今日去葵廣行街 經過地鐵站又忍唔住買咗一串黎食 我自己就偏愛呢度既牛肉球 $10一串有3粒 大大粒爽口又彈牙 好有口感 加埋甜甜地嘅醬油就岩岩好 岩晒我呢d唔食辣既人 絕對係高性價比既推介

對上一次食呢間餐廳已經係一年前 今次就約咗兩個港女放工之後一齊去食飯吹下水但係其中一個港女就遲大到 所以我哋兩個就食先喇 是日餐湯 不過不失啦 呢個主菜唔記得左叫咩名 但肉質好嫩滑 一啲都唔油膩 點埋附送既黑松露醬好惹味 令人食到停唔到口 蟹肉龍蝦汁意大利粉 OK 另外食滿＄200就可以用半價點一客小食 我哋就揀咗 黑椒德國啤酒煮蜆 煮到好入味 入口又淡淡既啤酒香 玫瑰袖子茶 睇落就好治癒 但係其實好普通 蜜桃乳酪冰 呢個係朋友叫嘅 真係打卡專用 其實呢度嘅環境幾好 係好有心思既佈置 而且係工廈入面又靜靜地 好relaxing餐廳嘅職員都好殷勤 最後我哋三個女仔影咗好多相 老闆仲送咗個甜品俾我地食添 滿足地離去