身邊好多女性朋友😂都去咗銅鑼灣嘅Wanderlust打卡📸，我當然唔執輸啦，適逢係老闆生日月，作為高級得力助手，梗係要同佢慶祝生日啦🎂。 餐廳係商業中心入面，地方唔大，但就充滿打卡位📸，基本上每一個地方都可以打卡😍。除咗環境之外，估唔到連每碟菜式甚至飲品都打到卡🤩。 Velvet Goldmine 紫醉金迷，由於用了紫甘藍做意大利飯個汁，所以整碟充滿了夢幻嘅粉紫色🥰；配上爽口彈牙嘅大蝦🦐、充滿鮮味嘅藍青口，再加埋食用花和金箔，真係好睇又好食😋。 Tom Yum Ravioli with ricotta and spinach 一出場已經充滿了氣勢，大型月亮🌜吊鍋截着意大利雲吞🥟，意大利雲吞入面充滿了波菜🥬和芝士餡料🧀，而醬汁主要由冬陰功製成，味道香辣濃郁🌶，非常惹味😋。 The Fallen Angel 今次用了月亮型🌜嘅白色羽毛盛着3️⃣層士多啤梨班戟🍓，仲有個靚靚皇冠👑，加上一早講咗聲，所以店員更送上小花束🌺和印有Happy Birthday 的氣球🎈為老闆慶生🥰。 FATTIE COOKIE CHIP MILKSHAKE 肥肥曲奇奶昔，奶昔中帶有曲奇碎片🍪，味道略甜，但還是可以接受🤗。 PURPLE GLUTINOUS RICE TARO MILKSHAKE 芋香🍠紫米露奶昔，造型滿分，又珠片波波、棉花波板糖🍭和心型馬卡龍♥️，啱哂充滿少女心💕嘅老闆。 食物有水準，擺盤精緻，打卡一流📸，加上店員親切有禮，是日用餐令老闆和我非常愉快😍。

小魚兒，一間主打川菜烤魚🐟、麻辣香鍋🥘。好多人一諗起食烤魚就會嚟呢度。不過今次Duck哥🦆又唔食烤魚又唔食香鍋，而係去食雞煲🐓，食海鮮，食龍蝦🦞！ 店內裝潢簡潔整齊，座位闊落舒適，店員服務細心，會幫忙處理雞煲🥰。 雞煲 (半隻) $168 選擇BB麻辣🌶，但真實幾辣😅，半隻雞份量足，雞肉🐓十分嫩滑又入味😋，麻麻辣辣加上勁多芫茜、乾蔥、薑及蒜等配料，味道又香又惹味🤤。 蒜蓉燒生蠔 (3隻) $78 生蠔🦪肉身肥厚飽滿，口感嫩滑多汁，有陣陣蠔味無腥味🥰，加上大量蒜蓉🧄一齊燒，令食味更鮮更香😍。 椒鹽魷魚鬚 $98 用上新鮮魷魚鬚🦑，加薄薄嘅一層炸漿炸過，外層香脆，魷魚鬚質感彈牙有魷魚香味🥰，混埋炸過嘅蒜蓉🧄及辣椒粒🌶，又一惹味未之選😋。 燒牛舌心 $32. 牛舌👅啖啖肉，質感軟腍無筋，表面燒至焦香🥰，再加上少量椒鹽及孜然調味，令味道更加惹味香口🤤。 涼拌麻辣魚皮 $68 魚皮非常爽脆，麻辣味突出，配埋炒得香脆的花生🥜，越食越想食☹️。 蒜蓉牛油燒澳洲龍蝦 $... 冇？？！店員話午市冇得供應，晚市才有！無計啦，唯有下次再嚟食啦🥲。 去小魚兒又點止淨係食烤魚，香鍋咁簡單呀！佢地嘅雞煲、串燒、海鮮都同樣非常出色，好值得去試

可以令到我回到再食嘅餐廳其實唔多，神燈海鮮酒家可以算係其中一間。 酒家地方唔算好大，我地六點半🕡去到已經坐咗一半人，未夠7點🕖已經滿座，可想而知幾受歡迎🥰。 前菜 $25 脆脆銀魚非常香脆，味道鹹香鮮味，好食到停唔到口😍。 *前菜係按人頭供應，6️⃣位以下就1️⃣碟；7️⃣ - 1️⃣2️⃣位2️⃣碟；1️⃣3️⃣位以上3️⃣碟。 即燒伊比利亞叉燒皇 $248 即叫即燒的叉燒燒至焦香😍，尤其燶邊部位十分惹味香口😋。肉質軟腍無筋，叉燒醬汁甜度剛好，有淡淡蜜糖香味，好食🤤。 糯米炒膏蟹 $568 膏蟹🦀大大隻厚肉又爆膏🤩，蟹膏味道甘香，糯米飯炒至粒粒分明乾身香口，煲底的飯焦尤其香脆，大推😋。 原係燒牛肋條 $388 牛助條🐂份量多油脂豐腴，內質非常軟腍，肉味濃帶油脂香🥰，點配特製豉油甜醬汁，増添鮮甜味道，令味道更加豐富😍。 碧綠炒蝦球 $168 蝦球🦐大大粒，口感爽滑彈牙，味道清甜鮮香，加上脆口的西芹，感覺清新又唔油膩😋。 楊枝甘露 $28 每一啖都充滿濃濃嘅芒果香味🥭。 薑汁糕 $8/件 (兩件起) 糕的質感非常軟糯，味道清甜帶陣陣薑味🫚。 桂花糕 $5/件 (兩件起) 桂花糕口感軟滑，唔太甜🥰。 牛奶布甸 $25 牛奶味道濃郁，又香又滑😋。 走嘅時候，係門口隔住玻璃望到師傅即場燒🔥乳豬🐖....係喎！今次又唔記得訂乳豬食！！

話說我又有新發現，而家係Storellet App 入面，登記做唔同餐廳嘅會員，就會獲得該餐廳嘅優惠，今次我登記咗做貓抓烤肉 嘅會員，除咗有迎新優惠外，仲可以儲分換獎賞添。除咗呢樣嘢，最重要係，而家貓抓烤肉做緊超抵食2️⃣人/4️⃣人套餐，今日就試咗佢地嘅2️⃣人餐 烤肉二人套餐 $348(原價 $580) 🌟木耳青瓜 酸酸辣辣🌶作為開胃菜，非常適合🥰。 🌟全明星拼盤 雪花牛肉 藤椒牛舌 秘制牛五花 蒜香豬五花 貓抓藤椒雞 炭燒黑豬梅花肉 現拌牛肉 雞🐓牛🐂豬🐖樣樣都有，整體質素非常唔錯，我地最鍾意食嘅係貓抓藤椒雞🐓，食落啖啖麻椒味🌶，真係非常好食😍。 🌟照燒雞腿 🌟海捕虎蝦 🦐大大隻非常新鮮，爽口彈牙😋。 🌟貓抓烤茄子 已經烤好嘅原條茄子🍆面層鋪上大量蒜蓉🧄辣椒🌶，燒得剛剛好，香口惹味鮮嫩多汁🤗。 🌟生菜 🥬最適合包住牛/豬五花一齊食，減少油膩感😍。 🌟貓抓拌飯 上面放滿了紫菜和芝麻，飯🍚之中混入了肉汁，十分惹味😋。 🌟貓檸茶/貓草茶 🌟紅豆豆腐花/ 焦糖布丁 布丁上放了貓掌造型嘅貓咪奶凍，好得意呀😍。 二人餐份量又多，而且質素唔錯，真心抵食。正所謂不吃烤肉心如貓抓，有貓🐱的地方就有快樂。

又到了一期一會嘅網友飯局，今次其中一位網友介紹一間位於太子嘅Cafe店 - 2 soon cafe ，咁就一於去試下先🥰。 Dinner set (2位用) $498 頭盤比想像中多，有成4️⃣款： 伊比利亞火腿忌廉薯餅 - 火腿🥓嘅鹹香加上綿滑嘅忌廉，炸過後口感非常豐富😋。 西班牙青椒仔 - 🫑外皮焦香，有少少辣🌶，口感爽脆。 煙三文魚番茄牛油果沙律 - 煙三文魚🐟整成玫瑰花形狀🌹，牛油果蓉🥑好綿滑， 整體非常清新。 蒜片欖油大蝦 - 大蝦🦐爽口彈牙，加埋惹味嘅蒜片🧄同埋橄欖油，就係好食😋。 意粉可以3️⃣選1️⃣ 蟹肉伏特加香辣番茄忌廉粗管意粉 一望以為係韓式年糕😂，望落以為好辣🌶，好彩食落都ok。面頭放了滿滿的蟹肉碎🦀，粗管粉好掛汁，十分惹味🥰。 主菜3️⃣選1️⃣ 封鴨腿伴酥脆薯餅配紅莓醬。 鴨腿🦆肉質軟嫩、味濃濃郁，完全唔覺得嚡口🥰；薯餅炸得脆口，有驚喜😋。 甜品 +$48 自家製西班牙油炸鬼 Churros 🥨炸得好脆口，蘸埋朱古力醬🍫非常好味， 差啲唔記得仲有個好creamy嘅雲尼拿雪糕😂。 Red Sangria / Sake Sangria +$88(2杯) Red Sangria 紅酒🍷+橙皮酒，再混埋橙汁，蔓越橘汁等果汁，酸酸甜甜非常醒胃😋。 Sake Sangria Sake 🍶+ 橙皮酒再加入了檸檬汁🍋、蘋果汁🍎和蘋果糖漿，有種清爽嘅感覺🥰。 明太子蟹肉三文魚玉子燒 $98 玉子燒充滿蛋香味而且唔會太甜😋，🦆連埋上面蟹肉🦀和三文魚籽🐟一齊食，層次感十足😋。 明太子忌廉菠菜煙肉大蝦扁意粉 $158 意粉🍝煮得剛好軟硬適中，大蝦🦐爽口彈牙，整體味道濃郁。 總括而言，可以打卡又夠Chill，係三五知己好去處。

又點會估到，係車房🚘林立嘅街道入面，隱藏著一間居酒🏮，如果今日唔係咁啱陪朋友攞返架車🚲，唔係咁啱朋友話肚餓，我一定會錯過呢間小店。 小店入面好多動漫掛畫🥰，figure公仔，當中最吸引嘅一定係1:1嘅蜘蛛俠😍。 🌟南瓜蕃薯天婦羅 🌟左口魚群邊天婦羅 🌟龍躉粒粒天婦羅 天婦羅炸漿，龍躉粒啖啖肉，有鮮味；左口魚群邊油香十足，意外地一啲都唔油膩😋。 🌟天神玉子燒 和一般玉子燒唔同，呢度加入了鰹魚汁🐟，所以多了份鮮甜味😋。 🌟章魚小丸子 章魚燒嘅醬汁係自家製嘅，用咗蛋黃醬加明太子醬製成，滋味倍升😋。 🌟燒白鱔 燒得惹味，咬落去啖啖肉，魚油味十足😍。 🌟雞肉脆脆棒配月見汁 雞肉棒🐓口感柔軟滑溜，配埋鮮香嘅蛋黃🍳及醬汁一齊食，口感更滑，味道更香😋。 🌟薄脆雞皮 雞皮燒得又薄又脆，勁惹味🤤。 🌟厚切豬鞍滑蛋丼丼飯 用吉列嘅方法處理咁厚身嘅豬鞍🐖，要做得好食一啲都唔容易，但係呢度做到了，仲做到外脆內腍，非常juicy，一啲都唔嚡口😋。 🌟封門柳 封門柳5️⃣成熟燒得剛剛好，而且肉味香濃、充滿肉汁😋。 🌟 心太軟 暖呼呼的半液態狀朱古力🍫從入面一瀉而出，是真正流心朱古力☺️，味道不太甜，剛剛好。 飲品 ✨️天神特飲 用咗金巴利汁、蘋果汁🍎、檸檬汁🍋及接骨木果汁 ✨️荔枝士多啤梨噴泉 以士多啤梨🍓味道為主帶著啖啖嘅荔枝味香味，整體唔太甜😋。

今日約左一大班網友，最後其中一位網友揀咗尖沙咀一間坐得舒服，食物又高質嘅中菜館。 招牌豪華套餐 (10人) 芝士龍蝦(烏冬)(蒜蓉包) 龍蝦🦞肉質爽口彈牙，芝士🧀味道勁濃郁，最特別嘅係今次唔用伊麵底而係用烏冬。 不過最欣賞嘅都係蒜蓉包，蒜味🧄極濃。 秘製潮州翅 潮州翅黏度高，膠質豐富，食時有漿口嘅感覺🥰，而且每羹都到唔少魚翅，可見真材實料😍，食完一碗已經半飽。 美極煎元貝 元貝好大隻，又夠厚肉，外層煎至金黃色🟠，配上美極醬汁，更能提昇鮮味🤤。 白胡椒炒蟶子 蟶子皇大大隻😮，口感彈牙，味道鮮甜😋，最正既係白胡椒嘅辛香和辣，完全融入蟶子之中。 黑椒脆薯牛柳粒 牛柳粒🐂一口一粒，肉質軟淋有牛味🥰，薯仔粒🥔表面炸得焦香，帶陣陣香甜蜜糖味🍯，十分惹味😋。 胡椒肉片菜心煲 湯底胡椒味勁濃🥰，入面有好多肉片同埋菜心🥬，啱哂鍾意食草嘅女網友😂😂。 炸子雞 外皮炸至香脆🥰，入面肉質依然嫩滑多汁😍，就算胸肉位都唔會話好嚡😋。 瑤柱蛋白炒飯 圍菜套餐啲飯🍚，我都會抱觀望態度，因為通常係唔好食多，但意外地呢度炒得非常之有水準😋， 米飯粒粒分明，味道恰到好處😍。 自選甜品/糖水 有數款甜品可以選擇，有凍❄️有熱🔥，凍嘅有楊枝甘露和芒果布丁；熱嘅有紅豆沙和馬蹄露，選擇豐富🥰。 總括而言，10人份量嘅豪華套餐真係好豐富，份量又多，最後打包咗成盒飯同成盒餸返屋企，又飯又餸明天早餐有著落了😂。

老婆今日突然好想食印度菜🇮🇳，話同事介紹佢去一間隱藏於尖沙咀寶勒巷嘅正宗印度餐廳，叫佢記得留意下個....酒吧？！ 餐廳由地道印度人🇮🇳負責，所以對印度食物要求很高🥰。仲聘請咗印度五星級星級酒店名廚👨‍🍳，因此受到唔少印度客人捧場😍。 餐廳劃分為3️⃣部分：酒吧、室內及室外。酒吧那邊設有長形吧檯，有型嘅混血調酒師🧔‍♂️(雖然唔想承認，但佢真係幾型😒)，見佢巧妙地係雞尾酒🍸混入多種香料及香香草🌿，好多客人心心眼😍。唔怪得老婆同事叫佢留意酒精啦！所以我今日特登唔叫Cocktail🍸...；室內餐廳設有多張4️⃣人檯及梳化櫈，座位非常闊落舒適，空間感亦十足🥰；至於户外就猶如城市綠洲，打卡一流。 Goan Shrimp Curry $168 果亞椰香咖哩大蝦 蝦仁🦐口感彈牙，咖哩味道比較溫和，味帶微甜，有陣陣椰香🥥及蕃茄🍅香味，係一款大人同細路都鐘意食的咖哩。 Kalmi Kebab $148 爐烤特色香料雞腿 雞腿肉🐓烤得非常出色，表面焦香，肉質非常嫩滑多汁，香料味及辣味🌶同樣突出🥰。 Lucknowi Lamb Curry $158 北印度羊肉咖哩 羊肉🐏炆得入味又軟腍，咖哩帶微微辛辣味🌶，令人越食越想食😋。 Garlic Naan $42 蒜香烤餅 烤餅表面焦香，餅皮非常鬆軟，蒜香味🧄突出，點配兩款咖哩汁都好夾，好好食😋。 Lachha Paratha $42 北印度抓餅 抓餅口感鬆脆，有陣陣牛油香味🧈。 Afghani Mushrooms $138 阿富汗瑪莎拉香料芝士釀蘑菇 兩粒蘑菇🍄中間夾雜住香料及芝士🧀，味道鹹香，蘑菇質感嫩滑又非常juicy😍。 Mahalabia $58 中東牛奶布甸 第一次食，覺得幾特別口感介於布丁🍮和奶酪🥛之間， 唔錯🥰。 總括而言，女士千祈唔好望向酒吧方向！！

約唔到Miss Ding ，我唯有改約Miss Tira 啦，Miss Tira係邊個？係一間零卡糖使用，香港首家現切提拉米蘇專門店😂。 經典原味提拉米蘇 $58 表面的忌廉口感香滑微甜🥰，中間夾雜濕潤的手指餅乾，充滿著濃濃貝禮詩奶酒香味，另外再帶有微微咖啡香味😋，大推。 泰式芒果糯米飯提拉米蘇 $58 面頭放了意大利嘅馬加邦呢芝士🧀，紫糯米飯及鮮芒果粒🥭，仲有椰子脆脆加強了口感，記得食之前淋上自家製嘅椰汁🥥，令椰味更香更濃😋。 黑糖珍珠奶茶提拉米蘇 $68 面層充滿口感彈牙，煙煙韌韌嘅冲繩黑糖珍珠波波，加埋個芝士奶蓋🥰，就好似飲緊珍珠奶茶一樣😍。 脆皮提拉米蘇杯 $68 每日限量發售，被譽為網紅甜品必吃之選😍。不過又難怪，除咗杯身用咗脆皮堅果黑朱古力外🍫，連杯具都用咗濃郁滑溜嘅朱古力🍫。杯入面係濃郁嘅馬斯卡彭芝士🧀，同埋蘸滿了咖啡液☕️和Baileys 嘅手指餅，勁好食🤤。 整體Tiramisu非常出色，連只锺意食原味嘅老婆，都話其他款式好食，咁下次一定要試下充滿特色嘅港式咖喱魚旦提拉米蘇😋。

今日收工約咗老婆去食一間bookmark咗好耐嘅鐵板燒 - 本名鐵板燒。 餐廳裝修簡潔企理，座位舒適闊落，空間感十足🥰。晚市提供2️⃣個set，分別是[本]每位$588 及[命]每位$788，今次決定試下個[命]。 命 $788 前菜 沙律菜🥗新鮮，簡簡單單混合醋汁，味道清新又醒胃🥰，加埋酸酸地嘅水雲秋葵，作為前菜非常適合。 龍蝦 係贈品，無錯只要食滿$1️⃣5️⃣0️⃣0️⃣就會贈送。原隻活龍蝦🦞燒香後切件，龍蝦🦞肉質感爽口；龍蝦頭一啲都冇嘥，起哂啲膏整成醬汁，殼就用嚟煮之後麵豉湯🍵。 南非鮑魚 鮑魚處理得啱啱好，不但味道濃郁鮮甜😋，而且厚肉爽身，無論口感和味道皆為一流😍，配埋乾瑤柱松葉蟹汁，味道更鮮🤤。 是令海鮮 北海道帆立貝外層煎至焦香🔥，口感非常嫩滑juicy😋，口腔充滿鮮味，配埋波菜忌廉汁，口感更加豐富。 銀鱈魚 🐟魚肉和魚皮分開嚟煎；魚皮煎到卜卜脆，好似薯片咁😋；魚肉亦煎得非常出色🥰，外層焦香，內層肉質嫩滑勁多肉汁😍，蘸埋什菌汁就更加好味。 鵝肝 鵝肝表面煎得焦香，口感柔潤，油脂香肝味濃🥰，加埋意大利黑醋和焦糖蘋果🍏，簡直嘅無懈可擊🤤。 牛舌芯 充滿彈性而且軟嫩多汁😋，油脂又豐富，啖啖肉得嚟無根又無渣😍。 鹿兒島和牛 和牛🐃表面煎至焦香，肉質非常柔軟又juicy，一口咬下，牛香及油香味爆出🤤，食後非常滿足😋 炒 飯 飯炒🍚得粒粒分明，每一啖都充滿蛋🥚、牛肉🐂及蔥花香味。 吸物 麵豉湯熱辣辣🔥，味道非常濃郁，加上用了龍蝦殼，多了份鮮味，十分好飲😋。 炒野菜 野菜🥬新鮮，炒得香口，調味啱啱好😋。 甘味 焦糖多士🧇，煎得脆口焦香，甜甜地好好味；至於奶凍，牛奶味道濃郁，又香又滑😋。 青檸梳打 / 百香果梳打 $28 估唔到飲品都咁抵，而且仲要大大杯，青檸梳打和百香果梳打都係酸酸甜甜，解膩一流😋。 餐廳有兩個鐵板燒吧枱，但抽風系統一流，完全無油煙味；另外餐廳店員服務真係無咩好挑剔，真心一流，所有嘢都咁好，唔怪得咁多去食啦。