分享一下今晚喺科學園入面一間梨滿園韓式餐廳食燒肉放題嘅體驗。 店內枱櫈擺放整齊，每張枱都有足夠空間，用餐唔會覺得擁擠，枱上放置精美餐具同燒肉所需嘅烤盤、夾等工具，乾淨冇笠痴痴，搭配柔和燈光同溫暖嘅色調，牆上掛著韓國風格嘅畫作同裝飾品，營造出濃厚嘅韓國氛圍，比人感到放鬆舒適。 燒肉放題所提供嘅種類除左燒肉嘅食材例如海鮮、肉類、菇菌類等，仲有韓國料理，前菜、小食、湯品、主食、壽司、刺身等等，飲品都有啤酒、汽水、茶，款式都幾多。 我地主要都叫左唔同嘅肉類，美國牛板鍵，肉質鮮嫩多汁，烤至微焦嘅外皮帶有濃郁香氣。橫隔膜肉同牛肩肉都令人驚艷，口感豐富，帶有滿滿肉汁，令人欲罷不能。 除左牛肉，厚切豬五花腩片同豬頸肉都係我最愛。豬肉經過燒烤後，肥瘦相間嘅口感，又軟又脆實在令人回味無窮。仲有燒帶子，外觀金黃誘人，散發著淡淡嘅炭烤香氣，質地鮮嫩多汁，帶子鮮甜。 除左燒肉都叫左唔同種類嘅食物，海帶湯清爽可口，豆腐辣湯口味濃郁、辣辣嘅香氣四溢，聞落已經好吸引。辣湯融合豆腐嘅细腻口感，香辣度調較剛好。 另外韓式炸雞外酥內嫩，能夠保留雞肉嘅原汁原味，又帶有獨特嘅韓式風味，美味十足。而雞肉石鍋飯味道濃郁鮮美，石鍋中嘅飯粒吸收各種食材嘅風味，口感香糯，配上韓國辣醬甜甜而香辣，滿滿嘅幸福感。 整體而言，今次嘅韓燒體驗能夠一次過享受到韓國美食豐富多樣性同埋獨特風味。而且店內抽風設備完善，唔會有油膩同焗促感，唔錯。

今晚到上水廣場一間日式餐廳食晚餐，呢間餐廳叫丼道，顧明思意食丼飯，丼餅嘅種類都幾多，有鰻魚丼、親子丼 (日本華味鳥使用)、深川丼 (東京深川地區名物)、時令刺身丼 (冬天做緊深海池魚)，另外仲有和風咖喱系列，亦都有小食同甜品供選擇。







店內環境好好，整個裝潢以日式武士為主題，讓人仿佛置身於古代日本嘅武士時代，滿滿嘅日本歷史文化氣息。而且光線充足，座位又寬闊，係一個非常舒適嘅環境。而最令我印象深刻係中間位置擺放嘅稻米裝飾，更突顯主題👉丼飯👈



我地叫左兩個餐，包括鰻魚丼（送味噌湯、凍蜂蜜烏龍茶）、吉列豬扒咖喱飯（送椰菜絲沙律配柚子醋+烏龍茶）、仲有一d小食：檸檬鹽雞軟骨、蜜味脆魷魚、炸餃子，人均$150，都幾抵食。



鰻魚丼：鰻魚肉質鮮嫩，搭配著甜甜嘅醬汁同鬆軟嘅白飯，飯粒分明厚實，口感絕佳。



味噌湯:唔係好鹹，濃郁帶香氣，非常暖胃。
凍蜂蜜烏龍茶：清涼解渴，帶有淡淡嘅花香同蜂蜜甜味，非常適合搭配今晚嘅晚餐。



吉列豬扒咖喱飯：豬扒炸得非常酥脆，咬落肉質香嫰。咖喱醬汁濃稠適中，香氣四溢，少少辣味當中又帶住一d蘋果嘅香甜味，配上香噴噴嘅白飯，讓人食指大動。



椰菜絲沙律：菜絲新鮮爽口，搭配柚子醋嘅微酸香味，帶黎一般清新嘅味道。



檸檬鹽雞軟骨同蜜味脆魷魚都係必食之選，兩款都炸得酥脆美味。雞軟骨脆口入味，有輕微檸檬香味，一口一粒，非常好食。



魷魚外層包住甜甜嘅蜜糖醬汁，食落香甜又鮮美。魷魚彈牙有嚼勁，但絕對唔會煙韌。



炸餃子外皮酥脆，內餡鮮嫩多汁，配搭唔會太酸嘅香醋，令人印象深刻。

整體而言，餐廳食物豐富多樣，味

道好。服務員亦有禮有笑容，今晚食得開心又滿足，下次會再黎。

今日到八月茶室食晚餐，個人很喜歡到茶餐廳用餐因為可以一次過食唔同嘅食物。先分享一下店內裝修，茶餐廳裝修風格溫馨，尤其嗰個月球装飾令成個空間更時尚，令人留下印象。檯櫈好闊落，冷氣夠，可以好放鬆同舒適咁享受晚餐嘅時光。 我地叫左唔同嘅菜式，有魚柳包、炒意粉、鐵板餐、小炒皇、川味肥腸炆滑雞煲，咁多野食都係四百零蚊，食到飽又滿足，性價比真高。 吉列魚柳包 ：麵包烤得香脆，搭配新鮮嘅青瓜、番茄、生菜，同最重要嘅吉列魚柳，魚柳炸至金黄酥脆，肉質鲜嫩，加入千島醬，甜酸醒胃亦減少油油膩感。 乾炒牛肉意粉：黑椒香氣四溢，意粉彈牙有嚼勁，牛肉鮮嫩多，入口鬆軟，帶有微微嘅辣味，令人回味無窮。八月小炒皇：有小魷魚有蝦仁，全都鮮甜彈牙，搭配新鮮韮菜花、菜莆、蝦乾和腰果等等，味道香濃，送飯之選。 黑椒汁鐵板雜扒真係抵食，份量大，又豐富，有牛扒、雞扒、豬扒、司華力腸等肉類，全部肉質都鮮嫩多汁，輕輕切兩下就可以，唔會又鞋又韌，搭配黑椒汁，香氣四溢，十分吸引。 除左小菜，呢度連川菜都有，酸菜魚、辣子雞、水煮魚等等，我地叫左個川味肥腸炆滑雞煲，充滿濃厚浓川菜風味，用左大量川味調料，如花椒、辣椒、豆瓣醬等，散發出濃烈嘅香氣，令人食欲大增。肥腸好大件好肥美，油脂滲入滑雞嘅肉質中，令滑雞更加鮮嫩多汁。味道方面都有川菜嘅麻辣風味，唔錯。 整體覺得八月茶室食物種類多，價錢又唔貴，從裝修到食物味道，再到服務態度都很好。

今日喺粉嶺火車站嘅西樹泡芙買左d泡芙返屋企做晚上甜品，店內泡芙款式多，而且賣相精美。 我叫左白桃吉士泡芙、綠茶紅豆泡芙和北海道牛乳布丁泡芙，包裝精緻而且附送小冰袋，保持泡芙質量。 白桃吉士泡芙： 外皮酥脆，顏色係淡淡粉色，非常可愛。帶有淡淡白桃香氣。白桃內餡甜度適中，唔會過甜。吉士內餡奶香味濃郁，搭配白桃非常協調，食落清爽，整個口感非常柔順，喺口中融化。 綠茶紅豆泡芙： 綠茶內餡嘅茶香味濃郁，回味甘甜。紅豆甜度適中，而且顆粒飽滿。兩者搭配非常美味，口感豐富，可以感受到綠茶同紅豆嘅香味。 北海道牛乳布丁泡芙：雪白嘅內餡非常誘人，北海道牛乳布丁奶香味濃郁，口感幼滑。軟熟忌廉搭配Q彈嘅布丁，連同外皮酥脆嘅泡芙一齊食，外脆內嫰。味道不甜，岩晒怕甜嘅人做甜品。 總結： 西樹泡芙嘅泡芙外皮酥脆，甜度適中唔膩口，口味非常多可以滿足唔同人嘅需求。而價格合理，性價比高，店員亦好友善，唔錯。

今日去左新裝修嘅緣聚餐廳，揀左中午12點黎，應該冇咁多人。餐廳日本風格嘅裝修令人印象深刻，去左天神村，打卡位亦特別多。冷氣夠，超涼爽；卡位多，座位鬆動，唔會太迫，係個幾適合聚會嘅地方。 放題食物非常多選擇，有99品，加90蚊仲可以upgrade到119品之餘，仲要有即開生蠔，海膽手卷等提供。 食放題最緊要係個刺身，點左三文魚、甜蝦、北寄貝同榮螺片等，賣相睇起黎都好新鮮，而事實上味道都符合外表嘅鮮美，抵讚👍三文魚唔腥，好香三文魚味之餘亦好有口感，甜蝦刺身鮮甜唔會腥，感受到刺身嘅鮮美同細膩。 壽司方面揀左手卷，每款細細件，可以食少少試多幾個味。 海膽手卷：新鮮嘅海膽融入酥軟嘅手卷之中，綿薄嘅口感與鮮甜海鮮味道完美交融。 吞拿魚蓉手卷：吞拿魚蓉非常鮮嫩，釋放出吞拿魚嘅香氣，入口即化，不能錯過嘅味道。 試下即開生蠔，生蠔雖然細細隻，但係鮮甜清新，令人回味無窮，加上新鮮檸檬汁提鮮，令人極致滿足。 比目魚西京燒：嫩滑嘅比目魚肉質與燒烤至香酥嘅外皮完美融合，非常喜歡西京燒獨特嘅醬汁，味道唔錯。 其他炸物、燒物亦都唔錯，例如味淋魚乾：濃鬱嘅魚乾香氣，嚼勁十足！仲有燒至外焦裏嫩嘅燒羊架同金黃酥脆嘅大蝦天婦羅。 飲品款式非常多，有唔同嘅紙包飲品，汽水，吧枱櫃仲有幾款特飲，例如青檸柚子梳打、荔枝香桃梳打等等清酒，淨係飲品已經多到難以選擇！ 甜品方面真係好唔錯，用心製作，一次過試左5種，份量剛好。 忌廉焦糖布甸：香濃嘅忌廉與糖焦嘅精妙搭配，每一口都能感受到口感豐富同層次感。 吉士奶黃鯛魚燒：外脆內糯嘅鯛魚燒加上濃郁香軟嘅奶黃吉士，大大提升甜品嘅驚喜度。 草莓吉士銅鑼燒：以新鮮草莓加埋吉士內餡，再搭配鬆軟外酥的銅鑼燒皮，滿滿嘅水果甜蜜爆發。 綠茶紅豆忌廉窩夫：綠茶紅豆搭配絲滑忌廉同香脆窩夫，好味道。 服務方面都好好，店員有禮貌又快手，密密執，密密上菜，值得讚賞。

Give me 5 呢間西餐廳地方好大，非常寬敞，氣氛十分放鬆舒適。服務員安排左我去一個近窗邊既位置，感覺開陽，輕鬆自在。餐廳內仲有一張桌球枱，有興趣可以約埋朋友仔一齊去玩下。 這間餐廳價錢十分合理，每人四百元內就可以像放題一樣享受不同美食。主菜有九款菜式選擇，另外餐廳亦設有不同的自助吧，有不同沙律款式、麵包、熱湯、燒烤、甜品櫃、雪糕櫃、飲品櫃等等。真係有好多唔同選擇，我特別喜歡有玻璃樽裝可樂，非常夠氣。 我特別想介紹下佢餐廳果個魚缸，入面有不同海鮮，有唔同既貝殼，鮑魚，大蝦，最過癮係可以自己夾出黎，鍾意邊隻夾邊隻，都幾好玩，之後交俾職員去處理，煮好之後會送去你張枱度。鮑魚燒得啱啱好，唔會太乾身，咬落彈牙煙韌，值得讚賞；而大蜆都好出色，大大舊肉，又鮮味，唔洗點調味已經好正；跟住就係避風塘風味既大蝦，真係出色，十分惹味，加上蝦夠新鮮，肉質彈牙鮮味，推薦可以去試一試。 其實每樣都試少少已經飽左七成，仲未試主菜。我兩個人試左三款主菜，A.脆炸紐西蘭龍脷色配他他汁 B.燒澳洲羊T骨配燒汁 C.德國咸豬手配酸椰菜，其實真係試唔到，因為已經食唔落。炸魚非常脆，十分惹味，連骨都炸脆可以食埋，非常唔錯。燒羊T骨非常香，羊味好好食，肉質嫰滑多汁，呢個我忍唔住叫左兩次。另外德國咸豬手真係做到外脆內軟，份量都大，有信心食晒先好叫，唔好浪費食物。 整體黎講我覺得係物有所值，性價比算好高，可以再食多幾次。坐得舒適，食物同環境都好好，夾海鮮好玩又好食，都係傾計，拍拖，聚舊既好地方。

校長燒肉 我唔係第一次去呢種燒肉放題既餐廳，最吸引我就係一個價錢任飲任食，唔洗再每一樣野計錢，咩都可以試下。今日黎左大埔超級城附近既校長燒肉，交通非常方便，坐火車、巴士、小巴都得。成間餐廳好大，有好多位置，唔會太迫，坐得舒服，地板冇油淋淋。另外裝修亦非常吸睛，整體感覺不錯。 呢間餐廳既其他分店我有去過，但應該每一間都有少少分別，除左任食魚生，蒸籠點心，不同熟食盤，炸物區，大量燒肉及打邊爐配料任你揀之外，我見到一個幾新奇既區域，就係自己可以沖泡唔同既茶俾自己消脂解油膩，我就覺得非常出色，因為除左不同綠茶、紅茶、烏龍茶包外，你仲可以任加果D陳皮，紅棗，鉗銡呢D唔同味道落去，即刻覺得自己戰鬥力提升左好多。 其實有得同時打邊爐同燒肉真係幾好玩又幾好食，一次過滿足晒全部願望，又時仲有驚喜，真心覺得值得推薦。除左呢D之後，都多左好多唔同既樽裝飲品，冇糖但味道唔錯。仲有甜品同雪糕都唔好錯過，真係有好多選擇，如果你想要試多幾款，咁我強烈建議你一定要留肚去食喇。 總括而言，校長燒肉係性價比高，又係非常親民價錢既餐廳，希望下一次再去會再有新驚喜。

麗春園 呢閬餐廳喺天后金輪天地19樓，非常高層，一去到門口已經有穿越既感覺，入到去直頭有置身古代客棧一樣，裝修古色古香，都頗有味道。窗簾有韋小寶，雙兒等等呢D鹿鼎記角色，應該係還原返小說入面既麗春園，不過呢度冇姑娘，但有任食火鍋放題。 火鍋放題有幾個不同鍋底選擇，我就揀左重慶鮑魚雞煲，同時亦有其他不同小菜選擇。雞煲都快就上菜，香味十足，好快就滾起，即刻食得，賣相非常好，味道係麻辣煲底，真係做到麻，辣，同燙三種味道感覺，唔係死咸死辣。雞肉鮮嫰有彈性，肉質唔鞋，肉味亦唔錯。另外鮑魚亦非常軟身，咬落煙韌，配上麻辣汁湯底十分出色。 另外，除左不同火鍋可以任揀之外，我要特別講下果D小菜。我點左川味口水雞，麻辣脆魚皮，皮蛋豆腐，手拍青瓜呢D小菜。其實每一樣都唔係小食，而係真係一個小菜，份量十足。 先講川味口水雞，香味十足，先係麻香，之後再到辣味，雞肉嫰滑，連雞皮都爽脆。麻辣脆魚皮，長條型魚皮，非常脆口，辣味十分刺激，食到停唔到口。皮蛋豆腐，配上紅油又係一絕，皮蛋蛋味香濃，入口順滑，豆腐味道清爽，入口即溶。手拍青瓜，新鮮爽脆，味道清甜，完全可以緩解口入面果種又麻痹，又辣燙既感覺。 另外，其他火鍋配料亦唔錯，份量足，亦非常新鮮。飲品亦係自由自取，有很多內地經典飲品，有興趣可以一試。 總括而言，我覺得麗春園係性價比高，有裝修，食物有質素，氣氛亦非常好，我認為可以一試再試。

鍋處 今日放假喺東涌附近遊覽，夜晚就去左東薈城行下街順便搵野食。其實東薈城餐廳好多，有好多選擇，但就係見到呢間鍋處，有放題打邊爐選擇，仲要價錢唔貴，於是就揀左呢間試一試。 我揀左澳洲安格斯牛肉，中等價錢，265蚊位。每人可以揀一個湯底，一人一鍋都幾唔錯，仲要坐得舒服，位置都好寬敞，第一次黎感覺唔錯。 好快店員已經上湯底同牛肉，湯底賣相唔錯，味道亦香濃，而安格斯牛肉同豬肉就咁睇已經好靚，食落肉味濃，唔太肥，唔韌，肉質唔會太淋，我自己認為係出色既。呢度添肉就要叫店員拎肉俾你，要幾多碟都得，食完店員亦好快會收左D食完既碟，唔會阻住晒D位。 講返配菜方面，出面有個好大既自助沙律吧，蔬果新鮮選擇多，亦有不同丸物可以揀，都非常之唔錯。調味料方面都有D特別既地方，有不同風味既豉油同醬料可以選擇，唔怕麻煩可以走多兩轉，試下配不同口味。 飲品同埋甜品方面都係自助形式既，凍飲品就喺雪櫃自己拎，有糖冇糖選擇都有。想飲熱飲可以自己沖杯熱茶，亦有幾款不同茶可以選擇。甜品就有兩邊雪櫃，一邊就有D布丁，紫薯呢類既手工甜品，另一個就係雪糕櫃，有幾款雪糕同雪條俾你揀，選擇算好多喇。 總括而言，我認為鍋處真係一間高質火鍋放題，性價比高，值得推薦。

堅韓牛韓燒放題



今日喺旺角附近收工，非常肚餓，好想食大量既肉肉黎補償返自己一日既辛勞。其實冇乜點諗就決定左去左呢間堅韓牛食燒肉放題。



晚上7點上到去唔太多人，位置鬆動，職員幾有耐性，慢慢同我介紹個餐牌。套餐有3個Level，見到Level 3有日本A4和牛肉眼，仲有埋真正既韓國1+腩包肉，係就係貴少少，不過真係太耐冇去旅行，好想重溫喺韓國食韓牛既滋味，咁就揀Level 3啦。








個爐都未熱，D肉已經上枱，睇得出每一種肉既質素唔差，但因為個爐未夠熱，我就先食住D小食同刺身先。







小食有炸洋蔥圈，炸雞塊，炸雞軟骨，炸魷魚，炒牛肉粒，賣相都幾唔錯，特別想讚係呢個炸魷魚，真係外脆內軟，令我食唔停口。刺身方面，我最喜歡既三文魚同甜蝦都唔錯，都係新鮮好味既。





試完小食梗係開始燒肉環節，呢度既燒肉係自己調味，自己落岩鹽同黑椒，我先燒左豬腩片，肉眼同埋牛肋條，豬腩片燒脆左真係好香好好味，配埋泡菜再用生菜包住一齊食，非常出色。而肉眼同牛肋條牛味非常濃郁，而且肉質偏軟身，但仍然有咬口，十分好味。



最有驚喜係呢個韓國1+腩包肉，上枱放喺度已經好吸睛，呢個肉真係唔洗燒太耐，兩面燒到微微金黄色，加少少岩鹽，就咁直接放入口，你唔需要咬已經溶化左喺口入面，滿口油香，呢種體驗無諗過喺呢度食到，真係俾喺韓國食更加出色，突然覺得呢個價錢有咁既享受，都算超值喇。



之後我都停唔到主攻呢款肉，連甜品都冇食到，但真係非常滿足，真心推介可以一試。