係尖沙咀同朋友想坐得舒服d，食下野傾下計，諗起呢間係k11既how to live well~~ 環境空間感好大，木系裝修亦令人好舒服，食物又唔錯，我同朋友都好滿意😚 煎北海道帶子伏特加蕃茄奶油長通粉： 帶子既口感非常鮮嫩，煎得剛剛好，通粉彈牙有嚼勁，搭配住蕃茄奶油醬汁，口感更加豐潤，仲食到少少伏特加既酒味🤩🤩 Classic pizza 薄餅底部薄脆，外層微微酥脆，上面蕃茄酸甜加埋煙肉既油香，配搭得好好👍真係經典之作 芝麻雞翼 雞翼炸到好香脆，再加上d芝麻更加香口，作為小食真係可以食唔停，配酒更加一流🙈🙈

係屯門開左一排既咖啡店cupping room~~ 三條友都肚餓所以簡左menu中最飽肚既野😂😂叫左忌廉雞肉意粉同all day breakfast 意粉比預期既大碟😍同埋個汁唔會太稀 濃稠度剛剛好 好creamy 又夠味😚雞肉份量都夠多同大粒，食完真係夠飽😂同埋叫左杯soda 夠曬refreshing☺️ 朋友叫既all day breakfast~~平時all day都係炒蛋，呢度就煎雙蛋 各有捧場客啦😂朋友就話塊酸種麵包好好食😋仲有杯macha latte勁好飲！大推~🫶🏻

今日同男朋友係旺角諗唔到食咩，行過見到呢間吉豬店，之前都係其他地方食過，記得都ok既就入去食啦。好過食茶記咁悶😌 我叫左個經典既吉列豬扒定食，比想像中大份 黎到先記得有椰菜可以落芝麻醬食，都幾好可以換下口味唔洗咁齋。 吉列豬扒就so far so good啦，而呢個價錢黎講我覺得交左功課，係岩岩炸起，脆口👍🏻 值得讚下個味僧湯，好足料👍🏻又唔係死咸，飲左都唔口渴，係我鍾意飲既味僧湯 男朋友就叫左吉列三重奏，有吉列豬柳、吉列蝦同唐揚炸雞🍗 我稱之為貪心小狗套餐😂咩都有啲 不過佢碟野就唔係岩岩炸起，只係少少熱。 炸雞相對黎講都幾好食，我鍾意個皮硬硬地有少少咸香口，幾惹味😆 求其食黎講呢間都幾ok，下次無特別諗到想食咩，都可以再食下。

一大班人打完邊爐仲想有下場食個糖水先走，係荃灣第一時間都係諗起去路德圍架喇😌 好多個頭既糖水舖都食到厭，見到呢間未試過，let’s try😽 甜品有4頁menu，樣樣都想食咁！ 好彩我地有7個人，每頁都可以叫黎試下😚 雙莓waffle拼海鹽雪糕 ！(另加一球抹茶雪糕+$10）👍🏻👍🏻👍🏻👍🏻👍🏻 好好食，兩層waffle中間仲夾左層厚cream，夠邪惡，夾左士多啤梨再加海鹽雪糕咸咸地，我地一致認為呢個waffle係超正！不過如果一個人食應該食唔晒😹 玫瑰花釀莓莓pancake 👍🏻👍🏻👍🏻 呢個唔係好食到玫瑰味，但係正合我意，我本身好怕玫瑰味既野，硬係覺得似食hand cream 🤣 呢個pancake都係士多啤梨果jam, 我覺得就不覺不失啦～ Caramel Baileys Pancakes 🥞👍🏻👍🏻👍🏻👍🏻👍🏻 呢個pancake係今日MVP, 好好食😋 雖然佢賣相無士多啤梨個個咁靚，但係佢baileys味好重，出奇地同pancakes好夾😚 愛飲酒既你應該會同我一樣喜歡💕 叫左兩個心太軟食下~👍🏻👍🏻👍🏻👍🏻 正常水準發揮，配左個3.6牛乳雪糕🍦，都幾濃幾好食😋 手工芋圓👍🏻👍🏻 呢個芋圓反而有少少失望，芋圓無乜味 口感就幾好咬口，其他甜品吸引好多～ 正體黎講，好食！ 下次想食甜品會再黎食waffle同pancakes😚😚

一大班人通常食飯都有個傳統係食打邊爐架喇，近近地搵間荃灣既食下～ 朋友話想試呢個最近人氣好旺既大滾友🫡 位置係千色隔離，都幾方便 叫左藥膳麻酒雞湯底店員叫我地可以先飲湯再開始打邊爐，果然個湯好好飲好濃，飲完覺得好養生 叫左個大既牛拼盤，最特別既有個花雕牛肉，好入味，愛酒人士必試！ 白膳都好新鮮好好食😋 仲有好少火鍋店有既水蓮，配搭呢個湯底，更加好食左。 不過比個芝士獅子狗嚇親，話曬都$78一碟，但上菜得5粒😅 整體來講其實食物係好好食，特別湯底好出色，環境都好靚，只係價錢上就略貴，人數少應該都貴食，今次我地人多就還好啦

前幾日趁紅日 約埋同事遠離下公事出黎食下Lunch!! 同事想食鐵板燒但又唔想太貴，所以搵左呢間係觀塘既小店試下。 上網見都話會full booking，所以都預先訂位。黎到見到位置都唔想多，主要都係圍住鐵板位置既bar枱。 Lunch time都有唔同既set,唔係淨係得鐵板燒。 但如果係鐵板燒Omakase 我就覺得偏貴左少小，可能始終係小店既關係啦。 但！黎到鐵板燒店都要食鐵板燒！ 所以叫左鐵板一人前😚 前菜同湯，正正常常啦 追加左個刺身$30，都算ok 又厚切而且新鮮🥳 主菜上場！ 有別於以前食鐵板燒既經驗，佢係一碟過上曬菜😂 唔似得其他店係逐樣上，始終得一個爐，lunch食set就ok 如果係omakase體驗上就差少少了。 個廣島蠔係有驚喜既，好好食😋 D炒雜菜加左櫻花蝦所以好香口，牛柳都唔會太老，幾冧身。 仲配左個煎蛋飯既，唔會唔夠飽😂 整體而言，食Lunch set性價比都高既👍🏻🎉

起床後 無咩做諗住搵個地方hea下 順便同友人傾下之後去旅行既行程 上網搵到呢個cafe 雖然有d遠 但係d相睇落又似幾好hea
上到黎 無咩人 環境好舒服 簡左張靠窗既枱 叫左個lunch set 有蒜容包餐湯 我叫左個蕃茄海鮮飯 出乎意料地好食 好足料 飲品叫左杯cappuccino 細杯左d 但都好飲既
值得一讚係 真係係度唔覺唔覺hea左好耐 d店員都好親切 如果幾個人想靜靜地搵個地方聚下舊傾下計 就好岩黎 下次有機會會再黎！