已經回頭食第二次😆 第一次見到咁多好評試下食點知一食就覺得啲野食係高汁👍🏻 第一次食就食左蒜香蟹肉帶子炒飯＄106 份量好多一個人食唔哂食左一半就要打包翻屋企宵夜食，想講佢放到宵夜時間再叮翻都係一樣好食😋佢個味道係好香蒜味 男朋友就叫左黯然銷魂安格斯牛肉飯＄88 一樣份量好多好足好香，佢有啲泡菜嘅野但非韓國泡菜好特別好好食牛肉又唔會唔好食一個字：正 而今次第二次食就叫左一碟蟹肉金絲炒新竹米粉＄106 好食😋佢唔會太乾好香蟹肉味，份量都好夠一個人都食到7-8成😋 男朋友就叫左碟木玥招牌紅燒牛肉麵＄98 好大碗😹佢都食唔哂😹好抵食👍🏻牛肉肉質好食，面好食湯好香料好飲，有少少藥材湯味唔錯😋 另外再叫左碟夜市地瓜條小食＄52 個粉好好好好好好好食😆😆😆好香脆夠熱 值得叫黎食😋👍🏻 仲有佢每枱都會附送埋一小份核桃喔！佢係甜嘅核桃唔洗怕會苦個隻中意甜可以買一盒翻屋企食😹佢有得買一盒，佢好好食我已經食哂咁制😹 環境又ok衛生又好係可能有時會飛黎一兩隻好細隻嘅蚊入黎因為佢始終都喺馬路邊都難避免 至少冇見到任何昆蟲😹 價錢中尚 整體都好好

琴日同朋友一齊去左呢到食野 朋友話呢間好食就帶我去食下 入面環境好靚好chill 有得俾人坐好似床嘅位 但佢有限90分鐘的 不過冇人嘅話就唔會理你的放心😹 我地就叫左幾樣野食加野飲 3個人3個餐 🌸土耳其早餐▪︎附土耳其茶🌸＄148 好食😋😋😋有芝士塊食😍 中意芝士嘅有口福😋👍🏻 有應該係土耳其包嘅物體 口感似法包咁但冇佢咁難咬個隻😹係好食啲嘅口感 點醬食一流😋 隻蛋我冇食到朋友話好食😹 幾特別嘅一個餐 好似all day breakfast咁😹但就變左係turkey version all day breakfast😹好特別😋👍🏻 第二款小食 🌸土耳其烤雞肉卷🌸＄78 呢個係我覺得最推嘅一款食物😍😍😍 真係好好味😋😋😋已經係形容唔到 只係覺得好食😋會想再下次都叫黎食嘅感覺 雞肉又唔會話難咬開個隻個皮都唔會話難咬 整體都岩岩好🥰 大推👍🏻👍🏻👍🏻👍🏻 第三款小食 🌸玫瑰蜜糖雞翼🌸＄68 都係大推之一👍🏻👍🏻👍🏻 雞翼即叫即炸 上面有玫瑰花瓣好靚又香 有少少蜜糖唔會話太甜😋 野飲方面 🌸mocha🌸價錢唔記得 正常嘅mocha味👍🏻 中意咖啡嘅朋友可以一試 🌸土耳其茶Turkish tea with candy sugar🌸＄148set 最大特色係支candy sugar可以攪拌用又好玩又好飲 不過攪到適量就ok唔係就會太甜 幾好飲 值得一試😋👍🏻 仲有一杯dirty coffee但冇影相🥺 但都好飲😋👍🏻 整體間野都好得👍🏻😋 野好食環境靚又chill員工都有禮貌 深水埗黎講已經係一間高汁餐廳🥰🥰🥰 會再翻黎再食😋😋😋

同男朋友行行下街見肚餓上網揾食😹
見到呢間都好多人話好食就走去試下

我地上到黎係6點左右所以好似冇乜人排隊等位
等左好似大概10分鐘左右？！然後入去就見到原來真係好多人食🙈
無論喺店外定店內都好啲員工都係講英文嘅因為係外國人黎可能應該得一兩個先會講廣東話，都唔太清楚講英文嘅員工係米都識少少中文，佢地都好有禮貌服務周到，超中意外國人嘅vibes😆點餐後佢地都會有禮貌有笑容咁serves你🥰

我地叫左兩樣野

🌸芝士秘製炸雞🌸 $118 6/件
佢呢隻係有骨嘅
唔中意有骨嘅就冇辦法啦因為佢係超好食😋
芝士粉超多超正😍又熱辣辣
肉質嫩滑唔會話overcook左咁
可能因為有骨關係炸出黎超香😍😋
炸雞真係食得過
兩個人6件真係都岩岩好如果你有食埋其他野嘅話
齋食炸雞或者多人食嘅話就12件會好啲🌸韓國烤肉芝加哥🌸 $213 Regular
個pizza啲芝士超多😍係可以拉絲個隻😍
不過冇影到相因為錄左片😹
佢個批邊有好多芝士😍佢話有兩隻芝士
一隻係mozzarella cheese仲要係touble個隻😍另一隻係parmesan cheese
中意芝士嘅朋友有口福啦❤️
但兩個人食就會有少少食唔哂食剩兩片
可能因為食埋炸雞🙈
烤肉都唔會難咬，肉質係超good😋👍🏻
真係超好食我絕對會再回頭黎食多幾次😋😋😋
我見佢有分店
應該間間啲分店都係差唔多水準掛？！😹
雖然啲野食其實真係算貴嘅因為pizza又有炸雞又韓國野但已經係性價比高🙈
值得食幾次😋

設加一服務費
有多間分店
店員大部分都係講英文唔太識英文就盡量唔好黎食啦或者揾啲識英文嘅一齊黎食😹
新join佢地嘅會員會有一杯免費無酒精飲品(只限星期一至五)我地個次係星期日去冇得飲🥺所以我一定會再食多次😹

早兩日我就同男朋友一齊去左天水圍天澤商場一間食日本菜嘅居酒屋食晚餐 未入到去前就已經覺得間餐廳嘅佈置幾特別😆 佢會有啲生果賣😆幾得意😆一間餐廳會提供埋生果攤俾人買覺得幾唔錯 咁之後我地入去啦，唔知係米平日都唔洗話要排隊等位個啲就可以直接入去，都唔太清楚假日會唔會多人排隊 入到去個侍應姐姐都好有禮貌親切咁帶位🥰然後都會即刻安排茶水、餐牌俾我地，服務周到 入面環境都幾靚幾有feel幾唔錯 咁佢地係手機點餐嘅我地就叫左個 🌸極上自選二人套餐🌸＄468 我覺得係幾抵食，抵過單叫😹因為都算幾多野食，但如果自己一個食就可以單叫嘅😹 我地兩個人係食到飽，我自己就可能大食少少就8分飽左右我男朋友就話10分飽😹所以大家如果兩個人食嘅可以自己衡量下食唔食得哂先叫呢個餐 佢都幾快黎啲野食，個沙律好好食個汁同玉子溫泉蛋好夾到個沙律 之後黎左個牛肉火鍋同埋兩杯野飲 個飲品應該係特飲黎 我地叫左一杯係🌸荔枝梳打🌸 一杯就係🌸巨峰提子梳打🌸 兩杯特飲都好好飲 荔枝梳打唔會死甜咁又唔會話好似其他出面個啲可能會係假荔枝味，唔會話唔甜又唔會係淡味，好飲😋 而巨峰提子梳打就唔會係藥水味😹已經係好飲 佢係似有一種平時喺7-11會買到個啲巨峰提子汁咁嘅甜味唔會話好甜，佢係糖果味嘅微甜 利申：平時自己飲開微甜😹 個火鍋湯底係壽喜燒湯底黎🤤好味 啲料都好多，有唔記得叫咩菜😹好好食又中意食嘅菜黎😹 仲有普通火鍋會食嘅娃娃菜，仲有應該係粉絲黎，有豆腐，仲有其他都唔太記得有啲咩但就多料 佢啲料全部都好好食 仲會另外有埋一碟烏冬加粉絲同埋一碟牛肉 牛肉肉質都ok 刺身終於黎啦🤤🤤🤤 🌸刺身六品盛🌸 佢係個套餐包埋而佢啲刺身就冇得自選嘅 有以下六款： 赤海蝦、鮮帶子、三文魚、油甘魚、希靈魚、日本紋甲魷魚 我地一食就即刻覺得係好新鮮🤤😍我就好中意食油甘魚嘅，而呢個都食得出佢好新鮮好好食🤤如果你話要同壽司郎比嘅話😹都可以話係同壽司郎嘅味同質感都差唔多一樣咁好食🤤完全係值得食 三文魚、希靈魚、鮮帶子、赤海蝦都好出色 特別一定要提下個帶子😍好大粒超好食 勁有口感 其餘個幾隻刺身都好好食幾有入口即溶嘅感覺 另外因為我地好少都會食刺身係有叫魷魚而佢就有埋雖然我就有食開嘅但我男朋友就完全唔會食 但一食就幾有驚喜連我男朋友都話意外地好食而係會再食嘅😹 佢呢個紋甲魷魚個口感係好得意，幾滑又有少少入口即溶感，味道好鮮，佢係有連埋唔知係紫蘇葉定唔知係薄荷葉定係唔知咩葉卷埋嘅，就令到更加好似昇華左個味道，雖然我冇連埋黎食我唔太中意食而且又怕會影響左個刺身原本嘅味或者可能佢其實係怕有啲人會覺得腥先加啲葉辟腥 咁我雖然冇連埋食啦但就咁食個魷魚都覺得好好食 佢有少少隻葉味但都唔影響個鮮味🤤 🌸自選壽司4款🌸 三文魚壽司、油甘魚壽司、芝士蟹籽壽司、碎葱三文魚壽司 全部都好好食😍😍😍 因為佢啲刺身本身已經新鮮嘅關係我就唔再多講佢啲魚生嘅味道啦～ 佢啲飯係微暖嘅食得出係即整，再加上啲三文魚、油甘魚係完美，而佢啲飯係唔散好實 個壽司size都算正常size都大舊嘅，另外兩款嘅芝士蟹籽勁有芝士味正到爆會係再想食多幾舊嘅感覺😹仲有個碎葱三文魚葱味好夠同個三文魚好夾勁口味🤤🤤🤤 總括黎講啲壽司係真係好出色好好食🤤 🌸原味燒日本廣島蠔🌸 又係一個好食嘅小食 佢唔係生嘅佢有少少燒過嘅味道所以唔好以為係生蠔黎 佢燒得岩岩好半生熟，雖然唔會係好生嘅生蠔味但都keep到有少少蠔味因為本身都好中意食生蠔 已經好好食🤤🤤🤤仲要係食得出新鮮，都係值得食 佢仲有一樣小食嘅係🌸燒沙白蜆🌸 有影相但唔夠位放圖所以只能夠形容下🥺 味道新鮮，都係好食小食之一 適合佐酒😎🍻 食飽飽就上埋個甜品 甜品就三選一嘅我地就叫左個🌸雪糕泡芙🌸 個泡芙入面有雪糕個隻 佢應該係雲呢拿味有4舊 味道唔甜又唔會冇味岩岩好🤤 仲有仲有 佢有🌸時令推介🌸 不過見佢好似好多都售罄左 最後佢仲有外賣👍🏻 唔想堂食或唔方便堂食可以外賣都得 🌸全日外賣套餐menu🌸 🌸午市及全日外賣套餐menu🌸 🌸全日外賣套餐menu立牌🌸 溫馨提示：設有加一服務費 總括黎講： 佢嘅食物都好好食唔係去到cp值高但係好好食😋會再回頭食多次去試下佢其他野嘅 價錢就適中以食日本野黎講係算平唔會話好貴 個人覺得套餐係抵食過單叫嘅都係個句大家自己衡量翻啦😆😆😆 服務質素良好 環境都唔錯有居酒屋feel，當日可能有人生日都見到有啲員工係會有啲氣球仔放喺個頭到或者帶喺隻手到😹好搞笑😹 衛生方面唔錯，座位冇話好污糟個隻係乾淨唔會有咩黐立立個啲情況出現，枱面都乾淨整齊，地下都乾淨唔會話有地滑個啲情況 整體用餐感覺良好

上星期約左朋友一齊去左上環行街 行行下發現到一間鋪頭係以皇家特攻為主題嘅鋪頭咁就唸住睇下食唔食😹最後都係入左去食 入到黎見到嘅第一下反應係wow幾特別幾靚 已經係咁欣賞佢地嘅槍😹😹😹 欣賞完之後就嗌野食 餐牌係咁樣嘅 我自己就嗌左個任務B Mission B配左下面嘅018手打豬肉丸跟可樂 我朋友就單叫左個001招牌威士忌bbq豬扒飯再多飯左😹再散叫可樂$10 個人就覺得set係抵啲嘅但就會多野食左有機會食唔哂 講下食後感先 個001招牌whiskey bbq豬扒飯好食 佢啲豬扒肉質係好嫩唔會難咬開個汁都夾到好好味 而個005卡邦尼焗豬扒飯配溫泉蛋仲更加好食更加夾得到可能本身都幾中意食卡邦尼味嘅野😹 一樣啲肉質係嫩口唔會難咬開仲要跟卡邦尼味嘅汁😍😍😍勁好食🤤 佢個餐仲有跟個個小食手打豬肉丸都係一樣咁好食😍呢一餐太正🤤我會再回頭食多幾次 環境又得食物又得價錢又合理😍 推薦大家黎食 特別推薦大家食佢地嘅set餐超扺食 晚餐唸唔到食咩嘅話可以揀佢🫶🏻

16號係出消費券日😹 我就約左朋友一齊出街行下街食下野 然後行行下就肚餓想去食goobne chicken咁就去食下 去到門口就覺得wa咁多人排隊嘅😹😹😹排哂長龍 消費券威力真大👍🏻 等左應該大概30分鐘左右？因為掛住傾計都已經唔記得時間唔知自己排左幾耐，入到去我地就叫左個社內相親$388Set B加個必叫韓式雞蛋卷😍 想講呢個set都算幾抵兩個人都真係幾夠食可能係我地兩個女仔咁岩都唔係好大食嘅人😹之前未出呢個set前都有黎食過goobne，已經覺得好好食，而家有呢個set再黎食翻都覺得仲係keep到水準都係覺得好好食😍😍😋😋 雖然今次唔記得影相但都真係好想記錄翻仲係咁好食嘅經歷🥰下次一定會再黎食過再影相記錄翻🤤