肚餓嘅我一放工走都走唔切，只想快快食個dinner，但當然唔係快就可以，一定要好味。唔知係唔係連waiter都知我肚餓呢，一坐無耐就有麵包食。D麵包幾好wor, 外面脆地地裡面又軟軟咁，味道仲甜甜地，醮埋我鍾意嘅意大利醋同olive oil仲正。我呢南瓜迷一有南瓜湯飲特別興奮，呢個南瓜湯好幼滑，連南瓜味都好濃而且又甜甜地，飲到我開心到呢笑咗出嚟。未食見到呢個蟹肉酥皮盒已好對路，樣子靚靚咁，食落仲頂呱呱，好多蟹肉係裡面(真係估佢唔到) ，蟹肉仲好鮮甜，配個脆脆酥皮盒，真係完美之作!肉獸嘅我見到呢塊大大牛扒即刻開心晒，牛扒肉味同鮮味都幾出，唔韌又易切，不過少少不足就係煎得油咗少少。配菜薯仔同蔬菜煎得幾香同好新鮮，但都係煎得油咗少少。老實說呢個唔太甜啱啱好，酥皮帶點牛油香，但有D唔夠脆，不過不失。

整體食物係唔錯，服務周到又成日添水，坐得又舒舒服服好啱情侶嚟。

返工返得辛苦勞累最好就係食餐好，對自己好一點，咁就開心晒。鵝肝好肥美香口，興幸香脆嘅多士同清新嘅沙律平衡過多的油脂，多吃一點都唔怕。先講跟湯的蒜蓉包，蒜蓉同牛油味都幾香，如果蒜蓉包脆多少少就更好，不過本身都唔錯。主角黑松露菌忌廉湯唔稀唔太"杰"啱啱好，裡面仲有好雜菌碎，有口感又帶有好濃嘅黑松露味，唔知係唔係要夠濃所以咸了少少，如果平衡番呢點就perfect。自己好鍾意食咸豬手，但好怕肥膩又怕豬手唔夠脆。呢個豬手真係出乎意料之外地超好食，又唔油，又唔會太咸，仲要豬手皮超脆，肉質仲好嫩。就連薯條都好好，脆身又香薯味。鍾意飯同黑松露分開上，要下幾多黑松露都可以自己控制。意大利飯有少少嘅芝士味，唔會過濃，每粒飯都好分明，唔會太"杰"，係個幾好嘅意大利飯。食到好飽，最好不過飲杯Earl Grey消濟。雖然餐廳Earl Grey都係Twinings嘅，但好似有點唔夠濃，不過ok的。整體上，大致都好滿意，坐得舒服，服務又好，時不時都留意到客人嘅需要。食物雖然有少少改善嘅空間，但味道上絕對有85分以上，值得推介嘅餐廳。

成日以為食素好悶，但瀛素食嘅日式素食大大咁吸引我，今次就試下好與壞。熱辣辣嘅意粉總係特別吸引，但芝士汁有點怪，似白汁多一點，但味道好唔錯。意粉上嘅食材都好多，味道都ok，連埋意粉一齊食感覺幾好。我期待嘅壽司到咗，賣相幾好款式又多，吃了咁多款，最為賞三文魚壽司，像真度都幾高，口感真係有點似三文魚。燒餅大大份，燒餅料多到有點不能相信，大量沙律令燒餅食落更滋味。