話說，今個8月，有2位同事生日，而fb成日彈出佢依間嘅廣告，咁叫同事幫手訂位~ 我哋一共8人，原來當月生日就4送1，咁我哋8個就2個生日免費啦，當然去到要出示一吓張I.D，比人知道您生日啦~ 同事打電話訂位，要比$500按金，咁我哋真係預咗去嘅，比就緊係無問題啦~ 首先上枱係剌身拼盤，我係唔食生食物嘅我，但對於佢哋帶子剌身同甜蝦，我竟然唔會放過佢，唔醒，好鮮甜~ 然後就上一盆有名牌嘅肉類拼盤，每款細細舊上，多款式，又好新鮮~ 基本上佢嘅食物一流，上菜快，出面仲有飲品任食，另外個有紅白酒，柚子酒，梅酒，清酒，無得頂呀~ 雪糕有榴槤雪糕，但班榴槤友話無咩味，仲有我至愛嘅movenpick~ 限時2.5小時，咁嘅價錢咁嘅質素，超值喔… 不過小心謹慎點，如果超時，佢唔會提您，會另收附加費喔~

擒日下午1點幾，難得同2位同事可收早半日，一同入南丫島諗住行吓，Hea吓…(我都有成10-20+年都無入過南丫島了 詳盡行程唔多講住，主要想講吓，Hea完準備回市區前，去品嚐一吓甜品先~ 店舖細細，一入門口右前水平線高少少牆嘅方向，有塊黑板寫了是日推介~ 首先，當然一定會揀~"招牌豆腐芝士旦糕"~啦 再揀~原味巴斯克半熟芝士旦糕~ 同事想食雪糕，然後揀了~香蕉船，因為可選擇3球雪糕/純素雪 葩，而經靚靚老闆娘推介，我哋揀了~柚子味蘋果批味同紫薯味~ 基於我哋3個女子都超愛甜品，加上自己又算係做同類行業，根本無需要睇咩價錢，想食就盡情地嗌~ 再點了~2熱1凍美式咖啡~ 首先上枱係~ 招牌豆腐芝士旦糕，感觀望落去旦糕純潔軟滑，旦糕面上絕不馬虎地灑上玫瑰花茶嘅玫瑰花瓣係前方，而後方插上一朵完整的玫瑰花茶，再用花紋碟盛上，由此可見，老闆娘用心良苦~ 口感軟綿綿，滑溜，我食到嘅豆腐味竟然能遮蓋到大部份嘅芝士味，究竟我係食緊豆腐定係芝士旦糕呢？感覺非常之出奇~ 然後再嚟~ 原味巴斯克半熟芝士旦糕，一來本人對靜岡焙茶味不多太大好感，二來亦認為所有嘢首先品嚐原味係最原始美好啲~ 一落叉，咦…？比我想像中更軟熟，芝士味濃郁，口感超Creamy而不膩，焙焗技巧遠遠高超於ig有啲商店，加埋個忌廉波波再淋上朱古力醬，形成強烈對比，型~勁~正~ 再再再嚟個超靚嘅香蕉船~ 一上枱，個個嘩嘩聲，感觀夠震撼，老闆娘亦講解一吓，請先品嚐最上面嗰球係清香柚子味，然後蘋果批味，再嚟就係薯紫味~ 淡淡清香柚子味加上有粒粒糖漬柚子皮，感覺好Fresh~ 肉桂味配上粒粒蘋果肉然後再溶入埋金寶牛油粒粒，層次感好豐富，閉上眼食，會覺得食緊個冰凍嘅蘋果批~ 美式咖啡~ 我選擇凍的，因為我太熱血了，濃濃而不苦澀咖啡味，對於熱愛重奶味咖啡嘅我，算係一種新嘗試~唔錯~唔錯~ 其實我哋入座時間都差不多接近6點，仲怕老闆娘6點後無堂食，但佢話都只會大約做到7點~ 堂食除了我哋3人，之前亦有2位年青女性，相信佢哋都係冒名而來品嚐的~ 店舖主要係由遊客生意，但眼見亦有街坊偶遇幫襯~ 老闆娘有空餘時間出嚟同我哋閒聊幾句，感受得到老闆娘雖然店舖開了15年，但還充滿一種堅毅，滿腔熱誠，為自己店舖，產品，食物，一絲不苟，繼續用心經營，不是原居民的她，在一個原本不屬於自己的地方創辦了自己品牌，加上疫情關係，不多不少亦影響店舖營運…… 在此，本人作為小小嗜好食嘅小食家想分享一吓…… 他人在學習時投入了多少時間心機心力及金錢，請尊重各行業的專業同技術。

話說，女友要慶祝農曆生日，而上一次係Yoho食過一次飯同睇過一場戲，而今次都搵吓Yoho有咩好食~ 係Openrice睇吓，開頭諗住食Outback，搵搵吓，就見到有B.Duck Cafe，睇吓人家啲食評同相，睇落去又唔錯窩，咁就試吓啦~ 搞笑:~離一離題先~係Openrice訂座，原本訂晚上6:30，㩒錯16:30，好彩職員幫我搞番掂，咁就可以儲番飛行里數啦~ 餐廳位置偏僻咗少少，可能係商場大兼又分咗區啩~ 餐廳門面好靚，女友一見到B.Duck好開心，餐廳係開放式，所以好似無咩冷氣咁，可能係早嘅關係，我哋係第一枱，所以可以無遮擋咁影吓相~ 餐廳雖然細細，但環境裝飾都好靚~ 我哋叫咗~ 叉燒烏冬套餐，+$20配件果仁朱古力旦糕，有碗餐忌廉湯，+$21升級特飲~(女友飲)~櫻花白朱古力牛奶 烏冬似係手打烏冬，夠煙韌彈牙，豬骨湯底夠濃味，隻旦旦仲要係隻鴨，正 至尊牛肉漢堡薯條，一上菜，不禁~“嘩”咗一聲，個漢堡超大個包，仲烙印有B.Duck個樣，有超厚牛肉，有超大片洋蔥，有超大片厚蕃茄同菠蘿，仲有隻旦同2片煙肉+生菜，配埋脆粗薯條，簡直無得輸~ 我就飲~B.Duck菠蘿奇冰樂，沙冰好夠菠蘿味，裡面仲有幾舊新鮮菠蘿片，另外仲有一個B.Duck樣嘅蒟蒻，影相超一流~ 雖然已經好飽飽，始終生日都要食番件旦糕嘅~外型雖則無咩特別，但勝在整件旦糕有外脆皮兼唔算太甜，亦好好味窩~ 開頭準備叫嘢食時，女友一早睇中杯~朱古力珍寶芭菲，到而家我真係相信，女子食甜品係有另一個胃了……好，就叫埋佢啦…~ 話明~珍寶芭菲，真係非浪得虛名，大杯到呢~有超厚B.Duck樣朱古力，有一角窩夫，有繽紛樂，有朱古力棒棒，有綿花糖，有香蕉，有宏哩嗱雪糕，有粟米片，有麥片，有朱古力醬，超邪惡喔~，問職員姐姐有無蠟燭，竟然又有窩，咁杯珍寶芭菲就變咗成~“生日旦糕”被影相啦~ 今餐整體嚟講係好好食喔~主題餐廳，但又唔算好貴，再夜少少，就見好多家長帶小朋友嚟食~不錯的生日餐喔~

話說，今晚收工6點幾趕住係朗豪坊同女友食餐晚飯然後19:20睇戲~ 趕住入搭之際，原來只停1-4樓，同12-13樓，女友就急忙忙睇水牌，睇吓有咩餐廳好食~ 最後揀咗係11樓嘅紅蔥頭餐廳，企門面嘅應該係店最高話事人叔叔，一嚟就問我哋有無訂枱，我話無，同埋因為趕住睇戲所以唔會食飯Hold枱好耐，二來帶我哋埋位時跟住就話餐廳有2款睇戲優惠套餐~(嗰刻聽到👀都刻埋，心諗唔係耍我呀？)，我話我未攞到飛係手喔，對方即刻話，無問題，信您唔過咩~😂😂(但最終我倆都無揀到這睇戲優惠套餐😅😅~) 侍應姐姐飲完2杯水之後，見我用了一杯水浸刀叉，然後再比多隻杯，斟多杯水比我，服務相當體貼~(請原諒我唔太清楚是否同一個侍應姐姐~😜) 扒餐上之後，女友切雞扒時發現內裡有啲啲肉未熟透，叫了個侍應哥哥嚟，叫佢勞煩叫廚房幫我整番熟塊雞扒，我係要番的~等了好一陣子，塊雞扒回來，隨碟跟上多一點薯條，西蘭花同一兜醬汁，感覺餐廳對待客人態度非常貼心，值得表揚一吓~ ~~~~~~~~~~~~ 我哋叫咗~ 白湯~ 薄西冷配雞扒~ 紅豆pop pop~ 紅湯~ 薄西冷配吉列魚柳~ 凍檸茶~ 甜品~心太軟~ +$6跟~紅湯/白湯~唔錯，反而係個蒜茸包(條)，得2細條，有點兒不太體~😮 薄西冷~其實如果大家有食過大x樂早餐嘅話，相信依塊西冷仔已經唔算太薄了，又嫩又滑~ 吉列魚~新鮮炸又大塊~ 心太軟~跟套餐有優惠，叫餐時叫埋，因為怕等得太耐~ 紅豆pop pop~女友嫌佢甜咗少少~ 係依嗰大型商場，$200+，2人晚餐，食物質素好，服務態度貼心，仲可以去邊度搵啦~

前排係fb，睇到飲食男女話傅珮嘉同佢老公，會係沙田開台灣菜，1/7放假，好奇上網搜尋吓~ 得知係沙田新城市一期已開咗，而新城市廣場App亦可以網上訂枱，咁就嗱嗱聲叫阿媽化個靚妝，訂定枱就殺出去~ 差唔多下午2點，上網訂枱都要等40+張，而2:45過到去，眼見門口仲有10+人等枱，而我仲差2張2人枱，但都要等到大約3:15才能入到去坐低，而收銀櫃亦有貼出，如繁忙時間，用餐只得60分鐘… 由於時間關係，我同媽咪係等位期間，已睇定有咩好食~ 凍豆漿~~寫係用加拿大有機黃豆，媽咪話唔錯，濃而有豆味不腥亦不太甜~ 凍黑糖奶茶~~黑糖味道本身獨特，配上奶茶，味道不錯~ 紅燒牛肉麵~~肉夠焾，湯夠濃味，粗麵亦夠彈牙~ 蒜泥白肉~~半生熟蒜頭超多，加上醬汁配，肉質微暖，好好味~ 蟹柳旦沙律刈包~~蟹柳絕不是Cheap嘢，有菜同紫菜相伴，這凍食亦算不錯~ 大腸就是狂~~😂😂😂=我仲未領悟到佢幾有點狂嘅…炸大腸~新鮮炸，配點炸蒜，夠熱夠脆，正~ 順帶一提~枱上酸菜，帶點辣，空口食，配麵食，極匹配~ 係這大廣場開店，價錢算合理，當然味道亦出衆，有機會下一次再試吓其他~ 額外八卦又一提~~眼見隔離枱幾位員工福食，除了一碗大麵/一碗大飯，還有3-4碟小食配，可見老闆好有良心~，值得一讚~

其實本人好鐘意食上海菜，但基於沙田區上海菜館不多，就算有都係貴價兼精緻細碟，今日悉逢阿靚老媽放假，收工就殺入顯徑食一大餐~ 無食一排，水準繼續保持得好好，值得推介係個咕嚕肉，甜酸度調校得好好，唔會太酸亦唔會太甜，個肉肥瘦得均衡，唔錯~ 窩貼，簡直買菲佛~皮厚得嚟配襯番個厚肉，煎香得嚟又唔太燶，正~ 上海粗炒~食得上海菜，無理由唔叫個粗炒啩，靚老媽話好食到自己食得晒一碟~ 小籠包~皮薄多汁，無得輸~ 雪絲炒年糕~上海菜之中，亦又係不可多得的，今晚比其他搶晒風頭，大半盒外帶明天返工食~ 豆沙窩餅~就算點飽，都要整番個飯後甜品先~ 奶油扒津白~比上一次失色咗少少，淡味咗啲，可能其他濃味啩~

有位同事即將離職，連同另外2位同事一齊係18/10，同佢嚟個Farewell lunch啦~ 曾經路經見都多人幫襯，所以靚女同事預早Book定12點，4位~ 外觀及裡面環境唔錯，座位尚算寬敞，中午12點可能係工業區嚟講食飯係早咗少少，所以暫時未見太多人入座。 Lunch set，有飯，有意粉，有麵包~類，靚女同事嚟食過一次，話Menu好似好少轉款式..... （其實餐廳可以諗諗一至兩個月轉吓餐單~~） 今次我哋叫咗~ 黃金沙蟹肉意粉 ~ 幾好味，不過太乾，如果有啲醬汁點綴(例如fing啲沙律醬/千島醬上面)，應該色香味嘅層次會好好多~ 泰式冬陰公大蝦意粉 ~ 擺盆，顏色靚，大蝦有4隻，同事話係唔錯嘅選擇~ 帶子香料鍋飯 ~ 好香，8粒帶子連同日式拌飯料係飯面形成感覺好豐富兼顏色悅目~ 凍鮮果紅茶 ×2~ 味道唔錯，如果大杯少少會好一點~ 熱伯爵茶×2 ~ 係，伯爵茶😆 法式焦糖燉旦x2 ~ （開心share食） 依個真係無得輸，外觀~啡色瓷杯，一set木蓋木盆木茶匙好靚，一打開有條迷迭香係面而下面好靚嘅燒焦糖面，好Creamy又夠味~ 是日精選旦糕x2~ Tiramisù~ (開心share食) 都係好好味，有層次，個略嫌個旦糕底乾，如果噴番啲香濃咖啡/咖啡酒，相信味道層次再會提升~ Set Lunch連同甜品起碼都要$150+，係工業區嚟講算係貴咗少少嘅，但食品性價比高，值得一試 ~~

阿媽話擒日才新開張，今日放假，2點幾同阿媽去商場試吓~ 望入去，座位算寬敞，見入右埋邊有2人位，出右邊係4人卡位，而左邊甚至6-8人卡位都有~ 新開張，始終人手應該未夠，等了4張枱，一入座就嗱嗱聲叫嘢食，所以唔算等好耐~ 一坐低，侍應該哥哥就話有茶包選擇，每位$9，亦可選擇唔飲，（見佢餐牌都多啲特飲品揀）咁就試吓啦，一人一盅，阿媽飲鐵觀音，我飲龍珠茉莉，蓋變做杯，而暖水壺蓋亦有温度顯示，公司夠細心❤~唯一美中不足嘅，係當您斟茶時，會倒到一枱都係茶😂 上海粗炒~夠味，但份量好似少咗啲，唔夠太熱 生煎包~包好鬆軟，煎得夠脆~ 上湯小龍包~超熱，多汁~👍 窩貼~感覺好細隻😆，皮薄肉嫩~ 另唯一缺點就係，進駐屋邨商場，要加一，就.......😅😅😅😅😅

我係一個沙田友，11月頭帶3位同事去禾輋陳根記食，點知佢哋竟然食過返尋味，而係12月尾，召喚多幾位同事，連我一行10人，殺入去石門再食大餐~ 今宏陳根記係入舖，相比禾輋，目測應該得4分之一大，而而家唔係大排檔模式係關係，要收茶錢每位$6，新開張期間免加一，用餐為80分鐘，周圍牌仔寫自來酒水，恕不招待，但問咗，都係可以嘅~ 糖水甜品檔口仔跟佢遷移到裡面旁邊，這証明其實都有好多人都鐘意飯後甜品嘅~ 一行10人，淨飲茶(幾支紅酒自備咗嘅~😂)，加埋甜品，食到飽一飽，平均每位$120，水準都保持得到，真抵食~ 唯一有點失望嘅係，6點幾入座，食到咁上吓，仲差2個餸未到，而再加2個餸，廚房都煮唔切(應該唔夠師傅啩，因為大埔之前都開咗間)，等呀等，甜品都食埋，最尾都要佢扣走一碟餸… 石門陳根記位置唔算難搵，東鐵係大圍站轉馬鞍山綫，石門站C出口，向前行，見馬路就轉右行就見到了，而如果坐巴士，要係濱景花園落，行入去大約10分鐘度。(如果出番九龍區，濱景花園站都有好多車出番去，亦可係城門轉車站轉車) 另外東鐵沙田站A1出口，直行對出巴士小巴站，有架67A，去石門村嘅，總站落向前行右過馬路行去瑞京二期又行，另聽人叫係OK便利店之後嗰叫匯豐有落，再向前行又得~

依3年都選擇係尖沙咀區食聖誕Tea buffet大餐，主要原因係就番女朋友家有老有嫩，出入坐車方便~ 以往2年都係book~假期inn酒店，一來平啲，二來食物都算不錯，今年想轉吓另一間，加上係網上睇到okibook依個平台成日介紹周圍食嘅優惠，參考完之後，早鳥價有85折，兼比埋全數有優惠，所以就選擇了這間港威酒店啦~ 酒店門口比較偏少少，入到去，除咗Lobby大堂同3樓Buffet層有少少金色聖誕樹裝飾，基本其他您完全未感受到有聖誕節日氣紛，有點兒失色… 聖誕當日Tea buffet由下午3:15-5:15，因為係柯士甸嗰頭塞車加燈位等得耐，所以成3:45先去到入座。目測其實應該都算係8-9成滿入座，餐廳地方算大，食物款式同攞檔比起假期inn都多，(其實本人唔食生嘅食物，例如剌身類…)，所以熟食多就至啱我心意~ 甜品~款式，總類，味道，相當唔錯，牛角酥非常好味，(我自己都係做飲食嘅，係一個鐘意試人哋公司甜品嘅……甜。品。怪。嚟~😂😂) 但個朱古力Brownie，可能係迎合聖誕關係，加咗冧酒同提子，可能我唔太鐘意，所以感覺不太良好… 個雪糕櫃係我至愛MOVENPICK，有專人幫您畢雪糕，但無我至鐘意嘅宏哩嗱味，試了個士多啤梨味，可能果肉多，所以味道略帶酸咗…… 另外凍甜品櫃有幾款慕士杯，最特別味道係焦糖香蕉~布甸，混合咗嘅味道變咗拖肥，口感質感超新鮮~而Raspberry慕士無帶酸，唔錯。反而咖啡慕士略帶苦了少少…… 黑松露芝士噴泉~驟眼望落去何其宏偉，主要比您點點啲炸手指魚，腸仔，同麵包，但唔太覺有黑松露味~😂😂 基本上，節目下午茶連加一，$300鬆啲，這間酒店算非常唔錯，有機會應該要再嚟試吓佢晚餐buffet先得~