預訂中午到這間小店午餐，看見餐廳差不多全滿，及客人一枱接一枱，相信是一間不錯的餐廳。

外面天氣很熱，入到餐廳坐好後亦不會感覺太冷，由於太肚餓所以立即點嘢食，然後見openrice有杯好靚既飲品，再問waitness姐姐係咩，佢話係 "櫻花草莓乳酪牛奶" 於是落埋order等食。美食已一一上桌，食到中段成身汗，要要求調低些冷氣溫度，再熱多約15-20分鐘才感到涼快。太熱關係杯嘢飲仲未到﹐原來漏單，再等到差唔多食完再問，佢話水吧係耐少少，等咗咁耐，發現係佢地落錯單。唉！已經漏單，補單又耐，最後仲要錯，真係經典....

- 蟹膏蟹肉卡邦尼：好香蟹味，意粉亦很彈牙，有諗過意粉自制的。卡邦尼醬料味道剛剛好，食了一半也未有感到膩而蟹膏蟹肉已不少。很好吃，Yummy！

- 油封鴨腿配窩夫、血橙：一上枱已聞到好香既油封鴨味。油封鴨外皮好香脆，鴨肉好多汁，但有啲部位比較乾柴，再點特制醬，又甜又香。窩夫係一般水準，點特制醬後的血橙，有少少酸酸甜甜的味道，好開胃！
- 英式炸魚配魚松露薯條：炸魚及薯條都炸得很香脆，但又唔乾，而魚肉好多汁及好滑；薯條上撒滿魚松露粉，所以食落好重的黑魚松露味道。

雖然味道不錯，但服務及環境不是我的喜好！

因為約咗人係維園等，所以諗好耐邊間餐廳又好食又抵食，終於決定去"築地"。上次嚟係食午飯覺得都幾好食，所以再嚟幫襯。叫咗：

- 黑蒜油豬軟骨拉麵
起初怕怪怪地既港式拉麵湯底，所以預咗唔太好味，點之湯底好香既香蒜味，味道好濃但唔係好咸，而麵好爽。份量亦不算少。豬軟骨炆得好淋，味道亦很入味。配料亦很適中，令我很驚喜。

- 廣島蠔釜飯
這個飯需時，所以差多不食完才到。上枱後亦要熰四分鐘左右，才可以開餐。蠔都算大只，但只有兩只。飯內有少少菇粒，食時會有陣陣香菇味道，不過要食到最尾才有蠔味。

- 咖喱豬扒飯
豬扒大件，而且炸得好脆口，但味道不算juice，肉質有少少乾。咖喱有少少微辛，味道很濃很香。

- 日本芝士年糕
外脆內軟，味道不算太甜或大咸，唔太覺有芝士的味道，食起來有點似炸煎堆的味道。

- 汁燒魷魚筒
魷魚筒好大只！燒得好爽口，每啖都食到好香魷魚的鮮味，而醬汁好好味，無搶到魷魚的味道，反而帶出魷魚的甜味。極力推介！

- 鹽燒牛舌
一串有三大塊牛舌，每一塊不算太厚，可以說是適中吧！可能煮得過龍，所以有少許韌。

這次晚飯有個小插曲，原以為咖喱豬扒飯有兩款，一款有蛋，另一款無蛋，呢排要界口，所以叫無蛋個款，點知原來無蛋個款是 "豬扒煮蛋飯" 完全沒有注意到，而落單時只說數字，完全沒有留意，這是我的責任。我沒有多說，他們主動替我更換，使我無限歉意及謝意。另外，他們給小朋友的碗會用熱水浪一浪先給我們，真的感受到他們的優質服務！

學完整餅已經成6點幾，於是就係附近搵嘢食。成條街呢間算係多人，於是入去醫下個肚仔。
樓面應該全部係泰國人，所以感覺很正宗啊！
叫咗泰式牛肉船麵、香葉辣椒抄豬肉河粉、燒豬肉串、芒果沙冰。
- 泰式牛肉船麵的湯，濃度只是一般，缺少一點厚厚味道。份量一般，大食型人仕應該唔夠。牛肉唔算好鞋，配料亦算足夠。總體是不錯的！ - 香葉辣椒抄豬肉河粉，個人應為係幾好味。河粉係濶條型個種，但不是很厚，而每片河粉亦有掛汁。份量都係一般，真的緊緊夠一人。豬肉粒及配料相當多，反而河粉就比較少，當食到最尾係好多豆及配料。 - 燒豬肉串，燒得好香。每一片豬肉都算大件，每串有四大件，一礏就有四串。個人應為比較偏甜，但可能泰國人處理，泰國人都食嘢比較偏甜，但印象中好像沒有食到燒烤的香味。醬汁好好味，不會太鹹，而辣度又剛剛好。
- 芒果沙冰，有芒果味，不會死甜及假芒果品道，份量亦算大杯。好似最抵係呢樣

呢間既船麵今我印象好深刻，今次已經是第二次嚟食。
我哋點咗二人套餐，選擇了泰式燒豬頸肉，份量比預期中少，味道適中不會太過醎，最好味係個醬汁，少少甜多多辣，真係好好味。泰式抄通菜，份量算多，但有少少油，味道不過不失。鮮蝦抄金邊粉，其實抄得都算干爽，味道亦不錯，蝦亦算大只，而配料亦算多。份量都不少，兩人都可以足夠。飲品有賣一送一，所以選了珍多冰及青檸梳打。 再加多兩碗泰式遊船濃湯河，分別叫了豬手+肉丸 及 肉丸+肉片+豬潤。大.大碗，份量多，配料不少，湯好鮮甜，好好味。炸豬皮好脆好香口，無臭豬味。成碗麵，只有一塊豬手皮，全部都係肉，豬手肉雖然好淋，但不喜歡多肉。肉丸有少少實，不是彈口，不是我喜歡哪種，肉片是淋滑，不是鞋口，豬膶好鞋，不好吃，齋吃粉+湯最好味！

意粉狂意係我最愛意粉店之一，因為不單止意粉多選擇，而且意粉非常之好味道，呢家諗返起都流口水。 法式芝士洋蔥湯，洋蔥又切得太碎，而且個湯覺得好油膩，湯味道有少少鹹，湯上的法包食落覺得係隔夜面包，好難食。 香烤雞翼(檸檬蜜糖) ，雞翼唔覺檸檬味，雞肉烤得太乾，好似食柴皮感覺。 意式炸魷魚圏配他他汁，炸皮太厚，要咬好耐先食到內面魷魚，覺得好難食。 美式辣肉腸披薩，廚師是否忘記睇火?! 烤得燶咗少少，配料唔係太多，披薩厚薄適中，味道不會太鹹，整體都算好食。 茄汁海鮮意粉，意粉好彈牙，醬汁又好足夠，又夠多料。蕃茄醬酸甜度適中，真係好好味!!! 精選海鮮蒜香蕃茄意粉，意粉彈牙唔再講，醬汁足夠味道又啱啱好，蝦同青口大細都可以唔會太少，都係好香好好味!! 忌廉汁煮青口忌廉汁，忌廉濃汁配有煙肉及檸檬，醬汁好濃好野味，青口又好好肉，唔會好細只，真係連汁都撈晒，真係好味道! 香辣蕃茄濃汁煮青口，蕃茄汁唔算好濃，又未算唔好味，又未算好好味，只能說整體不過不失。 好

行行下落雨，於是求其搵間餐廳醫肚。餐廳算寬敞，食物味道很好，所以想分享一下及留下記錄可以再幫襯。

綜合牛肉粉，湯底好濃好清甜，有牛丸，生牛肉及洋蔥等配料。牛丸都算彈牙，生牛肉份量都好多，牛肉肥廋適中。餸同粉份量都算多，配料亦唔少。將牛肉及配料撈暈一齊食，食到洋蔥等配料的鮮甜，又食到牛肉的香味，味道不錯
香茅豬排撈檬，豬排有香茅味道，有肉汁唔算乾，青瓜絲等配料亦足夠，撈埋D面一齊食，酸酸甜甜好清新。豬排份量都好多，真係好好味
越南春巻，上枱時熱辣辣，外層炸到脆卜卜，春巻內面好多料，有豬肉蘿蔔粉絲等，條條包到脹卜卜。而生菜份量亦足夠，點埋個醬汁真係非常之惹味。

阿叔泰麵在OPEN RICE有高度評價，所以去試試。因為唔熟路，而且餐廳唔係位於大街，所以都搵咗一陣先搵到。大約12點幾到餐廳，已經有好幾個人等緊位，由於坐位不多，所以都等得幾耐下。 我好鐘意食船麵，所以點了雞肉船麵。食落有點失望，湯唔夠香甜，不過湯其實係夠味。 冬蔭功湯麵，有豆腐卜、蟹柳、蝦、青口等。味道好地道的冬蔭功湯，酸及辣度適中，唔會互相搶味。酸酸辣辣好開胃，而且每啖麵都有一啖餸，麵同餸比例剛剛好。好味!! 燒豬頸肉飯，豬頸肉燒食好香，邊位有點香脆，肉有肉汁唔會食落好乾。飯上淋上醬汁，飯同餸比例適中。 地痞炸豬皮，一送到上枱，好香，但要趁熱食，因為好快淋，淋好唔好食。如果兩個人食，覺得份量太多了。 菠蘿梳打，唔會太甜，好飲。

難得去到太子更係搵好嘢醫吓個肚啦！朋友介紹話呢間餐廳好好食，見到價錢合理，同食評很不錯，所以就訂枱試試。

威靈頓牛柳睇吓食評好似必叫，需要一天前預訂，所以預訂比較穩陣，但其他朋友說無預訂都試過食到。牛柳只有蒜頭做伴碟，在「色」方便已經負分，切開牛柳傳出陣陣香味，在「香」取回分數，至於「味」，酥皮很脆很香，而牛柳煎得剛剛好，但牛肉味卻一般，應該是一般的牛扒，沒有令人回味的感覺。

蒜蓉芝士排包，焗得很香脆，中間有芝士，如芝士可再多少少更好味，這個很香脆，好味！

溫泉蛋卡邦尼意粉，溫泉蛋生熟度剛剛好，意粉亦算彈牙，汁亦很足夠，只是味道不夠野味，沒有令人追吃不想停的感覺。

總括來說，只是一般的餐廳，沒有令人回味的菜式。

朋友難得來跟我食LUNCH。見到在門外放的圖片相當之吸引，感覺好似好好味，因此被吸引入去幫襯。

燒雞脾喇沙湯面上枱，賣相感覺是不錯，充滿期望。他們將雞脾斬件上，可方便進食。雞脾算大只，燒雞燒得有少少乾，肉汁差少少。喇沙湯雖然好濃郁，但好鹹，鹹到感覺唔到有椰香味，配上半只雞蛋及芽菜。

手撕雞喇沙湯面，與圖一點都唔似。雞肉份量都可以，配上半只雞蛋、魚蛋、芽菜及一塊葉。喇沙湯已說過很鹹，椰香味唔覺有。
覺得完全沒有用心製作，味道覺得難食，不會再光顧了。

同事大力推介去荃灣試下荳子，所以充滿期望去幫襯。

去到唔洗排隊，好快地被安排就坐。先嚟車打芝士薯條，香噴噴脆卜卜，芝士醬分量足夠，芝士味香濃但又不太鹹。

黑松露軟瞉蟹意大利粉上枱時，陣陣黑松露香味，份量好適中，軟瞉蟹脆卜卜，不過有少少油。意大利粉好煙靭，黑松露醬汁好多! 黃金蟹肉意大利粉擺盆好吸引，有少少蟹肉但配有大大碌蟹柳。醬汁味道好濃，而且好多，食到最後仍然味道濃厚。伯爵茶LATTE，忌廉好似空氣感，食到伯爵茶的味道，甜度剛剛好。香蕉芒果沙冰，香蕉跟芒果打得很滑溜，不會太甜，大力推介。