想起大厨Eddy諗住再品嚐他的美食，點知要預早一星期才有位！真係食好嘢除了要用錢，還要有耐性！出𨋢見到Eddy個靚靚舞台(厨房)，見幾位厨師正在努力工作！還見到個橫額「西餐大排檔」及巧搞笑的迷你花牌！

先點選了必食的海鮮拼盤，有我最喜愛的生蠔呢！Eddy都先聲明現季節的睡蟹是一般的，但我都要品嚐一下，果然少羔咗及肉但都很新鮮！再來一頭盤是經理特別介紹「焗法國田螺」，我話有咩特別？他說是連殻食的！所以我即點來試⋯上枱時都覺得他是老點我，但一試不得了⋯個殻真係食得嘅！經理話是從法國入口的新口味，真的意想不到！慢燒肉眼扒就當然是我的主菜首選，依舊是肉汁豐富又嫩滑！由於有朋友怕血淋淋，所以點了個燒牛肉茄汁意粉，都絶對不失牛肉鮮味，而且意粉口感又真係不錯！接著再試了黑毛豬肉條及燒牛脷等(可惜拍攝不靚沒有貼上來)，味道都十分好！最後自己點了這朱古力甜品，Eddy說是從美國訂制的，朱古力味超濃郁⋯個人覺得太濃！但喜歡朱古力的人一定鐘意！

到沙田新城市廣場行街購物，順便揾食⋯隨意走入這家餐廳，滿心喜歡選了個肉眼扒拼大蝦，侍應問我要幾多成熟，我答7成啦！待會反建議我5～6成會更佳，我結果接受他的建議！雖然沒有特別期待，但都遠估不到上菜時的賣相⋯
件扒點睇都似是油炸出來，切開完全熟哂而且很「林」，想投訴⋯但無人會睬我！心諗不要有太大期望啦，食飽就算！食落口醃肉味勁濃，直情是普通快餐店味，個侍應又建議咩咩咩！直係畀佢吹漲，而隻蝦則普通不能投訴⋯！總結無下次！

好朋特別推薦這餐廳，地方十分不錯及很有氣派，窗外維港景色十分美麗😚！
先來了一個「海鮮拼盤」，份量不少呢而且有我最喜愛的生蠔(有9款生蠔任揀 )，配上法國睡蟹真是無敵😋！
頭盤我點了較Heavy的「煎法國鴨肝車厘茄凍湯」，大㕑Eddy親自出來介紹食法，估不到每啖鴨肝後配一口凍湯，竟有意想不到的口感😋。
主菜點了「燒西班牙橡樹果級黑毛豬」，大厨Eddy建議五成熟😳！心諗豬肉不是要全熟的嗎😅？他說這級別豬肉是可以不全熟品嚐，我本著戰戰兢兢的心態接受了建議😆！上菜時見到還有血水的呢！當吃了一口真的很有吃西冷的口感，初時還以為真的是牛肉⋯😅，豬肉汁漸漸爆發出來了，從來沒有這個食豬肉的感覺，十分有豬肉的味道，真係好耐沒有"食豬有豬味"的感覺！個人對這主菜十分十分讚賞👍，必定介紹好友們一試👏！
最後更係食埋個甜品「白朱古力心太軟」，這餐晚飯真係給我一個十分難忘的感覺，我極力推薦給Openrice的朋友們。