想食燒肉，朋友介紹這間，仲有自己製梅酒飲 自家製梅酒 $60
一入門口就見到兩大瓶梅酒，仲要寫明自家製，當然要試，酸甜適中，易入口 温泉蛋凱撒 $80
好喜歡温泉蛋，當然要試，半熟嘅溫泉蛋同沙律菜撈勻，口感好滑，估唔到咁特別。 厚切上澳洲牛舌 $240
好厚切，入口唔韌，鮮嫩得來油脂豐富，仲好juicy，點少少海鹽，超級好味！ 飛驒牛盛合 $520
喜歡食牛的唔可以錯過，一次過可以食唔同部位，分別有上後腰脊肉、牛肩肉、里脊肉、臀骨肉及霜降西冷，我就由油份少的開始食，牛肉味濃，油花分佈平均，就算油脂多的都不覺油膩，唔點嘢都好好味，我喜歡點檸檬汁，令肉味更提升 稻庭烏冬 ($60)
叫了一個凍，一個熱，好煙韌！ 最後食埋個仲芒果雪糕，大滿足

約咗朋友食飯，佢好想食蠔，一睇呢間，就知一定有蠔食，又近返工嘅地方，就試試。

Oyster
一共試了兩款蠔
Spanish X2 $158，好大隻，脆身，蠔味濃，海水味。
Royals X 2 $110 無咁脆 蠔味更濃 Grilled Japanese Hokkaido Scallop $110
烤日本帶子配野菌木魚絲
帶子好鮮甜，有些野菌的香，食完仲想食 Kale & Pumpkin Salad $139 羽衣甘藍南瓜藜麥沙律
南瓜又淋又甜，配上合桃、蜜糖和藍莓，有不同的口感
Oyster Bisque $89
鮮蠔濃湯
好濃郁，仲有大大隻蠔 Truffle Mushroom Soup $79
黑松露野菌忌廉湯
Creamy，仲好香黑松露味 Baby Squid Ink Risotto with Seafood Sauce $159
香煎魷魚配墨魚汁意大利飯配海鮮醬
賣相好吸引，大大條墨魚，裏面仲釀有意大利飯同各種配料，啖啖都有好豐富嘅材料 Banoffee Pie $69
香蕉拖肥批
最後來個甜品，喜歡香蕉嘅一定好喜歡，仲唔太甜

年宵當然要食中餐，試了這間，静静哋，仲有好多手功菜，可惜得兩個人，唔可以試好多 皮蛋酸薑  坐底飲杯茶，來一個前菜，糖心皮蛋配上爽嫩清香嘅酸薑，好開胃 杏汁白肺湯  好喜歡這個湯，入好好清甜，仲好重杏仁味。 冰鎮鮑魚 好大隻，妳淋，酒香濃，就咁食都已經好入味，喜歡的話，仲可以點甜酸芥末汁，提升鮮味 黃金蝦  非一般的黃金蝦，外面加麥皮，比較健康，仲唔會食到一口油，廚師好細心，將大大隻嘅蝦去殼後，再把切開，蝦身啖啖肉，蝦頭仲有蝦膏。 煎金蠔  加咗蜜糖煎嘅金蠔，甜甜哋，有蠔香，又鮮甜，下面放了金絲糖蜜煎蓮藕，增加口感 豉油雞  好滑好入味嘅豉油雞，仲有好香嘅玫瑰露酒味，本來已經好飽，都忍唔住要叫碗飯撈汁 菜煲 好大煲，上枱時仲吱吱喳喳些，菜清甜爽脆 杏仁糊湯丸配桂花糕
年宵當然要食湯丸，再配上凍凍哋嘅桂花糕，唔甜又有花看

二人限聚下，和朋友食團年飯，朋友响九龍區返工，又想食日本嘢，之前試過上環店，知道尖沙咀開咗分店，就試試，一入去，就見到同上環店一樣嘅魚鱗牆，好吸睛，今次都係食壽司set $458 前菜 有沙律同茶碗蒸，茶碗蒸入面有蟹柳、蔥、木耳，百合 凡立貝壽司 加咗柚子醬油，好鮮甜 赤鯛壽司 清淡嘅赤鯛，配上岩鹽柚子汁，鮮味更突出 深海池魚壽司 充滿油脂嘅深海池魚，配上醬油，十分肥美 牡丹蝦壽司 加了蝦膏，入口濃郁 金目鯛 輕輕燒過嘅金目鯛，油份開始出，好甘香 梭子魚壽司 燒過再加上芝麻，肉質棉棉，又有油香 池魚壽司 加咗薑蔥同埋醬油，肉質肥美，味香濃 中拖羅壽司 最喜歡中拖羅，油份適中，入口即溶，又無筋 馬糞海膽壽司 依家係海膽嘅季節，十分滑溜，海水味濃 BB銀雪魚 輕輕燒過嘅銀雪魚，入口綿綿，又有炭香 醬漬吞拿油壽司 加了蒜味醬油，入口好特別，魚味好出 靖魚壽司 京都做法，飯加咗紫蘇葉，有唔同層次嘅口感 左口魚邊壽司 加咗辣椒蘿蔔同蔥，入口好多油，好肥美 赤鯥壽司 紅色魚皮，粉紅色嘅魚肉，鮮甜，油脂重 食完再食埋個櫻花蝦素麵同冧酒提子雪糕，為團年飯畫上完美句號

好耐無食日本嘢，朋友話銅鑼灣開咗間新餐廳，就去一試，好耐無食，食豪些，就來一個$680 omakase 
先來前菜，有煮物大根同蒸蛋，大根好淋好入味，蒸蛋好滑，仲有蟹肉同魚。 跟住開始食刺身

安康魚乾
時令嘢，下面放了昆布，上面加上柚子醋，好creamy ，幾樣嘢一齊食唔油膩 活赤背
上碟前，拍一下，肉質更爽口，配青檸更能帶出鮮甜味 BB吞拿魚
用上魚背，肉質嫩滑細緻 生蠔
好特別嘅名 - 令和之怪物，來自九洲嘅真蠔，配上柚子jelly、食用玫瑰、辣蘿蔔同萬用蔥，入口酸酸地，又爽脆 障泥烏賊
入口膠膠哋，好鮮甜，上面仲有海膽同三文魚籽，令口感更有層次 銀雪魚西京燒
厚厚嘅魚肉，配上醬汁外脆內嫩 天婦羅
有蝦、番薯同南瓜，第一次食無汁嘅天婦羅，全因炸嗰時已經加咗海鹽，入口特別脆。 食完食個沙律，清清口，開始食壽司 鰤魚壽司
野生嘅鰤魚，魚味特別濃 帆立貝壽司
加咗新鮮竹炭鹽、青檸，上碟前拍一下，肉質更實淨 刺身級銀雪魚壽司
輕輕燒過，魚油更出，好香好滑 珍寶大蝦壽司
蝦本身已經好甜，上面放上蝦頭煮嘅膏同蝦籽，好嘢味 藍鰭吞拿魚腩壽司
簡簡單單，加上岩鹽，用紫菜包住食，鮮甜，又有唔同口感 雲丹盛
用上赤馬糞海膽，原來唔同顏色嘅海膽就係馬糞海膽嘅特色，好睇又好食 最後飲埋個用生紫菜煲嘅湯同食埋個甜品，甜品係意大利芝士雪糕，蕨餅，個意大利雪糕放響威化餅上，好似食三文治咁，好特別 下次想食壽司，13件壽司係先食12件， 第13件自選一款encore，期待

約咗一位在灣仔返工嘅朋友食飯，佢介紹了這間餐廳，雖然佢嘅 set lunch 好抵食，但係難得來到，無理由唔食扒，所以最叫了一個 $298嘅扒餐，有包、沙律、一塊8oz嘅肉眼扒，仲要薯條任食。 先來麵包同沙律，表面看，人個麵包無咩特別，一拎上手就見到廚師嘅心思，原來個包一早就切開咗一半，然後烘到金黃色，食落外脆內軟，沙律菜亦好清甜。 塊肉眼有手掌咁塊，上面仲有一大棵迷迭香，唔想食咁生，叫了medium well，肉質都好嫩，把刀好有趣，好似把菜刀咁 ，仲好鋒利，塊扒好易就切開，呢個扒有三款汁可以選擇，分別係黑椒、洋蔥同紅椒，我選擇咗洋蔥汁，甜甜哋，同塊扒都好夾，不過塊扒好新鮮，加少少胡椒同鹽己經好好味，食吓扒，又食條薯條，其實都幾飽，真抵食。

疫情關係做冬無晚市，呢間本來無午市嘅餐廳都開始做午市，就來食個豐富嘅冬至午餐。呢間餐廳仲要唔係用一般嘅電爐，係用炭燒，期待那份炭燒味 呢間以燒烤為主，醬汁都有3款，燒肉汁、柚子芥末醬及自家製蕃茄汁 酒盜薯仔沙律 ($38) 酒盜原來同酒無關，佢係指用魚內臟及魚腸加鹽醃制而成嘅食品，簡簡單單嘅薯仔沙律味道變得好特別，仲加咗薯片碎，增加口感 牛肉盛合 ($330) 喜歡食牛嘅一定要試，唔同部位都有，分別有日本和牛背峰、美國牛小排、日本和牛三角腩小排、日本和牛腩、美國翼板、牛心及牛舌。各部位都肉質柔軟，肉味香濃，燒過之後，除咗牛腩之外，其他都唔油 美國壺漬牛小排 ($108) 又長又厚身嘅牛小排好，經醃漬後好入味，燒完口感軟嫩 伊比利亞豬肋條 ($88) 望落去好似半肥瘦，以為會肥，點知食落完全唔覺，仲好入味 山形縣產煙燻豬腩 ($128) 厚切嘅豬腩，瘦多過肥，仲一層層咁，有煙燻同炭味 日本雞腎 ($34) 一啖一粒，好彈牙，送酒一流  鹽燒法國鵪鶉 ($148) 鵪鶉開咗邊，店員慢慢一邊一邊燒，真係好有心機，肉質滑溜又彈性， 炭火雞($98) 第一眼睇以為係烏雞，原來只係醬汁，燒完仲有炭燒味，店員仲提意可以點少少wasabi，感覺好特別 咁開心，當然要飲番杯，點了支京姬，選了一隻杯，邊飲邊吃，好好享受

朋友請食生日飯，大家都想食蟹，立即諗起SOGO隔離嘅蟹慶，坐低見到依家蟹慶會席由 $1976減到 $1776兩位，好豐富，就叫了這個。

前菜三點
分別有蟹肉沙律、螢光魷魚和牛蒡，食完好開胃

精選廚師發板刺身4點
唔止4點，係5點，有深海池魚，金目鯛、帶子，蟹肉刺身，牡丹蝦，新鮮肥美

蟹肉蒸蛋
蒸蛋內有一絲絲嘅蟹肉、三文魚子、菇同銀杏，鮮香濃郁，仲好滑

蒸毛蟹
呢個係我全晚嘅最愛，用嘅係毛㙰，全隻蟹上，原汁原味，廚師好細心，已經剪好晒，食得好方便，就咁食已經好鮮甜，點埋個由廚師自家製嘅水雲蟹醋，蟹肉更鮮甜，簡直係錦上添花，當然仲有好鮮甜嘅蟹膏。

浜燒蟹腳
一人選一款，分別有松葉蟹腳同鱈場蟹腳，兩款都多肉鮮甜，如果喜歡海水味嘅可以選擇鱈場蟹

海鮮天婦羅盛合
有，蟹腳、蝦、南瓜、茄子，食完好滿足

甲羅燒
松葉蟹膏加鵪鶉蛋放响蟹甲上燒，蟹膏味出晒，乾乾哋，放在蝦片上，好香口，比多幾片包我都仲得

松葉蟹斧飯
一絲絲嘅蟹肉，加上蔥花、芝麻、黑松露個飯真係好香口，好野味，仲有少少焦香添

最後飲個湯，仲有食埋個蕨餅同綠茶布丁做作甜品，呢餐蟹宴就完滿結束了

細個一講起去沙田，就會想起食乳鴿，食乳鴿當然會想起龍華，有朋友話未試過，就去試試，由禾輋行天橋過去，好易認，因為仲係好似以咁，有好多大紅燈籠，裝修依舊，同細個時去無分別。
好多嘢都想食，明知多，都叫了，反正話明天一早可能打風，食唔晒打包回家明天食。

龍華脆皮燒乳鴿 $98
乳鴿當然係必點，這裡所用嘅乳鴿，都不超過26天，先以秘製滷水汁滷製，再浸至七成熟，然後上麥芽糖，再吊乾，仲即叫即炸，皮脆肉嫩，點些准鹽更能提升鮮味
生磨砂杏汁炖白肺湯 $298
踏入秋天，當然要潤一潤，來一鍋白肺湯，一上枱就聞到陣陣杏仁香，入口仲好清甜，我一共喝了三大碗 菜膽上湯雞 （半隻）$168
酒店外牆有四隻大字­「嫩鴿肥雞」，除了乳鴿，當然要食雞，果然好肥美，又滑。 砵酒姜葱焗廣島蠔 $188
好野美，好多姜葱等配料，一上碟就聞到好香，仲好有鑊氣
菜膽枇杷豆腐$118
枇杷豆腐係心機菜，唔係好多地方有得食，香脆又帶有魚肉鮮味，美味可口
特式干炒牛河 $128
餐牌介紹李小龍都好喜歡這裡的干炒牛河，好有鑊氣、夠味、又乾身不過油

睇完早場TANAT去食 brunch，行咗上雲咸街藝穗會對面嘅一間cafe，這間cafe好特別，門口位置係cafe，入面係賣70年代衫嘅，好懷舊，所用嘅杯都一樣好70年代，好特別。 Order了一杯 hand drip，選了Ethiopia 豆，中酸度，有些花香，不錯。 食物就點了牛油果滑蛋牛角包，好吸引嘅賣相，仲有成半個牛油果，好吸引，可惜食了一啖牛角包後就好我失望，係凍嘅，仲好似係雪櫃拎出來咁，完全唔脆，以為忘記了加熱，所以就問吓，答案係加熱咗喇，因為我真係接受唔到食凍嘅牛角包，所以就要求了加熱，點知，店員居然用微波爐來加熱，其實我自己都好少用微波爐，家中嘅微波爐已經送咗去堆填區好耐，完全無諗過有CAFE會用來加熱麵包，用微波爐加熱嘅包，會破壞麵包嘅質感，仲要唔脆，完全唔覺得自己食緊牛角包，牛油果有幾靚，炒蛋又幾滑都無用 這間CAFE嘅環境同咖啡都好好，可借食物嘅製作就有保留，而且枱都很細，又矮，所以都食得唔係咁舒服，所以我建議去這間cafe比較適合和朋友飲嘢