要等40-45分鐘，入座等一陣就有得食！

爽滑魚皮（HK$41），每次必點之一，第一次食我是驚為天人的LOL！沒有誇張，魚皮夠爽，極鮮完全沒有腥味，配上麻油豉油，絕對是宵夜送酒的好小食！推薦！

另一道必點之二：腸粉，這次點了叉燒腸（HK$2X），陳漢記的腸粉同樣很有名，腸粉皮又滑又夠薄，叉燒滿到瀉，而且沒有我討厭的芹菜和芫茜，暗暗加分！但個人偏愛大件有咬口的叉燒，切到一粒粒有點不夠喉～

陳漢記的粥品和麵其實都好出名，這次點了基本款皮蛋碎牛（HK$3X），粥底棉，食到底都不會浠像水，皮蛋亦沒有滾爛，但足料次奉，不夠發記的足料。

重頭戲來嚕～～～臘味排骨煲仔飯（HK$5X），傳說食煲仔飯是冚蓋在蓋邊淋豉油，豉油就會均勻流到煲內，我在陳漢記就會咁食喇！（在廟街四季我就不敢了）今次沒有加蛋，但都一樣好食！第一次試臘味，臘肉和潤腸都不是我口味，還是臘腸就夠了，而排骨份量亦不少，每舊都不痴骨！最緊要食到底有飯焦這就最滿足了！

埋單不用二百，大約HK$18X左右，走時已經11點，但外面仍有一堆人在排隊呢....

----------

陳漢記

地址：大埔運頭街91B地下

電話：26582277

營業時間：星期一至日1100-0400

其實要食burger不一定要去burgerroom或者BLT呀~荔枝角都一樣可以食好西！

Fast Taste主打burger，另外亦有意粉和其他小食，以小店來說選擇不算少。當晚星期六八時左右，店鋪不大，約六至八張高腳枱，只坐了三枱客（相對一街之間的大中華，這邊卻是靜很多呢）

兩個人點了一枱美食，看似份量很少，但其實很足料呢！

薯格（HK$25）：剛炸起，十分脆口，而且份量也十分大！抵食！

燒烤雞亦（HK$）：不太特別，不試也可

酥香魷魚鬚（HK$35）：也是即叫即炸，魷魚亦不會太大件難入口，不錯

經典牛魔堡（HK$55）：很驚喜的Burger！醬汁做得很不錯，牛雖然不是什麼靚和牛，但肉汁多又夠厚，這個價錢已經加曬分

卡邦尼意粉（HK$45）：半失敗之作，意粉煮得太碎，用叉都捲不起，味道亦不夠濃厚

除了意粉之外每碟都有隨送麻醬沙律菜，食完一堆煎炸野，食一點菜可以安撫心靈LOL

重點埋單只是HK$200，如果去其他地方食恐怕只能食到Burger加薯格而已....

----------

Fast Taste

地址：長沙灣元州街482-492號金碧閣地下4號鋪

電話：91233262

營業時間：星期一至日1200-2200

不知為何我老豆特別愛食龍華，據聞後生同呀媽拍拖都會去食；但價錢不平、又不就腳，但又可以立足多年，的確有它的特色。週末全家一行十二人到龍華食晚飯。

龍華創於1951年，上層是酒店，下層是食肆；龍華算是當時的高尚食肆和酒店，裝潢十分豪華，當時吸引很多明星和高官光顧和入住。後來因政府發展沙田新市鎮，龍酒停車場被逼拆卸，周圍的環境受到破壞，龍華亦不及以前吸引。$98隻的乳鴿到底味道如何？龍華有名的紅燒頂鴿（HK98/隻），可以因應人數開二或開四，乳鴿比平時酒樓食的大一倍，剛燒好熱辣辣、皮脆肉夠多，據說是用麥芽糖搽皮再燒的，但我就食不出啦～沙田雞粥（HKD108窩），因為當時帶住手套所以沒有手影相，7-8人份量；就是雞煲一煲，但粥底好綿，雞用酒浸過亦好入味鍋燒鴿崧炒飯（HKD138），普通貨色，有食到鴿絲，但份量少得可憐，我寧靜多食一隻乳鴿罷了「打星星」的名物之一菠蘿咕嚕肉（HKD118），份量好少，亦食不出值得打星星的味道，這道菜在普通酒樓食應該只值$68吧…頭抽龍鬚炒麵店（HKD108），不就是炒麵一碟..同樣都是普通貨仔

一行十二人埋單HKD1900，除了紅燒乳鴿之外，其他菜式都很一般；場內有駐場歌手唱懷舊金曲，氣氛是不錯的，但如果想傾傾偈就不太適合了。

早前和朋友到牛頭角這間韓國小食餐廳，牛頭角附近好多車房和麻甩茶記，唯獨這家店有特色裝潢，還有open kitchen（沒有拍到照T_T），而且是韓國餐廳？！主打韓國飯卷，亦有意粉、年糕等，價錢在這區來說算中上，畢竟麻甩佬和車房仔都未必會來這裡「食飯卷」，應該是做街坊生意和附近的寫字樓（有提供網上外賣平台外送）點了牛肉飯卷（HKD58），最貴那款飯卷，size比想像中大好多，我本以為是金巴利街韓國食品鋪賣那款「錫紙包的飯圈」，但上枱大了一倍有多LOL；可惜太大份，一咬成舊散開一枱都係....有點「呢hea」，但味道是不錯的，即叫即包，牛肉亦入味，只是略貴。

住附近的人可以一試，支持小店嘛！

「聰少」是「聰嫂」個仔？近期新開的甜品店，在尖東都有分店，主打特色甜品，門面裝潢都偏向年青人feel，不是聰嫂的平實甜品店。（利伸：未食過聰嫂）芒果奶昔雙皮奶（HKD37），芒果夠甜亦夠實淨，奶昔和雙皮奶配合不錯，唯是奶味不足期間限定的紫薯豆腐花（HKD34），近年紫薯大行其道，甜品店當然都要食住上，紫薯味夠濃，亦不會太甜，豆腐花和紫薯比例是3:7，啖啖都有紫薯味，但略嫌煮得太濃，吃到一半已經好滯了，豆腐花亦有點太碎紫薯粒配上豆腐花，紫薯愛好者應該會喜歡濃厚的甜品

埋單HKD71，比普遍甜品店貴少許，但質素確實不錯，有下次！

精明的你當然知道聖誕節周街都是「貴野」，當然會「捐窿捐罅」搵平野。這次來到屯門新開店的日式定食餐廳。均一價定食HK$48（每人入場最少點一份），有8款選擇，還有魚生丼‥‥但不敢試小食選擇亦有8款（HK$20-40不等），比較有趣的是堂食15分鐘內限時送餐，超時不收費！旁邊有自助區，麥茶、白飯、麵豉湯、沙律菜和醬汁任fill小食先到，酥炸生蠔（HKD20），廿蚊有五隻炸蠔小食已經無可挑剔，但炸蠔微溫，應該是因為要限時送餐所以大量炸定；但入口仍然酥脆，一口咬入去爆汁到對面位LOL！醬燒魷魚（HK$20），原條魷魚燒，夠入味，但略韌定食岩盬牛排（HKD48），還附小菜和甜品，牛排有連根部位，有點韌，只屬普通定食蒲燒鯖魚（HKD48），盬燒的做法比較常見，蒲燒倒是第一次；鯖魚太軟身肉質鬆散，配上蒲燒汁感覺怪怪的，似平價的鰻魚飯多於鯖魚，但將貨就價是完全接受的麵豉湯味道略淡，但其實亦頗足料的，魚肉、蘿白、豆腐粒，自助區有海帶芽可以加到湯內

因為達到15分鐘內送餐的任務，所以埋單HKD157（先排隊安排座位，然後排隊點餐付款，入座計時50分鐘），這個價錢食到日本定食，絕對可以再deal喇！（後來知道原來定食8是爭鮮集團旗下品牌）

早兩天在銅鑼灣想食burger，除了BLT之外，性價比更高的還有Burgeroom！

Weekday晚上不用等位，很快就安排室外座位。點了鮮蘑菇牛肉漢堡、鵝肝牛肉漢堡和薯條。炸薯條（HK$28）先到，新鮮炸起，熱辣辣，份量亦不少鮮蘑菇牛肉漢堡（HK$85），牛肉很Juicy，頂層鋪滿蘑菇，不過蘑菇味未有很突出，但仍是性價比高之選！鵝肝牛肉漢堡（HK$158），鵝肝煎得剛好，但單食塊鵝肝還好，放在漢堡內味道被牛肉和其他醬汁蓋過，食不到鵝肝的味道。鵝肝的好拍擋依然是多士‥‥埋單HK$299，其實單叫一個漢堡加一個薯條已經很足夠，食完薯條+1/2個漢堡已大叫飽，食完整個漢堡飽到想死‥‥好有罪疚感呀！！！！

這家日本餐廳是以前在上環間中會食的，只有食過lunch，抵食又好味！鋪面在斜路上不起眼，有時行過龍也不知道最抵食的「自選三式飯」（HKD105），可以在下面自選三款，還包麵豉湯和雪糕兩個人點了六樣：角切魚生飯、炸蝦卷、蟹籽沙律、半燒三文魚飯、半燒帆立貝壽司、蒲燒鰻魚飯；樣樣都好食，最喜歡角切魚生飯、蟹籽沙律和半燒三文魚飯，這三個都是膽，基本上樣樣都足料又好味，雖然細細份但以lunch來計好足夠最後送上雪糕，今次是咖啡味和薑味雪糕；咖啡雪糕內有粒粒jelly，薑味特別亦易入口，次次來的雪糕都不同口味，但味道都很好

埋單HKD210，午餐不用收加一，lunch hour去到1445，一至六都有，但鋪面座位少，如果多人可能需要預約

想不到西環都有別緻的Steak House，環境不錯，食物不錯，價錢亦不錯呢！OLLIES位於西環高街，要上長命斜路，鋪面不大，但人亦不多，附近亦有很多酒吧和餐廳店內環境，有很多情侶和外國人逢星期一二有Special Steak Night；牛排、配菜、紅酒，只是HKD198，如果以這樣的價錢吃到有質素的牛排，是抵到爛呢！卡邦尼闊條麵（HKD140），很多煙肉，醬汁亦很Creamy，闊條麵軟硬適中重頭戲16oz D Rump（HKD198），很有驚喜！薯條剛炸起，夠脆又夠熱。牛扒選了medium，切開無血水剛剛好，咬落又有肉汁但有少少根，點pepper&salt肉味更出，兩個人食到一半已經夠飽，

埋單HKD372，除了地點比較遠一點之外，環境食物各方面都很滿意，絕對有下次！

天氣一凍就想食煲仔飯同生滾粥，發記是我們冬天到元朗都一定會食。鐵膽豬潤碎牛粥（HK$24），粥底夠綿，豬潤大大塊兼厚身，足料又爽口，食過咁多次都不會粉和鞋口！推薦！蠔仔碎牛粥（HK$33），好多蠔仔而且粒粒飽滿沒腥味乾炒肉片河（HK$26），撈埋粥一齊食還好，但單食有點太咸叉燒腸粉（HK$16），腸粉夠滑，但叉燒切得太碎不太喜歡

埋單HK$99，冬天暖胃和宵夜之選，好飽…….