又係食肥仔嘢嘅時候 🤪 由美食沙漠馬鞍山闖出名堂嘅 Sick Burger 喺銅鑼灣插旗，以後去希雲街唔止得 Poke Bowl 食啦 🙆🏽‍♀️ 港式 x 美式復古裝修好符合主題，Menu 創意十足，不乏 Fusion 口味嘅醬汁同小食，同 frd 兩個人樣樣都想食，可惜冇咁多個胃 🤣 - What we ordered - ❀ Sick! Burger | $73 Additional Mushroom & Pineapple (+$15) ❀ Sweet Potato Fries | Set +$42 ❀ Sick! Fish Burger | $78 ❀ Taro Sick! Shakes | Set +$48 ❀ Caesar Salad | $36 漢堡即場新鮮製作，手打安格斯牛肉以鐵板煎至焦香，鐵剷輕壓逼出油脂，食落特別香口 👅 半融芝士搭配濃郁牛味，中心呈淡粉色咬落仲好 Juicy 💦 金黃麵包胚與 Brioche 有幾分相似，口感外酥內軟，吸收咗肉汁都唔會變得濕爛，特別之處係當中嘅柚子同 Plum Jam，另外加咗我最愛嘅燒菠蘿，酸甜果香超解膩 🍍 偷影咗隔籬檯個撚手牛肉 Burger，隻流心太陽蛋勁吸引 🍳😻 魚柳 Bell 採用 Fish & Chips 嘅做法，大西洋鱈魚裹上啤酒粉漿炸至香脆 ✨ 魚柳大過手板啖啖肉，細緻魚肉配上微辛刺激嘅黃芥末蛋黃醬同醃青瓜，可以話係變奏版嘅他他醬，好味 😋 平時落苜蓿芽通常都好重草青味，但放喺 Burger 入面存在感就比較低，剛好減低邪惡程度 😈 整體好夾，睇得出每個元素都係經過考慮。 配菜叫咗脆甜番薯條，要讚一讚廚師，所有炸物包括薯條都好乾爽，碟底完全唔會有層油 👏🏻 唯獨係凱撒沙律醬汁過多，個人認為清爽啲會更好 🥗 見到香芋奶昔同朋友即刻心心眼，唔使問一定要嗌啦 ‼️ 淡紫色嘅奶昔由芋頭雪糕加維他奶製作，滑捋捋嘅豆腐花增加層次，係我喜歡嘅雀巢香芋甜筒味 💜 上面除咗忌廉，竟然放上芋圓真係估佢唔到，咬咬吓幾煙韌 ☺️ 仲有蜂巢焦糖脆脆同脆米通，好豐富～ Btw 杯底嘅焦糖對我嚟講略甜（平時飲開微甜），拉起枝飲管就差唔多，唔食得太甜嘅朋友可以問吓有無得走～btw 突然諗到紙飲筒應該啜唔到 milkshake，以後都係要帶返枝私伙出街先得 🤣 📍 Sick Burger 銅鑼灣希雲街31號地舖

kobane 的粟米焦糖酥盒是驚為天人的美味 軟滑的粟米吉士餡是新奇的味覺體驗 帶著質樸的鄉土風味 🌽 選用這種食材很大膽 欣賞甜品師的巧思 酥皮鬆化富牛油香 搭配酸咪咪的乳酪雪葩 日向夏柑柔和無渣 一咬沁出清甜果汁 層層遞進 繁複卻相得益彰 堪稱完美的一道甜點 💛 蜜柑芝士撻充斥夏日的味道 柑橘的果香與微澀與芝士蛋糕是永遠的好朋友 🍊 配上山椒柚子雪葩更清爽輕盈 微辛的刺激感讓味蕾在沈悶中甦醒 加上本人是柚子 die hard fan hahaaa 鹹食味道比賣相好哈哈哈 印象中日式叉燒 Risotto 富油脂香氣 美味 des ☺️ 作為 Minimal Café 的姊妹店 小店讓我驚喜不斷 準備去迷你毛一探究竟 期待 🫶🏻 📍 KoBaNe by Minimal 荃灣白田壩街45號南豐紗廠1樓103號舖

之後介紹過嘅太子名物豐信餃子店人氣有增無減，前排天氣咁凍都排晒長龍，全因餃子即叫即包夠新鮮，皮薄足料仲要性價比超高！✨ 價錢非常平民，$40 就有 7 隻 (雙拼加 $2)，一共叫咗煎餃同湯餃兩個雙拼，咁就可以食到幾款唔同口味，貪心 E 人如我 hahahahah 😛 煎餃半煎炸後金黃香脆，愛茜之人揀咗芫荽鮮肉餃，煮完啲茜都仲係翠綠色證明用料新鮮 🌿 真材實料唔似坊間啲餐廳得噱頭，Encore 之前好鍾意嘅麻辣白菜鮮肉餃，融合川式口味，咬落滲出紅油帶陣陣麻辣香氣 🌶️ 辣菜脯都係一如既往嘅高質～ 唔想剩係食煎炸嘢咁 Dry，嗌個湯餃食吓先 heheee，湯底採用自家熬製嘅椰子海帶鮮雞豬骨濃湯，奶白色飲落鮮甜無味精，喺街食飯都可以潤一潤 ☺️ 肥嘟嘟嘅餃子好似我拳頭咁大隻，外皮煙韌內餡多汁。 個人最愛南瓜粟米鮮肉餃，食材天然甜味同湯底好夾 😻 朋友就大讚素餃，有冬菇、木耳、雲耳、沙葛食落口感十足，餡料有少少芡裹住解決咗素餃容易散嘅問題，食食吓覺得有啲似粉果 hahaa！湯餃加埋米線都係四十幾蚊邊度搵 ⁉️ 食咗咁多肉嗌兩款涼菜解吓膩，涼拌青瓜帶酸甜好 Refreshing，香港比較少見嘅涼拌藕尖 ($30) 以泡椒醃漬過酸酸辣辣，爽脆口感好開胃！留意辣度真係幾高，朋友頂唔順而我幾食得辣都食到流晒鼻水 🤪 💰 $70 p.p 📍 豐信餃子店 太子汝州街 17 號地下 A 號舖（太子站D出口）

臨近年末，熱門餐廳早已滿座，為了躲開乏善足陳的節慶套餐，近年聖誕開始轉戰小眾新店或其他菜系。2023 的年末慶祝特集第一回合，想跟大家分享初次到訪就被驚艷到的歐式 Bistro，位置在人氣老店九記牛腩旁，落地玻璃窗外除了鬱鬱蔥蔥的樹蔭，還能看到隔壁排隊的人潮 😆 以全港首家 House of Vermouth 為招徠，將風味獨特的苦艾酒融入到菜單裡，並變化出多款特製 Cocktail 🍸 定價於中上環屬中等，菜餚方面卻能嚐出紮實的功底。店內掛上一幅幅油畫，配以酒紅色的塗鴉字，復古典雅而不失玩味。 ❅ B & R BRUNCH｜$298 p.p. 週末限定的早午餐每人可選兩款前菜，加上意粉及主菜各一，這種隨心選擇的感覺我喜歡！😍 ⋄ PUGLIA BURRATA 流心水牛芝士奶香誘人，配上羅勒香草油和番茄，清新之選 🍅 ⋄ POLMARD BEEF TARTARE 經 21 天風乾熟成，濃郁牛味伴以油封蛋黃及酸豆同吃，令人胃口大開 😋 薄脆麵包片帶著橄欖油香氣，吃光光也毫無負擔，不然光是前菜就被塞飽了吧？🍞 ⋄ HOMEMADE POTATO GNOCCHI 薯蓉加入麵粉及粟粉搓成糰子 🥔 意大利番茄醬汁及甜羅勒葉簡單、純粹，卻是永恆不敗的組合，軟軟糯糯的糰子裹滿醬汁，格外讓人垂涎 🤤 ⋄ ARTISANAL ORECCHIETTE 經典肉醬配手製貓耳粉，沒什麼特別但好吃的 🍝 ⋄ WHOLE THREE YELLOW CHICKEN 1.6KG Vermouth chicken sauce (Servings for 2 people) + $498 主菜方面額外加錢要了原隻三黃雞（單點 $698），定價比香城四大名雞合理得多，亦不會原隻拍完照就只剩兩隻雞腿給你 🍗 黃澄澄的雞皮烤得乾身毫不油膩，外層微脆、肉質嫩滑汁水豐盈，打破雞胸肉必定嚡熠熠的刻板印象 😌 佐以苦艾酒煮成的肉汁，酒香肉香相互交織，邊吃邊「嗯嗯嗯」瘋狂點頭，大推 💯 菜單上說是二人份，但上菜時我和朋友都被震驚到，紮紮實實的一大盆！！🤯 建議四人以上才挑戰喔～ 兩款甜品都要額外收費，選擇有朱古力慕絲和芝士蛋糕，感覺沒有太特別就放棄了（主要還是快飽死 🤣）接下來的 Boxing Day 也訂了早午餐跟男朋友再訪，還未訂位的朋友推薦你們試試！ 💰 $600 p.p. 📍 Bianco & Rosso 上環歌賦街29號地舖

一年沒回到最愛的咖啡廳 Bestow Coffee，店主的超強記憶力實在令人佩服，竟然還記得我去年在這裡慶祝生日！ 甜點換上不同款式，佐以濃厚和風的黑芝麻 Latte，靜靜坐著等雨停下。 ‣ Matchagato｜$68 店內設有多款抹茶粉可供選擇，店主推介來自京都的老字號碧翠園出產的松の翠，說是茶味更濃郁，抹茶不另加糖品嚐原始味道，不徐不疾用心拂打至均勻無顆粒，順滑的抹茶淋在 Milktop 牛乳雪糕上 🍵 微甘清新到醇厚茶香，伴上香甜的雪糕同吃絲毫不澀，杯中剩下的抹茶不能浪費，又問店主拿了一點牛奶一飲而盡，抹茶控實在滿足 💕 ‣ 桂花金萱烏龍巴斯克芝士麻糬蛋糕｜$62 蛋糕分為 DUANG DUANG 的桂花牛奶凍、芝士蛋糕和軟糯麻糬三個元素，淡淡花香也不錯吃 🌼 但芝士蛋糕略顯紮實（好飽 🤣 個人更愛他們的鐵觀音巴斯克，喜歡它的半熟口感和濃濃茶味！ ‣ 海鹽焦糖卷蛋伴焦糖脆脆｜$62 蛋糕體濕潤富蛋香，包裹著焦糖奶油簡單而美味 🧁 喜歡沾上令人垂涎的海鹽芝士奶蓋增添層次，焦糖脆脆呈蜂巢狀酥脆，小朋友口味的朋友一定很愛 🍯 但整體對我而言偏甜，下次還是 Order 清新淡雅的豆腐玄米茶更合我心意 🤍 人總是貪圖新鮮感，不嘗試一下才不會心息（有預感下次看到新品還是會忍不住點來試試，讓後悔周而復始 🤭 Bestow 旺角登打士街43H號登打士廣場5樓

曾經開到成行成市嘅港式糖水舖，執吓一間執吓又一間，而家價錢合理又用料靚嘅糖水買少見少。 研香係著名扒房 Top Blade 嘅副線，疫情期間跨界開始做網上團購，去年喺尖沙咀厚福街開設實體店，設計好似一間 Cafe 咁坐得舒服。店內主打傳統糖水，選用進口果仁利用精磨機自家慢磨，一般係用嚟研磨可可豆，聽聞每次要用接近八個鐘先達至理想嘅細膩度，花費大量時間成本心機，呢份堅持可以話係不惜工本。 為咗令味道更濃郁，小店非常揼本，招牌嘅限定開心果露 ($48) 以來自意大利西西里嘅開心果磨製而成，每日只做到兩輪賣晒就無得食啦！堅果嘅天然油脂同香氣特別濃郁，味道香醇餘韻悠長，比平時食到嘅開心果 Gelato 濃郁幾倍！質感極致幼滑，細味會感受到少許顆粒感，甜度好輕微食落健康啲，配埋滑溜豆腐花，嗜甜嘅朋友可能會覺得有啲淡，但對我嚟講啱啱好。 本人係杏仁茶愛好者，好多人唔鍾意嗰隻獨特嘅味道，可能係俾茶記杏霜嚇親，但好嘅杏仁茶應該有種清香。 研香嘅杏仁茶濃稠度剛好，加埋大大粒麻茸湯圓 ($43)，食落似手工搓咁煙韌軟糯，喜歡 🤍 間間糖水舖都有嘅楊枝甘露 ($46)，可以睇到係勁足料啖啖芒果肉，又唔會有啲奇奇怪怪嘅配料（爆爆珠係我嘅敵人 hahaaa），唯一就係啲柚子應該一早剥定，有啲乾咗水唔太新鮮嘅口感，但整體都係唔錯的，約朋友食糖水不妨一試。 📍 研香 尖沙咀厚福街7號地舖

連場暴雨又水浸，大家要小心安全 ⛈ 成個禮拜都濕濕笠笠，好需要食啲辣嘢袪一袪濕，朋友一直都係烤魚愛好者，明明唔食得辣又鍾意挑戰 😈 嗰日喺將軍澳做嘢，咁啱小魚兒喺附近有間分店，寶琳地鐵站行幾分鐘就到啦～一直以為餐廳只有烤魚，原來仲有川菜小炒同串燒，整體味道都幾唔錯，而且店員都好 Nice 😽 - What we Had - ❀ 鮮九葉花椒BB豆花海鱸魚 ($308) 魚肉好新鮮，肉質嫩滑有彈性，醬汁麻辣惹味，用上幾款花椒麻味突出，已經就返朋友叫咗小辣但都足夠帶勁 🌶️ 鍋底自帶爽脆嘅豆芽、木耳同青瓜，仲有滑捋捋嘅豆花，不過真係好熱，一個唔小心就辣親條脷嗚嗚 🥵 食烤魚最緊要多茜！！🌿 兩個 Frd 都唔食荽茜，影完相即刻夾晒出嚟畀我，獨食無問題 🤣🤘🏽 另外加咗蓮藕、風琴豆腐同土豆粉，風琴豆腐好吸汁，連埋啲辣油索晒入去，怕辣嘅朋友仔應該頂唔順 🤧 同埋要留意唔好滾太耐，啲汁愈煮愈濃會有少少鹹；最愛煮到粉粉糯糯嘅土豆粉，感覺比寬粉更加煙韌同易消化 😋 焦糖燒菠蘿 ($43) 又甜又多汁，加埋一層薄脆焦糖更加滋味，食到流晒鼻水解辣一流 🍍 仲嗌咗個酸辣土豆絲 ($68)，每條薯仔都粗細均勻，酸辣適中咬落嗦嗦聲，一大碟都清晒，下次會想試多幾款小菜 🥔 火鍋配料平均都係三四十蚊左右，當日補祝生日所以額外收咗切餅費 $50，收費都好合理，最後三個人食咗七百幾，朋友聚會值得一試 ✨ 💰 $250 p.p. 📍 小魚兒 將軍澳毓雅里7號富麗花園地下3-5號舖

雖然平時多數係草食動物，但間唔中都會 Crave 吓啲肥仔嘢，上瑜伽堂嘅時候經過發現，時代廣場後面有間神秘小店，一於試試佢！店內佈滿古典藝術元素，牆上以油畫及小丑雕塑作裝飾 🎭 舖頭面積唔大只有四五張檯，環境都幾乾淨企理。 ❀ Bacon Cheese Burger｜Combo $108 麵包烘到金黃色，脆得嚟鬆軟有牛油香 🥯 厚身漢堡扒煎到焦香，一拎上手啲肉汁流到成手都係 😆 中心呈粉紅色鮮嫩多汁，食落鬆化有咬口，肉汁飽滿食得出係手打漢堡，唔係機製嗰種咁實淨，大大份同男朋友兩個 Share 啱啱好 🥰 幼薯條帶有獨特油脂香，應該係用咗鴨油嚟炸，個人更愛粗薯條不過食食吓都清晒 🍟 ❀ Apple Crêpe w/ Gelato｜$159 可麗餅煎得好薄，邊緣脆脆哋有啲似以前放學成日買嘅 Q 餅（中學回憶哈哈哈 😆 配上焦糖蘋果粒同 Gelato，雪糕有好多味揀，椰子菠蘿果味香甜 🥥🍍 兩種熱帶水果擺埋一齊，椰奶香中透出酸甜，好似將 Pina Colada 變咗甜品咁 🍨 如果落少啲朱古力醬會更加食得出原來嘅味道～ 📍 Exotica Gelatea 銅鑼灣霎東街49號地舖

之前已經出過一次食評 事隔兩年味道依然咁出色 😋 甚至服務同食物仲細緻咗，工作人員好熱情，食物水準高環境又舒服，8 個人嗌埋啤酒人均 $350 左右，絕對物超所值 🍻 ⋒ 雞油花雕蟹｜$600 呢個蟹已經食咗三次都仲係咁鍾意 🦀 滑捋捋嘅蒸蛋、醇厚花雕同蟹汁精華完全融合，𢳂埋啲蟹膏撈飯，係即時想轉圈圈嘅美味程度 👯‍♀️💕 蟹肉細嫩、蟹身處理得好仔細容易進食，必點！💯💯💯 ⋒ 薑蔥蠔煲｜$208 一上檯已經全部朋友都話好香好香，手板咁大隻嘅桶蠔超肥美 🦪 肉厚爆汁蠔味頗重，調味剛好完美掛汁，蔥段焦香齋食都好味 🤤 ⋒ 菌皇脆炸雞｜$148 雞皮脆到好似薯片咁，肉質嫩滑無乜肥膏，佐以乾炒黑松露菇菌，超級香！😋 ⋒ 千島玻璃蝦球｜$148 外層麵衣薄如蟬翼，裹滿開胃沙律醬後仍然香脆，蝦肉鮮甜、爽脆彈牙，伴以琥珀合桃非常香口 ✨ ⋒ 桂花陳酒蜜叉燒｜$148 肉質偏瘦但口感軟腍，外層無焦香嘅蜜汁，改以清香桂花蜜代替，味道唔錯但無其他菜式咁突出 😛 ⋒ 醬皇慢煮安格斯牛｜$248 店內招牌之一，牛肉呈完美粉紅色帶有少許血水 🥩 配上芥末風味醬汁、黑松露炒菇菌同萵筍幾惹味，個人認為叉燒同呢個牛任擇其一就夠。 ⋒ 羊肚菌燒豆腐｜$128 豆腐金黃滑溜，伴以大片蠔油花菇及羊肚菌 🍄 連墊底嘅菜芯都刨咗皮，留低最嫩嘅菜遠位置，欣賞廚師用心 👨🏽‍🍳 ⋒ 清酒鵝肝｜$2xx 鵝肝以牛奶浸泡慢煮而成，火候控制得剛剛好中心保持粉嫩，滲出醉人米香 🍶 ⋒ 白蝦鵝肝炒飯｜$148 鋪上大量小蝦乾，米粒乾爽加少少辣椒油更加香 🍚 ⋒ 話梅叉燒酥(3 件)｜$38 上檯時新鮮焗起，酥皮蛋香濃郁一拎上手就感受到極致鬆化，掃上酸酸甜甜嘅話梅蜜 🍯 一咬開熱辣辣叉燒餡爆晒出嚟，好少食到咁好食嘅中式酥餅 😍 ( 真係勁熱小心辣親嘴 👄 ) 💰 $350 p.p. 📍 酒筷子 大角咀塘尾道51號新港豪庭地下A號舖

佢韓國文化中「밥도둑 偷飯賊」指味道濃重偏鹹的食物，令人不知不覺將碗中的白飯吃光光，醬油蟹就是一試愛上的白飯小偷！🍚 要在香港找到道地的韓式料理實屬不易， 本家向來一座難求，店內生意長期爆滿，很受在港韓國人的歡迎，全因味道正宗食材也夠「韓」，是我心中數一數二的韓國餐廳（其次是 Chumchumi～🇰🇷 8 款韓式小菜色彩繽紛很上鏡，除了常見的芝麻菠菜、黃豆芽、醬燒薯仔，小魚乾和茄子也很喜歡 🍆 第一次在韓國菜中看到貌似蒟蒻的綠豆涼粉，口感滑溜很有趣！😳 辣泡菜可以免費添食，但留意其他小菜不設追加服務。 慕名而來的醬油蟹 ($520/2) 一上桌 ，已經即時心心眼 😻 選用韓國直送母蟹隻隻爆膏，滿瀉的橙黃色蟹膏甘香豐腴，呈半透明果凍狀的蟹肉鮮甜入味，新鮮滑溜毫無腥氣，自家製醬油香濃微甜不嗆喉，天啊是想念的味道 😭‼️ 敢食生蟹的三位陷入靜默埋頭狂吃（沒空聊天哈哈哈 😆） 店員會幫忙將附送的白飯和紫菜碎加入蟹膏蟹肉一起拌勻，唔～～～～～是抗拒不了的幸福感 💕 露出吃貨感動樣 👉🏻☺️🥰🥹 另外點了燒鰻魚和二人烤肉套餐，店員會親自幫忙烤肉，鰻魚慢烤成金黃色，魚皮香脆富膠質、魚肉Q彈，火候控制得剛剛好 👍🏻 五花肉將多餘油份完全逼出，最愛沾上麻油鹽，肉香四溢 😋 經過醃製的牛排骨是甜甜的照燒風味，肉質超軟嫩跟洋蔥是絕配 🧅 夾上燒泡菜、青陽辣椒和蒜片， 裹上生菜送入口，瞬間移動到首爾街頭 🤣 韓國人燒肉一定會配上冰涼的水冷麵，牛骨湯沙冰佐以少許白醋和黃芥末，清爽解膩最適合夏天享用 🧊 像枕頭一樣 Duang Duang 的蒸蛋也不錯吃（好擦得….😂😂 P.s. 本家沒有網上訂座，店家也幾乎不接聽電話 aka. 唔憂做 🙃 真的很難訂到，全靠朋友提前兩週跑上去留位 😽 店員以韓國或外籍人士為主，全晚每個人都忙前忙後沒什麼耐性，好像多問一句阿豬媽就要把燒肉夾扔到我們頭上 ⚡️ 但一切都敵不過對韓國的思念，食物質素搭夠 😌👌🏻 📍 本家韓國料理 尖沙咀金馬倫道22-24號東麗中心1樓