近近地有新野試 又home office早啲去排位 等咗10張枱大約30分鐘有位 限時100分鐘20分last order 個app癈到浪費咗我人生10分鐘 最後人肉落單 所有哥哥好好人 熱情有熱誠 好好禮貌 2星期內部培訓是必須的 戲肉： 食物以價錢來講性價比高 推介： 鯡魚卵松前漬 鹽漬鯖魚 三文魚壽司 沙俊天婦羅 抵飲： 360ml 清酒只需百幾 翻桌前後叫咗兩支 可改善： 薯仔沙律太多紫菜 我唔覺得自己有食緊薯仔沙律 經歷過慘痛又難食嘅壽司郎之後 覺得杉玉係痛改前非嘅後起 希望保持到

早50分鐘app拎定飛 諗住搭車入上水搵長輩飲茶 等佢哋唔駛等位 老公一拎飛就B127而當時排到B94 50分鐘後落車都仲係顯示B94 點知行唔夠1分鐘 無端端排位係咁跳 一吓跳到B115 再5分鐘內上到黎，已經係B134 個短頭髮女知客好串呀勁無禮貌 原來就係佢 係咁㩒走啲飛 好彩我已經中途拎多張B144 等咗一陣有位 如果唔係又要去第二度搵位要啲長輩再等過 有啲客好慘 同一遭遇但佢哋無拎多張 要重新等過 我覺得要再教育啲知客點運用個app 唔係一吓係咁㩒走啲位 話因為無客囉 咁要個app黎做咩 就算舒適較乾淨都打哂折 *我個人已經唔高要求 至在聚吓開心吓 但個知客真係影響咗成件事心情

食物好味 但選擇少啲 最吸引係酒買一送一 但個短髮女侍應好無禮貌 我覺得我唔係唔俾錢 但佢態度太差 我接受唔到 朋友介紹幾好都好 食物選擇同服務態度好影響 我寧願唔要85折 都唔想要咁嘅服務

外藉店員十分友善 見疫情無咩人 又只得3枱客 佢都好熱情做氣氛 仲請我哋每人兩杯cocktails 仲有佢嘅紅酒介紹亦出色 一似就係兩支 3個女子 都算食得多飲得多 好開心 值得推介 佢介幫我哋影相之餘 仲影埋即影即有 好多互動亦都令我哋不自覺食多咗飲多咗 最後得返我哋一枱客應該時間要收舖 佢仲調返轉頭仲整多幾杯俾我哋飲 仲要免費唔收錢 又教我哋點飲點了解紅酒 好識做呀 希望佢哋支持到咁少人流嘅市況 我仲好想同老公黎試一轉。最後祝大家身體健康

岩岩搬過嚟第一日 因為好想食串燒 所以同老公行咗黎呢間轉角串燒舖 貪佢有得坐街邊位 開揚啲又可以食返一兩支煙 不過地面唔平所以要坐得好小心 估佢唔到啲野又幾好食喎 但如果多啲選擇就仲正 大多以丸，雞肉，菜類為主 切記，豬大腸同韮菜必食 （如果大粒啲好咬口啲就仲正） 如果多啲牛選擇就好啦 因為我太愛牛 提提大家，估計佢無酒牌，所以要去隔離便利店自己抬，勝在周圍都多總有一間係左近 以後宵夜抽筋起上嚟想食串燒 就無問題啦 佢收2.30am! 值得推介

話就話燒味係主打，點解义燒燒鵝飯： 义燒乾，燒鵝無肉，連熱飲賣$66。$40都俾多咗。 完全浪費咗我今餐個quota. 我見隔離枱啲是日餐賣相都唔得，比一般茶餐廳更差，仲差過碟頭飯喎。啲忌廉磨菇飯係堅溝過好多獻汁個種。 唯一係我杯熱檸茶，有茶味嘅。 環境係好乾淨，但野食唔得好難搞，做衰哂個名呀。我都係掛住舊舖啲撈丁同絲䌩奶茶，又奈何環境唔好同埋位置唔就腳。 希望佢真係會好好改善一吓啦。 可惜可惜可惜可惜可惜可惜。

做飲食接待係辛苦我好明白 所以一直都好少去留難對方 但今日一黎呢位女子好輕易咁破壞哂我心情 一黎到無尾音唔係問題 留咗位8個我亦預佢俾唔到房我 點知呢位小姐問我7定8 我話呢一刻都答唔到因爲未知有無屋企人唔舒服黎唔到 我問一句7定8影響有幾大 佢即話有呀7就俾唔到房啦 我即刻著火問佢難度8位就可以俾到房我？ 吹啤佢話又唔一定 我滾住9秒9答佢8位 佢又即話 依家又無房啦 咁嘅人點解可以容許佢企前枱？ 我真心覺得咁多間大喜屋呢間bad list中最高呼聲野食再好食啲人嘅質素咁樣 好難維持

呢間泰昌真係一次經驗比一次差 依家真係咁難請人咩 點解啲阿姐仲係大聲夾惡又鐘意吹水做野又懶散 問句野都答得串串烘 真心要請過班人啦 唔係連鎖大眾野就唔駛禮貌呀 市場仲有好多選擇架

誤打誤撞同男朋友黎 開頭點咗一個有龍蝦刺身二人餐同兩支各300ML sake 一凍一熱 好好玩 有盆十隻新鮮赤蝦俾你一手拎到幾多就食幾多 大大隻又有膏 仲可以俾你選擇刺身定浜燒 咁梗係每樣一半啦 上sake仲開心 有hello kitty酒杯 飲得特別sweet 仲要不斷換熱水 以保持酒熱度 熱情又細心 所有海鮮真係新鮮到令我男朋友 一路食一路冧滋滋嘅樣 真係未見過 芥末八爪魚必點 因為佢係一片片唔係一粒粒 仲要味道係100分 龍蝦刺身更係爽到震 上碟時隻龍蝦頭仲係𣄽吓𣄽吓架 咁樣玩法搞到男朋友食吓食吓一個人就飲咗1200ml sake 🙈 整體無得輸呀！！

直擊 一直都係佢地粉絲 已經第四次食啦 服務已經有差別 之前所有碗筷會準備好 仲要上碟姐姐一定係斯文有禮 但今次啲串燒真心唔得 又細又薄又乾 上碟又粗粗俗俗 仲有我唔明點解先黎串燒至黎刺身嘅？ 失望呀