😌 有時食酸菜魚好大盤 要夾好多朋友食 呢度嘅一人份酸菜魚就啱晒我 份量少啲又可以點多啲款式嘅小食 招鮮金湯酸菜魚拼牛肉配紅薯粉 金湯香得嚟感覺上比較mild 最開心就係可以簡要滑牛/肥牛 大大碗有魚、牛、萵筍、豆卜、芽菜、金菇 配埋薯粉係勁滿足嘅感覺 紅糖糍粑 出面炸到好香脆 內層就好軟糯 中間仲夾住好養生嘅黑糖 做飯後甜品一流 爽脆魚皮 本身對呢味冇咩好感 好驚會腥 點知一試便愛上 魚皮好爽脆 而且夠厚身 真係有膠原彈彈嘅感覺 個麻辣醬好惹味 撈飯啱晒 墨魚餅 一份有六大件 墨魚好鮮味 口感又好彈牙 辣子雞 其實配咗飯 不過唔記得影 有別於坊間嘅辣子雞會炸到好乾 呢到嘅雞丁偏向濕潤 配埋啲花椒同芹菜碎好開胃 呢度嘅座位唔算好多～不過就見一路好多外賣單

7小時任飲任食你個肚又裝到幾多？ 烤魚雞煲火鍋放題～ 一嚟到就點咗雞煲先～ 仲可以簡辣度，當然叫埋老闆多芫荽啦 雞肉醃得好入味 店長上菜時仲幫我哋兜咗兩兜 勁惹味 食完就點咗秘製火焰牛尾煲～ 食牛尾最緊要炆得夠腍 呢度炆得夠火候之餘 食落仲好有膠質嘅感覺 好似食緊骨膠原咁樣 食完呢兩個煲其實都已經半飽 都已經唔敢再叫過黑椒豬手煲啦 直接就食烤魚啦！ 點樣酸辣同麻辣味嘅清江魚各一 酸辣同麻辣味都各有千秋 魚肉好滑 肉質細膩緊致 有少少骨 唔會話吐得好辛苦 最後當然係叫湯底打邊爐啦 點了胡椒豬肚雞鍋 貪個湯有胡椒 好開胃 其實淥埋啲菜都已經飽到上心口 另外仲有啤酒任飲㗎！

新加坡過江龍愈開愈多分店🇸🇬😌 身為新加坡米芝蓮指南必比登推介 尖沙咀K11 Musea果間成日都大排長龍 原來太古都開咗一間express版～ 一樣咁高質 近期仲推出咗招牌兩食～ 一次過滿足兩個心癮 選擇困難症啱晒 迷你擔擔湯麵配迷你文華海南雞飯 海南雞飯嘅海南雞已經去咗骨 雞肉好嫩滑 香茅飯香口得來，一啲都唔會油膩 擔擔麵充滿着花生香 而且肉燥亦都炒得好香口 麵條亦都好掛湯 另外當然要大蝦喇沙啦～ 喇沙嘅面底用咗米線 配埋濃郁帶蝦味同椰香嘅喇沙湯 簡直有一啖一啖食落去嘅衝動 喇沙仲配有魚片、豆卜、雞蛋、白魚蛋 一碗麵有咁多配料勁開心🥳 仲配咗個沙嗲牛肉串～ 牛肉串烤得好香口～配埋秘製沙嗲醬食一流！

🔥諗唔到食咩永遠就衝去打邊爐最啱 而且牛站lunch time冇限時 食足四個鐘吹下水坐下一流 最正係牛肩胛肉眼係重點 一睇就知質素一啲都唔差㗎 肥瘦分怖好平均 而且牛肉味濃郁 自助區仲有大量蔬菜類 今次食竟然有我最愛嘅豆苗添呀 另外仲有蟲草花、枝竹、金菇、娃娃菜 健康人仕啱晒 當然唔少得有好多台式嘅丸類 蛋餃真係唔係度度地方有得食㗎～ 仲有豬血糕、福袋 福袋裏便係鹹蛋黃蓉嚟㗎～勁特別 冷盤類小食就有麻辣魚皮、中華沙律、麻辣豬脷等等 西瓜🍉哈蜜瓜🍈夠晒甜～仲有柑橘仔添 唔夠飽，仲有出前一丁王子麵等等 飲品區我就最愛冷泡白土烏龍茶啦～ 仲有台式飲品，紅豆薏仁水、珍珠奶茶🧋 其實食完所有鹹點 我個肚已經冇位食甜品啦🤣 呢度最正係Häagen-Dazs雪糕都係任食～ 如果有帶小朋友仲有爆谷機、夾糖添呀

又比我發掘到啲隱世美食～ 店舖開業冇幾耐 但見到訂單一張接一張 就知道唔惹少😉 ⭐️砂鍋雲吞雞菜飯 偷睇到店長即刻將菜飯響平底鑊到炒返熱 一睇就知道有誠意啦 唔怪得貼住可以經WhatsApp落單 呢個飯餐有成隻雞髀🍗雞髀醃得夠咸香味 而且好細心斬咗件上 食得唔會狼狽 雲吞我老豆好鍾意 皮好滑 話有兒時嘅味道 反而我鍾意嘅原因係食落多菜 唔會食到有肥豬肉嘅感覺 個高湯好濃郁 娃娃菜煮到好淋 吸晒湯嘅精華 ⭐️酥炸排骨擔擔面 個幼麵好滑身 夠晒幼用嚟掛湯一流 擔擔麵最緊要個湯底 呢度做得夠晒濃郁 而且有粒粒花生碎 肉碎係瘦肉碎嚟 炒得夠香口 我即刻放心食晒佢 排骨大大件 足以蓋住成個碗 有厚度得嚟唔係好厚炸粉 醃得好夠味 而且食落唔會柴 ⭐️狀元生煎包 我返屋企都有一段落程 預咗個皮會吸晒啲汁 點知好驚喜 返到去食嗰泡湯汁仲響度呀！ 而且塊皮做得好薄 肉餡又唔會話勁重肥豬肉 係真材實料嘅感覺 食咁多嘢先$140，真心超值！

😎呢排好鍾意發掘唔同嘅放題～ 旺角地鐵站一出嚟 就有姐姐派單張 仲要有折 誤打誤撞又食到好嘢👏🏻 午市嚟食可以食足三個鐘 我12:30嚟到都已經有8成滿 （圖係走果陣走咗一批人影嘅） 我同朋友都唔太食刺身～所以就skip咗 就係見呢度熟食種類繁多 所以唔怕冇嘢食 ⭐️磯煮凍鮑魚～見到色水咁深，就知夠晒入味 壽司就點咗蒜香牛油帶子、醬燒左口魚邊 件件bite size 一啖一口，又可以食多幾款都唔怕好快飽 ⭐️芝士黃金醬燒開邊蝦 隻蝦勁大隻，仲有拉絲嘅芝士配埋少少沙律醬 ⭐️蒸蒜蓉帆立貝～ 帆立貝新鮮彈牙～配埋好多蒜蓉勁惹味 ⭐️西京燒比目魚 比目魚好滑溜，西京燒汁甜甜地好開胃 ⭐️酸菜魚煲 酸菜魚煲好有驚喜～食落好濃味 最正係個薯粉吸晒湯嘅精華炸乳鴿都好香口！ 重點介紹精品榴槤王 燒咗榴槤味更香甜更出 食返勁件即刻回本呀！ 飲品櫃同雪糕都好多款式㗎！

新開張嘅韓系x西式cross over樓上cafe 😌 一行入去個感覺好新淨好舒服 走簡約路線 可惜咁啱窗口位搭咗棚 否則有得望埋街景仲正😛 乾坤海鮮炸醬意粉 個底其實係忌廉意粉 有蜆肉、蟹籽、貝柱等配料 而有一半係有韓式炸醬 先講講意粉 質地做到我心目中嘅Al dente 口感絕對合格 估唔到配埋韓式炸醬都幾夾啱 建議大家可以唔使撈勻晒 咁就一碟意粉有兩個口味啦～ 安格斯牛肉芝士漢堡 塊patty好厚身 牛肉味濃郁 而且超級厚 配埋塊半溶嘅cheddar cheese 勁好味 個包烘到好脆口又充滿牛油香 薯條好粗身 外層仲有酥脆嘅口感 抹茶豆腐拿鐵 好rich嘅bubble 有層次感 打卡一流 飲落有淡淡嘅豆味 抹茶味清得嚟帶有少少回甘 粉紅玫瑰花茶 好relaxing嘅感覺～而且個plating 好靚 全天然飲落好健康

新開張嚟食過 覺得樓底超高 好有氣派嘅感覺 約咗好耐冇見嘅朋友 搵啲好好hea嘅地方傾計係必須的 一諗就諗起呢度喇 點知又比我誤打誤撞 食到好嘢 冇諗過原來有供應semi buffet 而且價錢仲要超！級！平！ $98包飲品、甜品、salad bar同湯 當然想食豐富啲就可以加錢要main course啦 真心$98堅係震撼價😍 沙律款式不斷轉同refill 仲有炸薯皮魚手指 慳慳地$98都一定夠飽 不過咁難得出嚟，當然我都有叫主菜啦 Carbonara Linguine 好creamy嘅感覺 闊條麵咬落好彈牙 煙肉都帶咸香 香口得嚟唔會好硬 Grill room 就當然要幫襯下Ribeye Steak 點咗medium well 夠熟得嚟絕對唔會over-cooked 食落重牛味得嚟仲有肉汁 薯條好香脆 沙律有吞拿魚貝殼粉、椰菜花沙律 想健康啲仲可以自己響個木盤上撈 多醬少醬悉隨尊便 南瓜湯好甜好creamy又夠熱 抵讚！

仁芝初相信係食果仁類甜品最出色～ 點咗合桃糊 食落好濃稠有合桃嘅香味 平時好怕啲糊唔夠滑 有粉粉嘅感覺 呢到嘅食落好smooth 甜度都恰到好處 看似普通的桑寄生蛋茶 色澤比坊間嘅深色 飲落充滿草本甘香 飲到落底更加有起沙嘅感覺 精髓仲有隻雞蛋 要浸在桑寄生茶裏幾個鐘頭上色入味 一口咬落去連蛋黃都有色有味 綠豆莎～要食傳統糖水唔都非綠豆沙莫屬 一打開蓋 就聞到濃濃嘅臭草氣味 正正係呢個氣味，就知道呢碗糖水有料到 綠豆已經煲到起晒沙 但又唔會話太杰 做飯後甜品一流 雖然店仔細細 但坐落都幾舒服

有時比起幫襯連鎖 我更加鍾意發掘小店 呢間餐廳雖然用pizza掛帥 但原來有多國料理 打開餐牌，真係咩都有得食 有意粉意大利飯尼泊爾餃子印度咖喱意大利薄餅卡巴 有選擇困難症嘅人士就大件事了 本身都想食真店之寶嘅Pizza 但兩個人真係有少少吃力 咁就一於試吓garlic naan🫓 即叫即整 一起菜就聞到濃烈嘅蒜蓉香味 呢度嘅做法就比較薄身 不過依然有咬口 另外點咗全隻烤雞 雞皮烤到好脆好香口 裏面嘅雞肉就非常嫩滑 醃得剛好唔會太咸太淡 Sided dishes有烤薯仔🥔烤豆角、椰菜絲沙律 對於鍾意蔬菜類嘅我 真心覺得烤豆角超好食 豆角本身帶甜 仲夾埋啲牛油嘅香味 牛油果雞肉沙律超巨型 成座山咁高 有青瓜、雜錦沙律菜、車厘茄、牛油果🥑雞肉、水煮蛋 本身已經拌勻左沙律醬 特調醬汁帶甜好開胃🤤 當然仲有麵包粒可以點返啲醬食啦 幫襯小店最開心就係老闆都會好熱情 食食吓會問吓大家嘅意見