身為綠茶控嘅我，本來想揀"森之樹林"，但綿花糖機壞左，整唔到
於是就唯有試左"冬之富士山"同"楓之火陷"！先講個賣相，整得非常靚啊，就好似冰雪奇緣甘，仲有少少煙架！而且仲送個白朱古力雪花❄
至於味道呢，超濃牛奶味，仲有啲甜甜嘅藍莓味。中意牛奶味嘅朋友，一定要試下喇！嘩！一拎上手好似火山爆發咁，彈到我成手都係。由於抹手需時，所以影唔切
紅桑子汁入面有啲爆炸糖，口感好得意。而且配合埋榛子雪糕，仲酸酸甜甜！夏天食好有消暑嘅感覺。
總括而言，好欣賞呢間雪糕店，因為設計得非常有創意。下次黎，我會試埋啲飲品，特別你紫薯戈一個！

武藏前一排新推出嘅拉麵"鳳翔天"，Meun寫係秘製雞湯底又見員工咁Hard Sell，就叫一個試下喇！一拎到黎，就聞到好濃郁嘅雞湯，當然以為好正…點知就中伏喇 原來只係超濃味嘅雞湯湯底，就好似濃湯寶嘅味一樣！員工仲話無咁油，但食完就好口渴，飲左order戈杯飲品再飲多兩杯水先好啲！而且只係三件細細塊嘅雞扒，無紫菜，又無溏心蛋
不 值 得 一 試 啊！

依家街頭嘅小食愈來愈有創意，就連較為傳統嘅雞蛋仔斬都有鹹有甜呢個就係Eat With me新推出嘅"熱狗雞蛋仔"，賣相非常吸引，滿滿嘅芝士醬，蕃茄免治肉碎，生菜一大塊，仲有一條大嘅德國肉腸！
雞蛋仔熱辣辣，而且超級脆卜卜，用叉吉落去，會聽到卜一聲。當店員整嘅時候，已經好香蒜味，但味道實令人百感交集，因為雞蛋仔係用甜蛋漿整嘅，但又有蒜蓉味，食多幾啖，蒜味就會係個口到盪迴不散！
點少少邪惡嘅芝士醬，真係食到停唔到口！因為又香又濃，真係難以抗拒啊。

呢間餐廳係觀塘工業區裏面，因為好近我公司，所以成日都會同班同事去食Lunch。早過12:30食，環境都唔錯，可以傾下計。不過一到左Lunch Time高峰時間，你就真係排到出門口，仲要人齊先入得！有時候一早訂左位，但都要等下先入得。今次就簡左"香煎美國豬扒青胡椒燒汁配薯條"！哩個豬扒比平時餐廳較為厚少少，但食落去唔會好難咬，相反仲好Juicy，非常有口感青胡椒燒汁都幾香幾濃味，兩樣都值得一讚啊！個汁配埋薯條簡直係正，價錢又唔會太貴，Lunch Set有餐湯餐飲包，係觀塘返工嘅朋友仔，不妨考慮下！

店鋪以歐陸風格為主，仿似外國嘅火車站，有唔同地方嘅時鐘，火車軌模型，收銀處仲模仿售票處添！感覺好似身處外國，別有一番風味。格格簡單，令人有種舒適嘅感覺！收工之後，約埋朋友黎聚一聚，都係一個唔錯嘅選擇！

終於休半日，仲要係閒日，唔洗咁多人排。不過都要等成15分鐘先有得入！係門口等戈時， 店員就已經會比張點餐紙你  填法同一蘭差不多，可以選擇麵既軟硬度，份量，醬汁要幾多，加唔加配菜等等，所以入到去坐低，好快就有得食呢碗拉麵叫"伊台風" (HK$88)，香濃的蕃茄湯底，湯底比較杰，口感就有啲似蕃茄醬，再配撘融化左嘅芝士條條，真係令到個湯底更香更濃郁。配合埋溏心蛋同拉麵，簡直一流！

我只係要左普通既份量，因為已經好夠女仔食，除非你好大食喇