阿女今日學校放假，佢心血來潮突然話想去貓Cafe店玩貓🐱，好彩旺角附近咁啱有間口碑唔錯嘅 URBAN Cafe @。 呢間貓cafe店原來都幾大，雖然多貓🐱，但環境衛生而且完全冇臭味🥰。 睇返Menu📔，發現價錢一啲都唔貴，而且唔收入場費或者計時收費，我地叫咗2️⃣個午餐，跟餐湯+牛油多士條只需 +$8；飲品如果價錢係$38以上，只需補回差價，真係非常之抵🥰。 今日餐湯係粟米忌廉湯🍲，非常creamy，可以將牛油多士條蘸埋一齊食，更正😋。 天婦羅炸蝦卡邦尼扁意粉 $58 天婦羅粉漿🍤唔算厚，扁意粉🍝煮至外面軟、中間一點半熟不生，吃起來好有口感，卡邦尼醬汁味道好濃，質感creamy🥰。 特濃鮮奶朱古力 @$14 朱古力🍫又香又濃，但又不會蓋過鮮奶的味道🥰。 香煎香草豬扒伴黑松露燒汁(薯菜) $68 豬扒🐖煎得剛剛好，唔會嚡口，；伴菜有煎香過，薯條🍟亦炸得香脆可口。 蘋果玫瑰普洱茶 +$30 普洱茶入面有好多玫瑰花🌷和蘋果粒🍎，非常清新，而且用火熱住🔥，真係可以慢慢嘆🥰。 雪山心太軟(朱古力)配雪糕 $58 暖呼呼的半液態狀朱古力🍫從入面一瀉而出，是真正流心朱古力☺️，味道不太甜，剛剛好。 日本伯爵茶芝士蛋糕配雪糕 $48 口感綿密細滑，芝士🧀味濃郁，加上伯爵茶🫖淡淡嘅香味，十分好味😋。 總括而言，cafe食物價錢唔貴，價錢比一般西餐廳要平，但仲要有貓🐱，貓貓好多而且全部親人活潑，啱哂啲貓咪愛好者🥰。

創作割烹Stella位於尖沙咀The ONE 3️⃣樓，入口都幾隱蔽，好容易會睇漏眼😂。餐廳分室內和室外兩部分，室外露天平台座位，透明圓拱型設計，又可以觀星🌠，同女同事❤️、女網友嚟都幾正，呀！當然仲有Duck嫂🦆... 老闆望完餐牌📔後，話叫個5️⃣道菜嘅就以。我？有人請咁梗係叫個最貴嘅9️⃣道菜啦😂。 🔶️9 Course Premium Tasting Dinner $988 🔷️5 Course Tasting Menu $568 🔶️🔷️Amuse Bounche 即日新鮮刺身+王林蘋果+柚子醋啫喱 -今日係深海池魚🐟，口感清爽，油脂豐厚，配上清爽嘅王林蘋果粒🍎個酸酸甜甜嘅柚子🍊醋啫喱，零舍開胃😋。 -赤海蝦+福岡無花果+赤蝦餅 赤海蝦🦐爽口彈牙，估唔到同無花果和赤蝦餅🦐一齊食，味道會咁夾🥰。 大閘蟹+水牛芝士+最中餅 大閘蟹🦀伴以水牛芝士🧀和最中餅，好味得嚟又幾特別😋。 Entrée 🔶️🔷️本桔節明太子釀意大利黄瓜花天婦羅 天婦羅🍤炸漿又簿又脆，意大利🇮🇹黄瓜🥒味道偏淡，釀入濃味嘅明太子，十分好食😋。 🔶️燒和牛舌芯 厚身牛舌👅燒得乾身香口，肉質軟腍無筋，牛味十足😍。 🔶️北海道馬糞海膽鮭魚子黑松露多士 馬糞海膽味道濃郁甘香🥰，鮭魚子大大粒，搭上黑松露厚身多士，我開頭以為會怪怪的😅，但結果出奇地夾，非常好味😍。 Main 🔶️利沃內塞式烤鮮穴子 穴子口感爽口嫩滑🥰，外皮烤得香脆🔥，再加埋意大利🇮🇹辣肉醬和柚子皮，整體十分惹味😋。 🔶️🔷️日本A5和牛配味噌大根 和牛🐃油花遍佈均勻、煎香後逼出油花，肉質軟嫩且入口即化😍；大根清甜冇渣，配埋濃味嘅味噌醬汁，真心勁好味😋。 🔶️鮮鮑魚淺蜊富山米釜飯 🔷️巴馬火腿舞茸釜飯 鮑魚蛤蜊夠鮮甜，巴馬火腿🥓夠鹹香，但個重點係個飯🍚，好好食😍。我估主要係用咗富山縣嘅富富富米，所以口感鬆軟甜度又高，加上入面微硬，有少許似意大利飯嘅口感😍。 Dessert 🔶️🔷️意大利松の実吉士批 吉士批口感既鬆脆又細膩，松の実🌰口感鮮美、香甜、脆嫩，帶有淡淡松香味🥰。 🔶️四小味甜品 有紫薯布丁🍮、草莓撻🥧、Churros Tiramisu 🥨和 Kuri Canelé，甜品拼盤賣相吸引，全部都唔係太甜，食完好滿足。 總括而言，堪稱大滿足的一餐，環境、服務以至食物質素都非常之好，以今日呢餐計，Duck哥暫時搵唔到可以挑剔嘅地方。

餐廳以黑色⚫️為主調，分開串燒區🍡和酒吧區🍶，串燒區心型枱面❤️會隨時間而變色，好有氣氛😍。 All Day Bench Menu $438/位 未開始前先嚟一碗小食，酸汁金菇🥰，酸酸甜甜作為開胃菜最適合不過😋。 Complimentary items 酒漬鮑魚 - 爽口彈牙，陣陣酒香味🤤。 雜錦魚生他他 - 入面有多種刺身魚🐟，全部都好新鮮🥰。 Appetizer 先嚟枝豆🫛和脆卜卜嘅燒鱈魚片🐟，之後就有個擺盤好靚仔嘅5️⃣小碟前菜。 合桃小女子 - 即係玉筋魚拌上新鮮合桃及白芝麻調製而成，甜中帶鹹唔膩口😍。 炸蟹肉可樂餅 - 外層金黃酥脆🥰，入面餡料滿滿，就得乾身一啲都唔油膩😋。 赤飯 - 裡面有紅豆🫘，一啖過，甜甜地好好食。 玉子燒 - 呢度嘅玉子燒🍳，口感似布丁，我覺得好好食。 鮟鱇魚肝醬多士 - 魚肝醬口感非常滑，味道濃郁。 Sashimi 三文魚 - 🐟新鮮肥美，口感軟嫩🤗。 鯛魚 - 🐟肉質細嫩甘甜，鮮味突出😋。 赤蝦 - 🦐大隻新鮮，質感爽口彈牙😍。 Skewers 串燒🍡有雞翼🐓、紫洋蔥🧅、茄子🍆，一咬落去就證明咗師傅功力深厚，無論溫度還是熟成度都恰到好處🥰，尤其係茄子🍆，燒得好食🔥真係好難搵到😍。 和牛壽喜燒小鍋 本屬於迎賓食物嘅壽喜燒，終於登場😆。師傅解釋而家先出現，係因為將熱食擺到最後，真係夠哂貼心🥰。 迷你版嘅壽喜燒，配菜就只有金針菇和鴻喜菇，和牛🐃肉質軟嫩，雖未至入口即化，但仍然好好味😋。最讚係壽喜燒汁，好耐未試過食到咁正宗嘅味道😋。 Main 有🔟款選擇，有啲要加錢($68~$108)，我地揀咗2️⃣個唔洗加錢嘅：👇 銀鱈魚西京燒 魚皮🐟煎得非常焦脆鹹香，魚肉煎得非常出色🥰，外層焦香，內層肉質嫩滑勁多肉汁😍。 鹿兒島A4和牛冰見烏冬 A4和牛🐃肉質軟腍，肉味濃郁；冰見烏冬口感爽滑彈牙，整體口感豐富，十分惹味😋。 Dessert 今日嘅季節甜品係紅豆湯🫘湯圖，熱辣辣，暖胃又好喝😋。 總括而言，所有食物質素非常高，串燒更加出色，而且串燒選用備長炭，燒烤時少冒煙，不會出現一般木炭煙霧瀰漫嘅情況；服務更加無話可說，非常貼心。四百幾蚊，食到呢個質素，呢個服務，可以話係超值。

Neko Puff銅鑼灣店嘅佈置裝修係以貓貓🐱做主題，仲有埋貓貓🐱精品賣😍，但今次Duck哥🦆目標好清晰，就係佢地嘅世界冠軍🎖拿破崙。 荔枝香檳果凍芒果拿破崙 $368 拿破崙分別由3️⃣層酥皮+2️⃣層奶油組合而成，酥皮鬆化香脆，而且充滿牛油香味🧈。面層有又香又甜嘅新鮮芒果粒🥭同埋荔枝香檳🍾果凍，果凍口感Q彈，除咗食得出有荔枝味之外，香檳味🍾同樣突出😍，但同時又唔會互相搶走各自嘅味道🥰；中間和低層嘅奶油，輕盈綿滑空氣感重，再亦混入咗鮮芒果粒🥭，令口腔內充滿了滿滿的芒果香味和奶油味，Duck哥🦆自己覺得就好似一個世界級嘅芒果拿破崙，碰上最好味嘅荔枝香檳果凍。

星期六Duck哥🦆和Duck嫂🦆係尖沙咀行完街，諗住搭車返屋企嘅時候，見到間新開嘅糖水舖，門面幾吸引😍，仲有點心食，一於入去試下先😆。 餐廳裝修以黑白為主，設計典雅🥰，我地俾餐牌📔中嘅格格點心甜品吸引住，糖水鋪做埋點心真係少有🤭，細問之下，店鋪嘅師傅👨‍🍳喺有3️⃣0️⃣多年經驗嘅中菜廚藝導師，仲要攞過唔少獎項🎖。 二人六格格 $114* 格格款式都幾多，由1️⃣人2️⃣格至2️⃣人6️⃣格，甚至有最豪華嘅9️⃣格，我地今日揀咗2️⃣款糖水+3️⃣款點心嘅2️⃣人6️⃣格。 點心 糖心蛋 - 完全做到溏心🍳嘅效果，加埋濃濃的酒香味🥃，好好食😋。 香脆迷你魚膠春捲 - 外皮炸得好脆口，入面就好足料🥰。 香脆大蝦球 - 炸漿一啲都唔厚，食落卜卜脆😍，入面蝦肉🦐爽口彈牙。 甜品 楊枝甘露王 真材實料，芒果🥭新鮮香甜；濃濃芒果🥭奶露中有柚子🍊嘅酸甜，加上葡萄柚肉、芒果粒和椰果粒嘅咬口，口感豐富又好食😍。 特製蓮子合桃露王 合桃味道香濃，口感細膩順滑；另外，Duck嫂🦆話有種同出面唔同嘅味道，幾特別，店員話原來係加咗淮山😋。 *如果揀嘅甜品超過$3️⃣6️⃣，就要補差價。 椰皇燉鮮奶 $60 每日限量發售🫢，原因係店舖堅持用新鮮嘅椰皇🥥(睇切口位都知道係自己用刀劈開而不是用機切)。鮮奶燉蛋白倒入椰皇中🥥，奶香和椰青嘅味道一拍即合。享受完燉鮮奶，記得食埋入面既椰肉，新鮮椰肉非常嫩滑，一啲都唔硬😋。 新會陳皮紅豆沙 $36 紅豆沙🫘香甜濃郁起哂沙，陳皮味突出🥰，味道回甘，完全沒有苦澀味😍。這個已經如此出色，下次一定要試埋遠年陳皮紅豆沙🤤。 總括而言，甜品出色，點心同樣精彩；最值得一讚嘅係客人一坐底，就會奉上熱茶🫖，仲會不時主動幫客人添茶，以甜品店舖嚟講，實屬罕見。

由於Duck哥🦆新工作地方太近中環街市，所以成日會去睇下有咩好嘢食，大家可能都知，中環街市真係好多甜品店🥰，今次就去咗同事大推嘅AW Patisserie泡芙店😍。 店主係法國🇫🇷巴黎藍帶廚藝學校學習，於2016畢業。返到嚟香港🇭🇰，決定以法式嘅手法重新演繹本土嘅味道🥰。由於Duck哥🦆選擇困難症發作，所以決定買佢地泡芙和瑪德蓮既綜合禮盒，唔洗煩😆。 綜合泡芙禮盒 $328 一盒6️⃣款口味 芝麻湯圓泡芙 芝麻味濃郁，好似飲緊芝麻糊咁😋，入面湯圓⚪️煙煙韌韌，口感Q彈🥰。 黑糖珍珠奶茶(微糖走冰) 微糖走冰，啱哂Duck哥🦆口味，入面仲有粒好大粒嘅黑色珍珠麻糬⚫️，整體味道唔太甜🥰，有枝吱管可以吱啲黑糖出來，增加甜味😋。 台式芋泥鹹蛋肉鬆麻糬 一個鹹味嘅泡芙，又幾特別，芋泥🍠同肉鬆份量都幾多，鹹中帶甜，甜中帶鹹，又特別又好味😋。 法式焦糖燉蛋泡芙 焦糖夠脆身，不論係泡芙還是上面跪焦糖，口感都勁鬆脆🥰，燉蛋🥚又夠香，整體口感又滑又creamy😋。 栗子麻糬泡芙(期間限定) 栗子蓉🌰非常出色，充滿粟子嘅香味，入面又有大大粒原粒粟子🌰和麻糬，口感豐富😋。 特濃意大利開心果麻糬泡芙 Duck哥一向係開心果控，呢款叫特濃，開心果醬味道真係勁濃😍，面層仲有唔少開心果，當然唔少得中間煙煙韌韌嘅麻糬😋。 綜合瑪德蓮禮盒 $140 .一盒同樣6️⃣款口味 九鬼黑芝麻湯圓瑪德蓮 原味瑪德蓮 瑪德蓮口感似略為濕潤嘅磅蛋糕🎂，原味嘅瑪德蓮散發淡淡嘅檸檬🍋香氣，好好食😋。 煙肉芝士瑪德蓮 開頭以為芝士🧀煙肉🥓搭上瑪德蓮好像怪怪的，但結果卻出奇地夾，堙肉🥓分佈平均，鹹鹹甜甜咁，又幾好味😋。 Lotus焦糖餅乾咖啡瑪德蓮 咖啡味☕️比較重，但聞落有焦糖嘅香味，Duck哥🦆至愛。 京都抹茶紅豆麻糬瑪德蓮 抹茶🍵味夠哂濃， 紅豆🫘唔太甜，加埋煙煙韌韌嘅麻糬，口感豐富😋。 鹹蛋奶黃瑪德蓮 鹹味甜品有多一成員，鹹蛋黄🥚味特出，配上鬆軟嘅瑪德蓮，Duck嫂🦆好鍾意呢個組合。

Duck哥🦆今日約咗個舊同學聚餐，佢話屋企附近新開咗間日式料理“和牛88”🐃，食物質素高，價錢合理，又坐得舒適，今日就帶Duck哥🦆去試下😆。 店舖裝修明亮乾淨，行簡約日式🇯🇵風格，座位闊落空間感足，店員服務細心💕。 餐牌📔選擇都幾豐富，除咗主打嘅和牛外🐃，仲有好多選擇，好似壽喜燒咁🫕，就算一個人嚟，都有‘’一個人的浪漫套餐‘’可以選擇🥰。 自家製芝士豆腐 $68 豆腐味道香濃，有水牛芝士般🧀的口感😍，濕潤綿滑又有點柔韌。加點蔥花、山葵及木魚豉油一齊食，更添風味😋。 和牛88火焰牛扒 (200g) $398 店舖叫得和牛88🐃，梗係要試下佢地既招牌菜啦😊。和牛🐃份量十足，上枱時店員會在牛扒上灑上酒，產生火焰🔥牛扒嘅視覺效果📸。和牛🐃口感軟嫩多汁，牛味細膩醇厚又充滿油香，再點配洋蔥汁🧅一齊食，真係忍唔住一口接一口🤤。配菜份量都唔少，粟米清甜🌽，大大件薯角🥔落炸得非常香脆，鋪底的洋蔥🧅吸收咗和牛的油脂及肉汁，味道清甜又帶油脂香味，非常好食😋。 和牛一人火鍋 $368 火鍋材料豐富，有蒟蒻、腐皮、紅蘿蔔🥕、鮮菇🍄、娃娃菜🥬及皇帝菜。和牛🐃肉質柔軟，牛味香濃，湯底可選清湯或壽喜燒，我當然係揀後者啦😆。Duck哥🦆果然無揀錯，呢度嘅壽喜燒調味調得剛剛好，黃金嘅比例令湯底更加鮮甜惹味🤤。 三色海鮮梅子素麵 $128 海鮮材料豐富又新鮮，有三文魚籽🐟、墨魚籽🦑、櫻花蝦🦐、魷魚🦑、帆立貝🦪及鮮蝦🦐。配搭粉紅色🔴的素麵，色彩繽紛非常吸晴。混入梅子汁後，味道微酸帶甜，清新又醒胃，好睇又好食😋。 唐揚甘海老 $78 甘海老一口一隻，炸得非常香脆🥰，連蝦頭都可以食埋，蝦味🦐又香又濃，十分惹味😋。 蔚藍椰子雪糕梳打 $52 椰子雪糕🥥口感非常棉滑，味道清香，會上藍色🔵的椰子梳打水，不論味覺以至視覺都係一種享受🥰。 柑橘柚柚梳打 $48 酸酸甜甜，味道清新，又可以打卡📸；食完和牛🐃之後，正好中和油膩感😋。 總括而言，用親民嘅價錢食到頂級嘅和牛，已經無得輸，再加上環境同服務態度，Duck哥好難唔俾滿分💯。

今日等Duck嫂🦆放工一齊食晚飯，佢話有間新開湘川菜館“辣宴”好正，佢和同事最近經常幫襯😊，今日就帶我去食，好期待🥰！



店舖面積非常大，裝修富有中國🇨🇳色彩，座位闊落舒適，食物選擇除咗湘川菜，仲有多款廣東菜可選😍。呢度有另一特色，近門口旁邊有一個自助小區，顧客可免費自己無限添飲料🫢，有微甜酸梅湯🥃、橙味汽水🧃及冰水🫙，仲有一款卜卜脆片小食🥰。 講真，Duck哥🦆去過咁多地方食辣嘢🌶，真係第一次見有餐廳以免費自助方式提供冰水、酸梅湯甚至橙汁俾大家解辣，真夠貼心❤️。





川香辣子雞 (小辣) $138
細細件嘅雞件🐓(有骨🦴)炸得非常酥脆，加上大量辣椒🌶及花椒一齊炒，鹹香麻辣，非常惹味香口，勁好食🤤。



蜜汁薯仔牛柳粒 $138
牛柳粒🐂一口一粒，肉質軟淋有牛味🥰，薯仔粒🥔表面炸得焦香，帶陣陣香甜蜜糖味🍯，十分惹味😋。



椒鹽魷魚鬚 $118
用上新鮮魷魚鬚🦑，加薄薄嘅一層炸漿炸過，外層香脆🥰，魷魚鬚質感彈牙有魷魚香味，混埋炸過嘅蒜蓉🧄及辣椒粒🌶，又一惹味未之選😋。



總括而言，食材好又煮得出色，食物份量勁多，店員服務勤快有禮，價錢大眾化，環境舒適，唔怪得老婆同佢啲同事成日嚟幫襯，我得閒都會約啲friend嚟食，絕對係滿分推薦💯。

Duck哥🦆診放假陪Duck嫂🦆去上環海味街入貨🛍，行得攰攰哋又到咗食晚飯時間🕖，Duck嫂🦆話要舒舒服服坐低食牛扒🥩，收到🫡！於是上Openrice 查下附近有咩好介紹，見有間連明星都有幫襯嘅餐廳“八蠔吧”就係附近，當然要試下啦😆！ 餐廳門口裝修得比較低調，但進入餐廳後又呈現出一種既時尚又高格調嘅氛圍🥰，座位舒適閮落空間感十足。坐低睇真啲，發現原來所有畫作🎑及擺設🏺都與蠔🦪有關。 法色蒜蓉牛油焗田螺 $98 焗得好靚嘅田螺肉放係薯蓉🥔上面，再用一個球形盤碟盛載🍵，感覺高级又精緻。螺肉柔軟嫩滑，薯蓉十分幼滑，薯味突出😍，每食一口都充斥著香濃嘅牛油🧈蒜香🧄味，勁好食😋。 焗蠔拼盤 $178(3隻) 入到嚟蠔吧當然想試下佢地嘅生蠔🦪，但可惜當日狀態不佳，唯有叫焗蠔😆；焗蠔有3️⃣款口味，基爾帕特里克煙肉、洛克菲勒式及牛油香草，蠔新鮮飽滿多汁，口感creamy帶礦物味，用煙肉🥓或牛油🧈香草一齊焗，味道香濃惹味😋，用洛克菲勒配蠔齊焗，令味道更鮮香，口感更豐富🥰。 美國頂級肉眼扒配 季節蔬菜及燒汁 $428 肉眼扒🥩烤得十分出色，表面焦脆香口，7️⃣成熟成度啱啱好，肉色呈鮮紅色🔴，內質軟嫩多汁，牛味香濃🥰。配菜有烤過嘅球芽甘藍及甘筍🥕，味道甘香清甜，惹味香口，仲配有幼滑又薯味香濃嘅薯蓉🥔，點埋燒汁一齊食更好味😋。 黑松露蘑菇意粉 $188 未上枱已經聞到陣陣松露香味😍，果然松露味道🍄香濃，意粉🍝軟硬度啱啱好，加上蘑菇🍄份量多又炒到香口入味，整體非常好食🤤。 總括而言，Duck哥Duck嫂好耐都未食過咁滿意既一餐，無論食物質素、環境和服務都冇乜得可以挑剔💯，強烈推薦俾大家，特別係鍾意食蠔，一定要去試下。

今日行經香港站搭車返屋企🏚，被一間鋪頭門口嘅曲奇🍪吸引住，入到去發現原來仲有蛋糕🍰同埋忌廉號角🧁賣。Duck哥🦆問店員有咩推介，佢推薦我可以試下佢地啲蛋糕🍰，首推榛子拿破崙同埋特濃朱古力🍫，另外佢問我鍾唔鍾意食栗子蛋糕🌰，我話我老婆好鍾意食，但係而家好多坊間嘅栗子蛋糕都唔好食🫠，店員話佢地品牌係用新鮮栗子🌰，保證好食😋。好！我就信妳一次啦😂；另外我見佢地嘅荔枝蛋糕係Best Seller之1️⃣，就買多個嚟試下先。 荔枝蛋糕 $58 造型好靚好似一粒大荔枝，外層紅色🔴朱古力🍫加入果仁粒，微甜帶果仁香味，中間部份係白色嘅慕絲加海綿蛋糕，海綿蛋糕非常新鮮軟熟🥰，慕絲十分幼滑，荔枝香味天然又清新😋。 經典榛子拿破崙 $88 酥皮脆層非常鬆脆香口😍，層次感分明，牛油味🧈突出，此店選用butter cream代替吉士醬，口感更加幼滑，味道比較清甜，更能提升榛子嘅香味😋。 法國Valrhona特濃朱古力蛋糕 $88 蛋糕外型黑金造型，非常型格😎，選用法國Valrhona 70%朱古力🍫製成，幕絲口感十分幼滑細膩，朱古力味非常澎湃😍。 栗子雲呢拿巴伐利亞蛋糕 $58 外層鮮忌廉質感非常綿滑輕身😍，微甜味道清香🥰，蛋糕中間部份混合咗鮮栗子蓉🌰及雲呢拿味鮮忌廉，口感同樣非常綿滑😋；雲呢拿味突出，栗子蓉🌰鮮香清甜，味道天然粟子味香😋。 總括而言，蛋糕真心出色，呢個質素絕對對得起個價錢，下次一定要試埋佢地嘅曲奇同埋忌廉號角；另外有Foodie朋友同我講，話佢地嘅雪糕超好食🫢，可惜只有沙田站才有雪糕🍦賣......。咦？！等等，我明明係被舖頭嘅曲奇吸引嗰喎，點解最後冇買到嘅🙈？咁唯有下一次啦😂。 後記，老婆話難得食到鮮栗子蓉🌰蛋糕🍰，所以佢今年生日蛋糕一定要買呢間嘅栗子蛋糕，收到🫡(阿女：咁你仲唔Mark低🙄)。