等咗咁耐 上水終於有地方可以比我 chill住食高質蛋糕同嘆杯 Latte～ 我今次試咗呢2樣 : Hojicha Roll cake 上面嘅奶蓋濃到好似食緊 cheesecake一樣 配上焙茶戚風蛋糕同 cream 好夾！ 而杯 Purple Latte 驚喜度十足，唔係紫薯 而係 蝶豆花+薰衣草。 自問成日去 cafe hopping 嘅我真係未見過呢個combo。 大家可以放心 唔係超濃嘅薰衣草香味。 兩者加埋只係淡淡嘅花香 呢個配搭好夾～ 重點係呢2款花都有舒緩鎮靜作用 如果唔想飲咁多 caffeine 呢個係我不二之選 飲完成個人好放鬆💜 期待下次試埋其他飲品/食物～

話說尋日我又出左去港島。 . 難得出去當然要去試下新餐廳。 呢間 Holy Gaw 開咗業唔係好耐， 主打菲律賓菜。 . 但佢最出名既係相中既 Ice-Cream Sandwich。 一共有兩種雪糕口味畀大家選擇 : 🥑牛油果 Avocado / 💜芋頭 Ube . 我就揀咗💟芋頭雪糕(我嘅最愛)。 真係好食到癲咗😍😍😍 雪糕上面加咗一啲開心果碎， 配上啱啱烤起嘅麵包。 一個人食，啱啱好👍🏻 . 最衰今次得我自己一個， 如果唔係一定試埋佢地嘅 main。 . 大家有時間去開灣仔 可以去試下， 真係好有驚喜👍🏻👍🏻👍🏻

之前係網上 見好多人都講起呢一間coffee shop。 見今日冇咩人就行咗入去食 lunch。其實呢間 Cafe 係主打澳洲菜，但今日我決定揀佢嘅Siu Wan Rice (銷魂飯 2.0) & Latte - Fruity Blended. 整體嚟講唔錯👍🏻👍🏻👍🏻值得再返去試其他食物。 成餐飯最吸引我嘅係......嗰杯latte🐇. 我會建議大家 第一啖先試咗個咖啡 之後先食一粒杏仁 再飲杯咖啡嘅時候 佢個味道非常突出。 超有驚喜❤️❤️❤️

住左北區甘耐，從未試過去粉嶺食野。但今次由地頭蟲帶路去試一間隱世西餐廳。餐廳既室內設計好特別，有個圓形既大窗設計成一個鐘。好有諗頭。朋友話餐廳老板之前係大酒店做過，所以食物有一定既水準! 果然冇令我失望。我地一行8人，叫左兩份小食拼盤，焗法式香草田螺拌薯蓉，煎魚，海鮮意粉，同意式燴飯。我個人好鍾意食薯蓉但出面好多餐廳為左方便，係用水同粉開出黎。但Cookhouse真係用新鮮薯仔整出黎有時越簡單既食物，更會睇得餐廳有幾用心所以我特別鍾愛小店。價錢實惠，又可以食到正野！真係好抵食！！！I will definitely be back

好多時候小店比大餐廳更好食！唔好睇呢間茶餐廳唔太起眼，佢地既小炒真係無得輸! 每次食都有新野! 今次食左豉椒炒蟶子，酥炸生蠔，粉絲蒸扇貝，芝士龍蝦伊面，重有好多無比相機食。哈！哈!！我個人最愛酥炸生蠔同芝士龍蝦伊面。生蠔唔會炸得好干或好油，係岩岩好，又juicy。 個芝士龍蝦伊面d芝士多到呢~ 芝士味好足龍蝦好新鮮。當然，以上既海鮮需要先訂了。我個人覺得好食過流浮山，價錢又合理! 如果大班人食飯，又多一個好去處

終於試到~ 梳乎厘班戟了!!! 葵涌廣場真係個美食天堂。本來想試抹茶，但個日賣曬...所以我就叫左佢地既新囗味 ~伯爵茶梳乎厘班戟配Bailey's Cream~ 等左大概20分鐘到就有得食。個班戟做得好鬆軟，唔係只係空氣，好實在。伯爵茶味好出，配埋Bailey's Cream 好正! 我個人覺得甜味岩岩好，分量又好足，完全可以當正餐食！冬冬既天氣食住佢，真係好溫暖丫!!! 如果可以放多少少cream更完美。下次一定要試埋其他口味，同埋佢地既oreo cream

呢間泰國菜真心好食，冇一次令我失望. 今次重帶埋外國朋友去食，好似係第4次食了! 我每一次都一定會叫椰青配佢地既小食拼盤❤好有holiday mood。我特別鍾意佢地小莨拼盤既蝦餅~真材實料，配埋搭泰式酸辣汁. 無敵丫 ! 佢地既冬蔭公湯可以選少少辣，裏面既大蝦好新鮮。絕唔係冰鮮。但冇影到相 店裏有一張龍椅好得意!好適合一班朋友食完飯之後影相。夠曬unique. 佢地都有outdoor area, 但我就冇試過坐出去了。

一直以為上水呢一間藥膳火鍋只做晚市。 原來都有午餐，而且價錢超貼地 ~$38包熱或凍飲~ 岩曬我地呢d打工仔! 我今日就試左佢地既酸辣湯米線。同大連鎖店個d比較，呢個酸辣湯既味道更有層次。米線都同出面唔一樣，係紫米做既米線。好食得黎又健康d 雖然鋪面細細，但內部設計都好有特色。牆上掛有好多老香港情懷既漫畫。喜歡漫畫既朋友可以去睇下。 我重發現鋪頭裏面放左好多外國入口既 premium beer。難得今日係Happy Friday, 我就叫左個椰子青檸囗味黎試下 (Brother's Coconut & Lime Cider - 4% vol)，味道好清新。配埋個酸辣湯米線 下次一定要試埋佢地既火鍋同其他囗味既啤酒😜