私心評分 食物: 🌟🌟🌟🌟 CP值: 🌟🌟🌟 舒適度: 🌟🌟 回頭: ✔️✔️✔️✔️✔️ （我比較大食🥲有啲唔夠飽。。） 有次同同事出葵芳做野, 佢突然話醒起有間過江龍天婦羅都幾好食 既然佢咁講我當然無異議啦~ 呢次我地去果時係3-4點左右 都要排隊等左10分鐘左右. 坐低發現台上面有空茶杯🍵杯入面有粒黑色物體. 即刻嚇左我一跳🤣🤣🤣之後問番先知係黑豆黎haha🤣🤣🤣 加埋餐廳提供既熱茶, 登登登登~ ✨就係一杯黑豆茶啦! 不得不說又真係幾好飲, 但個人太鐘意食黑豆,如果仲有得添黑豆就更加好 茶唔會太濃唔會澀，又帶左少少甘甜,。不過後面再添果幾杯就已經無乜味。可能食得濃, 杯茶就變左無味了 江戶前天丼 ($138) 感覺呢間餐廳既主打係江戶前天丼(因為見到有大大張poster 同埋好多人食) 我毫不猶豫就揀左~ 🥺只能說絕對無揀錯! 入面有穴子 有蝦 有魷魚, 每一款都覺得好可惜點解得一塊😭😭!!! 仲有最印象深刻既係炸溫泉蛋, 個炸皮薄脆 蛋入面仲KEEP係流心.🥺🥺 篤開果一下完全嘩一聲 金黃蛋漿撈飯係無得輸🤪 不過我自己係比較重口味既人, 覺得天婦羅醬汁唔夠撈飯, 另外仲狂落提供左既辣粉🥳🥳 ミニー天丼+(暖) 稻庭うどん (118) 扁身彈牙烏冬❣️唔係淋淋爛爛果種 不過稍嫌太薄太幻 口感唔夠好🥲 另外配左一箱配料 內有溫泉蛋 要自己打隻蛋落去個烏冬度🥳🥳 感覺自己對呢碗烏冬都好有參與感 雖然打蛋果下已經整穿左D蛋汁係會好sad☹️ 盒入面仲有蔥 天婦羅碎etc. 我就唔記得影啦🤣 服務上有D鬆散, 落單都要揮左一陣手先有人理我 不過禮貌不錯. 而環境上感覺有d逼, 同隔離台既距離好近，連女仔都要攝住行返出黎🥲 不總括嚟講都係值得一試既天婦羅過江龍❣️