St Regis Staycation Package包米芝蓮一星「潤」中菜館嘅Semi Buffet Breakfast，一大早就超興奮咁嚟到 潤 慢慢enjoy我嘅perfect brekkie~ 主菜有八款可供選擇，我唸都唔唸就揀左最signature嘅中式早餐！ 四款點心話咁快就送到！有至尊蝦餃、蝦肉燒賣、迷你荷葉飯、金蒜龍蝦春卷。金蒜龍蝦春卷真係一試難忘！春卷皮超脆，紋有d似waffle，裡面蝦肉彈牙，唔好講笑，十條我都食得哂！迷你荷葉飯嘅飯都超綿超入味，正！ 鮑魚滑雞粥嘅粥底超綿而且吸收左雞嘅精華，溏心鮑魚咬落有d黏牙，好有wowwow嘅感覺！ Semi Buffet嘅選擇都好多，有salad、cereal、各式麵包、cheese、cold cuts、水果同果汁等。 除左食物，潤嘅service都一流，服務態度親切有禮，上菜同收碟速度迅速，係一個好高質嘅米芝蓮早餐體驗。

The Drawing Room嘅booking成日都超full，一般都要等兩至三個月，難得嚟St Regis staycation就試下個package嘅 The Drawing Room In-room Afternoon Tea！ St Regis嘅butler service管家服務認真唔錯，一check-in就會問客人選擇咩茶同幫忙準備afternoon tea。原先應該每人揀total八款甜/鹹點，staycation package就 pre-set左每款甜/鹹點各一件，等我地每樣都可以試一試。如果有preference嘅可以入住前email St Regis 等佢地安排。   喺房等左10分鐘左右afternoon tea已經送到並set好！每款甜/鹹點都好精緻同IG-able，一送到忍唔住相機食先！ 個人一向都鍾意鹹點多過甜點！印象最深刻嘅鹹點係California Sunshine，一層薄薄嘅青瓜釀左蟹肉加蛋黃醬，配搭清爽又開胃！另一推介係Flavours of Japan ，超可愛迷你鬆餅加上帶子同柚子爆汁珠珠，呢個combo好創新！ 作為綠茶同Prosecco super fans 嘅我就最鍾意綠茶味爆燈嘅Dream Layer 同 粉紅誘人而帶d桃味嘅Prosecco Tart～ Scones有原味同提子味，塗clotted creme同自家製jam好好味！我最鍾意clementine jam，同時有柑橘同檸檬嘅清香超fresh~ 我地都好滿意今次In-room Afternoon Tea嘅安排，可以靜靜地係酒店房間傾下偈，間房嘅design好classy，dining table好近落地玻璃所以係房內 afternoon tea感覺都好grand！值得推介！

放半日假就梗係有luxury 去d遠離公司嘅地方，悠閒咁食個靚lunch💃🏻💃🏻 一入到去呢間小店好舒服，好好feel，店員都超有禮貌，好細心咁同你推介餐牌嘅菜式！ 好想食刺身所以叫左季節刺身四品配茶漬飯！個presentation超靚，感覺好豐盛！刺身有池魚、吞拿魚、帶子同油甘魚，帶子好甜而且魚生全部都好新鮮！茶漬飯有三文魚碎，d飯保留左硬度和口感，好味好味！仲有前菜、沙律、麵豉湯、茶碗蒸同水果，食完好滿足！ 鹽燒油甘魚鮫定食都好出色，個油甘魚鮫真係超巨，有手掌咁大，燒得好甘香而且d肉好滑，好味到舔舔脷！ 💛💛呢間良心小店給店員嘅服務態度一流，食物又出色，等我下次去試埋佢地晚市嘅串燒同埋sake放題先~

Lunch本來諗住買外賣返去做甜品，估唔到去到舖面發覺有堂食，而且白色嘅裝潢加簡約嘅擺設感覺好chill，於是決定快閃堂食。 好多款糖水底同配料選擇，今次試咗奶茶底嘅大滿貫燒仙草同人氣款黑糖冰沙底嘅黑糖珍寶仙草。 奶茶底嘅大滿貫燒仙草超特別，有奶茶味之餘又唔會喧賓奪主蓋過仙草同芋圓嘅味，又可以滿足奶茶控嘅我。有四款配料包括芋圓、珍珠、紅豆、仙草。芋圓好Q好煙靭，地瓜味尤其出；仙草好滑帶少少甘，好清涼解暑，一d都唔比芋圓遜色；紅豆有口感但略嫌較甜；珍珠都好煙靭同高質！Yummy! 黑糖珍寶仙草賣點係黑糖冰沙底，原本以為係黑糖糖水雪凍再磨成沙冰d沙冰會係啡色，但原來係普通沙冰底再mix黑糖，雖然有d失望但味道絕對唔錯，係清新之選！呢款糖水嘅配料除左有芋圓、珍珠、仙草，仲有小丸子！小丸子十分唔錯，一樣咁煙靭仲冇珍珠咁甜，正！ 陳茶館選擇多、高質、性價比又高，大推介！ Menu-

爸爸係一個非常傳統嘅人，生冷野唔多食，最鍾意就係中菜！有朋友去過澐話佢中菜高質，又難得有釀焗蟹蓋，一於就book去同爸爸慶生～   因為我遲左book所以窗口位冇哂，中菜廳空間感十足，落地大玻璃設計令中菜廳好光猛，而且裝潢同擺設好有氣質，枱與枱之間相隔得遠而且環境寧靜，坐離窗口一兩排都唔會太差~ Service認真一流，侍應貼心有禮貌，最surprise係見到侍應係set檯時出動蒸氣燙斗燙直檯布，非常認真！ Order左四款點心，全部都非常高質，爸媽都讚口不絕。唔好見個焗菠蘿叉燒包個樣普普通通，皮超脆，個包超軟，而且叉燒餡料熱焫焫，係我食過嘅Top 3！ 黑魚籽金巢香酥帶子芋角有着燒賣嘅外貌，酥脆嘅口感，香口而不油膩，必試！ 香焗鮑魚叉燒撻嘅鮑魚有啜口，叉燒餡料配曲奇撻皮超正！ 澐裳金箔鮮蝦餃皇一籠有四粒，加金箔豪氣十足，個皮再薄就Perfecto~ 杏汁白肺湯絕對係功夫之作，奶白嘅湯熬左好耐，遠處就聞到好香嘅杏仁味，豬肺好嫩滑，好味又養顏。 金湯海明珠係令人驚艷勁一道菜，鮮燈色幼滑而清甜嘅南瓜蓉下蘊藏左嫩滑嘅蒸水蛋，加埋面頭隻又大又爽嘅蝦，有視覺同味覺嘅衝擊，好後悔抱住試吓嘅心態淨係order咗兩人份，下次要一人一份先得！ 招牌蜜汁叉燒皇超有誠意咁用個裝住熱炭嘅爐端上，侍應生淋蜜汁果刻除左有治癒嘅炸一聲之外，輕煙飄起並為你帶來陣陣炭香，期待感迅速攀升！食落去好爽口彈牙，蜜味十足，非常唔錯！ 重頭戲金牌釀焗蟹蓋果然冇令我地失望！呢一道菜唔多中菜館有而就算有都唔一定好食，但澐嘅金牌釀焗蟹蓋真係星級，焗得勁香脆嘅面下蟹肉一疏疏，真材實料，餡料極creamy，一人一隻非常滿足！ 好唔少人推介蝦乾啫啫芥蘭煲所以都試吓，蝦乾超多但口味偏重，相對其他菜式有d失色。 原本諗住叫多個餸食食吓又幾飽所以直接落甜品，簡直又一星級嘅highlight！ 紫澐夢境真係甜品如其名，係一片仙氣中華麗登場，擺盤精美，排場十足，仲好貼心咁幫忙安排左早前預訂嘅生日牌，打卡一流，爸爸都連Wow左幾下！最令人驚喜嘅係味道超乎想像地好，尤其是個紫薯雪糕，第一次食加左薑嘅紫薯雪糕，世一！ 桂香水中花又一星級之作，豆腐做嘅水中花刀功精細，配桂花清香嘅微貼糖水，賞心悅目之餘又超refresh，超鍾意！ 黑白芝麻卷擺盤都非常精美，一人一件唔錯～ 呢一餐生日飯真係星級享受，由頭Wow到落尾，爸爸返到屋企都仲讚緊，Happy Happy~ (P.S. 原本HSBC credit card 有八五折，都係埋單先知，全單平咗$3xx，折左每位$5xx，呢個最後驚喜都唔錯！)

大圍元朗嘅阿叔泰麵船麵非常出名，近期係尖沙嘴開左主打泰式fusion菜嘅分店，當然要嚟試試~ 餐廳新派嘅格局同有渡假feel，吸引左唔少人嚟打卡。 平日差唔多三點到都仲serve緊lunch，lunch set都有成五款選擇，好幾款都好吸引，最後揀左娘惹蕉葉烤魚飯同冬蔭功帶子義大利飯。是日餐湯係冬蔭功湯，偏辣，我地加左烤魚飯嘅白飯變湯飯，酸酸辣辣超正~ 娘惹蕉葉烤魚飯嘅娘惹醬係重點，撈飯一流，魚肉不過不失。 冬蔭功帶子義大利飯真係必試，個risotto味道超濃郁，冬蔭功味四散而且勁creamy，帶子帶牛油香，加埋靚靚嘅賣相，真係色香味俱全。 特色飲品都係賣點之一，跟餐可享半價升級，試左Thai Green Tea。用近期流行嘅扁身玻璃樽裝住，泰式奶茶嘅雲呢拿味勁出，唔錯唔錯！個玻璃樽仲可以帶番屋企添~ 最後加$25食埋個是日甜品 – 芒果糯米飯，細細杯超的骰，糯米飯非常煙韌，大滿足~ 食左一個鐘差唔多到四點，餐廳就會轉theme變身night mode 出動埋蠟燭，勁有feel～唔怪見到有d左影影右影影永遠都影唔完😂 Menu-

The Butterfly Room嘅Afternoon tea除左出名好味之外，仲出名超full超難book，要每個月1號朝早9:00 sharp入official website reserve兩個月之後嘅timeslot，真係少D堅持都唔得！唔好講笑，我9月1號set定8:55a.m.嘅鬧鐘，9:00a.m. sharp入到去website猶豫左陣book星期五1p.m.定3:15p.m.好嘅時候3:15p.m.已經搶剩11月尾…完全體會左疫情下香港人為左食可以去到幾盡~ 哈哈~ 等到頸都長終於等到啦，懷著興奮嘅心情請半日假做乖乖女帶媽媽去high tea~ Rosewood酒店氣派非凡，等安排入座前四圍參觀都feel到濃厚嘅藝術氣息。 我地獲安排坐近落地玻璃嘅位置，臨近聖誕外面set up左festive booth所以block左少少個景觀，但餐桌上放左有粒粒紅色果實嘅冬青擺設，非常應節同ig-able~ 入座後會首先安排飲品，可從紅/綠/白/黑/草本茶之中選一款，另外都有咖啡類嘅飲品，我地都覺甜品配茶會冇咁膩，所以揀左The Butterfly Room Blend同Jade of Africa。兩款茶聞落都好香，媽媽嘅The Butterfly Room Blend個茶壺內置茶隔，玫瑰花香味幾出，而我嘅Jade of Africa則用茶袋裝住茶葉，味道非常berries~ 等左陣Tea Sandwiches就登場啦，個presentation超吸睛，顏色配搭得好好加富有層次感~ 左到右分別係黑松露蛋沙律、魚子醬煙三文魚、軟芝士火腿伴酸瓜、牛油果蟹肉三文治。媽媽同我都鍾情牛油果蟹肉三文治，清新又fulfilling~ 魚子醬煙三文魚都非常唔錯，煙三文魚厚身而且肉質扎實，加魚子醬有畫龍點睛嘅作用。比起甜點，個人更愛呢個Tea Sandwiches！ 接住就係Freshly Baked Delicacy - Scones (with/without raisin) 。我唔太好堤子乾所以揀左plain scone，媽媽就要有堤子乾嘅~ Scones細細粒，跟clotted crème、berries jam 同mandarin jam。Scones 烘得好靚仔，外層帶點crispy口感但略嫌有些少乾，加clotted crème或jam就啱啱好。Scones係可以refill嘅，不過我地選擇留quota比甜品~ 一細杯嘅黑松露蘑菇湯好的骰，熱辣辣食到粒粒蘑菇嘅口感，黑松露油嘅香氣爆發，份量過下口癮啱啱好，食完鹹點、scones同飲埋蘑菇湯之後其實已經飽左一半。 期待已久嘅Pastry Trolley終於嚟到我哋張枱啦！我地係serve嘅第二枱客所以餐車上面嘅甜品仲係好滿，望落去都幾震撼。有士多啤梨蛋糕、雲呢拿拿破崙、抹茶慕絲、macaron、芒果意式奶凍。按侍應推介除拿破崙同macaron一人一件外，其餘三款share。 Signature雲呢拿拿破崙真係唔係浪得虛明，拿破崙超鬆脆，牛油香係口腔內徘徊，雲呢拿custard又唔甜，真係好食到暈！仲有金箔係面超靚！所以佢係我encore嘅兩款甜點之中佔一席位！ 芒果意式奶凍就係我encore嘅第二款甜品，panna cotta 好滑又唔漏，仲見到一點點點雲呢拿籽，真材實料冇得頂！ 其實抹茶慕絲都好正，中間有層酸酸地嘅berries，好清新！本身都唔係特別好Macaron，不過嚟到當然試吓啦，真係超超超甜，所以都唔係好食得出係咩味😂 其實真係眼闊肚窄，Pastry Trolley 過後其實已經有八至九成飽，所以鍾意朱古力嘅我係Confectionery Trolley嚟到嘅時候已經冇晒戰鬥力(超冇用)😂 有黑森林蛋糕、朱古力撻、朱古力泡芙、同埋兩款果仁/脆米朱古力。鐘情nuts嘅媽媽非常欣賞一片片嘅果仁朱古力。朱古力泡芙冇咩大驚喜。朱古力撻非常吸引，但原來超級漏，食完已接近被KO~相對Confectionery Trolley，我都係鐘意Pastry Trolley嘅甜品多d，因為朱古力太漏啦，所以我放棄黑森林蛋糕去encore我上面提到嘅雲呢拿拿破崙同芒果意式奶凍。 今次嘅afternoon tea experience非常良好，鹹點、雲呢拿拿破崙同芒果意式奶凍非常出色，環境同service都一流~ 我終於明點解唔難book都有咁多捧場客，兩個月嘅等待係值嘅~

爸爸每餐都一定要有飯，唔係特別好生冷野，中餐又食到悶悶地，所以生日就帶佢去食西班牙菜，搞搞新意思~ 前菜/小吃有好多選擇，我地order左兩款croquette，每款兩粒share～ Croquette(西班牙可樂餅)通常會用牛奶同麵粉再加唔同filling搓成圓或方形嘅粒粒，再沾麵包糠去炸。Iberico ham croquette嘅黑毛豬風乾火腿為creamy嘅饀料添加一D鹹香。Squid croquette with “all-i-oli”嘅黑實外表為croquette增加神祕感，咬開即散發著較濃嘅蒜味。細細粒好香口，送酒一流！ Tomato bread with Arbequina extra virgin olive oil一份有兩件，我地order叫左兩份。麵包烘得超鬆脆，上面沾滿初榨橄欖油同蕃茄蓉，係一款好fresh又健康嘅小食。 Spanish lazy omelette with morcilla & chorizo好特別！Morcilla 係西班牙血腸，用豬血撈埋米用蒜等香料製成黑色嘅香腸，咁大個女都係第一次食，好香又唔算太鹹。Chorizo係煙燻香腸，混入煎到好薄嘅lazy omelette 超香超夾，大推介！ Seafood Tapas 揀左細佬至愛嘅Octopus Galician style on potato “al caliu”，八爪魚略嫌有D太冧，薯蓉溝埋牛油、蒜同paprika好香~ 爸爸就對Ajillo prawns讚不絕口。蝦加簡單嘅食材包括紅蔥頭、蒜、車厘茄、paprika同辣椒，用橄欖油煎香並浸泡，已經係令人回味嘅佳餚。蝦肉新鮮爽脆，橄欖油雖然多得有D驚嚇，但見住啱啱上碟D bubble仲滾緊好治癒。 Meat tapas 原本想試braised beef cheeck 同 deboned suckling pig，不過未夠八點已經賣晒，好失望。Staff推介off menu 嘅限量Secreto - the “secret” cut from the Spanish acorn-fattened pigs！即刻上網search 下，原來呢個秘密部位位於豬嘅肩胛骨同腰部之間，又叫「胛心肉」。講到咁罕有一於試吓佢，食落口有d似柔軟版嘅豬頸肉，油脂滿滿嘅感覺，大家都好鍾意！仲有薯條做sides 超滿足！ 食西班牙菜又點少得paella ~ 離遠都聞到Pica pica paella surf & turf 嘅香氣，雖然份量有D少同有D過鹹，但好有鑊氣，最happy就係有我最愛嘅飯焦！ Pre-order左off menu嘅Spanish cheesecake 慶祝daddy生日，餐廳幫手寫好生日字句之餘仲好貼心咁送上載滿staff祝福message嘅birthday card，超窩心~ 餐廳好classy，環境、氣氛同食物質素都very good，staff又helpful而且成日主動幫手加水同換餐具，埋單先超意外咁發現原來餐廳唔收service charge！除了食唔到較signature嘅兩款meat tapas，真係冇得彈~ 附上menu-

又到一年一度嘅中同聚加一月之星生日飯！雖然今年因為Covid所以delay左，但好慶幸大忙人們都能抽空出席，好好咁聚一聚~ 餐廳setting好classy 好elegant，靜靜地好適合傾計。 之前學Italian個老師話一間傳統意大利餐廳係長期都會有一籃唔同種類嘅包比客人享用，果然一到步就見到個餐包籃~ 話說意大利人去餐廳用膳會有5部曲，分別係Antipasti (Appetizer – 最常見prosciutto 風乾火腿, formaggio 芝士, insalata mista (mixed salad))、Primi piatti (First course – 通常係意粉或燴飯)、Secondi piatti (Second course/Mains通常都係肉)、Contorni (Side dishes伴菜) 同 Dolci (Desserts甜品) ，十分豐富。 我地Antipasti揀左La Burrata 同 Crudo di Parma。比起Mozzarella我更愛Burrata，因為更新鮮，奶香味更出同更creamy，一刀切落去真係會爆漿！配車厘茄同蘿勒青醬更醒胃！ Crudo di Parma姐係Parma ham。Crudo姐係raw，係prosciutto風乾火腿嘅一種，並以Parma為產地嘅風乾火腿最廣為人知。薄薄一片嘅火腿好透好軟，伴蜜瓜唔會太鹹。 跟住嚟嘅係3個Primi piatti，全部都係意粉。Ravioli granseola (自家製蟹肉意大利雲吞配三文魚籽及藏紅花香檳忌廉汁) 嚟蟹係蜘蛛蟹，蟹肉厚實而帶有豐富海水味，意大利雲吞個餡d cheese味唔算太濃，6個人一人一粒，啱啱好perfecto~ Spaghetti Martelli all’astice (龍蝦意大利粉伴干邑龍蝦汁) 個汁有好濃嘅龍蝦味，龍蝦肉好新鮮好結實。 冇人唔食羊可以試試Tajarin (自家製意式全蛋扁麵伴燴羊肉、菊芋及巴羅洛紅酒汁)~ 一d羊蘇味都冇，全蛋扁麵好有嚼勁，認真al dante~ Secondi piatti揀左La Fiorentina (斧頭扒伴時蔬及樟木煙燻味燒肉汁)，半成熟嘅斧頭扒好juicy，煙燻味gravy簡直係個highlight，而且份量十足每人可品嚐兩至三塊。食肉當然唔少得配紅酒啦，餐廳就為我地推介嚟自Veneto 嘅2016年Primofiore, Quintarelli。 La Fiorentina 配嘅薯容牛油味非常濃郁，入口超滑，吃完好飽，所以我地skip左Contorni直接去Dolci~ 相對Tiramisu，Ananas (菠蘿薄片伴黑糖、白巧克力慕絲及青蘋果雪芭)更讓人驚艷！刀功十分精細，菠蘿切得超薄，包住白巧克力慕絲一咬落去超過癮！餐廳仲好窩心咁送左件生日蛋糕比我地~ 食物質素、服務態度同環境氣氛都好好，大家渡過左愉快嘅一晚~ 順帶一提openrice booking a la carte menu有75折添，係中高檔唔錯嘅選擇！

第一次冇check清楚營業時間星期一去到摸門釘，第二次放工七點多D去到涼皮售罄，第三次都係放工七點多D去到，雖然有四個人排緊隊但好好彩售罄告示仲未出！媽呀！我得左啦！ 外賣order左招牌兩姊妹涼皮(中辣、走芫荽)加滷水牛拍葉做配料，同黑糖五彩冰粉做甜品，等左十分鐘左右就得！ 招牌兩姊妹涼皮好滑好嚼，涼皮分明唔會黏住，集合冰、酸、麻、辣於一身，D豆脆卜卜好野味！作為配料，佢地嘅滷水牛拍葉真係超哂班！一來牛拍葉超爽滷得超入味，又冇滷完縮埋得好細塊，二來份量超豪，我從來冇見過一間鋪頭比咁多牛拍葉。我冇好認真數，但印象中至少有七、八塊！ 吃完麻辣嘅涼皮嚟碗冰涼嘅黑糖五彩冰粉真係好爽！冰粉好滑，standalone冇味但加左黑糖後甜度適中，仲有青提子乾、杞子同花生碎提升口感。杞子明目養顏，真係perfecto~