以這個位置及附近有多間不同種類嘅食店嚟講，呢間價錢絕對唔算叫平。但以食日本嘢嚟計，D刺生都幾新鮮，中午食lunch唔算多人，環境不錯，真真正正想平日中午可清清靜静地食個午餐，呢間都係一個唔錯嘅選擇。

努力工作5日終於等到Happy Friday, 當然要搵啲好嘢食慰勞下自己la,最後決定試下呢一間｡結果冇令自己失望，生蠔新鮮、款式多。其它熱食都十分好食(最衰得一個胃😌)。當然要讚下服務員(在其他食評經常出現🤣)呀Mark 的親民招呼。今晚，盡慶🥰🥰

見疫情稍為緩和 ，跟著同事光顧此店。 食物質素高👍， 現場 氣氛一流👍👍，老闆 非常熱情 👍👍👍，與客人打成一片。 老闆其後索性走出嚟高歌數曲 (又真係唱得幾好)。 最搞笑係如客人唱歌的話，之後佢會贈送一支清酒。 (其實， 佢已經揸住一支清酒周圍酌比D客飲🤣🤣)。 這類小店， 香港甚難求。

剛過了的星期六，從屯門揸車入嚟搵食 。 其實附近都有唔少特色食店,但見家人推介便來試試。 叫咗一客德國咸豬手 及 墨魚汁海鮮意粉， 再各加四十幾蚊升級 (即有餐湯、 餐包及飲品) 。可能我見識少 ，第一次食到感覺有餘用"紅燒元蹄"煮法嘅德國咸豬手。個外皮嘅"融" 化度簡直可以用飛機餐嘅刀叉切開都綽綽有餘， 墊底嘅酸菜過甜(港式風味啩)。 明白嘅~香港人工貴 、租貴、 皮費貴 。為咗縮短烹煮時間 ，怎可能將 一隻豬手用烤爐由生焗到熟， 但都冇理由唔將隻豬手放入焗爐最後焗一焗 ,等佢外皮都叫做有啲啲脆先送出去比客人食吓嘛 。相比之下碟意粉已經係好正常嘅味道(本人都覺得極之普通)。 再有下次 ？除非我精神有問題。

今期轉咗主題, 款式同擺設不及上期吸引, 好在景觀出色~甜品賣相可愛,但款色略為單一。整體上味道唔錯。朋友點了朱古力飲品(她説好味,唔死甜, 有微微朱古力的苦),我點了杯 1837 Black tea(一般OK)。

成年無幫襯，今晚與家人吃飯， 叫D食評推介嘅美食試試。 結果無令人失望。(1)雲英雞~~滑, 唔肥。 (2)椒鹽白飯魚~~ 炸得鬆脆，無一口油。 (3)窩貼鮮蝦小棠菜~ 粉漿好薄, 好脆口。 (4)砵酒蠔~ 做得夠乾身, 蠔味濃, 好吃。 (5)墨魚餅~ 好彈牙, 無油淋淋, 火喉做得好，最後叫咗兩碟 (6)啫啫通菜煲~ 熱辣辣, 差D辣親個口 (7) 鼓油王炒面~ 夠乾身，味夠，碟底居然無油 ， 正! (8) 苦瓜火腩斑腩煲~ 唔差。