唔知大家知唔知，奧海城二期1️⃣樓打通咗去戲院📽條路之後多咗幾間食肆，除咗有我至愛嘅拉麵店外🍜，仲有間壽司店🍣，點知未夠6點🕕已經大排長龍🚶‍♂️，唯有打退堂鼓🙈。望望下發現原來隔離開咗間 十二味，見仲有少量座位，即刻同阿仔衝咗入去😆。 十二味一向係我至愛店舖之一，由於今次只有D兩父子，所以只點了個香辣鍋。 經典香辣鍋小辣 $38(跟最少5️⃣款配料，總共$218) 鮮腐竹 $28 肥牛 $48 蓮藕片 $28 土豆 $28 鮮蝦 $48 香辣鍋🥘用上大量切碎嘅青椒、辣椒、薑、蒜、蔥及芫茜，再加上調味料一齊炒，味道非常惹味香辣🌶，小辣對我嚟講就啱啱好，鮮腐竹口感柔韌，但一啲都唔乾身🥰、蓮藕片和土豆🥔吸收哂香辣鍋啲味，勁好食🤤、肥牛🐂肉質軟腍帶牛香味、大蝦🦐肉質彈牙。材料份量勁多☺️，兩個人都差啲食唔哂。 白飯 $12 食香辣鍋，真係一定要叫碗白飯食🍚，呢度白飯又真係唔錯，粒粒分明，又有飯香味😋。 熱情果梳打 $28 檸檬梳打 $28 食完香辣鍋，飲返杯冰冰涼涼嘅梳打🥤，解膩解辣一流😋。

上次同契妹去九如坊食Omakase🍣時經過一間主打乳酪鮮果飲品🥤嘅小店 〈Take Your Time〉。可惜因為太飽所以冇試到... 今日，二妹(契)難得嚟我公司附近約我食lunch，冇見一排見佢肥咗咁多，lunch後決定帶佢飲返杯健康產品😂。 〈Take Your Time〉嘅Yogurt飲品係用新鮮生果🍎製成，不含任何色素或添加劑，所以非常健康😍。 芒果熱情果優格蓋茶 $40 好香芒果🥭同熱情果味，芒果味🥭比較突出，整體酸酸甜與Yogurt 味道平衡做到啱啱好，最緊要二妹飲落覺得好健康😍。 超級水果茶 $40 非常非常之大杯😳，可以用巨型嚟形容😂，茶底可以揀烏龍茶或者綠茶，Duck哥🦆今次揀咗綠茶🍵；咁大杯水果味依然濃郁，但又唔會蓋個茶味😋，入面有橙🍊、蘋果🍎 、熱情果、紅火龍哥、菠蘿🍍、士多啤梨🍓等，水果種類十分豐富😍。 二妹飲完後大讚非常好飲，話之後要試勻哂小店嘅全部產品🤣..... take your time，慢慢來😂。

一個好鍾意飲檸茶🧃嘅朋友，介紹我去佐敦嘅一間酒吧餐廳 Amuse ，話全日任何時段點德國鹹豬手🐖就送2️⃣杯醉檸茶🧃， 店鋪裝潢簡約，糅合了工業風和復古風🥰，設有非常闊落的梳化櫈，亦有高腳櫈及吧檯位置，可按個人喜好選擇自己嘅舒適區🤗，加上燈光昏暗夠曬氣氛，感覺零舍chill😍。 德國鹹豬手 $238 豬手🐖份量多，豬皮又薄又脆，肉質軟腍無筋，連骨部位的肉特別香，點埋自家製芥末醬，更加香口好味😋。 醉檸茶 係我眼殘，一開始睇錯係‘’碎‘’檸茶🍋，以為係檸茶啲friend，原來係醉檬茶🥃，加入酒精嘅檸檬茶，口感冰涼香甜又夠fresh，跟配豬手真係一流😍。 墨魚汁海鮮扁意粉 $118 意粉🍝煮得軟硬適中，充滿墨汁香味，海鮮配料新鮮，加上鮮蕃茄碎粒🍅，增添清甜香味😋。 特色雞翼 (細) $98 分別有3️⃣款雞翼，水牛城辣汁香辣惹味🌶；蜜糖🍯芥末甜甜的帶有芥末香味；威士忌🥃燒烤就最特別，先是一陣陣威士忌香味🥃，再渗出燒烤醬味😋。 後來才知道，原來鍾意飲檸茶🧃嘅朋友，同時係一名好酒之人🍺，唔怪得佢大力推薦我嚟呢度啦，不過杯醉檸茶🥃真係好正🤤。

話說，今日返舊公司攞返啲嘢，走嘅時候行經謝斐道，發現有開咗幾間新嘅食肆，其中一間竟然有Omakase食🍣。吓？$480咁抵？！2點至5點仲有8折(12點至2點都有9折)！！即刻衝入去試下啦。 餐廳地方唔大，全吧枱設計，最吸引到我嘅係見到部刨冰機🍧。 Lunch Omakase $480(正價) 🌟沙律 - 味道清新又醒胃🥰 🌟螢光魷魚茶碗蒸 - 螢光魷魚口感爽脆鮮甜有海水味🌊；蒸蛋非常嫩滑，入面有迷你元貝，口感豐富。 刺身4️⃣款 🌟真鯛 - 口感彈牙🥰，肉質柔軟，鮮味十足😋 🌟真蠔 - 嚟自大分縣嘅真蠔入口味道清甜，海水味不會太重，上面放上黑松露醬🍄，令整體味道立即豐富起來🥰。 🌟螢光魷魚 - 口感爽脆鮮甜有海水味🌊，撘上酸度十足嘅水宏，非常惹味😋。 🌟煙燻鰤魚 - 肉質鮮甜、脂膏豐富，帶有陣陣煙燻味道🥰。 壽司8️⃣件 🌟金線魚 - 細緻軟嫩、甘甜多汁😋。 🌟北寄貝 - 味道甘甜、肉質肥美及爽脆🥰， 口感極佳😋。 🌟深海池魚 - 鮮嫩肥美，肉質緊實而爽口🥰。 🌟魷魚 - 口感嫩滑但有咬勁，鮮味非常爽甜😋。 🌟左口魚 - 肥美甘香，口感非常豐富😋，上面放了🌟櫻花蝦，加強了口感😋。 🌟鯖魚 - 魚油豐富，鮮味獨特🤗。 🌟拖羅 - 油脂甘香，入口即溶，完全無根😋。 🌟海膽 - 味道甘甜，幾乎入口即溶🤤。 🌟玉子燒 - 蛋香味濃，口感嫩滑😋 🌟麵豉湯 - 味道鮮甜而濃郁🤗。 彩羽太卷 (+$125) 招牌菜式😍，一啖落去，竟然有齊海膽、拖羅、赤身、醬油漬蛋和青瓜，層次感非常豐富🤤，食完非常滿足。😋 刨冰 (+$48) 望咗咁耐部刨冰機，梗係想試下呢度啲刨冰🍧啦，冰塊🧊係由日本直送，望住佢放入刨冰機做成軟綿綿嘅刨冰🍧，非常之治癒😍。之後再加入水果醬和新鮮生果配料，口感一流又好味😋。 真心嗰句，呢度嘅Omakase性價比非常之高，等我得閒都返過嚟食個lunch Omakase 🍣先得😂。

最近Duck哥🦆嘅朋友迷上了食乳酪，硬生生咁拉咗Duck哥🦆食乳酪！ 乳酪係甄選自內蒙古草原牧場🥰，堅持還原食材自然嘅味道。招牌嘅原創牛油果乳酪奶昔系列 🥑，年售杯量超21，000，000，以獨到嘅自然風味及上乘嘅產品品質，賣嘅人自然絡繹不絕啦😍。 我哋飲咗季節限定金菠蘿乳酪奶昔 ，每日限量發售。使用金菠蘿🍍作為果蓉，果肉酸甜爽口， 加理奶香醇厚嘅乳酪，味濃又順滑，清爽又解膩🤤！ 仲飲左巴旦木牛油果乳酪奶昔 ，終於明白叫招牌嘅原因😍，一杯奶昔就用咗一個牛油果🥑，有夠誇張🫢。就係因為咁，所以牛油果味🥑非常濃郁，而且表面中有大量牛油果肉🥑，底層由乳酪和牛油果打成嘅沙冰，加埋巴旦木果仁碎🧆，層次感更加豐富😍。 而家購買2杯金菠蘿乳酪奶昔🍍，即可獲得菠蘿貓貓袋1個，購買1杯金菠蘿乳酪奶昔，只需加$2，同樣可獲得菠蘿貓貓袋1個。

利寶會館近日推出了兩款新Menu📔，那些年懷舊經典菜式 和 自選位餐，2️⃣款而家都做緊6️⃣5️⃣折，咁抵Duck哥🦆冇理由唔去試下😂。 自選位餐 $388(原債$608) 濃湯雞煲翅 (足3兩) 店員會將雞湯翅先加熱煮滾🔥後再上枱，保證熱辣辣🔥。雞煲翅 味道香濃鮮甜，魚翅份量足3️⃣兩，雞肉嫩滑，湯底及魚翅充滿骨膠原，十分滋補養生😋。 脆皮燒乳鴿 (半隻) 乳鴿🐦燒得剛好，肉質十分嫩滑又多汁😋。 菠蘿咕嚕肉 咕嚕肉外層炸漿非常薄，咕嚕醬汁味道香甜，濃稠度適中🥰，均勻覆蓋每粒肉，一口咬下，外脆内嫩又多汁😍，肉質軟腍，肉味香濃，令人回味無窮😋。 滑蛋炒蝦仁 蝦仁🦐大大隻，爽口彈牙，滑蛋🍳炒得非常滑漏，加埋蔥花，增添香味😋。 飄香荷葉飯 飯粒🍚滲入荷葉香氣🌳，口感軟熟，粒粒分明，味道清香😋。 生磨蛋白杏仁茶 杏仁茶非常幼滑香甜，加入蛋白，增加了口感及香味😍。

CaN LaH 係由嚟自新加坡🇸🇬名廚張偉忠操刀嘅新派星馬菜餐廳，我一直想試好耐，今日難得有朋友約咗呢度，所以我返返下工，都偷偷出嚟同佢地聚舊😂。 CaN LaH淡雅嘅裝修就有如置身東南亞嘅渡假村一樣🛖，充滿著寫意新加坡🇸🇬風情🥰。 惹娘黑炭小金杯 $88/4件 餐廳用上日本黑竹炭調製金杯仔😍，大家可按自己喜好，加入蝦、蘿蔔絲、蛋絲、及調味，好玩又美味🥰。 老隆藥膳肉骨茶 $198 一上枱已經充滿陣陣藥味🥰，藥味濃郁但非常順喉，一啲都唔苦，除了肥瘦適中，軟淋滑身嘅豬骨肉外😋，入面件有豬肚，蒜頭🧄等。今晚涼涼地，飲完即刻個身暖哂😂。 砂朥越黑胡椒焗螃蟹 $538 螃蟹🦀由新加坡直送，蟹本身好好肉，肉質結實，味道鮮甜😍，用黑胡椒炒完之後好入味，惹味到不得之了🤤。 流沙牛油蟹 $538 流沙醬非常香甜而且充滿牛油🧈香味，加上同樣由新加坡直送嘅大肉蟹🦀，好食到停唔到口😋。 百香果沙律蝦球 $248 大蝦🦐爽口彈牙，外層拉油後又薄又脆🥰，加埋酸酸甜甜嘅百香果醬，Duck哥🦆強烈推介💯。 四大天皇 $98 4️⃣大天皇包括長豆、秋葵、茄子和臭豆，用XO醬炒勻後，更加惹味😋。 薑 葱滑蛋生蝦麵 $138 配上鮮甜嘅薑葱滑蛋汁🍳配上脆口非常嘅生麵🍜，再加埋爽口彈牙嘅大蝦🦐，口感層次感都非常豐富。 怡保乾炒海鮮米粉 $138 米粉炒得乾身入味😋，配料有蝦🦐、帶子和魷魚🦑等，調味非常出色。 原個雪燕香芒椰子盅 $98 獲獎甜品🎖，上面有雪燕和椰子雪糕🥥，之後是椰子奶凍加理楊枝甘露，食完大滿足😍。 Pineapple Refresher $82 Sparkling lemonade $82 今日個個朋友都唔飲酒，個個都叫 Mocktail🍸，我當然都唔飲得，仲要返工。不過講返轉頭，2️⃣杯 Mocktail各有特色，2️⃣杯都非常好飲😋。 總括而言，我冒住被老闆閙嘅風險都係值得，食物質素非常出色，講真樣樣都好好食。

大角咀有很多美味小店🥰，其中一間“吉勝吉列串揚專門店”有炸串食，Duck哥🦆食過質素非常好🤗，價錢又親民🤭，今次一於試下店舖其他嘢先。 店舖面積不是很大，但裝修帶有日本🇯🇵風情，環境整齊簡潔👍，座位空間足夠，今人感到舒服自在🥰。 魚生便當 $108 便當除咗配了前菜🥗、麵豉湯🍵外，仲有胡麻醬菠菜、煎鯖魚🐟、2️⃣款天婦羅🍤(魚和蝦)和3️⃣件刺身(三文魚、油甘魚和北寄貝)。主角嘅丼飯食材豐富有三文魚、油甘魚、蛋、三文魚籽及青瓜，魚生新鮮味美☺️，蛋帶甜，青瓜爽脆，配上微酸的壽司飯一齊食，醒胃又好食😋。 火炙黑豚肉叉燒拉麵 $78 配前菜和麵豉湯，Duck哥🦆另外加配了壽司3️⃣件。豚肉叉燒🐖有肉香味，炙燒🔥過嘅逼出了油分令到更加好食，豬骨湯底味濃，烏冬滑溜煙韌，掛上湯底一齊食，非常好食😋。 鐵板燒牛舌 $78 人氣No.1👍，店員會先放個小型石爐，上面放了鐵板⬛，當入面的牛油🧈熱溶後，就可以放上牛舌👅，按自己喜好嘅熟成度來烹調。牛舌👅口感爽彈，又可以自己燒🔥。好玩又好食😋。 日本橙味氣水 $8 日本提子味氣水 $8 日版罐裝汽水，超市都未必做到呢個價，梗係叫返兩罐啦😂。 總括而言，小店食物質素好，水準十分之高，而且價錢十分親民。店員服務勤快，態度有禮。良心小店🫶，值得大家支持支持💪💪。

花晨月夕 ，一間我想食好耐嘅Omakase🍣，今日終於如願以償，究竟係咪好似餐廳名咁，就如有鮮花嘅早晨，有明月嘅夜晚咁有詩意🥰，等我今日去一探虛實😆。 一入去發現餐廳地方唔大，裝修簡潔，以灰色為主。今日食咗個中價嘅Omakase。 Omakase $1380 先付 ✨️蓮藕餅赤梅煮 ✨️櫻餅 ✨️鮮百合柑橘 ✨️三文魚子、金菇、帶子 一共有4️⃣款前菜，擺盤精緻。 刺身4️⃣款 ✨️第一款刺身已經非常吸睛，師傅用上了食用肥皂，做成氣泡🫧，記得影相打卡📸。入面係伊佐木刺身🐟包住北海道馬冀海膽，上面還加了竹炭鹽和魚子醬，真係睇得又食得😍。 ✨️選用了最當造係長崎縣小長井華漣生蠔🦪，入口味道清甜，海水味🌊不會太重，不用點任何醬汁已經非常好味😋。 ✨️自家醃製三文魚子味道鮮中帶甜；海膽味道甘甜，幾乎入口即溶🤤。 ✨️鰹魚在火槍炙🔥過之後逼出魚油，有入口即化嘅口感🥰。 御料理 ✨️鰆魚櫻花煮，入面仲有櫻花麵筋和食用櫻花，鰆魚稍為炸過，外皮香脆，魚肉嫩滑😍。 壽司6貫 ✨️真鲷 - 口感彈牙🥰，肉質柔軟，鮮味十足😋。 ✨️銀鱈魚 - 養殖銀鱈魚🐟，油份較多，火炙🔥後逼出油份，上面加上黑松露醬🍄，層次感非常豐富😋。 ✨️白象拔蚌 - 嚟自北海道嘅白象拔蚌味道鮮甜，肉質脆嫩，加上少少青檸汁，更加帶出鮮味😍。 ✨️帶刀魚 - 香港叫牙帶魚，肉質細嫩且帶點脂香，火炙後逼出油香，更加好食😋。 ✨️大拖羅 - 來自大分緜嘅大拖羅🐟，油脂甘香，入口即溶，完全無根，好食😋。 ✨️海膽 - 來自北海道嘅赤海膽🟠味道濃郁甘香，非常鮮甜🥰。 吸物 ✨️大蜆清湯 - 入面有一隻大蜆，個湯非常清甜😋。 甜品 ✨️最後甜品係白酒啫喱提子🫒，赤肉蜜瓜🍈，兩者都非常新鮮，尤其蜜瓜🍈甜度極高🤤。 總括而言，食物質素高，價錢合理，地點有少少隱蔽，係一間值得更多人知道嘅Omakase店。

旺角食肆林立，但係講到墨西哥菜🇲🇽，又真係選擇唔多，但係每當我問身邊朋友有冇好介紹嘅時候，9️⃣成嘅人都會同我推薦呢間，REFLECT Restaurant & Bar。 店舖裝潢簡約時尚，分開室外和室內，座落舒適，尤其室外，可以一邊欣賞旺角夜景🌃，一邊進食，感覺零舍chil🥰l，門口的鏡面裝飾絕對是打卡位🪟。 是日餐湯 $58 大蒜西蘭花湯🥦，口感creamy，有陣陣大蒜香味🧄。 墨西哥烤肉 (牛肉) $238 烤肉用鐵盤上，可保持熱度👍，食材有牛肉🐂、三色椒🫑及洋蔥🧅，味道香口清甜，牛肉質感軟腍。另配有墨西哥薄餅🌮，薄餅暖暖的又軟熟，再按個人喜好再添加醬料(salsa / guacamole / sour cream)，更加惹味😋。 海膽醬大帶子扁意粉 $208 帶子大粒又厚身，煎得十分出色😍，表面焦香有燶邊，但內層肉質似刺身般軟嫩多汁🥰，味道鮮甜。意粉🍝軟硬適中，掛上味道甘香的海膽汁，勁好味😋。 炸魷魚圈 $88 魷魚🦑圈份量多，魷魚質感彈身，外層炸漿厚身脆口，點上蛋黃醬，令味道更加豐富🤤。 總括而言，係一間不容錯過嘅墨西哥菜餐廳🇲🇽，如果我唔係大病初愈，一定試下佢地非常有特色嘅cocktail🍸。