爸爸鐘情中菜，今次一於搵間朋友都推介嘅海鮮酒家豪食一餐！ 作為魚控嘅爸爸餐餐都一定要有魚，特地叫左砂鍋薑蔥生啫龍躉腩比佢，一嚟少食龍躉，二嚟砂鍋薑蔥加龍躉要走油都花功夫媽媽一定唔會整~ 估唔到第一碟餸已經令我地驚喜萬分~ 砵酒酥炸大桶蠔都好有驚喜，炸漿超薄，外脆內juicy，桶蠔真材實料，完全冇縮水勁大隻又有鮮味，簡直係享受！ 跟住上嘅生磨杏汁燉花膠係特登order比媽媽嘅，訂檯時已經預訂。奶白杏汁超香，加養顏花膠，而且熬湯嘅雞腳、雞件、豬肉等配料一d都唔少，個湯超滋潤，正！ 再嚟嘅特大蘇格蘭聖子皇都係令我地回味嘅菜色，食材新鮮而且火喉控制得好好，略加鼓油熟油蒜蓉粉絲蔥已經令聖子皇嘅鮮味逼出來，聖子皇mega size至餘又彈牙，食過翻尋味~ 難得有百花炸釀大蟹拑當然一人一隻try try，釀蟹拑特大，皮脆蝦膠爽口，食完都飽飽地。 比起蜜汁叉燒頭，我覺得砂鍋鮑魚汁海皇炒飯更惹味，夠鑊氣而且炒飯粒粒分明。 最後食埋紫薯流心煎堆仔，香口的骰又唔太甜，perfect~ 瑪寶鮮果然係出色嘅海鮮酒家，海鮮類嘅菜餚尤其高質，人多可以食多幾款，係宴客或同長輩們食飯嘅不二之選。 Menu – 茶介 $18/位 ; 小食$15

之前去過大圍總店排左半個鐘一嚐棉花雞湯麵，湯底濃郁好出色。今次趁睇完戲差唔多六點，一於排定隊等吃~ 揀左推介嘅海龍皇湯，擺盤超吸睛！一嚐湯底即刻覺得值回票價，真係厚實鮮甜，蝦味濃郁，令人愛不釋手！藍蟹肉、海蝦尾、刺身帶子、廣島蠔肉用料上盛，加掛汁而軟綿綿嘅陽春麵真係好正~ 作為小食嘅意大利黑醋蒜香海蜇頭都有驚喜，海蜇頭索索聲，黑醋酸酸好開胃。 加多杯熱雪梨黑豆水，十分滋潤，今餐真係養生又健康~ Menu -

Check-in Taipei係海港城開左分店當然去試下啦。 見到法國鵝肝牛舌芯湯麵非常特別所以試試。湯麵一端出嚟鵝肝同牛油香氣飄揚，聞到都流曬口水！牛舌芯爽口，台灣寬粉絲麵底掛曬香濃嘅鵝肝牛肉湯汁，加埋溶入湯底嘅自製辣牛油，味道香濃到極，我地都對呢款湯麵讚口不絕~ 三色鹽酥雞個plating好靚，有柚子、黑松露、冬蔭公三款醬料任君選擇。我係重口味之人，冬蔭公味好有新鮮感，柚子好清新，而黑松露都係配薯條夾d。鹽酥雞炸得酥脆，內裡肉質juicy，難怪夜市名物非他莫屬！ 想食蛋餅又想食甜品，髒髒鹹蛋黃芋泥蛋餅就係最佳選擇。蛋餅煙韌，包滿芋頭味爆燈又幼滑嘅芋泥蓉，鹹蛋黃唔多但足夠帶出鹹蛋嘅香，加上靚都爆嘅紫色香芋粉，呢個fusion認真睇得又食得。 朋友未試過台灣苦瓜汁又想清一清熱所以挑戰蜂蜜苦瓜汁，點知都係接受唔到苦瓜汁陣味，覺得太苦XD 我就fat fat主義，揀左木瓜牛乳，好靚好有層次之餘又滋潤好飲！ 見隔離檯嘅三杯鴨胸刈包同麻糬好似好吸引，下次嚟再試~ Menu-

睇完戲最啱嚟個early dinner，今次就去左走懷舊風嘅參不館打邊爐。六點準時去到估唔道都有另外一台客同我地一樣係early bird~ 餐廳走懷舊風，播著我地細細個爸爸媽媽會係屋企播嘅歌，都幾過癮！ 貪心嘅我地湯底揀左復古味沙嗲湯拼媽好辣啊 麻辣湯($128+$20)。連食得辣嘅我都覺得麻辣湯真係幾辣，所以我地一大半時間都食沙嗲湯過邊~ 咁啱啤酒買三送一，啤一啤佢解辣一流！ 例牌頂級安格斯牛頸脊嘅肉質好嫩，肥美度啱啱好，有牛味，配沙嗲湯真係無得頂~ 我地臨到最後仲特登order左出前一丁$38，整埋個高級版嘅沙嗲牛肉公仔麵，掛曬汁，唸起都回味~ 珊瑚蚌同手打丸都係當晚嘅出色之作。珊瑚蚌睇落細細碟，但鋪得都幾密，食落超級爽。我地order左雙拼Q彈鮮蝦丸/芝士牛丸，爽口彈牙而且芝士真係一咬就出嚟，邪惡得來但滿足感爆燈。 我地仲叫左打邊爐必食嘅炸響鈴，新鮮脆身。 蜂巢冰豆腐$42同雜菜拼盤$88 有油麥菜、生菜、粟米、番茄、蓮藕、萵筍，都唔錯。 連火鍋醬料、餐前小食埋單$5xx/位，唔算平但食物高質而且坐得舒服可以慢慢食兼食得開心，值得一試！ Menu-

鐘意四圍去玩戶外活動係因為做運動可以create quota食更多之餘，又可以去平日甚少去嘅區域探索美食，今次去完新娘潭附近玩繩降，就去大埔覓食，嚟到朋友推介嘅日式居酒屋，感覺非常cozy。 由於為食嘅我地係去小店途中已拜訪左區內另一名物粉果燒賣，原本唸住order少d 碳水化合物，點知最終都係太耐冇食壽司order左唔少haha。先嚟清酒煮硯，硯肉清甜冇沙，有淡淡清酒飄香，$58/客可謂份量超多超抵！ 再嚟一串生燒牛舌同雞腎，店主超豪邁咁送上一大塊檸檬。燒牛舌惹味爽口，雞腎有咬口，作小食非常唔錯！ Order左12件嘅壽司盛盒，有油甘魚、鯛魚、三文魚、墨魚、北寄貝、芥末八爪魚，另加多客油甘魚、柚子胡椒帶子、汁燒左口魚壽司。最愛油甘魚壽司，肥美甘香。汁燒左口魚壽司則油脂滿滿，同柚子清香嘅柚子胡椒帶子壽司成強烈對比。鯛魚、三文魚都相當ok~ 吃得好飽滿載而歸~

同班好姊妹去K11 Artus Staycation，玩到夜一夜仲一早爬起身去埋佢個無邊際泳池，原本以為會好攰，十點準時到達The Commune即刻被個迷人嘅海景靚到醒曬~ 柔和嘅陽光透過落地玻璃照入每一個牆邊位置，姊妹們當然唔會錯過呢咁靚嘅海景瘋狂影相啦~ 哈哈！ 我地大部分人都鍾情Tonic健康早餐，Coconut chai pudding with seasonal fruit & granola賣相簡約elegant。有健康膳食纖維同無麩質蛋白為名嘅奇亞籽，自家製麥片食落脆口，配上滑溜嘅奇亞籽布丁同生果有飽肚感又唔會太甜，perfect~ 醃製三文魚creme cheese & bagel真係超級fulfilling~ 醃製三文魚捲起一個個roll並用青瓜片分隔，粉紅同綠色相間，加上流心嘅poached egg，靚到唔捨得食。Bagel非常煙韌，加微鹹嘅醃製三文魚同creme cheese確實係味覺嘅享受。   仲有鮮果沙律夠曬健康~ 眼前有靚海景加慢慢嘆個靚早餐，勁chill咁完成我地嘅staycation~ Menu-

之前bookmarked左呢間大叔的愛拍攝場地嘅餐廳，終於搵到機會嚟朝聖~ 平日晚上人流唔算多，空間感十足，吧檯design尤其吸睛，可以好chill 咁enjoy dinner。 Order左US hanging tender加黑松露薯條，美國風門牛柳擺盤不俗，牛柳淡粉紅色，唯食落去會feel到因為overcooked而變得乾和硬，有些少失望。幼脆嘅薯條炸起熱焫焫，點黑松露醬好滋味。 Riso pasta paella style有驚喜，對比平時嘅西班牙海鮮炒飯，Chill & Grill用嘅米粒麵比較修長，更有咬勁，配青口、大蝦、魷魚並以檸檬點綴，非常出色。 朋友試左個奶昔都唔錯，坐得舒服又可以慢慢吹水，一試無妨~ Menu-

難得放下午約左朋友出銅鑼灣食lunch，想搵間靜靜地可以坐耐d傾下偈嘅餐廳，就嚟到呢間人氣打卡便當餐廳。 朋友叫左日式五花肉炒飯$118，我試左signature四品便當$118，可以揀兩款漬物/御菜+兩款肉/海鮮。比起漬物我更鍾情御菜，蟹肉凍豆腐嘅豆腐好滑好清新，蟹肉唔多但為豆腐增添鮮味，做前菜一流！三文魚籽炒滑蛋就略嫌蛋炒得耐左d。味噌五花腩比我預期中好味，五花腩有光澤之餘好爽好入味。反而+$18嘅厚燒牛舌芯令我有d失望，牛舌好似霉霉地冇咩彈性仲要d乾，好彩有七味粉加添返少少味。配嘅日本珍珠飯唔知係近電飯煲底定點，食到一半黏住硬繃繃一大塊。 飲品方面，我地order左Chamomile & Citrus 同Earl Grey 兩壺熱茶。 食物擺盤精美，味道就見仁見智，但如果平日相約朋友靜靜地慢慢傾，係一個唔錯嘅選擇。 Menu-

成日聽朋友讚逸東軒嘅點心，今次終於take action上網訂位！想食假日正午時段可能要預早兩個星期左右訂位，如果冇時間preference嘅其實都唔難訂，冇想像中咁難~ 兩個人order左六款點心加兩款甜品，點心款款都熱焫焫超高質，食到我地lam lam脷~ 當天嘅number 1 pick一定係香煎墨魚籽粢飯，粢飯已經難搵，高質嘅粢飯更難！佢個粢飯煎得超香，粢飯煙韌有咬勁，香脆面有d似煲仔飯嘅飯焦，勁crispy~ 墨魚籽除點綴粢飯令賣相更高級外，另散發出陣陣鹹香，如果唔係因為粢飯飽肚，我就encore左啦！ 第二位係香滑流沙酥，流心嘅吸引力真係不容忽視，香酥嘅酥皮一咬開裡面嘅蛋黃流心就蜂湧而出，真係好治癒！流心甜度恰好，完全唔膩，正！ 鐘意香口野嘅我超愛杏汁金球呢個甜品，係我心中第三位！杏仁味飄香，金球chewy有口感，好耐冇食剪堆仔嘅我一口氣食左兩件~ 平時我麻麻地蘿蔔糕，但逸東軒嘅蘿蔔絲卷蘿蔔一絲絲，冇咩粉味，而且加杏仁好香，堅好味。 帶子蒸燒賣、春風得意脆皮腸粉、燕窩瑤柱海皇灌湯餃同香芒糯米卷都好出色。點心味道出眾，service又好，不愧為米芝蓮一星食府，下次帶長輩去佢地一定鐘意！ Menu-

突然想食墨西哥菜，一於揀間有情調又坐得舒服嘅西班牙餐廳嚟個early dinner~ 一邊Happy Hour一邊傾下偈一邊嘆美食~ 飲啤酒又點少得nachos~ 除左傳統嘅墨西哥烤玉米片，Pablo嘅Traditional nachos 仲有黑色嘅black bean tortilla chips，加上番茄粒、醃洋蔥、墨西哥辣椒、牛油果醬、sour creme等，睇到都開心！ Tacos係必叫嘅墨西哥菜，我地叫左魚柳嘅Tacos Baja，香嫩嘅炸魚柳配上紫椰菜絲、牛油果醬、蛋黃醬同青檸汁，超級開胃~ 一人一件加nachos同埋啤酒已經好飽肚。 Chicken Fajitas超級fulfilling~ 鐵板燒雞胸好軟一d都唔硬，三色椒、洋蔥超甜，加埋燒汁好惹味。配上熱焫焫嘅墨西哥薄餅Tortilla，係満滿嘅幸福感~ 餐廳嘅環境超有格調，酒吧尤其靚，美食加good vibes簡直perfect~ Menu-