因為朋友生日，朋友自訂了嚟呢間藝術氣氛餐廳 店舖不是很大,裝修比較特別,因為另一位朋友未到所以,我們一到步先即拍照一番,之後才叫食物，我哋一人叫咗一份，一份魚，一份素漢堡扒，另外朋友想吃安格斯扒，後來先知原來係漢堡扒 因為我們也掛住傾計淨係影咗魚食物 總括嚟講不過不失，素扒餐，安格斯扒漢堡係有些唔係好夠熱 因為有朋友生日所以希望有加名喺甜品嘅服務，餐後侍應也很細心記得加名在甜品碟上❤️

今次路過試下呢一間茶餐廳比較一下,入到嚟餐廳企理乾淨,餐具放櫃桶裏面都非常整潔,當時因為過咗飯市,所以唔多人三點幾坐低,下午茶餐都唔係太多選擇一般茶餐廳有嘅都會有,可能本身有新鮮出爐麵包餐,所以係冇雙拼三文治下午茶餐,原來呢間茶餐廳有甜品,因為唔太肚餓叫咗個麵包餐,本身我不太喜歡帶酸味的咖啡,這店咖啡香濃的沒有酸味 下次試埋甜品,炒粉麵 另外小朋友嗌咗個雞髀薯條雞髀都幾大隻,薯條係新鮮炸唔係炸定👍,麵包見佢keep住出爐,這裏可以電子落單及電子付款最啱我唔袋現金嘅人

近排經常嚟觀塘做嘢,呢間茶餐廳喺附近食過幾次,今日終於寫食評 食物種類比較多一般有嘅嘢佢都齊全,下午茶細份size啲嘅下午茶大部分都係煎炸嘢,或者雙拼三文治,麵包餐,另外下午茶炒粉麵飯種類都多選擇 如果想食公仔麵祇有全日餐成個餐比較大份,基本上一定食唔曬,我的食量吃一半掉一半😅希望下午茶增加雙拼麵餐 而我們三人最後叫咗兩個全日餐,朋友叫一個咖哩芝士流心豬扒飯,味道唔錯新鮮熱辣公仔麵又唔會太淋,不過沙爹牛肉汁偏鹹,佢個咖哩汁好濃郁椰香味是辣的(朋友唔食得太辣) 順便分享埋2日前早餐照片😄真係近排成日嚟食㗎~ 呢間茶餐廳非常之大,冇諗到咁大 同啲姐姐傾偈先知道原來前身係酒樓,店內有些侍應姐姐都很好傾😆 不過唯一唔好真係一次比一次差，冷氣非常唔夠,熱到飛起，對面大快活都涼過佢，一路食野天花板一路滴水，原本坐一張枱已經滴水，之後換咗第二張枱依然滴水 當然食物我個公仔麵都中冷氣機水,唯有到咗啲湯費事換 老實講都係希望食餐飯安安定定可以涼浸浸坐喺度食，沒有冷氣重要滴水，真係要搞搞佢，希望唔使周圍調位 這裏不接受電子付款，😅近排經常沒有袋現金在真係唔方便~

近排呢頭返工,同兩個同事路過皇室堡附近😯見有間新舖裝修幾靚✨,所以即管入去試下,點知原來店舖比較細沒有堂食,祇供外賣不過都冇乜所謂,因為呢頭lunch time好鬼難搵位,所以決定買返公司食順便試下好唔好味,同埋原來全店都係賣豬類，因為未幫襯過唔知有咩好食,所以店員都熱心推介有咩食👍,仲話可以下次打電話嚟叫定外賣自取唔使等😊,我哋買咗三個飯威士忌豬扒,越式咖哩豬扒🍛,焗芝士🍎蘋果豬扒 因為三樣都係豬扒,我就分享試下唔同口味🤪買一盒飯是到三個味 一打開紙袋估唔到買一個外賣飯盒咁精美,神秘的黑色飯盒,餐具筷子品質唔錯我覺得可以循環再用👍 我自己就叫左蘋果豬扒飯，豬扒好味又夠厚,唔同平時食嗰啲咁韌，入面嘅蘋果好香是有驚喜~酸酸甜甜唔錯配搭😋 其餘我試咗同事嗰兩個味豬扒，一個有啲好似叉燒醬味嘅威士忌豬扒，味道比較濃好嘢味，另外咖哩豬扒有陣陣薑嘅香味配合入咖哩不錯~不過本身我唔係好食辣,辣味又啱啱好🤪 總結嚟講三個都ok份量啱啱好😋好適合女士 如果係男士可能要多飯😝

😅從來未試過一件餅寫食評這是第一次 話說星期日經過sogo見到有promotion,見唔同餅店做緊推廣,路過一個位置眼前一見這個餅店，🤔從來未聽過,原來店舖不在港島區,所以我唔識都唔出奇😆 而我不嬲都很喜歡吃老婆餅，尤其是多年來出名老婆餅的那餅店，但近呢2年食親都覺得出名的老婆餅店不同以前了 而當日有個女仔也很落力推介餅店,所以我就即管試一試,這一間我從未幫襯過的餅店，當時怕好難食😅我只是買了兩件,而我家中的小朋友問我點解要買老婆餅🤔 你之前這裡買過老婆餅不好吃的... 我話未試過這店咪買嚟試下囉,可能好食呢~ 後來回家後她竟然佢主動話試食一人一半,一吃之下,她話好味過你平時買嗰間,我心諗有冇咁誇張😏 所以我也急不及待即刻吃,果然真係好味的是我喜歡的味道😍 而另外一件放到今天星期二，🤣我才打開吃,我以為會變硬了,但竟然口感同第一日買一樣，下次見到我一定會再購買吃😊

適逢兒童節唔知去邊度,所以約咗朋友一人帶一個小朋友出來食下嘢，咁啱見到有貓cafe 所以喺4月3號openrice book咗四位同小朋友開心下，我哋去到目的地先在門外探體溫，門口外面設有鞋套進入店內，店內亦都有限時進餐時間1.5小時，所以我們都急不及待叫咗嘢食先 這裏仍有最低消費每人消費至少$100 所以我哋叫咗一個2人套餐另外加飲品，這裏都是吃一些意粉pizza之類的食品 先嚟一餐湯，蔬菜沙律，忌廉湯係好味,但係個沙律有啲失色好似擺咗好耐咁黃到不得了都出餐，見到真係唔想食，飲過湯之後，最後吃了菠蘿.番茄就冇食,之後來一個pizza+意粉,兩樣都好食夠熱意粉,如果以二人套餐份量都幾細碟 這裡有很多唔同品種嘅貓,非常可愛，每隻貓頸上都掛有一個名字牌,可以隨便拍照,有些小貓會主動跳上張枱,不過枱與枱之間比我預期中近,地方不是太大,所以大家都好守規矩食嘢先除口罩，用餐時間完畢，店內職員會通知我哋埋單

老公生日🎂撞正復活節好多地方都Full咗,所以找咗好幾間,終於搵到環境又好又靚嘅地方慶祝🎂生日 店內有不同位置選擇,而我爸.媽一起,我都希望選擇一個比較舒適嘅地方進餐,所以訂了The Pink Room 這間店是搭𨋢上三樓,一入到去就係reception,先經過外面露天座,才進入Pink Room 入面大概有五張圓圓靚靚大梳化,房內佈置得非常華麗❣️ 因為限制令關係所以我們三樣一枱,一共6人 我們叫咗一些點心春風得意腸.燒腩仔.炒飯等等 每一款食物都非常之好味,好有水準😊👍 差唔多用餐完畢,侍應生哥哥亦都好醒👍👍,問我需唔需要叫甜品，其實訂枱前我也有提及過,今天有一位🎈生日的人,所以都推介咗我點一個甜品，點過甜品大概等了十五分鐘，外邊傳來生日歌，拿著甜品兩位侍應生哥哥進入Pink Room ,歌聲即時充滿在房間內,侍應生哥哥雖然唱一首生日歌,但是完全不平凡竟然唱出和音👍👍👍👏👏👏 他們唱完歌之後,房內坐著的人客，也都同時全場拍，場面極之熱鬧🥰又窩心👏👏👏，當然老公亦非常開心🥰 所以非常推介，尤其是慶祝生日👍👍

當天生日特登去食而家先記得寫食評 但是當日的情景刻骨銘心 仲特登帶部相機去影 相片最後delete了,因為確實唔推介 當日訂枱見到裝修門面吸引 所以不妨一試 其實食物真係一般 係牛扒好汁啲 件扒不過非常堅韌 叫左5份餐 唯一卡邦尼意粉係好味的 當日食完主菜侍應問我個餐要什麼甜品 我說布丁,轉頭另外一個侍應話答冇布甸喎~ 嗰陣時我諗算啦有乜就食乜 就選擇咗另一款 後來幫我哋落布丁嗰位侍應 攞咗個水得緊要既布丁出嚟 價錢又唔係特別平,同等價錢大把地方更好味, 真係唔知點解有咁嘅水準 店侍應態度差 ...............完 ...............

今日去銅鑼灣路過見到呢間開咗好耐嘅漢堡包店終於入去試下
當其時都唔係太多座位,所以我就用咗佢哋網站點餐點餐操作都簡單,都幾方便唔使特登排隊
因為坐低食嘅時候已經4:30好快食晚飯,
所以叫咗個最普通嘅漢堡包,薯條同士多啤梨奶昔兩個人食
漢堡包唔乾配埋汁醬味道不錯不過包內蔬菜係細咗啲,蕃茄好大
最期待嘅薯條個人感覺一般,有D好似炸唔透
但都ok
奶昔口感好似將杯雪糕搞到溶一樣好杰好難吸
總括嚟講都唔錯下次,再試其他味道漢堡包

今日朋友帶我來這間餐廳吃下午茶 ，🤗她說這裏很多選擇好味👍~平時她常常也來幫襯☝️， 當坐低後打開餐牌，真眼花繚亂，真係好多選擇😂樣樣都想食,果然冇介紹錯， 可惜我衹吃到一個餐~ 我自己食雞扒蛋包飯，蒜蓉汁好香比較濃味， 朋友吃鐵板牛肉飯，她說這款很多人叫吃， 所以今次佢都特別叫咗這款吃，她說非常喜歡配合醬汁非常惹味，其他款式我真是要留待下次再嚟幫襯啦😋😋😋~