提前和朋友食造冬飯，大家都好掛住浜燒，立刻想起漁獲浜燒 鈴鹿川純米大吟釀$338 入口甜甜的，有些蜜瓜味 特製黑松露炙燒平目魚邊沙律 $138 清新嘅沙律，配上肥美嘅平目魚，入口即溶 刺身盛合六款 $628 有吞拿魚腩、油甘魚、三文魚、帆立貝、赤貝再加一款時令魚，今次嘅時令魚係赤鯥，刺身好厚切，鮮甜肥美，赤鯥輕輕燒過，仲有些有炭燒味 波士頓龍蝦活貝浜燒盛合 $1038 波士頓龍蝦，加入蛋黃醬一齊燒，味道比平時的濃，其餘三款貝都是來自北海道，有北寄貝，文蛤同帆立貝，一向喜愛浜燒北寄貝，加清酒燒，好鮮甜，食完，記得要飲埋佢，燒文蛤燒得剛剛好，好滑，帆立貝一隻用清酒燒、一隻用牛油燒，兩款都好好味 一向都覺得新鮮嘅海鮮係唔需要點醬汁，呢到其實都係，不過如果喜歡，都可以點海鮮豉油、柚子胡椒、七味贈醬 蟹肉黃金海膽炒飯 $198 最後，要有些米氣，叫了個炒飯，蟹肉配海膽，好野味 原味芝士蛋糕 $58 綠茶雙層芝士蛋糕 $68 最後來個芝士蛋糕作甜品為這餐畫上句號，濃濃的芝士味，仲要係心較實嘅texture，係我嘅最愛

和一位芫茜控打邊爐，大驚喜 清熱滋潤竹蔗茅根 $58 大大支，⁣⁣⁣⁣⁣兩個人share ，剛剛好 清香皮蛋芫茜湯 $74 最愛芫茜，打邊爐必選湯底 櫻花蝦雞肉丸3.0 $89 ⁣雞肉包住櫻花蝦，口感好特別，出面好少見 芫茜牛肉卷 $69 金菇牛肉卷就食得多，呢個簡直係驚喜，輕輕一焯就食得，入口充滿芫茜香，和牛肉出奇地夾，芫茜控不可以錯過 美味三拼餃 - 鮮蝦雲吞、韭菜豬肉餃、魚皮餃 $43 三拼最好，可以試多些款，⁣大大粒好足料，最愛鮮蝦雲吞 手切頂級安格斯 $159 ⁣ 牛肉厚身，肥瘦均勻，油花分佈平均 新鮮鮑魚 $88 一共兩隻，大大隻，好鮮甜，爽口彈牙 蟶子皇 $84 雖然不是很大隻，但入口好爽同鮮甜，喜出望外 千頁冰豆腐 $25 其中一個打邊爐嘅好食材，吸晒湯嘅精華，又有豆香 呢到裝修好特別，好似細個去大牌檔咁，入面仲有些房，好適合朋友聚會

訂咗衫要去銅鑼灣電業城拎，見到大堂開咗間cafe，攞完就同朋友試，坐位唔多，但係坐落都好舒服，我同朋友分別叫咗杯cappuccino 同hand drip Cappuccino 先來，個啡杯好特別，係店主訂造的，仲有自己logo，個拉花都好靚，係Rosetta，圖案分明。傾落個house blend 原來係店主自家 formula，好 balance Hand drip 係 El Salvador，朱古力味比較濃，原來係來自Hungary，仲有其他豆，下次可以試下 坐坐下，見到枱面有張手寫menu，原來仲有 New York Cheesecake ，又叫了一件，係我喜歡那款好實嘅 cake，仲有檸檬香，食完可以食多件，店主仲話其實佢有整開 Bagel，安頓好後會出，我都好鍾意 Bagel，期待😚 店主好nice，會走來傾下計，問下意見，原來店主曾經响荃灣一間cafe 做part time，之後去過韓國 working holiday， 早兩年辭去工作，開始籌備開cafe，呢間cafe雖然地方唔大，但係佢放咗好多心機，牆上嘅畫就係佢working holiday 時影嘅相，呢間cafe 咁近公司，得閒可以來食個下午茶

之前試咗西餐，今次試中餐，中餐就响西餐廳入面，一入去就見到好大個廳，好寬敞，坐得好舒服，一行四人，食咗好多嘢，好飽，好滿足。 先來點心，叫咗幾個個名比較特別嘅點心。 雪山竹炭叉燒餐包 $62 用咗竹炭粉，所以個包係黑色嘅，入面係正常嘅义燒餡料，沒有肥肉，又好夠味 脆脆鮮蝦紅米腸 $78 好似炸兩，不過個腸粉皮已變咗紅色，再包住好以鮮蝦春卷咁嘅脆脆﹐食時仲好脆 蕃茄魚濕鮮竹卷 $62 平時嘅鮮竹卷好多時都好油好濃，不過呢碟就完全無這種感覺，仲好清甜 雙色馬拉糕（原籠）$58 一共六件，原味同朱古力味，好軟熟，又唔會好甜 田園蘿蔔絲酥 $78 一行4人，嗰嗰都想食，所以加咗一件 $26，皮脆，入面仲有好多蘿蔔絲 帶子蛋白炒鮮奶 $238 蛋白滑，帶子鮮甜，加入松子仁，增加口感 櫻花蝦蟹籽海鮮炒飯 $188 炒得好乾身，好多鮮蝦，又有好多櫻花蝦 生磨蛋白杏仁茶 $62楊枝甘露 $58 最後當然水唔少得甜品，杏仁茶 呢到環境好好，好闊落，影又靚，好適合朋友聚會

朋友帶我去試一間日法割烹料理餐廳，好特別 前菜 海膽魚子醬紫蘇葉 鮮甜嘅海膽配上鹹鹹地嘅魚子醬，估唔到原來咁夾，加上輕輕炸過嘅紫蘇葉，一絕 金目鯛 石垣貝刺身 用火輕輕燒過嘅金目鯛，好有炭香味，石垣貝爽口鮮甜，食時再上少少紫蘇花同醬油，鮮味提升 牛肉壽司 加咗醬油嘅飯上面配上蔥花，肉質鮮嫩，又好夠味 炭燒鰻魚 睇住廚師一邊炭燒一邊掃辷醬汁，好有心機，皮脆肉嫩，好入味，仲要一條骨都無 日本白貝 配上羽衣甘藍汁，仲有一塊炸左嘅羽衣甘藍添，好香牛油味，白貝剛剛熟，清甜爽口 和牛三文治 塗上麵豉醬，紅酒蕎頭碎，記得要一齊食唔好分開，好野味 Shabushabu 尾崎牛，西冷那都位，用牛骨湯滾兩滾，唔需要點醬已經好入味，仲好滑，最後加上烏冬同日本金菇 水果做甜品，有靜岡蜜瓜同山梨縣桃

小白鷺裝修後開咗間新餐廳，環境舒適，仲有靚景，去了試晚餐，可惜落雨，未能欣賞美景，唯有專注美食點完菜，就上麵包盤，有不同種類嘅麵包，配上橄欖油同醋，有需要仲可以要牛油，食完仲可以添Bouillabaisse seafood Stew $108
蕃茄海鮮濃，鮮烘法包，好濃郁，相信用咗好多蝦頭，蝦殼，甚至龍蝦殼熬成，用來點麵包一流，除咗湯，仲有好多海鮮，好似蝦、蜆，青口、魷魚等Hokkaido Scallop Tartare $168
北海道刺身，薄切，再配上藏紅花忌廉汁同食用花，入口先是有少少酸味，咬多兩口，帶子嘅鮮味慢慢出Clams with White Wine Sauce $148
白酒煮大蜆，好大粒呀，剛剛熟，鮮甜得來又好嫩滑King Prawn Linguini $238
燒大虎蝦配龍蝦汁扁意粉，味道和海鮮濃好相似，都好濃郁，意粉仲好al denta 
Black Cod $328
燒黑鱈魚．配上多好松木茸．鰹魚湯另上，食時先加，所以仲食到脆脆嘅魚皮，無骨嘅魚肉，大大啖啖食，結實得來又嫩滑食完先發現原來食咗好多海鮮，下次要再來要選擇白天，仲要好天氣，要好好享受美食同風景

今日同朋友聚會，試試呢間主打手工菜嘅火鍋 雲南珍菌清湯鍋 $98 有各式各樣嘅菇，如：金菇、雞脾菇、秀珍菇等，仲有竹笙添，火鍋料未到，先飲碗湯，好清甜 三色鳥結糖 $88 係有原味、南瓜、波菜味嘅墨魚滑，賣相好特別 手切頂級牛小排 (小) $198 好吸引嘅賣相，用乾冰製造出效果，厚切嘅小牛排，好有質感，好嫩滑 手打墨魚丸 (4粒) $48 好新鮮，爽口彈牙 手作芫茜皮蛋豚肉餃 $68 手工菜，好重嘅芫茜同皮蛋味，喜歡芫茜嘅人一定喜歡 香脆炸魚皮 $58 一籃子嘅炸魚皮，好香脆 紅薯粉 $38 最後食埋個紅薯粉，個粉吸收晒湯底嘅精華，好好味

坐屯馬線開咗，去九龍城真係方便咗好多，想食刺身，所有除咗 lunch set 之外，仲叫咗兩個刺身，原條伊佐木刺身同時令活蠔刺身 原條伊佐木刺身 $488 原條嘅伊佐木，薄切，同一般刺身唔同，廚師建建議可以將蘿蔔蓉同葱花加落酸汁，點來食，肉質結實又鮮甜，食完條魚骨拎去炸，好香脆，送酒一流 時令活蠔刺身 $156 來自西班牙嘅生蠔，已經加咗酸汁同埋蘿蔔，入口清甜，有少少辣 午餐G 壽司盛 $168 一共有九件壽司，分別係三文魚、鰻魚、帶子、赤蝦、燒左口魚、磯煮鮑魚、油甘魚同赤身，好多種類，慢慢嘆 午餐B 牛舌薄燒配三文魚炒飯 $98 薄切嘅牛舌，上面加咗好多蒜片同薑花，喜歡蒜同薑嘅一定好喜歡，牛舌亦好嫩滑 仲加$20 追加咗一個櫻花蝦炸豆腐 豆腐面全部都係櫻花蝦，外脆内滑

疫情期間，呢間餐廳做緊優惠重，午市指定套餐可享第二位半價，今次試咗$420一位的Omakase
，優惠後每位$357，真係好抵食 前菜係水雲，酸酸哋，好開胃 彷彿魚壽司：魚肉結實，咬多幾魚肉味更出 帆立貝壽司：上面放咗竹炭鹽，大大提升鮮味 左口魚壽司：入口有淡淡嘅柚子味 伊佐木壽司：上面放咗海藻，魚身軟腍肥美清新。 三文魚籽壽司：晶瑩飽滿嘅三文魚籽，以秘製醬油醃製，入口鮮味澎湃 牡丹蝦壽司：上面有燒過嘅蟹膏，清甜嘅蝦配上味濃嘅蟹膏，好鮮甜 食咗一半壽司之後，停一停，食個茶碗蒸先

海鮮茶碗蒸：上面嘅芨汁係用新鮮嘅海藻做，入邊仲有魚同冬菇，魚非常鮮甜 金扇鯛壽司：白肉魚，記得咬多幾口，魚味更出 深海池魚壽司：加上蔥花，口感好突出 中拖羅壽司：拖羅完全無筋，入口即溶 鰆魚壽司：上面放薑蓉，魚輕輕消過，入口有炭香味 鰈魚魚邊壽司：燒過後，油份出晒嚟 海膽壽司：好鮮甜，份量仲好多 食完壽司，再食個吞拿魚手卷，飲番碗舞茸菇清湯，甜品仲有綠茶奶凍

平時去希雲街食飯已經路過見到，終於有機會試，今次先試「萩」 $1680
前菜
魚肉沙律卷
鹹鹹地，酸酸地，又爽口，很開胃
七味燒魷魚鬚
上面加咗姜茸，少少辣，爽口，好適合送酒 水雲
食完食埋個水雲清清喉嚨，準備食刺身 刺身5種

北海道毛蟹
有大髀肉同蟹肉，先食大髀肉，比較鮮甜，再食撈左蟹膏嘅蟹肉，仲可以加入紫蘇花，口味比較濃，仲有紫蘇花香 北海道響螺
後面嗰塊係背脊肉，比較爽，食時點鹽同Wasabi，鮮味提升
依家係北海道白粟米嘅季節，中間食個超清甜又juicy嘅白粟米，清清喉嚨  沙甸魚
除咗白粟米，依家都係沙甸嘅季節，新鮮嘅沙甸魚，細切，再加自家製漬物、薑、蔥、芝麻同醬油調好味，用紫菜包住食，鮮甜得來，口感好竹特別 日本白象拔蚌
加一兩滴檸檬汁，點少少鹽同Wasabi，好鮮甜，比響螺更清爽 大拖羅
野生藍鯨吞拿魚，師傅已經用刀切斷晒啲筋，好肥美 小肴
燒太刀魚
用鹽燒，肉質嫩滑，食嘅時候要小心，因為比較多骨，不過通常鮮甜嘅魚都係多骨嘅 焗蛋
好傳統嘅手工菜，製作過程最少要兩個鐘，加入獨家嘅醬汁，仲有少少淮山，所以係一啲麵粉都忙㗎，但係食時好有食蛋糕嘅感覺 壽司8贯

左口魚：醬油之外，仲有啲柚子鹽，清甜 平政魚：櫻花木碎煙燻，加少少醬油同蒽，望落去唔覺煙燻，但係食落口就有好濃郁嘅煙燻味 野生銀雪魚BB：輕輕燒一燒，帶出油份，肉質嫩滑 赤身：醃過嘅吞拿魚背脊 赤背：拍一拍先上碟，更爽口 梳子魚：燒一燒，帶出魚味，入口有脆皮嘅感覺 拖羅：一共有三片拖羅，下面兩塊係中拖羅，上面嗰塊係下巴位置，好肥美 海膽：分別有白海膽同馬糞海膽，白海膽會比較creamy，馬糞海膽味濃，甘甜得來又有海膽味 魚湯
用咗今日食過嘅所有魚嘅魚骨熬製而成，勁多骨膠原，清甜 綠茶奶凍
上面仲有紅豆，綠茶味濃，仲有椰汁香