食過幾次 人唔多 所以都幾舒服 環境又夠大 可以打卡嘅位置都多 如果出面地盤搞點好 打卡會更靚 餐廳仲可以望到獅子山 陽光又充足 食物 飲品都很好 價錢都算合理 今次食蕃茄芝士牛角包加鮮奶咖啡 包內軟外脆 野飲正常 拉花幾靚🤭

想試好耐 地方唔係話好大 環境都舒服 野食都好好食 薯條個面個啲好夠味 不過底個啲就冇乜 龍蝦海鮮飯 好食 一開始以為得個面有 點知食落 啲飯入面都收埋左唔少👍🏼 三味雞翼 都正正常常

整體來講唔錯幾好 好多唔同食物 大人細路都適合 鱔 扇貝推介 海鮮 加大量蒜 就已經好食👍🏼 唯一要講唔好 應該係 通風 冷氣微弱 最好自備風扇 如果唔係對住個爐都幾熱 廁所對出地下 有啲地滑 請自己小心

其實係臨時決定去食 入到去 冷氣充足 水自己解決 除咗其他野飲 環境其實都幾靚 有打卡位 地方都乾淨 不過椅子就有少少包碎 今次叫左 鮮奶咖啡 都幾好飲 唔錯 蒜香蜆肉意粉 賣相 好靚 辣辣哋 好食 即叫即煮 蜆肉冇沙 蒜都足夠 值得一試👍🏼

骨付雞-推薦👍🏼有肉汁又滑 豆腐-就普普通通 都可以 焙茶同海苔烏冬-味道唔重 魚湯豆乳烏冬- 不錯 天婦羅炸雞-普通 檸檬比大少少 可能味道會好啲 天婦羅流心蛋-估唔到又幾好食喎 位唔多 不過好乾淨 冷氣足夠

朋友介紹黎 準時開14點🤭 平日時間黎唔多人 幾好 起到傾下計 靜靜地 聽下歌 傾吓密計 不錯不錯 . 今次同朋友食雞翼放題 有5隻味 每隻味6隻雞翼 蒜香 香草 蜜糖 辣味 鹽香 野飲叫左 一個花茶 一個青檸梳打

呢間係一直都好想黎試嘅餐廳
到最後竟然係黎食我自己同家姐嘅生日lunch
1230黎到已經好多人
不過正正因為多人
好多人拎完票就走左
我地56號票 大約等左一個鐘左右
比想像中快🤣
.
講番食物方面：
蟹肉炒蛋白多士配蕃茄湯通粉- 冇乜特別 都ok
蒜香蟹肉炒意粉- 好食 不過蟹肉同蒜多番少少 洋蔥落少啲啲 會更好 （忘記影相）
明太子忌廉大蝦燉飯- 聽到忌廉以為會食滯 旦係完全唔會 啲飯唔會太硬太淋 岩岩好 仲叫左兩碟🤭
青醬雞肉燉飯- 正常 都幾食
鹹蛋黃薯條- 好足料 鹹蛋黃味好重 鍾意食鹹蛋黃一定要試👍🏼
鹹蛋黃雞翼- 鹹蛋黃味好重
芝麻雞翼-正正常常
意大利芝士熔岩-酒味偏重 不過都好食
朱古力燒棉花糖雪糕窩夫-女女自己食哂🤣見佢食得咁開心就知 好食👍🏼
伯爵茶忌廉糖漬橙片梳乎厘班戟- 冇乜特別 就係伯爵茶忌廉溝梳乎厘. 好食嘅
.
環境方面：
坐位舒適 冷氣充足 地方乾淨
（掛住食 已經冇影相 佢地卡位貼牆坐個邊
其實好啱打卡 配埋佢地啲燈光 不錯👍🏼 ）
出面廁所比想像中乾淨得多 係冇廁紙😂
.
不過⋯⋯
出面等位就熱左啲
雖然都有部吹風機起到
不過有啲人唔太好心地就成個人企起部野前面
其他人吹得啲啲 搞到有啲焗焗地
可以再睇下會唔會起第二個位置裝把風扇
幫手吹下部機啲勁風吹去第二度

🤭我地臨時臨急 訂位 1長者1小童3大人 （仲有7折添） 地方都易搵 . 食物方面： 蝦（自己隔離夾，新鮮，啲蝦又彈牙 正） 海鮮除左蝦，仲有大元貝、帶子、蠔、蜆 有好多肉類 不過燒幾隻雞翼 燒左成個鐘先熟🤣 有丸 有台灣腸 廚師腸 仲有炒飯🤣🤣 佢地個雪糕好得意 獨立包裝 所以一拎出嚟就真係要開黎食 如果唔係會溶晒🤭 野飲唔算話好多選擇 不過都唔差 都係汽水 茶 呢啲 . 環境方面： 好闊落 一啲都唔迫 係個地下差左啲 好痴夾夾 . 服務： 非常好 👍🏼 個垃圾桶長期幫你倒走 唔會比你有滿嘅一刻 你唔識燒嗰啲 佢哋又會主動過嚟幫你燒 話比你知 點樣就係食得 裝蝦個冰桶有時唔記得咗添冰 佢哋又會幫你加添

今次細佬推介食呢間黃店 一黎到雖然要排隊 不過好快就已經入得 排到差唔多嘅時候 會喺收銀位度落咗order先 擰轉面有個飲嘢櫃自己拎嘢飲 （當然你落單個陣有落到先拎啦🤭） . 食物方面： 叉燒煎日本蛋飯：叉燒比想像中多 唔錯 吉牛丼（溫泉蛋）：粒溫泉蛋撈落啲飯同啲牛到好好食 粒粒鰻魚甜蛋炒飯：好好食 不過對男士來講可能會比較少 沙嗲牛柳日本一丁：牛柳不錯 炒滑蛋配香蒜牛油多士：香蒜牛油多士冇得彈 好好食好香 . 環境方面：又唔算話好迫，裝修裝飾方面好靚當打卡都唔錯🤭 . 個人好鍾意個「收嘢啦」👍🏼

終於將軍澳都開分店喇 唔駛成日去到老遠觀塘到食 今次4大1細去食 叫左好多野🤣. . 食物方面： 豬手魯肉便當-普普通通啦 XO醬辣拌麵- 估唔到又幾好食幾香有啲青瓜絲 紅燒牛肉麵-正正常常 半筋半腩 腩唔會好老 金沙芋泥丸-真心不錯 流沙鹹蛋黃 意想不到 黃金香酥雞-普普通通 黃金地瓜條-唔錯👍🏼小朋友鍾意食 麻辣涼拌牛筋-比想像中好食 滷香大腸-好入味 唔錯的 珍珠熔岩蛋糕-小朋友好鍾意 不過可能間間唔同啦 將軍澳比嘅珍珠偏少 珍珠茉香奶茶-茉香好濃味 胚芽奶茶-冇乜特別 正正常常 今次飲就冇乜奶味🤔. . 環境方面： 新裝修 所以整體都唔錯 地方都闊落 唔會話好迫 冷氣都好足夠