三不館… 我年紀都未去到咁大😂見個名搞笑入去食，個裝修係似80年代既香港，貼滿街招， 下面個牌匾笑左出嚟😂😂😂 食物味道係ok 既，特別係新出果個金汁，幾濃郁，不過份量我有d唔夠😵‍💫 世上無難事，只要肯放棄🤣🤣

上星期同fd食生日飯, 諗住去將軍澳行到邊食到邊, 經過Fleur, 第一時間被吸引係….唔識讀個名😂 走過去望下menu 幾過癮, 用花做主題, 價錢都普遍啦, 依家一個ADB 都過百🥺 原來Fleur除左主打花, 仲係一間減糖食肆, 正👍🏻 仲係pet friendly , 可以同埋🐕去chill, 如果住tko既你一定知啦😂 服務都環境都好好, 滿足我慢活既精神☺️ 1. Shakshuka $138 北非蕃茄焗蛋, 車厘茄, 甜 椒,水波蛋, 西班牙辣肉腸, 馬蘇里拉芝士, 羊奶芝士, 酸種麵包🤩最近真係好鍾意食酸種包, 個蕃茄焗蛋少少酸, 都幾開胃,包包好脆,Niceeee! 2. Fleur Lover $138 一堆生果+pancake, 個鬆餅有少少驚喜, 唔會太實淨, 岩岩好, 好好好香😁 3. 炸蕃薯條 $42 食到停唔到手, 真係炸得好好, 又唔會幼到食唔到野, 又甜甜的🥰 4. 最後加左杯紅絲絨咖啡 $44 😍😍my favour 唔係周圍有架🥹🥹 😝 下次想食Yogurt Lover , 張相好靚, 用yogurt 同granola 砌一個沙灘出嚟😋

突然想食炸雞，個fd推介依間pizza都正，即刻去食😅 6:15pm去到朗豪坊已經要拎飛等位，等左35分鐘（行一行都好快過，其實可以GULU 拎飛），同埋覺得好彩等！好好味， 未食完就已經想encore 😋 2個人…叫唔多半份炸雞+10吋pizza 1. 蜂蜜牛油炸雞半份（6件） 我欣賞佢唔會外表油淋淋，好乾脆，肉地比平時食既好少少，但個調味粉一流，鍾意少少甜甜地既值得一試！ 2. ⭐ 薯角炭燒雞肉芝加哥 (蜜糖杏仁邊) 鍾意芝士既不能錯過！ 勁多芝士，下面望下就知，條邊都烤得勁脆☺️

從前番工就鍾意嚟依度食lunch，不過之前話裝修，好耐都去吾到，但裝修原來老細都吾同左... 好彩食物水準依然一流！ 依度係係cashier 落單，之後自助形式，每日都有一款湯比大家「筆」嚟飲，果日飲既係西洋菜湯，好夠火喉，其中一個鍾意依度既原因係lunch可以飲番啖靚湯！😍 之後就等食啦～～ 今次叫左個辣肉腸pizza+墨魚汁意粉～ 辣肉腸pizza好正，夠惹味夠hot spicy 墨魚汁意粉都好彈牙，高汁😁😁 開番可以多啲番嚟食啦！銅鑼灣樓上鋪，lunch吾洗一舊水，加碗靚湯，性價比高！

吾好以為入西貢一定係海鮮，朝早入嚟飲茶都好正！ 仲要吾收茶位，去邊搵😏 本人係奶黃包粉絲，去親飲茶都叫一籠！ 今次例牌啦，流沙奶黃包好好味！流沙架真係，又吾太甜，食左兩個都吾「漏」 其他都好味，仲有舊式茶樓風味，下次入西貢食早餐吾一定飲咖啡啦😁 食完仲可以行下西貢，買下海鮮😄

啦啦啦～lunch時間係最令人期待，講真銅鑼灣真係好多野食，行多兩步又到灣仔😂 今次去左依間酒吧風既burger room，果然令人興奮，下就番工又開心左😆 1. 銅鑼灣moo + 薯條 我想話淨係個包皮都好鬼好味，搽左滿滿既蛋黃醬，牛肉又香噴噴，最估吾到薯條吾係跟茄汁，而係蛋黃醬again，哈哈，啱曬食薯條吾點茄汁既我🤪🤪 2. 經典炸魚薯條 一切開啲煙衝出嚟果下真係好治癒！點解有煙？因為係即叫即整，所以上枱仲好熱辣辣，魚肉吾係一peapea ，係一絲絲，好味啊！ 我有活力去番工啦，yeah!😂😂😂😂

早排涼涼地想搵個地方坐下傾下計，Jomo環境吾錯，坐戶外吹下海風，又望到d狗仔係附近行過～ 放假就是要這樣☺️ 其實係個fd highly recommend e度個綠茶蛋糕🤩又真係正喎，綠茶少少甜，蛋糕底好鬆軟👍🏻👍🏻 另外再叫一個芝麻戚風蛋糕，依個甜過綠茶少少，好似好有層次咁，依個配搭吾錯😆 可惜依加只可以坐到六點...遲下暖啲要再去！😚😚

尋日同個fd去左tst驚安食lunch~ 原來因為新店開張，午巿做緊7折！啤酒仲係買一送一添！ 兩個人嗌左 1. 招牌九官牛盛盒 2. 芝士年糕（仲encore多一份做甜品，十個推介!!!!) 3. 牛油蒜蓉雜菌 4. 雞泡魚干 5. 兩杯生啤Sapporo 招牌九官牛盛盒 - 每格都係兩人份量，痴線架，全部都好正，搞到好似感覺執左日本食燒咁！要林嘅位夠林，要油脂嘅位又香，又有肉味，尋日食完已經想再encore 一次！ 芝士年糕 - 個皮煙煙un un又軟綿綿🤤入面啲芝士脹卜卜，但又吾會食到「漏」，配埋練奶又係另一種感受！一個年糕兩種感覺，贏左我個胃啦😂😂 牛油蒜蓉雜菌 - 蒜茸超夠味，一個字正！ 雞泡魚干 - 我第一次自己燒😂平時啲燒肉店都係燒好上枱，都燒得幾好啊，自我感覺良好😆😆 環境好闊落喎，同埋食完無油煙味，堅正！ 趁依加有7折快d去試啦！

有日同個fd湊仔，湊仔前食左個lunch先，吾小心又滿足左🤣肉體同心靈都好滿足！ 首先不得不讚，ufufu個menu個攝影師，d相令人好想樣樣都食！ 最後揀左牛肉壽喜燒烏冬+雙重芝士溶岩和牛漢堡，兩個女仔食～ 壽喜燒有少少咸左d，肥牛正常咁，啲烏冬反而彈彈牙同吸吸吸曬個湯好好味！ 溶岩芝士漢堡，和牛好好食r！暖暖地同體溫差吾多，吾會話煎到好油膩，入口溶化既感覺好治癒☺️不過「溶岩芝士」就變左「花崗岩芝士」😂一啲都吾溶，本身小劇場係幻想少少流心既感覺🤣 食完仲未傾完，當然重要係心掛掛d甜品😍😍（講多次啲相真係好吸引！）恃住有第二個胃...再叫左兩個甜品～ Tiramisu 栗蓉芭菲+心太軟抹茶芭菲 抹茶味幾好食喎，本身都鍾意抹茶產物，成日食所以都無咩驚喜架啦諗住，但今次個抹茶少少苦得嚟配埋個雲尼拿雪糕好夾（🤭🤭又解鎖一樣技能，下次自己係屋企試整下先） 反而栗蓉芭菲太少栗蓉，中心果d都係朱古力嚟既😭我吾食朱古力架...Tiramisu 又可以再濃番少咖啡味就好啦... 不過可以坐好耐，傾好耐，侍應又好好見水杯水少就自動加番水，加分🌟🌟 食物水準中規中舉，不過所有野加埋係開心的一天啊！🌝

Brick lane比我既感覺好chill，可以選擇坐係近半室外既位置，同街上既感覺好近，但又有一種悠閑既感覺😌 點左一份Red velvet cake 紅絲絨蛋糕（$48）+一杯strawberry latte($48) 件cake吾太甜，下午茶食起上嚟都吾「漏」，面頭既玫瑰花瓣帶住少少玫瑰花香～從嗅覺上帶嚟一種柔和感^_^ Strawberry latte微溫，好似所有事都講緊一種隨緣既感覺～ 再加上陽光係窗射入嚟，暖暖的，舒服😊 如果想佛系咁過幾小時悠閑時光，依度真係吾錯😊